古今二 (The ONE)

營業中

休息中

前菜食咗柚子蝦沙律，超級夠份量，柚子加埋下加埋沙律菜加埋沙律醬食完之後已經飽咗三分之一。跟住叫咗個煙花，壽司飯上邊有粒粒吞拿魚魚生，細細舊容易食，賣相又精緻。因為唔想食太多生嘢，我哋叫咗一個少少茄子，同埋一個日式煎餃，兩個都好好味，用嚟送走真係一流。我哋自己帶咗一支saka去飲，開瓶費只係$50 ，啲杯仲要勁靚，服務好好，一路幫我哋雪凍支酒先拎出嚟。跟住嗰個「火山」仲誇張，滿足晒視覺同味覺嘅享受，上檯之後店員會幫你點火，但係可以放心嗰啲係低溫火嚟嘅唔會灼傷，同埋唔會整熱晒啲壽司飯，而座「山」就係好好味嘅帶子、牛油果、蟹柳、青瓜同埋壽司飯。

想試古今二嘅卷物好耐，依家尖沙咀The ONE有分店，位置方便，立即約好友試一試😛天氣酷熱，先嚟一客沙律refresh下。柚想蝦你沙律🥗份量十足，用料絕冇欺場：除常見沙律菜外，仲有海草，蟹子，甜蝦，牛油果🥑等，加上柚子汁，口感豐富，味道清新👍🏻海老天婦羅🍤 脆醬薄，蝦肉爽甜，值得一試伴以蘿蔔蓉，清新不油膩網燒牛舌😛牛舌愛好者不可錯過，份量有厚度，口感彈牙紅粉佳人💃🏻早有耳聞古今二嘅卷物創新，今日一試果然非常出色👍🏻 粉紅色嘅外表已經好吸睛，辣味吞拿魚+三文魚，配蟹柳，牛油果，惹味得嚟又有層次，令人回味😍火山🌋玩火嘅壽司真係第一次見，店員用火槍點著壽司餐碟，打卡效果滿分👏🏻盤上係巨型壽司，表面係滿滿嘅蟹柳同蟹子，入面就有青瓜+帶子+牛油果，滿足感滿分💯服務員態度友善，加水/反應快👍🏻期待下次再訪，試更多創意卷物/壽司🍣

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾出名食日式創意卷物既古今二，近排係尖沙咀開左分店，知道古今二係觀塘都係人氣之選，可惜一直未有機會嘗試，所以今日黎到尖沙咀試試佢。🌟雜錦刺身沙律($108)個Salad好大兜，入面有好多油甘魚刺身、墨魚、三文魚籽同蟹籽，佢蔬菜部份係用沙律菜同蕃茄，再加上自家條嘅辣沙律醬，好開胃！🌟櫻花蝦原條茄子燒($88)茄子搽上秘制醬汁，再鋪滿櫻花蝦，茄子食落充滿濃郁既櫻花蝦味之外，仲會有啲黑椒辣辣地十分惹味。🌟蜘蛛($103)蜘蛛個餡料有炸軟殼蟹，青瓜，牛油果，蟹柳，口感好豐富，香口得黎又清新。🌟火山($128)個店員一送到來就即場幫個火山點火，個火圍住個壽司燒，營造一種火山爆發既感覺，好適合用嚟打卡。個壽司有海量既蟹柳、帶子、青瓜同牛油果，食完好滿足。🌟安格斯葱牛卷$92本來以為平平無奇，點知食落口又好香口，個牛味都重，加上炸蒜片真係好好食。總括黎講，鍾意食日式卷物嘅朋友一定要黎試吓，因為真係有四十款之多，每次嚟食幾款都要試幾次先食得晒。📍 古今二 𝐊𝐨𝐤𝐨𝐧𝟐尖沙咀彌敦道100號𝘛𝘩𝘦 𝘖𝘕𝘌5樓502號舖

