古今二 (The ONE)

營業中

休息中

同朋友食嘢傾計~最緊要揀啲坐得舒服嘅餐廳🥰The One嘅 古今二分店（另外喺觀塘、銅鑼灣、荃灣都有分店）之前去都分享過呢度嘅食物選擇好多元化連卷物都有好幾款😋~食過煙花、蜘蛛，今次我就試另一款喇，一齊嚟睇吓我哋食啲咩先：🌸野菜天婦羅🌸黑豚豬頸肉串燒🌸鹽燒雞中翼🌸龍卷風沙律🌸火山🔺天婦羅嚟講，我比較鍾意食炸冬菇，覺得佢唔會炸到乾晒，保留到入面嘅汁，而個天婦羅汁若果濃味少少會較佳🔺兩款串燒嚟講，豬頸肉相對較出色，口感好爽口彈牙，調味亦合宜，少少辣幾惹味，鹽燒雞翼面頭幾脆口，調味可以輕手少少就更好🔺龍卷風沙律我之前都食過一次，真心幾好食同埋抵食，佢有多重口感😆蟹籽嘅爽脆sharp sharp聲，當中仲有蟹柳絲同埋中華沙律，每一片嘅沙律菜都唔會淨係得沙律醬味咁單一🔺火山🌋呢款卷物就大陣仗喇🤣出場嘅時候會點火，好壯觀🔥燒咗一輪會發現卷物表面有少少火炙嘅感覺，而且食落會暖暖哋，材料有帶子、蟹柳絲、牛油果同埋青瓜，係相對較清甜口味.🍱古今二📍尖沙咀彌敦道100號The ONE5樓502號舖

放假去咗尖沙咀行街，行到攰攰地係商場見到一間食日式串燒同特色卷物嘅餐廳幾吸引，就膽粗粗入咗去試下。餐廳唔係好大，但環境都OK，當日被安排坐係卡位，坐得都幾舒服。✨雜錦刺身沙律沙律大大碗，用料非常豐富，有角切吞拿魚、角切三文魚、角切劍魚、三文魚籽、蟹籽、車厘茄和生菜等配料，配上微辣嘅醬汁食落都幾開胃。✨超級龍捲風有鰻魚、海老、芝士、青瓜和脆片等配料做嘅卷物，每件都好大舊，海老炸得夠脆，用料豐富，每食一啖都充滿層次感。芝士嘅鹹味加埋甜甜地嘅醬汁食落好惹味。✨櫻花蝦原條茄子燒大量嘅櫻花蝦鋪滿在茄子上，上菜時都聞到櫻花蝦味道香氣四溢，茄子冇燒到好乾，仲可以保留到香甜嘅水份，加埋香濃鹹香嘅味道食落非常惹味。✨黑豚豬頸肉串燒黑豚豬頸肉食落爽口又多汁，燒得啱啱好完全唔乾。✨鹿兒島黑豚荔枝卷串燒外層嘅鹿兒島黑豚肉肉味香濃又Juicy，包係入面嘅荔枝仍保留到荔枝嘅水份，香甜爆多汁，配黑豚肉食好夾完全唔覺得膩👍串燒、卷物、沙律、茄子樣樣都好好味，絕對值得我再二訪。

每次行商場經過都見到個餐牌好吸引呢間嘅卷物出名做得好特色 今次終於扚起心肝試一試一行四人去到 大約等咗20分鐘位 職員都好好，講明話用餐時間90分鐘 如果冇人等位嘅就坐幾耐都可以我哋入到去叫咗一個牛肉鍋其實個味道就不相伯仲 同出邊食到嘅差不多終於去到最期待嘅卷物我哋叫咗幾個相對特色嘅嘢：火山 煙花 富士山 超級龍捲風 蜘蛛 最後上菜真係有啲失望佢係將幾款全部同一個碟上 有一刻，真係喺度懷疑唔知自己食緊乜嘢其實個味道都還可以 如果佢下次可以將每一款嘅卷物都獨立分開上嘅 呢個會好好多

