古今二 (The ONE)

營業中

休息中

超打卡able ga日本菜🎌🔥🔥🔥今日同朋友去左the one 搵野食，發現左呢間日本餐廳，價錢都好親民，每款野食都大約百幾蚊，環境坐位又幾舒服，所以就試下👍🏻見呢間都出名d卷物，所以我地都嗌左份火山，睇個名可能完全吾get 點解呢款卷物叫呢個名，當待應一端上枱果下，我同朋友都"哇～"左聲😂估吾到系會點埋火，咁有氣勢🔥🔥🔥顧名思義叫火山🌋不過燃燒完d酒精佢就會自己熄🔥ga，吾洗擔心夾果陣會辣親手🤚🏻另外，嗌左份日式麻醬豆腐沙律，估吾到咁大份！十分之健康啊🥗仲嗌左份豬頸肉串燒，好Juice~完全鎖住d肉汁😋清酒煮蜆d蜆肉都好甜美，可能加左d洋蔥，個湯底會帶有d甜味🍲

尖沙咀The One既「古今二」✨，餐廳以日本料理為主，壽司🍣、刺身、飯卷等等不同款式既日本菜式，尤其以不同創作飯卷最為出色，整體非常不錯👍🏻。蟹柳沙律🥗$78首先前菜蟹柳沙律，份量十足，沙律菜新鮮又好味😋，而蟹柳條夠多，真正大滿足，沙律帶一點微辣🌶，開胃又好味。金龍卷$105特色卷物金龍卷，炸蝦🍤夠曬脆，而三文魚作面層，加埋芝士，口感豐富，十分好味。三文魚牛油果🥑卷$65新鮮肥美既三文魚加埋牛油果，健康又好味。吉列炸蠔$78🦪一份四隻吉列炸蠔，外脆肉軟，一d都唔油膩，值得推介。👍🏻鹿兒島豚肉露荀$45清新甜美既露荀用豚肉包住燒，外表微脆，充滿肉汁，露荀清新爽甜。

🍽️今日主題 特色卷物 刺身沙律 串燒1️⃣超級龍捲風🌪️$98🔹卷物賣相好好，見到原隻海老蝦，裡面仲有鰻魚同芝士加上面頭既脆脆片增加口感之餘令到更加豐富。2️⃣雜錦刺身沙律🥗$108🔸上檯之後同朋友互望左眼👀，真係好大兜沙律舖滿蟹籽、三文魚同吞拿魚🍣都勁多，超級捨得用料！小番茄沙律菜都非常新鮮，搭配自家既沙律醬汁超級清新又開胃。3️⃣櫻花蝦原條茄子少🍆$88🔹舖滿左既櫻花蝦，加上熱辣辣既軟綿茄子肉，香口之餘又有甜甜既醬汁好惹味。不會覺得油膩，相當不錯。4️⃣黑豚豬頸肉串燒$32🔸豬頸肉係一如既往既爽口，咬落去勁juicy。5️⃣鹿兒島黑豚荔枝卷串燒$32 🔹人氣🆙黑豚肉包住荔枝卷口感好柔軟加上燒到香口既黑豚肉係剛柔既碰撞。大家快啲去試吓啦🙋🏻‍♀️

今日同朋友shopping行開the one見到有間日本野好似唔錯咁就入左去食野叫左5個餸.埋單$394雜棉刺身份量好足兩個人食都好夠飽櫻花蝦茄子就有小小辣.非常惹味豚肉串燒有小小啫喱既甜味非常特別龍捲風吉列蝦好新鮮完全唔油膩

古今二（尖沙咀）同朋友行開尖沙咀食😋😋火山$128🍣🍣帶子、蟹柳、蟹籽、牛油果火焰火山，一上碟就會點着火，好似火山爆發一樣，噱頭十足👍👍打卡一流，壽司好足料☺️☺️大阪自家製炸雞（6件）$78🍗🍗炸雞香脆，肉質鮮嫩👍👍味道岩岩好❤️❤️日式麻醬豆腐沙律🥗$88豆腐、蔬菜、車厘茄、蔬菜🥬沙律好健康，再加埋豐富蛋白質嘅豆腐，好好食，食多啲蔬菜，感覺都好健康❤️❤️網燒牛舌$78🥩🥩大大塊🥰🥰牛肉味濃，好吸引， 10分推介☺️☺️餐廳環境：都有幾多卡位，好啱同朋友一路食飯傾偈聚會😉😉整體評分：4/5環境：4/5味道：4/5抵食：4/5地址：尖沙咀彌敦道100號The ONE5樓502號舖