好耐之前曾經識過佢哋觀塘嘅分店 當時對佢哋嘅印象已經非常不錯😄 估唔到隔咗一段時間佢已經喺唔同嘅地方開咗佢哋嘅分店 今次就嚟到尖沙咀新鋪 柚想蝦你🦐🥗 ($98)估唔到沙律都幾大份 望落都有好多材料 有甜蝦🦐 柚子粒 牛油果 🥑蟹籽 每一款材料都非常新鮮 食落爽口清甜 加咗甜甜嘅柚子粒好開胃👍🏻彩虹卷🌈🍙 ($116)話明係彩虹卷當然係五顏六色 每件壽司上面都有兩款刺身包住 刺身同樣新鮮 餡料則係牛油果🥑同蟹柳🦀蜘蛛🕷 ($96)就咁聽個名就已經覺得好有趣😂 其實佢係軟殼蟹🦀反卷 新鮮炸起嘅軟殼蟹加埋牛油果同蟹柳 呢個配搭感覺上相對冇咁膩😊清酒煮蜆🍶🍲 ($128) 每粒蜆肉都大大粒 識落完全冇沙 份量亦都算多 配襯住啖啖酒香味嘅湯底 最啱落雨天嘅時候食😋

之前喺荃灣食過《古今二》系尖沙咀都開咗分店方便好多☺️所以即刻捉朋友過嚟陪我食😋-日式章魚小丸子（6粒） $48首先就食咗個小丸子先🥰我真係好鍾意佢嗰醬！張酸酸甜甜好開胃🤤-龍捲風沙律 $88佢啲蟹柳真係一啲都唔孤寒㗎！食到最後都仲有蟹柳🥰個沙律醬又好好味呢款係朋友嘅最愛-辣妹 $108上面係啲吞拿魚蓉，入邊有啲吉列蝦配合得好好，推介🔥-火山 $128火山真係又睇得又食得🌋除咗上面有滿滿嘅蟹柳之外，入面都包左啲蟹柳，仲有牛油果🥑，又係配合得好好-帆立貝 $42-鰻魚 $85-鹿兒島黑豚荔枝卷串燒 $32呢款又係好特別，第一次食燒咗嘅荔枝又係朋友嘅至愛-唔好以為會食唔飽啊，其實好飽㗎平時嘅我真係唔鍾意食飯，但係《古今二》真係要試吓，連平時唔鍾意食飯既我，唔經唔覺都食咗超級多

今日喺樓上睇完戲去左呢度食lunch set2個人嗌左鰻魚飯同埋雜錦魚生飯1. 鰻魚飯還好，個蛋煮得香滑，鰻魚亦幾爽口，但汁打芡打得過多，好假嘅感覺，飯亦偏乾，份量比較細但呢個價錢嚟講還好2. 魚生飯等左起碼半個鐘都未到，催左之後話2分鐘都要再等一陣仔😕嚟到見佢賣相幾ok咁海膽都唔算少，但感覺好唔新鮮，不過我都明白夏天唔係海膽季所以算，食一片北寄貝，真係哇左出聲，第一次食完全冇味嘅北寄貝，水都仲多味過佢，之後蛋又老曬，總之除左蝦同帶子全部都好一般，用呢個價錢我食過好食好多

我同媽媽都幾鍾意食呢間日本料理，主打創意卷物，菜式多選擇，環境舒適，呢間尖沙咀店好似係新新地嘅，今次第一次嚟，感覺都唔錯，食物質素有保證!! 🔘柚想蝦你每次嚟到必點嘅沙律，份量超級大，沙律菜之外仲有牛油果、蘋果、蝦、蟹子、中華沙律等等，清新又開胃!! 🔘火山賣相精美，模仿火山嘅造型，再加上火燒效果，想打卡嘅朋友一定要order，唔止影相靚食落都好味架，感覺好多配料!! 🔘煙花卷物裡面有辣味三文魚，面頭又有好多吞拿魚蓉，魚嘅油脂豐富，再加上蟹子同脆脆片，口感豐富!! 🔘櫻花蝦茄子燒呢個茄子幾濃味，加上大量櫻花蝦更加惹味，茄子燒到完全熟透，好容易夾到啲肉出嚟食!! 🔘昭和豆腐煎豆腐煎香再淋上醬汁，令人驚喜嘅係豆腐裏面軟綿綿好滑!!

