古今二 (The ONE)

營業中

休息中

尖沙咀區食日本菜呢度坐得舒服，食物有質素，而且價錢又唔貴。我哋下午嚟見到有好多好抵食嘅午餐，但係我哋想食壽司同串燒等等，所以選擇左散叫。▶️雜錦刺身沙律$108呢個沙律份量非常之多，而且有好多角切嘅魚生，有三文魚赤貝、油甘魚、白身魚等等。沙律菜、魚生都新鮮。▶️富士山$98係蟹柳、鰻魚、牛油果、脆片卷物。面上有超級多蟹柳、卷物包住鰻魚同牛油果，而且有脆片帶有香脆口感。▶️鹽燒鯖魚$82呢個鯖魚燒得好好食，魚皮香脆，入邊肉質嫩滑，有魚油香。▶️黑豚豬頸肉串燒$32、鹿兒島黑豚荔枝卷串燒$32豬頸肉串爽口燒得夠香。黑豚荔枝卷荔枝甜甜又Juicy!

位於The One 5樓，搭lift上去快好多坐既位置寬敞舒服，可以同朋友傾傾計食物質素正常推介刺身沙律，份量好多，味覺都唔錯，食極都仲有第二好食係牛舌，上碟個盤唔大但份量其實都唔少，用黎送啤酒一流叫多份碟豚肉荔枝串燒，味道一般般，會想試下其他唔同既串燒叫左個特色卷物，味道正常但冇咩深刻印象，見人地個卷物識著火（火山）好有睇頭叫左Sapporo beer 🍺 但好少泡，飲落唔夠爽晚上吃限時個半鐘，實情未夠鐘就被結賬不過都夠時間食既

之前喺其他分店同朋友食過幾好食，今日同同事食lunch食好少少🤭過左黎The one5樓食佢最特色既卷物同串燒🥰黎到覺得呢度嘅午市定食都唔算太貴，最平70幾蚊已經有👍🏻🥗雜錦刺身沙律 $108有少少辣辣地嘅醬汁同沙律醬有別於平時只有酸味多左一種刺激感刺身同三文魚子都好足料鮮味加咗芝麻香口啲😋份量都好大兜～🍆櫻花蝦原條茄子燒 $88一上枱已經聞到陣陣嘅櫻花蝦香味每一次食燒物都一定要叫燒茄子佢有啲甜甜地嘅燒汁加埋啲櫻花蝦好好食茄子食嘅時候仲係熱到出煙😍🐷黑豚豬頸肉串燒 $32睇落去平平無奇肥瘦相間食落去好鬆化油香化於口中😋🕷️🕸️蜘蛛 $103炸軟殼蟹、青瓜、牛油果、蟹柳個名好特別叫蜘蛛🫣炸軟殼蟹好酥脆配上牛油果蟹柳好清新～🐷鹿兒島黑豚荔枝卷串燒 $32因為係我朋友叫既所以一開始唔知係咩嚟就放咗入口食落口覺得勁Juicy有酸酸甜甜咁同黑豚既肉味好夾睇返原來係荔枝好特別😍

早排同朋友去尖沙咀行街，行過the one 見到依間好耐無食嘅古今二🤩，望落餐廳環境依舊乾淨企理，一於入去試試!☺️龍卷風沙律大大碗嘅沙律🤩入面有蔬菜 海藻 蟹柳 脆片🥰仲有啲蟹籽撈埋一齊 😆而且咁新鮮嘅蔬菜 加埋好爽口嘅海藻 就係一個會令人食唔停口嘅前菜👍🏻 鹿兒島黑豚荔枝卷串燒(1串）呢一款串燒係好特別🤪外面係一層鹿兒島黑豚肉☺️而入面係包住一粒荔枝🤔一咬落去完全中和左豚肉嘅油膩感 但同時又食到荔枝嘅甜味🥳鹽燒雞中翼(1串）雞中翼好大隻而且肉質好嫩滑🤓 入邊仲有肉汁添 而外面就燒到好香脆😜但又唔會太乾 加埋啲鹽真係絕配呀😎埼玉 網燒牛舌（4件）依碟牛舌上菜嘅時候仲熱辣辣！🤣令食落除咗好香嘅牛舌味，仲有少少燒烤味，而且肉質爽口，配搭埋蔥汁，簡直係一流！🤓彩虹卷到卷物啦☺️我哋今次喺好多款選擇當中 選擇彩虹卷🌈 呢份卷物係有刺身同埋牛油果組合而成 一片刺身疊上一片牛油果🥳加埋入邊嘅蟹柳同埋飯卷 配搭得啱啱好