上次👦🏻👧🏻去咗荃灣既古今二，今次嚟到尖沙咀The one諗唔到食咩好，就嚟咗尖沙咀分店，試吓其他唔同款嘅食物～😋 日式麻醬豆腐沙律 $88份量好多！淋咗麻醬既切片豆腐鋪係沙律上面，麻醬加咗三文魚籽、蟹籽同黑白芝麻，令豆腐同沙律菜味道更豐富，胡麻醬好香！豆腐下層仲有甜甜地既車厘子同爽口既中華沙律，係一個材料好豐富既沙律🥗火山 $128超級適合打卡嘅卷物！上枱後，職員會用火槍點著圍住卷物既鹽，變咗做真正嘅火山🌋 卷物包住帶子、青瓜同牛油果，上面鋪咗大量蟹柳，加咗醬汁同蟹籽，令卷味好惹味😋仙台牛舌煎 $125牛舌切成粒粒狀，一碟份量算多。牛舌煎到好香，肉質軟淋，黑椒燒汁包住牛舌粒，加埋蒜片一齊食，好好食👍🏻鹿兒島黑豚荔枝卷串燒串燒燒到好香口，黑豚肉燒到油脂出晒嚟，包住一粒荔枝肉，中和咗油膩感🥰📍 古今二 (尖沙咀)尖沙咀彌敦道100號The ONE5樓502號舖

Bookmark左呢間日式餐廳好耐，今次終於得閒去食🥰晏奏兩點半去到都仲係差唔多滿座，睇黎應該食物質素好唔錯！龍卷風沙律 （$88） 💛💛💛💛🖤呢款沙律有蔬菜、海藻、蟹柳同脆片，啲菜好新鮮，撈埋蟹籽同少少辣既沙律醬，口感超豐富😍.鹿兒島黑豚荔枝卷串燒(1串）（$32）💛💛💛💛🖤呢串串燒用左油脂平均既豚肉卷成，中間夾住荔枝醬，酸甜味中和左油膩既感覺，好新奇既味道！.蒜香牛油燒帆立貝（1串）（$42）💛💛💛🖤🖤燒得啱啱好既帆立貝，啖啖肉都有濃郁牛油香味，仲要唔腥😋.蜘蛛 （$103） 💛💛💛🖤🖤呢款卷物係用炸軟殼蟹、青瓜、牛油果、蟹柳卷成，軟殼蟹冇多餘炸粉，蟹肉唔腥，配埋青瓜同牛油果就去左陣油膩感。.相撲力士 （$115） 💛💛💛💛🖤卷物裡面有芝士同蟹柳，喺頂層鋪上1-2款刺身魚，刺身新鮮彈牙，成舊食落層次感豐富🥰.✨基本上全部都食物同價錢成正比，下次要試其他嘢😆✨店員服務態度好整體推薦指數：💛💛💛💛🖤

古今二-尖沙咀The One高層啲食肆林立見呢間日本菜門口靚靚仲要menu都多款啲款式創新少見個日下午入座可以坐到卡位望到窗外環境坐得舒服餐具🍴都好精緻見佢其他地方都有分店經過會想再食以個質素仲要係尖沙咀晚市可能要排長龍😆🤍雜錦刺身沙律🥗很推！刺身新鮮食到刺身粒粒款式多款食到有油甘魚、劍魚腩、三文魚、八爪魚、油甘魚、吞拿魚、三文魚子、蟹子撈埋沙律菜、車厘茄同埋秘製沙律醬沙律同魚生愛好者必點😍🤍日式串燒鹽燒雞中翼個皮香脆擠啲檸檬汁再好味啲🍋蒜香牛油燒帆立貝牛油🧈味好香濃粒帆立貝都大粒好滿足🤍辣味三文魚卷係小卷黎既三文魚食得出新鮮辣味唔多覺怕辣嘅朋友都食得可以一齊share🤍富士山個名好得意蟹柳、鰻魚、牛油果🥑同脆片創意小卷估唔到既夾

