古今二 (The ONE)

營業中

休息中

尖沙咀the one好多咗好多新派嘅嘢食 今日就試下第5樓嘅日式fusion餐廳 鍾意佢呢度地方夠大 坐得舒服入價錢亦都非常親民 前菜 #日式麻醬豆腐沙律豆腐量多仲有蟹子 大量蔬菜非常健康 #串燒 都做得好出色#鹿兒島黑豚荔枝捲串燒 有三粒 豬肉好鮮甜 包住粒荔枝感覺好和諧 好夾 甜甜地好開胃 #彩虹卷 有刺身 牛油果 青瓜蟹柳 感覺健康 魚生好多 牛油果好creamy 夏天食好開胃 顏色好吸引好吸精 #青龍捲有牛油果n鰻魚 蟹柳 層次豐富 食得出鰻魚鮮美 加上牛牛油果感覺清新開胃 呢度卡為量多 人流唔算太多 可以安靜安心咁食番餐日本菜 同朋友放工嚟happy 食串燒卷物啱曬

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品兩款卷物一齊上枱，伴有日式芥末同花瓣。蜘蛛 $103 另加一叫得蜘蛛，當然係用黑色紫菜包住啲飯。蜘蛛係紫菜卷包住炸軟殼蟹，蟹柳，牛油果同青瓜絲，面頭仲加左少少蟹籽。一客五件，三件身兩件蜘蛛尾。主角炸軟殼蟹真係好脆。如果紫菜脆口啲就更好。超級龍卷風 $98 另加一超級龍卷風一客八件，一共6件身兩件尾。係加左黑白芝麻粒既壽司飯包住紫菜，入面係鰻魚，海老天婦羅，忌廉芝士同青瓜，材料豐富。面頭灑上好多脆片。食落芝士味濃而帶多重脆口口感，包括天婦羅同脆片，而青瓜可以幫助減膩，真係多重味覺口感刺激。兩款串燒一齊上碟，伴有少少沙律解膩。黑豚豬頸肉串 $32 另加一黑豚豬頸肉串一串六件，豬頸肉間肥間瘦，食落爽脆彈牙。而味道少少辣。鹿兒島豚肉荔枝卷串 $32 另加一鹿兒島豚肉荔枝卷串一串三件，係燶面五花腩脆片包住多汁香甜荔枝肉，鹹中帶甜，多重口感味道，唔錯。鹽燒鯖魚 $82 另加一鹽燒鯖魚一大片，燒得燶面，塊皮都好脆吓，而魚肉少鹹

一間位於尖沙咀The One嘅日式料理，環境好有日式氛圍🇯🇵，座位都好闊綽，好舒服😌。鍾意日式料理嘅話，呢度係一個好好嘅選擇👍🏻座位嘅設計同擺設都同日式風格相符，感受到日式嘅風情🤩龍卷風沙律（蔬菜、海藻、蟹柳、脆片）呢道沙律味道好清新🤩！蔬菜、海藻好脆、好嫩，再加上蟹柳同脆片嘅鮮美同酥脆感，味道好豐富🤪，仲有唔同口感。整道菜色彩繽紛，好有食慾😋火山（帶子、青瓜、牛油果、蟹柳）呢道名為火山嘅菜式真係好正啊😍！帶子同青瓜好夾😋，再加上牛油果同蟹柳嘅鮮美，味道好好🤤整道菜好有創意，似一座小小火山🌋好有趣！仙合牛舌煎牛舌煎超入味，口感又嫩又滑，香氣四溢🤪。配上仙合嘅醬汁，味道好正，整道菜嘅賣相都好吸引🤤鹿兒島黑豚荔枝卷串燒黑豚肉好好味啊！口感好嫩滑，再配上荔枝嘅甜味，真係好好味😋整道菜嘅串燒形式好特別，好有特色😻