同朋友食嘢傾計~最緊要揀啲坐得舒服嘅餐廳🥰The One嘅 古今二分店（另外喺觀塘、銅鑼灣、荃灣都有分店）之前去都分享過呢度嘅食物選擇好多元化連卷物都有好幾款😋~食過煙花、蜘蛛，今次我就試另一款喇，一齊嚟睇吓我哋食啲咩先：🌸野菜天婦羅🌸黑豚豬頸肉串燒🌸鹽燒雞中翼🌸龍卷風沙律🌸火山🔺天婦羅嚟講，我比較鍾意食炸冬菇，覺得佢唔會炸到乾晒，保留到入面嘅汁，而個天婦羅汁若果濃味少少會較佳🔺兩款串燒嚟講，豬頸肉相對較出色，口感好爽口彈牙，調味亦合宜，少少辣幾惹味，鹽燒雞翼面頭幾脆口，調味可以輕手少少就更好🔺龍卷風沙律我之前都食過一次，真心幾好食同埋抵食，佢有多重口感😆蟹籽嘅爽脆sharp sharp聲，當中仲有蟹柳絲同埋中華沙律，每一片嘅沙律菜都唔會淨係得沙律醬味咁單一🔺火山🌋呢款卷物就大陣仗喇🤣出場嘅時候會點火，好壯觀🔥燒咗一輪會發現卷物表面有少少火炙嘅感覺，而且食落會暖暖哋，材料有帶子、蟹柳絲、牛油果同埋青瓜，係相對較清甜口味.🍱古今二📍尖沙咀彌敦道100號The ONE5樓502號舖

放假去咗尖沙咀行街，行到攰攰地係商場見到一間食日式串燒同特色卷物嘅餐廳幾吸引，就膽粗粗入咗去試下。餐廳唔係好大，但環境都OK，當日被安排坐係卡位，坐得都幾舒服。✨雜錦刺身沙律沙律大大碗，用料非常豐富，有角切吞拿魚、角切三文魚、角切劍魚、三文魚籽、蟹籽、車厘茄和生菜等配料，配上微辣嘅醬汁食落都幾開胃。✨超級龍捲風有鰻魚、海老、芝士、青瓜和脆片等配料做嘅卷物，每件都好大舊，海老炸得夠脆，用料豐富，每食一啖都充滿層次感。芝士嘅鹹味加埋甜甜地嘅醬汁食落好惹味。✨櫻花蝦原條茄子燒大量嘅櫻花蝦鋪滿在茄子上，上菜時都聞到櫻花蝦味道香氣四溢，茄子冇燒到好乾，仲可以保留到香甜嘅水份，加埋香濃鹹香嘅味道食落非常惹味。✨黑豚豬頸肉串燒黑豚豬頸肉食落爽口又多汁，燒得啱啱好完全唔乾。✨鹿兒島黑豚荔枝卷串燒外層嘅鹿兒島黑豚肉肉味香濃又Juicy，包係入面嘅荔枝仍保留到荔枝嘅水份，香甜爆多汁，配黑豚肉食好夾完全唔覺得膩👍串燒、卷物、沙律、茄子樣樣都好好味，絕對值得我再二訪。

每次行商場經過都見到個餐牌好吸引呢間嘅卷物出名做得好特色 今次終於扚起心肝試一試一行四人去到 大約等咗20分鐘位 職員都好好，講明話用餐時間90分鐘 如果冇人等位嘅就坐幾耐都可以我哋入到去叫咗一個牛肉鍋其實個味道就不相伯仲 同出邊食到嘅差不多終於去到最期待嘅卷物我哋叫咗幾個相對特色嘅嘢：火山 煙花 富士山 超級龍捲風 蜘蛛 最後上菜真係有啲失望佢係將幾款全部同一個碟上 有一刻，真係喺度懷疑唔知自己食緊乜嘢其實個味道都還可以 如果佢下次可以將每一款嘅卷物都獨立分開上嘅 呢個會好好多