lunch 去一間出名卷物既餐廳但我俾壽喜燒吸引左🍲要下次再泥試多次啲卷物我哋兩個人分別叫左兩個lunch Set share🥰✳️牛肉壽喜鍋定食一人前 $108跟餐有味噌湯• 凍檸茶(+3.0)🍲壽喜鍋牛肉唔算太多每啖肉都算大嚿但連埋菜同豆腐一齊煮真係幾好食🍣跟餐加點1）三文魚壽司（一件）（+15.0）2）油甘魚壽司(一件）(+20.0）3）火炙左口魚裙邊壽司（一件）（+16.0)三款都好食😋✳️卷物拼湯麵 set $ 98-🍲豬骨拉麵👍🏻火山4件(卷物）火山🌋好食啊😋上面有蟹柳同沙律醬辣辣哋好惹味🍱費城卷我覺得我自己食嘅先後次序要調轉食完火山後覺得費城好似普通咗啲入面有魚生冧冧地咁🤣依間lunchtime正呀😋😋分店又多區都有good ar👍🏻不過我坐窗邊有少少熱要搵次再食其他

今日大约6:00同老公出去吃晚飯，途經尖沙咀The One，走去睇下有乜野好食，行到五樓見到一間日本店叫古今二，覺得個名好得意，就走左入去。打開menu，價錢唔貴。最先到的是日式麻醬豆腐沙律，雜菜再加上魚籽蟹籽，豆腐又好滑，好味。😄😄😄跟住到的是帆立貝，用好香的牛油帶出帆立貝的鲜味，完全無雪味。😋😋蜘蛛個名好特別，是紫菜壽司卷，包住炸軟腳蟹、青瓜、牛油果同蟹柳，好脆好香口。😘😘鹽燒雞中翼燒得香，好吸引。最吸引是富士山，用蟹柳、鰻魚、牛油果和脆片混合係一齊，堆到好似一座山，再係山的下面放左飯團，將飯團同蟹柳等一齊食，飯好香口，有些微辣，好特別。👍👍

打開個餐牌就俾佢嘅卷物吸引咗，最後決定叫兩個卷物+自家製玉子。首先嚟嘅係自家製玉子，味道適中，口感彈牙，上面嗰醬唔會太多，整體表現不過不失。之後就嚟咗我哋叫嘅兩個卷物: 紅粉佳人同火焰紅龍卷! 先講紅粉佳人，上面嘅吞拿魚蓉同粉紅色嘅外皮放埋一齊好有少女感😂 餐牌上面寫係辣味吞拿魚、辣味三文魚、蟹柳同牛油果組成。但就食唔出有辣味，淨係食到吞拿魚腩嘅味道。不過份量十足、食材都好新鮮，當佢係普通吞拿魚腩卷物都好有滿足感。之後就食火焰紅龍卷，呢個卷物真係有驚喜！炸蝦口感酥脆，上面清新嘅吞拿魚中和咗炸蝦加芝士嘅邪惡感，一口接一口停唔到! 下次再嚟都會試有炸蝦嘅卷物！

話說今日同朋友出開尖沙咀經過the one 又見到古今二（真係開到周圍都係分店🤣）早兩日出左古今二個post朋友認得 佢話見到好想食就係咁 相隔左一日我又食佢既分店喇🤦🏻‍♀️今次唯有叫下其他野食😁叫左兩款壽司 放左係同一碟✨金龍卷$105（圖一左右）（三文魚、炸蝦、芝士）其實有三文魚加沙律醬已經實冇死加埋芝士同炸蝦 層次再高啲炸蝦都炸得好出色✨富士山$98（圖一中間）（蟹柳、鰻魚、牛油果、脆片）上面搭住左好多蟹柳 就似蟹柳山咁鰻魚同飯都已經融合左成件事都好夾✨日式豆腐麻醬沙律$88個日見佢啲蔬菜鬼咁新鮮所以試下第款先豆腐好好佢唔會一夾就碎晒 而且好滑🤩✨蒜香牛油燒帆立貝（一串）$42一串有兩大粒好香牛油味 多到有啲啲埋沒左帆立貝既原味不過食得出仍然好新鮮既☺️✨鹿兒島豚肉露筍（一串）$45一串有三粒仔一塊豚肉包住好幾條露筍食幾粒都唔怕濟

對古今二嘅印象一直都唔錯之前喺銅鑼灣食過一次記憶猶新 因為啲卷物好有創意今次喺尖沙咀The One行街見到呢度都有間古今二又遇着食飯時間就同仔仔入去食🥰🥰🥰🥰🥰🥰🥰🥰🥰🥰龍卷風沙律 $88份量超足！！兩個人食都嫌太大份🤣🤣🤣入邊嘅中華沙律同蟹柳Mix得啱啱好酸酸甜甜，口感清新超級龍卷風 $98午夜牛郎 $98古今二嘅特色所有卷物啲名都起得好有意思👍🏻鹿兒島豚肉露筍 $45鹿兒島黑豚荔枝卷串燒 $32串燒必食！！！！！尤其是係荔枝黑豚！！！荔枝包裹住豚肉，一啖咬落去，口感超Flash成件事冇得頂，十分推介！