我同朋友都想食日本嘢，但又想特別啲，就揀咗創意卷物出名既古今二，原來尖沙咀都有分店，而且位置好方便。雜錦刺身沙律一上枱已經見到超大碗，沙律菜同埋刺身份量都好多，刺身有油甘魚、吞拿魚、蟹籽、三文魚籽等等，加埋特製沙律醬汁，食完好滿足。超級龍捲風壽司卷入面有鰻魚、炸海老、芝士粒、青瓜、脆片，超大件，份量多，食落去好有層次感。櫻花蝦原條茄子燒一上枱已經香氣四溢，櫻花蝦經過烘烤之後香氣加倍濃郁，第一次試呢個食物組合，配搭特別之外味道亦好夾。黑豚豬頸肉串燒一咬落去食到黑豚油脂香，肉質係口慢慢溶化，非常高質。鹿兒島黑豚荔枝卷串燒包住既荔枝令串燒口感清新，完全中和黑豚油脂感，食完一個好想再食另一個。

星期五收工想食日式嘢就同同事黎😆古今好多分店 我都食過好多次🫣次次黎都好多人～今次等一陣就入得去😆.🍡龍卷風沙津 $88沙律係店裏面必點既item同外面個啲好唔同～超級大碗！用料好多～而且都好新鮮 加蟹柳絲好夾🫶🏻配埋沙津醬 食落個感覺酸酸甜甜 好食😆🍡超級龍卷風 $98份量一啲都唔少 大大件 一共有八件✨熱辣辣天婦羅🍤炸粉唔會好厚粉～再配埋脆脆片 十分香脆可口✨🍡櫻花蝦原條茄子燒 $88第一次食櫻花蝦既燒茄子 好特別🤤 表面滿滿既櫻花蝦 好足料✨🫶🏻食落咸咸地 蝦味香濃 櫻花蝦又有口感 唔錯～🍡黑豚豬頸肉串燒 $32燒得岩岩好 肉質嫩滑 值得一試👍🏻.🍡鹿兒島黑豚荔枝卷串燒 $32黑豚肉包住甜甜地荔枝 味道意外地夾好新鮮 令到個口覺唔會太油膩😆

最具創意特色既 #日本菜 日本控當然唔會食厭壽司🍣刺身喇，但有些時候也想搞搞新意思必叫既火山🌋 ：呢個仲可以吸引到你打下卡 有牛油果🥑蟹柳係飯入面 ,即場火火要攞起手機❤️❤️影相📸️影片而沙律🥗勁巨大 豆腐同三文魚籽份量都唔輸蝕，我呢個豆腐控當然會食晒啲豆腐🤣章魚小丸子要讚既係新鮮熱辣整出黎，料靚又足料，味道好正，真心同日本食有得比🫶🏻鯖魚煎到皮脆卜卜好有口感，一樣外酥內軟，擠上檸檬汁，帶點清爽不油膩❤️

今日特別好想食卷物 但又唔想去一般嘅壽司舖 搵到呢間幾特別 竟然有自創fusion menu🍣❣️金龍卷 $105一份8件 卷物中間包住炸蝦同忌廉芝士 面頭放咗三文魚同honey mustard 再淋左啲燒汁甜甜鹹鹹咁再加芥末嘅嗆鼻感 好過癮❣️三文魚牛油果卷 $65保守之選不過都想試下啲水準呢卷係以三文魚為主 旁邊仲放咗牛油果同芝士 牛油果同芝士口感好似一樣幼滑軟身 加埋三文魚嘅油脂 食落好實在❣️龍卷風沙律 $88超級澎湃勁大份 中華沙律混合生菜沙律菜 topping放左一大堆蟹籽蟹柳絲同chips 淋滿芝麻醬撈完之後食落竟然會辣辣哋 新鮮蔬菜配撘刺激惹火 豐富有層次 值得試下❣️鹿兒島豚肉荔枝(1串) $45見到又肉又生果即刻想試 荔枝肉入邊包住鹿兒島豚肉 再喺荔枝面頭輕輕火炙🔥溫度將荔枝肉汁鎖實 外層彷彿好似保護膜咁 一咬水果肉汁噴滿肉粒 嫩滑豚肉吸收荔枝果汁 食落好fresh❣️日式炸餃子(5件) $56外皮炸得好酥脆 入面豬肉餡都幾大舊 肉汁滿滿接都接唔住 根本唔使點餃子醋都食得