lunch 去一間出名卷物既餐廳但我俾壽喜燒吸引左🍲要下次再泥試多次啲卷物我哋兩個人分別叫左兩個lunch Set share🥰✳️牛肉壽喜鍋定食一人前 $108跟餐有味噌湯• 凍檸茶(+3.0)🍲壽喜鍋牛肉唔算太多每啖肉都算大嚿但連埋菜同豆腐一齊煮真係幾好食🍣跟餐加點1）三文魚壽司（一件）（+15.0）2）油甘魚壽司(一件）(+20.0）3）火炙左口魚裙邊壽司（一件）（+16.0)三款都好食😋✳️卷物拼湯麵 set $ 98-🍲豬骨拉麵👍🏻火山4件(卷物）火山🌋好食啊😋上面有蟹柳同沙律醬辣辣哋好惹味🍱費城卷我覺得我自己食嘅先後次序要調轉食完火山後覺得費城好似普通咗啲入面有魚生冧冧地咁🤣依間lunchtime正呀😋😋分店又多區都有good ar👍🏻不過我坐窗邊有少少熱要搵次再食其他

今日大约6:00同老公出去吃晚飯，途經尖沙咀The One，走去睇下有乜野好食，行到五樓見到一間日本店叫古今二，覺得個名好得意，就走左入去。打開menu，價錢唔貴。最先到的是日式麻醬豆腐沙律，雜菜再加上魚籽蟹籽，豆腐又好滑，好味。😄😄😄跟住到的是帆立貝，用好香的牛油帶出帆立貝的鲜味，完全無雪味。😋😋蜘蛛個名好特別，是紫菜壽司卷，包住炸軟腳蟹、青瓜、牛油果同蟹柳，好脆好香口。😘😘鹽燒雞中翼燒得香，好吸引。最吸引是富士山，用蟹柳、鰻魚、牛油果和脆片混合係一齊，堆到好似一座山，再係山的下面放左飯團，將飯團同蟹柳等一齊食，飯好香口，有些微辣，好特別。👍👍

打開個餐牌就俾佢嘅卷物吸引咗，最後決定叫兩個卷物+自家製玉子。首先嚟嘅係自家製玉子，味道適中，口感彈牙，上面嗰醬唔會太多，整體表現不過不失。之後就嚟咗我哋叫嘅兩個卷物: 紅粉佳人同火焰紅龍卷! 先講紅粉佳人，上面嘅吞拿魚蓉同粉紅色嘅外皮放埋一齊好有少女感😂 餐牌上面寫係辣味吞拿魚、辣味三文魚、蟹柳同牛油果組成。但就食唔出有辣味，淨係食到吞拿魚腩嘅味道。不過份量十足、食材都好新鮮，當佢係普通吞拿魚腩卷物都好有滿足感。之後就食火焰紅龍卷，呢個卷物真係有驚喜！炸蝦口感酥脆，上面清新嘅吞拿魚中和咗炸蝦加芝士嘅邪惡感，一口接一口停唔到! 下次再嚟都會試有炸蝦嘅卷物！

話說今日同朋友出開尖沙咀經過the one 又見到古今二（真係開到周圍都係分店🤣）早兩日出左古今二個post朋友認得 佢話見到好想食就係咁 相隔左一日我又食佢既分店喇🤦🏻‍♀️今次唯有叫下其他野食😁叫左兩款壽司 放左係同一碟✨金龍卷$105（圖一左右）（三文魚、炸蝦、芝士）其實有三文魚加沙律醬已經實冇死加埋芝士同炸蝦 層次再高啲炸蝦都炸得好出色✨富士山$98（圖一中間）（蟹柳、鰻魚、牛油果、脆片）上面搭住左好多蟹柳 就似蟹柳山咁鰻魚同飯都已經融合左成件事都好夾✨日式豆腐麻醬沙律$88個日見佢啲蔬菜鬼咁新鮮所以試下第款先豆腐好好佢唔會一夾就碎晒 而且好滑🤩✨蒜香牛油燒帆立貝（一串）$42一串有兩大粒好香牛油味 多到有啲啲埋沒左帆立貝既原味不過食得出仍然好新鮮既☺️✨鹿兒島豚肉露筍（一串）$45一串有三粒仔一塊豚肉包住好幾條露筍食幾粒都唔怕濟