前排同朋友去尖沙嘴行街後想去食下野，就去左呢間我favourite餐廳之一嘅古今，款式選擇好多，有卷物又有串燒，咩都叫d就最滿足。【特色脆口卷物】🍱 超級龍卷風$98- 係大大條炸蝦配上芝士同鰻魚+脆片，超滋味之餘，口感好好🥗雜錦刺身沙律$108- 撈上多款新鮮刺身、魚子同爽口沙律菜，醬汁微辣幾開胃！🍢櫻花蝦原條茄子燒- 茄子上滿滿櫻花蝦，賣相吸引之餘幾香口。下面大大塊茄子烤到軟淋入味，正🍢鹿兒島黑豚荔枝卷串燒（1串）$32- 薄片豬肉配上甜甜地嘅荔枝，味道都幾吸引🍢椒鹽雞腎（1串）$32- 雞腎燒得夠香口，口感幾好。呢到真係好啱邊傾計，邊食野，下次再來😆

平時在尖沙咀shopping , 最愛去the one 買衫看化妝品，原來the one 都開左古今二餐廳！早前我同朋友來過尖沙咀分店，環境寬敞舒適新穎設計，食物水準很好🤤櫻花蝦原條茄子燒🍆原條茄子🍆燒得香噴噴，外觀上亦都吸精又惹味龍卷風🌀沙律🥗色彩繽紛，由底層新鮮蔬菜🥬配上薄切豐富蟹柳清甜健康的！鹿兒島黑豚荔枝串燒黑豚肉內包著荔枝香甜可口，好味😋龍卷風壽司🌀壽司內香脆可口的炸蝦🍤、芝士等極有層次感！古今二The one 5樓502號

公司搬咗冇得再過嚟lunch唯有夜晚捉埋朋友上嚟食😋龍卷風沙律 $68有蔬菜、海藻、蟹柳、脆片有脆片點綴、比一般沙律多重口感加上微辣醬料、非常開胃！網燒味醂魚乾 $78用味醂調味後以網燒烘乾的魚乾，油脂清香，是居酒屋必食的高級小菜、顏色金黃、香氣撲鼻、口感煙煙韌韌、魚味濃郁，佐酒一流！搖滾樂 $113上層有芝士和鰻魚，兩者都味道濃厚，creamy得可以在口中溶化，飯卷內層有牛油果和炸蝦，清新味鮮。一口咬下去外軟內脆口感豐富、味道相得益彰，好味到狂點頭 Rock & Roll !辣味三文魚卷 $68以三文魚、紫菜、黑芝麻卷成的飯卷、設計中規中矩，勝在價錢親民及微辣的蛋黃醬令到味道冇咁單調普通。黑豚豬頸肉串 $32黑毛豬肉味極濃，肉質嫩滑，肥瘦適中，油脂跟肉汁在口中爆發的瞬間，感到非常幸福同時又帶有一絲罪惡感XD

今日難得放假，同女朋友去尖沙咀行下街，順便去食同事大讚嘅古今二。日式麻醬豆腐沙律麻醬十分香口，感覺有做特別調味，醬嘅份量亦好夠，食到最後都仲好夠味。豆腐有5舊，上面仲加咗蝦子同三文魚子增加口感，滿足感十足。火山上枱嘅時候店員會喺碟嘅兩旁點火，名乎其實係一座火山😂打卡一流！一碟卷物有8舊，帶子、蟹柳同沙律醬味道超夾，每一啖都係滿滿嘅食材，兩個人食都絕對夠飽。仙台牛舌煎牛舌切成一口size，爽口彈牙，加上甜甜地嘅日式醬汁，越食越想叫返碗白飯嚟配😂鹽燒雞中翼 (1串)好貼心切開咗嚟燒，食落啖啖肉好方便，燒得岩岩好又唔會太鹽，推薦！

之前試過銅鑼灣、荃灣分店的古今二，都覺得款式/食材配搭好新鮮、特別，😍，所以今日再去試埋尖沙咀分店：我地叫咗：❤️雜錦刺身沙律材料有三文魚，八爪魚🐙、蟹子、各種菜，開胃醒神👍❤️自家玉子燒（6件）滑溜嘅玉子加上芝士一齊燒，再鋪上蟹子，做前菜一流😋❤️櫻花蝦原條茄子燒估唔到原條茄子可以加櫻花蝦咁樣燒。櫻花蝦脆口、鋪滿係熱辣辣嘅原條帶辣味嘅茄子🍆，味道好特別😍❤️超級龍卷風🌀飯卷內主要食材係鰻魚。面頭鋪上脆薯片，咬起身脆口得來又唔太乾口，因仲有芝士、青瓜，海老陪襯，推介😍餐廳設計得好舒服，好日系，仲有好大嘅落地玻璃，再加上職員服務態度好好，第日一定再光顧👍😊