喺尖沙咀行街見到The One呢間專食創意日式卷物嘅古今二，記得好耐之前食過佢嘅佐敦舊舖，就入去睇吓佢哋宜家水準如何😚 🌃 環境 (4/5)古今二由以前嘅佐敦細鋪慢慢愈開愈多分店，今次去嘅尖沙咀點喺The One 5樓，位置方便👍🏻 半開放式嘅設計感覺開揚，餐廳都有幾多靠窗嘅卡位，坐得幾舒服😚😋 食物 (4.5/5)🥗 龍卷風沙律 $88🍣 東京爆脆 $98🌪 超級龍捲風 $98🐽 黑豚豬頸肉串燒 $32🐣 椒鹽雞腎 $32首先嗌咗個龍卷風沙律咗前菜🥗 沙律份量慷慨，沙律用羅馬生菜做底，新鮮爽脆🥬 上面有成坐山咁高嘅蟹柳絲同中華沙律做配料，再加上蟹籽同薄脆片做點綴，層次口感豐富👍🏻 呢個沙律最特別嘅係佢個醬汁！佢嘅沙律醬帶少少辣味，好開胃惹味🔥古今二最出名就係佢地嘅特色卷物，今次就試咗東京爆脆同超級龍捲風🌪️ 餐廳將卷物玩到出神入化，兩款無論賣相定味道都好有心思❤️ 東京爆脆咬落真係好脆口🤣 原來師傅將裡面嘅材料炸過先卷起，配埋醬汁食落香口又唔會過硬，好特別🤩超級龍捲風有鰻魚，海老，芝士同青瓜，超豐富🌪️海老彈牙，同鰻魚嘅味道幾夾，呢個卷仲有芝士，滿足感十足😆 唔好睇少呢碟卷，食完一定夠飽😛

💙古今二(尖沙咀)💙位於尖沙咀熱鬧街頭同地標之一嘅The One環境舒適 時尚日系居酒屋風格🏮位置都算多 環境闊絡坐得舒服有近窗卡位可以睇景同三五知己傾偈聚餐嘅好地方🌈龍卷風沙律超級大碗！而且好足料!!!一碗夠晒3-4人分享有齊蛋絲/蟹柳絲/生菜/蟹籽/沙律醬/醬料本身上枱咁多顏色已經好吸睛👀夠晒繽紛色彩 而且擺盤擺得靚 仲聞到陣陣醬料甜味 增加唔少食慾🌈火山🌋火山卷物真係有火㗎🔥🔥🔥以非常特別嘅造型上枱盤邊有鹽 上枱後店員先會即時點著非常貼合火山🌋呢個名 卷物包括有帶子絲/青瓜/牛油果🥑/蟹柳絲非常好食😋當中帶子同蟹柳好多汁配合清新嘅青瓜同牛油果好夾 解膩又有咬口🌈仙台牛舌煎餐廳推薦名物 一碟以牛舌嚟講性價比高一碟有差唔多20-30粒😉平時出面串燒2串都$40-$50上枱香噴噴板燒牛肉咁嘅味上面仲鋪有啲脆蒜片仲有埋叫做赤唐辛子嘅紅辣椒細絲唔辣之餘仲略有甜味 伴碟好選擇😎🌈芝士年糕(2件)一小碟兩大件 熱辣辣嘅金黃色脆皮入面煙韌柔軟 陣陣芝士香味仲有埋拉絲效果 但唔會覺得油膩太滯整體推薦大家去試吓✅✅✅用餐時間90分鐘 好夠時間食餐廳效率好高 叫咗冇5分鐘已經上碟另外店員服務態度親切有

朋友提議食呢間日本菜，佢位於The ONE 5樓，一上到去先發現嗰層只係得三間食肆，所以好易搵到！星期一晚，店內食客唔多，環境雅致，燈光幽暗，浪漫氣氛甚濃，好適合情侶二人嚟撐枱腳。侍應服務態度良好，美中不足嘅地方係自覺性不足，無主動為客人添茶，要食客屢次主動開聲要求先會埋嚟加。食物方面，嗌左天婦羅、芝士年糕、牛肉壽喜燒火鍋同埋海膽飯。其中牛肉壽喜燒火鍋最令人驚喜：首先賣相已經好有吸引力，艷紅色嘅牛肉鋪喺鍋物面頭，揭開發現有唔同配菜(冬菇、金針菇、娃娃菜同粉絲)，每次夾起食物擺入口之前蘸上壽喜燒嘅靈魂：蛋汁，真係要高呼一句 Oi-Shi ！另外幾款菜(天婦羅、芝士年糕、海膽飯)味道不過不失。價錢方面略貴，雖然整體味道唔錯，但性價比嚟講都係有啲低。下次有其他日式餐廳可供選擇嘅時候，應該唔會考慮佢。