日本餐廳｜古今二 ｜尖沙咀—————————————🫶🏼 雜錦刺身沙律 $108整體份量好多 沙律菜新鮮入面嘅刺身都好多 粒粒都係厚切有三文魚、吞拿魚、油甘魚同章魚粒面頭仲有三文魚籽同蟹籽 增加口感配埋個小小辣嘅沙律醬 好襯 唔會令你覺得太膩—————————————🫶🏼 串燒 -蒜香牛油燒帆立貝 $42一放上枱 極大浸牛油嘅香食落口都係🤍 加埋大大粒嘅帆立貝好邪惡-黑豚豬頸肉串燒 $32食到黑豚油脂香 肉質鮮嫩 燒完都唔會勁乾整體好香口🤍—————————————🫶🏼 卷物-紅粉佳人 $118外皮係粉紅色 好特別上面係吞拿魚溶 佢係用生嘅 而唔係出面嘅熟吞拿魚飯卷入面仲包住好大舊嘅蟹柳一齊食好好食-三文魚牛油果卷 $65對比之下 呢個比較普通佢用到三文魚腩 油脂分布好食 ————————————————————————📍尖沙咀彌敦道100號The ONE5樓502號舖————————————————————————Overall 💗💗💗💗#尖沙咀 #古今二 #日本餐廳 #尖沙咀日本餐廳 #香港 #food #delicious #hk #hongkong #eatwithfoodi

平時食日本菜就食得多，但真心好少食Fusion野😛但其實我係好鍾意食Fusion菜🤪呢間日式餐廳一直都係Fusion菜中嘅大熱🔥一開始喺觀塘嘅分店已經好多人食，依家仲要開埋喺尖沙咀✨呢晚就同👦🏻一齊試下佢🤤🌟火山🌋$128 呢個火山係餐廳嘅招牌🤩一上枱真心嚇咗一嚇🤣店員會喺石板灑上鹽，然後用火機點火🔥成個畫面好震撼😂😂😂火焰圍住飯卷，燃燒左差唔多1分鐘🤣呢個火山係由兩條飯卷組成，裏面包咗帶子、青瓜同牛油果🥑最上層就鋪滿左一絲絲蟹柳同醬汁，最後放上蟹籽🤤口感好豐富，而且真係超適合打卡！🌟日式麻醬豆腐沙律🥗 $88 呢個沙律都好大碗～入面主要有蟹籽、豆腐、蔬菜🥬、海藻同車厘茄，用麻醬將所有嘢撈埋一齊食好清新好開胃💖食咗半碗認真飽咗🤣😂🌟埼玉 網燒牛舌 $78呢個牛舌係是日MVP😍雖然望落好薄身，但咬落去又肥美又juicy🤤係滿滿嘅油脂感😛而且佢有用幼鹽去燒，令肉味更突出💖另外配有柚子醋，點住牛舌嚟食酸酸地，減輕油膩感🥰🌟海老天婦羅🍤 $88天婦羅大大隻🤩外皮炸得好脆🤤蝦肉都好彈牙好新鮮🥰Menu上其實仲有好多唔同類型嘅卷物，真係數都數唔晒😂不過呢間餐廳勝在創意爆棚🤣你諗唔到嘅組合都有！🤣值

今日喺尖沙咀，突然間好想食日本嘢，特別係卷物，但係又唔想比咁貴食omakase,於是上網睇到呢間好多人推薦，就嚟試吓，點知行到你門口就記得之前自己都嚟過，真係幾好食，又抵食！呢到基本上枱枱都有叫龍卷風沙律 $88，超大碗，有薇辣，都食得過癮！講明想食卷物，就叫左兩款：黑龍卷 $108 同煙花 $108。兩款都好味！一款係鰻魚加牛油果同炸蝦，好好食！另外一個就吞拿魚蓉。最後都叫左個琦玉網燒牛舌$78，厚切，我覺得呢個價錢絕對抵食，冇需要加個醬汁，已經燒得好入味！