超級龍捲風98蚊聽個名就知勁 ！睇相就見到有蝦， 原來裏面仲有鰻魚 😮食落去口感豐富 ，芝士同炸蝦好夾！ 而且仲有青瓜喺入面， 清爽解膩 ，可以食多幾件 ！雜錦刺身沙律 108蚊雜錦刺身沙律係我每次必嗌嘅 👍🏻因為佢啲沙律勁大碗！而且上面有唔同嘅刺身切粒上， 啖啖肉得嚟又好新鮮 👍🏻👍🏻👍🏻配埋爽甜嘅沙律菜 ，真係一啖食一啖咁食👍🏻櫻花蝦原條茄子燒 88蚊古今啲串燒都好出名！食開串燒我就一定會嗌茄子，因為大大份抵食 ，同埋啖啖肉 🤤喺呢度嘅茄子上面仲會有櫻花蝦， 好特別👍🏻黑豚豬頸肉串燒鹿兒島黑豚荔枝卷串燒兩款都係豚肉串燒 ，我特別鍾意食豬頸肉，因為燒得好香脆入味 ，而且仲好彈牙👍🏻而黑豚荔枝捲我之前就食過 ，第一次食果次覺得好驚人！超好食，所以今次就介紹畀朋友食👍🏻佢都讚唔錯👍🏻

《龍捲風特色卷物🐲》———————————————#古今二 🍣-古今二出名主打特色創意飯卷，開咗唔少分店，一路以來都係質素保證，今次就同朋友嚟The one呢度食😁 裝潢別具日式風格，坐得卡位好闊落，幾啱嚟weekend chill下😚-🥗 龍捲風沙律份量十足，生菜沙律混合中華沙律同蟹柳絲，口感爽脆，上面仲帶有明太子芥末醬，食落辣辣哋，層次豐富🥰-🌪️ 超級龍捲風用料豐富，卷物包住鰻魚、炸海老、芝士同青瓜絲，上面仲灑滿脆片，炸蝦炸得好酥脆，夾埋鰻魚同紫菜好正，中間嘅芝士同壽司飯內嘅黑芝麻令口味更濃郁🧀-🥭 忘不了你賣相吸引，色彩鮮艷，裡面包住芒果同脆卜卜嘅炸牛肉，再淋上芝士沙律醬，口感清新😊-🐮 琦玉網燒牛舌即叫即燒，熱辣辣出哂煙咁上枱，口感勁彈牙，略帶鹹香，好開胃😌-⭐價錢參考：（另收加一）超級龍捲風：$98忘不了你：$98龍捲風沙律：$88琦玉網燒牛舌：$78🍌抵deal 指數：7/10💰人均消費：$200

最近黎到尖沙咀想同朋友食lunch，發現有間日式餐廳好吸引，所以就入去試下😆餐廳座位好闊落，設有卡位😍餐牌入面有勁多創作壽司🍣同鍋物😋仲有串燒🤩🌸牛肉壽喜鍋壽喜鍋入面有唔同蔬菜，豆腐同入面有水晶粉😋勁入味👍🏻味道甜甜嘅😊牛肉肥瘦適中🤓🌺龍卷風創意壽司好吸引，入面有鰻魚又有芝士，味道咸咸香香，鰻魚好鮮味，上面有脆片提升口感🥳🌺鹿兒島黑豚荔枝卷串燒黑豚荔枝卷燒得好香有炭火味☺️甜甜香香又唔膩👍🏻