係觀塘間分店食過好幾次，尖沙咀呢間環境更舒適，水準仲keep得好好，而且侍應嘅服務態度都十分好，周不時主動加茶 前菜叫咗個龍卷風沙律🥗，有生菜🥬、中華沙律、蟹柳、脆片，撈埋一齊食，口感好豐富，好食 串燒揀咗一串黑豚豬頸肉，呢個燒得好好味😋外層燒到金黃色且帶有點兒焦香 櫻花蝦茄子燒🈶️櫻花蝦嘅加持，食落好惹味，味道又唔會太鹹卷物揀咗辣妹，但食落唔會好辣，有辣味吞拿魚、炸蝦➕️芝士，口感一流，好好味👍🏻 另一個卷物叫咗火山，呢個火山真係有火🔥侍應會在碟邊點上火，卷物以蟹柳為主，仲有帶子、青瓜➕️牛油果 加埋豚肉泡菜鍋就真係超滿足，味道好夠辣，唔食得辣嘅朋友可以試另一個壽喜鍋，不過呢個泡菜鍋辣得好過癮，豚肉唔會韌，豆腐超滑，仲有好多粉絲

火山🌋$128玩噴火嘅壽司都係第一次見，店員用火槍點著壽司旁邊，燒咗一分鐘左右，塊板仲熱辣辣，打卡唔錯。其實就係巨型版嘅壽司，上面鋪滿蟹柳同蟹子，仲有沙律醬，入面就有青瓜同蟹柳，鐘意食蟹柳吧嘅一定好滿足！龍捲風沙律$76🍣中華沙律加上青瓜、沙律菜同蟹柳，少少沙律醬加埋蟹子堆砌成而成嘅一座山，睇落幾吸引。雜錦天婦羅$88天婦羅有3隻蝦、兩條秋葵同三粒甜番薯，唔油膩，炸漿夠薄。彩虹卷$116賣相夠吸睛，用吞拿魚同三文魚夾埋牛油果包住飯卷，裡面包住蟹柳，味道OK。秘製蒜香牛油燒帆立貝$38一串有兩粒帆立貝，燒得唔錯，淡淡牛油香，燒得夠幹身，好味。

尖沙咀抵食日本菜😎古今二，之前觀塘食過，原來尖沙咀the one 都有分店！被安排左坐偏廳，細細間夠曬私隱度！龍卷風沙律🥗超大兜沙律對面勁多蟹柳絲！好抵食！沙律菜新鮮爽甜！份量夠晒多，唔驚無💩痾！蜘蛛有超大隻軟殼蟹天婦羅🍤重點係仲要有糕嘅！媽呀！好鮮甜！仲有大大嚿牛油果同埋蟹柳！辣妹（6件）超多吞拿魚蓉，手卷入邊有炸蝦天婦羅🍤，脆卜卜！昭和豆腐煎豆腐外脆內軟，入口即溶！日本豆腐特別有豆腐味同軟滑！加埋燒汁，好食又健康！雜錦天婦羅🍤有炸蝦🍤炸秋葵同埋炸番薯🍠日本🇯🇵番薯好甜丫！秘製蒜香牛油燒帆立貝（1串）🐚超香濃牛油味！燒到入曬味！性價比極高日本菜！份量夠晒大！男朋友絕對可以食飽飽！😌

以前都食過觀塘既古今二同尖沙咀既古今，今次見佢係The One新開左就試下😎😎（10分為滿分：🌕）味道：🌕🌕🌕🌕🌕🌕🌕🌗🌑🌑日式咖哩蛋包飯-吉列牛餅($82)Menu上面張蛋包飯既相影到好靚就吸引左我地叫，但點知上到枱個蛋係穿窿，好失望呢😧👎🏻👎🏻轉極唔同角度影都係穿窿，同埋成塊蛋都好薄😂咖哩同飯就不過不失喇，不過牛餅就幾好食，牛味幾重，外脆內軟，算係為呢個餐拎番少少分數🤣🤣🤣卷物盛(火山/鰻魚牛油果卷/加洲卷/費城卷)($98)黎到古今二點都要食啲壽司🍣見到呢個餐有齊咖好款式就好吸引，因為唔使諗散叫點嗌😂😂😂😂 每款壽司都細細粒，唔會食到好飽，同埋都好多粒可以同人share☺️☺️ 最好係可以試埋推介款式「火山」，有蟹籽，蟹肉，帶子等等，口感同味道都一流😋😋芝士年糕(+$18)呢個完全係估計唔到咁好食，諗住見佢追加平平地就試下🤣熱辣辣上枱，炸到脆卜卜，一咬開啲年糕煙煙韌韌，但唔會係得個粉既味😎記得要趁熱食，凍左有機會冇咁好食🤣豬骨拉麵(+$20)朋友鍾意食麵就追加左個麵試下，不過就正正常常喇，如果冇咩特別唔叫都得🤪啲湯或顏色好深色，朋友話都係味精味為主😂😂😂🫣🤪價錢：🌕🌕🌕🌕🌕🌕🌕🌕🌑🌑