對古今二嘅印象一直都唔錯之前喺銅鑼灣食過一次記憶猶新 因為啲卷物好有創意今次喺尖沙咀The One行街見到呢度都有間古今二又遇着食飯時間就同仔仔入去食🥰🥰🥰🥰🥰🥰🥰🥰🥰🥰龍卷風沙律 $88份量超足！！兩個人食都嫌太大份🤣🤣🤣入邊嘅中華沙律同蟹柳Mix得啱啱好酸酸甜甜，口感清新超級龍卷風 $98午夜牛郎 $98古今二嘅特色所有卷物啲名都起得好有意思👍🏻鹿兒島豚肉露筍 $45鹿兒島黑豚荔枝卷串燒 $32串燒必食！！！！！尤其是係荔枝黑豚！！！荔枝包裹住豚肉，一啖咬落去，口感超Flash成件事冇得頂，十分推介！

日本餐廳｜古今二 ｜尖沙咀—————————————🫶🏼 雜錦刺身沙律 $108整體份量好多 沙律菜新鮮入面嘅刺身都好多 粒粒都係厚切有三文魚、吞拿魚、油甘魚同章魚粒面頭仲有三文魚籽同蟹籽 增加口感配埋個小小辣嘅沙律醬 好襯 唔會令你覺得太膩—————————————🫶🏼 串燒 -蒜香牛油燒帆立貝 $42一放上枱 極大浸牛油嘅香食落口都係🤍 加埋大大粒嘅帆立貝好邪惡-黑豚豬頸肉串燒 $32食到黑豚油脂香 肉質鮮嫩 燒完都唔會勁乾整體好香口🤍—————————————🫶🏼 卷物-紅粉佳人 $118外皮係粉紅色 好特別上面係吞拿魚溶 佢係用生嘅 而唔係出面嘅熟吞拿魚飯卷入面仲包住好大舊嘅蟹柳一齊食好好食-三文魚牛油果卷 $65對比之下 呢個比較普通佢用到三文魚腩 油脂分布好食 ————————————————————————📍尖沙咀彌敦道100號The ONE5樓502號舖————————————————————————Overall 💗💗💗💗#尖沙咀 #古今二 #日本餐廳 #尖沙咀日本餐廳 #香港 #food #delicious #hk #hongkong #eatwithfoodi

平時食日本菜就食得多，但真心好少食Fusion野😛但其實我係好鍾意食Fusion菜🤪呢間日式餐廳一直都係Fusion菜中嘅大熱🔥一開始喺觀塘嘅分店已經好多人食，依家仲要開埋喺尖沙咀✨呢晚就同👦🏻一齊試下佢🤤🌟火山🌋$128 呢個火山係餐廳嘅招牌🤩一上枱真心嚇咗一嚇🤣店員會喺石板灑上鹽，然後用火機點火🔥成個畫面好震撼😂😂😂火焰圍住飯卷，燃燒左差唔多1分鐘🤣呢個火山係由兩條飯卷組成，裏面包咗帶子、青瓜同牛油果🥑最上層就鋪滿左一絲絲蟹柳同醬汁，最後放上蟹籽🤤口感好豐富，而且真係超適合打卡！🌟日式麻醬豆腐沙律🥗 $88 呢個沙律都好大碗～入面主要有蟹籽、豆腐、蔬菜🥬、海藻同車厘茄，用麻醬將所有嘢撈埋一齊食好清新好開胃💖食咗半碗認真飽咗🤣😂🌟埼玉 網燒牛舌 $78呢個牛舌係是日MVP😍雖然望落好薄身，但咬落去又肥美又juicy🤤係滿滿嘅油脂感😛而且佢有用幼鹽去燒，令肉味更突出💖另外配有柚子醋，點住牛舌嚟食酸酸地，減輕油膩感🥰🌟海老天婦羅🍤 $88天婦羅大大隻🤩外皮炸得好脆🤤蝦肉都好彈牙好新鮮🥰Menu上其實仲有好多唔同類型嘅卷物，真係數都數唔晒😂不過呢間餐廳勝在創意爆棚🤣你諗唔到嘅組合都有！🤣值

今日喺尖沙咀，突然間好想食日本嘢，特別係卷物，但係又唔想比咁貴食omakase,於是上網睇到呢間好多人推薦，就嚟試吓，點知行到你門口就記得之前自己都嚟過，真係幾好食，又抵食！呢到基本上枱枱都有叫龍卷風沙律 $88，超大碗，有薇辣，都食得過癮！講明想食卷物，就叫左兩款：黑龍卷 $108 同煙花 $108。兩款都好味！一款係鰻魚加牛油果同炸蝦，好好食！另外一個就吞拿魚蓉。最後都叫左個琦玉網燒牛舌$78，厚切，我覺得呢個價錢絕對抵食，冇需要加個醬汁，已經燒得好入味！