今日出來行下街，順便係呢度搵野食！朋友話之前試過銅鑼灣分店，覺得呢間啲嘢食都唔錯，今日再試吓！我本身鍾意食茄子🍆，今次試吓叫呢個「櫻花蝦原條茄子燒」，味道好夾，超讚。😍

爭鮮味道，居酒屋價錢，法國菜份量，屋村酒樓環境🤬。・・・・・・・・・・・・・・・・・・・・🍣紅粉佳人 $118啫係乜 ：辣味三文魚、辣味吞拿魚、蟹柳、牛油果・味道：只食得出碎吞拿魚蓉壽司+三文魚子味，沒有然後了。・口感：一pat壽司🍣忘不了你 $98啫係乜：芒果、炸牛肉、芝士・味道：芒果酸甜，炸粉厚過舊肉，都廢事講食唔出咩肉了。千島醬完美處決suppose存在感極高嘅芝士，講完都食唔出芝士味。・口感：炸牛肉刮口㗎陰公⋯⋯🖕嬲乜：只要有gimmick，冇乜內涵喺香港都夠做🙄。・・・・・・・・・・・・・・・・・・・・🤰性價比：低～🤰9衝度：不了～🤰結論：有創意嘅，但搞好食物質素先再講，劣。・・・・・・・・・・・・・・・・・・・・分店：#肚波荃灣 #肚波銅鑼灣 #肚波觀塘

呢間古今二有好多有創意又有特色嘅卷物餐廳位於the one入面環境乾淨整潔 好舒適店員友善 服務良好雜錦刺身沙律 $108前菜食個沙律先 個沙律真係超級大份有一大堆沙律菜鋪底 然後面頭有 份量十足嘅刺身除咗有滿滿嘅吞拿魚 三文魚同劍魚腩 仲有三文魚籽 蟹籽 車厘茄再淋上沙律醬 食落酸酸甜甜好開胃火山 $128卷物試咗呢個火山 冇諗過原來係真係有火🔥店面好細心將附近嘅嘢食移開先點火點火嗰陣好有驚喜 完全冇諗過會有特別搞作畫面好靚 打卡一流卷物配料有蟹柳青瓜同牛油果面頭有大量炙燒蟹柳食落去口感層次好豐富 口感鮮美埼玉網燒牛舌 $78牛舌上枱熱辣辣 本身已經有調味 另外配上清甜嘅sauce牛舌味道濃郁 食落柔軟好香嫩日式章魚小丸子 $48小丸子外皮焦脆 入面嘅配料豐富配上唔同嘅醬汁 好滿足

古今二係一間日式居酒屋，喺尖沙咀The ONE度開嘅，主打啲好特別嘅壽司卷同埋啲唔同款式嘅日本菜。我昨日去左食晚餐，點左以下幾樣野：日式麻醬豆腐沙律$88：呢個沙律好豐富，有四塊豆腐，上面撒左黑白芝麻粒，仲有三文魚籽同蟹籽，加埋勁香嘅胡麻醬，食落滑溜溜又香口，好易食。富士山壽司$98：呢個係一款特色卷物，用蟹柳、鰻魚、牛油果卷成山形，上面仲有蟹柳絲同脆片，點火之後好似火山咁震撼。卷物嘅味道都好正，有啲咸甜香辣嘅感覺。三文魚牛油果卷$65：呢個係一款比較簡單嘅卷物，用新鮮嘅三文魚同牛油果包住飯同海苔，食落清新爽口，適合鍾意原汁原味嘅人。櫻花蝦原條茄子燒$88：呢道菜用左成條嘅茄子同櫻花蝦燒出黎，茄子燶到爛爛地入晒味，櫻花蝦香脆可口，兩者配埋一齊好夾。鹿兒島黑豚荔枝卷串燒$32：呢個係一個有趣嘅串燒，用黑豚肉包住荔枝肉整成小球形，外皮烤到微焦香氣十足，裡面就係多汁甜甜嘅荔枝肉。總括黎講，古今二係一間值得推介嘅日式居酒屋 。佢嘅菜式創意十足又好食 ，價錢都合理 ，環境舒服闊落 ，服務態度友善周到. 我下次仲會再去試下其他菜式。