朋友同我去THE ONE行街，突然想食日本菜，之後我地就去左5樓度食一間叫古今二既餐廳，我地叫左天婦羅軟殼蟹小食,即叫即炸,原隻軟殼蟹,啖啖蟹肉，肉質夠晒軟淋，之後叫左個柚子沙律入面有中華沙律，蘋果，牛油果，蝦，生菜，柚子肉等等，柚子肉既酸甜令到個沙律好有醒胃既效果，蜘蛛卷入面有炸軟殼蟹,牛油果,青瓜同蟹柳，牛油果味道好濃，金龍卷小篇都幾鐘意有炸蝦同芝士三文魚組成既卷物,炸蝦既香脆同埋三文魚既組合真好夾，而且份量都算多，另外仲叫左個櫻花蝦茄子燒物,原條茄子燒到好入味。

平時行過尖沙咀The ONE都會經過呢間餐廳🐷今日終於有機會入嚟試下🙈//🥗柚想蝦你 $98上菜第一眼係覺得份量超多🤤成個沙律有好多唔同配料，除咗有甜蝦、柚子肉同蕃茄仔之外仲有牛油果同梨肉🍐配埋柚子汁食落好fresh好新鮮，食完超開胃😍🐉金龍卷 $98呢款創意卷物係飯卷住炸蝦同芝士，再鋪咗三文魚係上面😻配埋蛋黃醬同豉油味道一定有保證，食落口感都好特別，推~~🥰🕷蜘蛛 $96呢款卷物嘅餡料有炸軟殼蟹、青瓜、牛油果同蟹柳🤭味道同金龍卷一樣冇得輸之外仲好啱打卡😍🍆櫻花蝦茄子燒 $68今日驚喜之一😍第一次食燒茄子有日本嘅味道😂對於我呢啲鍾意食燒茄子同櫻花蝦嘅人簡直係完美嘅配搭🥰大推!!!🍤海老天婦羅 $88呢度天婦羅嘅水準都好好，外皮會太厚之餘蝦肉仲好彈牙好爽口，yum yum~🤤

呢間野睇落幾面善，好似之前工廈有一間類似嘅東西而係食過。上次食過經驗都OK，唔知係唔係同一間連鎖，又走左入去試一試。 呢間有好多食物都唔係傳統日式居酒屋嘅食物，日本菜有少少fusion嘅感覺。d食物適合飲酒傾計食，亦有少少港式味道。 叫左幾款野食，個清酒煮蜆都幾重本，都重清酒味，應該落足料！另外叫左兩款壽司，都有少少西日fusion，壽司，再加上日式醬汁同埋芝士，西式之餘又日式咁樣。埋單500蚊兩位，尖沙咀呢個價錢算OK啦。我記得觀塘嗰間平少少，但以尖沙咀性價比黎計，又算幾好。

之前係CWB都食過古今, 知道尖沙咀開左分店實在太開心! 因為呢到既卷物真係好好食!!首先叫左個龍卷風沙律, 上面有大量蟹柳同蟹子, 下面配埋生菜, 蟹柳好多所以好好食, 而呢個醬汁係帶少少辣既, 所以更加開胃!卷物方面叫左兩款, 1款係金龍卷, 同埋蜘蛛~金龍卷上面有三文魚, 入面有炸蝦同CREAM CHEESE, 因為我好鐘意食芝士, 所以呢個卷配合得好好, 炸蝦都仲脆口既, 配埋幼滑芝士超正!另一款蜘蛛其實係炸軟殼蟹卷, 又係炸得超脆, 配埋少少醬汁好好食!!另外仲叫左2款小食, 燒茄子好香櫻花蝦味, 而炸餃子好脆好香口!!