今日有朋友喺尖沙咀開張，梗係要去撐吓場影吓相啦，同老公兩個人一早就出左去買禮物，個朋友超勁，一個月開兩間舖👍🏻👍🏻👍🏻去完撐場，見咁耐冇出嚟行街，去咗美麗華睇吓有冇靚衫😍😍，行到差唔多五點幾又有少少肚餓，睇吓附近有咩好食，我老公又話想食日本嘢，跟住去咗The One ，咁岩又見到間日本野，唔想周圍再搵，入去叫左個日式麻醬豆腐沙律、火山壽司➡️上枱時會幫你點火，正呀🫰🏻、仙台牛舌煎➡️勁有日式嘅風味，同埋分量超多👍🏻、鹽燒雞中翼➡️燒到個皮脆卜卜勁正🥳🥳

發覺尖沙咀The one 都多高質餐廳呢間暫時會列入我既回頭list😋食物款式幾特別 好多特色卷物 價錢亦尚算合理 🔸雜錦刺身沙律配料：油甘魚 三文魚 三文魚籽 蔬菜蔬菜好新鮮 沙律醬汁唔會太肥膩 份量多，而且蔬菜好新鮮🔸東京爆脆♥️卷物中間係炸既吞拿魚同蟹柳，口感好脆時又食到壽司既醋味，好好味🔸櫻花蝦原條茄子燒♥️茄子上舖滿燒汁同埋櫻花蝦櫻花蝦同埋茄子嘅味道好配合茄子肉唔會好林 加埋櫻花蝦一齊好有口感🔸串燒-黑豚豬頸肉串燒(1串）-鹿兒島黑豚荔枝卷串燒(1串）♥️黑豚肉夾埋荔枝嘅串燒都係第一次食黑豚肉嘅香，加埋荔枝味嘅甜味，竟然出奇地好夾🍀總結新式既卷物同荔枝卷串燒好推薦♥️地點又方便舒服

第二次黎呢間食，餐廳地點好方便，座位舒適寛敞，唔會逼夾。日式麻醬豆腐沙律感覺好清新，豆腐好滑，🈶沙律菜、中華沙律及蕃茄仔，份量都好多。野菜天婦羅日本紫薯十分香甜😋，厚切茄子🍆➕冬菇又香又多汁，金菇咬落好香脆。黑豚豬頸肉串燒豬頸肉唔會好肥膩，口感嫩滑。鹿兒島黑豚荔枝卷串燒黑豚肉包住香甜嘅荔枝肉，感覺幾特別，好味👍🏻超級龍卷風有鰻魚、芝士、海老、青瓜及脆片，壽司飯調味剛好，食落口感非常豐富。

▫️三文魚牛油果卷($65）👉🏻三文魚好厚身同新鮮，牛油果質感軟滑，點完豉油真係好似三文魚，所以食落好豪無遺和感😂⭐️⭐️⭐️⭐️.▫️富士山($98)👉🏻面頭有勁大量蟹柳絲同蟹籽，同蟹柳沙律有d 相似，但呢個配搭實在太夾我唔介意一直食😂 蟹柳絲份量多到真係好似一座山咁🗻👉🏻卷物入面係鰻魚同牛油果，有少少辣辣地好開胃⭐️⭐️⭐️⭐️.▫️蟹柳沙律 ($78）👉🏻超級多蟹柳絲配埋蟹籽同牛油果，再加埋沙律菜同蕃茄仔，食落好Fresh！仲要勁大兜好抵食顏色仲好靚🤩⭐️⭐️⭐️⭐️⭐️.▫️ 鹿兒島黑豚荔枝卷串燒($32)👉🏻黑豚肉包住荔枝肉，冇諗過呢個配搭咁夾！清甜多汁嘅荔枝肉將黑豚肉嘅油膩感中和咗😚黑豚肉燒得好香，個邊仲有少少脆⭐️⭐️⭐️⭐️⭐️.▫️櫻花蝦原條茄子燒 ($88)👉🏻茄子超大條，肉質軟綿綿燒得啱啱好，加上燒香咗充滿鹹香味嘅櫻花蝦，非常惹味⭐️⭐️⭐️⭐️——————環境：裝修走時尚居酒屋風格，用咗幾隻好Coloful 嘅顏色做配搭，玩味感十足，好貼合創意料理主題.評分：8/10.平圴消費：~$200