影片
港鐵灣仔站 B1 出口, 步行約6分鐘
繼續閱讀
營業時間
今日營業
12:00 - 16:00
17:00 - 21:00
星期一至日
12:00 - 16:00
17:00 - 21:00
以上資料只供參考, 請與餐廳確認詳情
影片
相片
叉燒雙蛋飯
明爐燒鵝（$190/下莊）
豬油撈飯
+1.3K
+57
食家推介
相關文章
上網睇左好多人讚呢間餐廳嘅叉燒好食，今日終於有機會夜晚嚟試下喇，呢間餐廳就係位於灣仔嘅 - 發達叉燒。嚟到餐廳門口見到好多人排緊隊，最後等左半個鐘頭多啲就輪到我地入枱喇。睇完menu，決定order 2個飯同1碟油菜試試。叉燒雙蘭王蛋飯 （$88）呢度叉燒係選用西班牙栗子豬肉，肥瘦均勻，而且件件厚切，帶有蜜糖燒烤後的燶邊，肉質嫩滑多汁，甜鹹味道平衡恰當，層次豐富且不黏牙，配上煎至燶邊嘅流心蘭王太陽蛋，蛋香味濃郁，撈飯一流。茅台醬油雞燒鵝飯 （$80）今日真係好好彩，兩個料師傅都係斬髀位俾我，燒鵝皮脆肉嫰，咬落鵝油豐富，醬油雞醬汁因為加左茅台酒，所以食到淡淡酒香，而雞肉本身充滿彈性，雞皮爽脆，同埋雞肉已經預先去骨，所以食得好過癮。鵝汁時蔬 （$60）見到呢到油菜價錢唔算平，但都試左碟鵝汁時蔬，發現佢地係用左西蘭花最嫰嗰部份，索左濃郁鵝汁嚟食，食落真係唔係出面油菜可以媲美。最後仲想講下佢地嘅老火例湯，我地嗰晚係木瓜雪耳煲豬𦟌，成碗湯好足料，飲落勁清甜，唔似落味精，同埋所有湯料都煲到好淋。
繼續閱讀
港式燒味絕對是港人不可或缺的美食！從小就喜歡吃尤其是叉燒更是我的Comfort Food，今次去到灣仔一間挺有名氣的燒味餐廳專門店看看能否吃得我心動。這間位於灣仔的發達叉燒來頭不少！是同區鋒膳私房菜老闆開的一間燒味專門店，聽聞非常火紅所以這天六時許便跟爸爸到來晚餐，幸運地最後兩個位給我們趕上不用排隊。開放式廚房一目了然內裏掛滿燒鵝、叉燒及豉油雞，三款也是我們喜歡的燒味一於試晒佢。坐滿人的小店真的非常親密搭檯是常識吧！我們選了兩碗燒味飯同樣會附送老火例湯一碗，這天我們得到的是粉葛湯，濃稠老火湯味道挺香甜喝得出真材實料。車爸爸選了他最愛的燒鵝髀飯$100這價錢有鵝髀又出奇地合理喎！燒鵝髀做到皮脆肉香而且不會過肥，沒有霸道的調味吃到鵝的肉香這點我喜歡。我選了最喜愛的無敵組合叉燒茅台醬油雞飯$80！我們兩碗也點了多飯但出來份量也不多！吃上幾匙羹已經將飯爬光光了，胃口大的朋友相信真的未必夠飽。首先品嚐有燶邊的叉燒肥瘦均勻吃下咬口好鮮明，味道鹹甜適中調得剛剛好，要挑剔的話我就覺得有少許黏牙否則這件叉燒真心不錯。茅台醬油雞絕對是MVP之選！爽滑不肥膩的雞皮帶著滿滿茅台及醬油香氣，雞肉嫩滑之餘富肉香是超水準的好味道。這間發達叉燒的價位不算便宜但質素不錯所以我覺得合理！服務員清檯非常勤快但也同時給我有點壓迫感，我相信外賣會吃得更加舒服。
繼續閱讀
[🐷 發達叉燒🐷].鋒膳叉燒就出哂名🥹🥹好多人食過都讚不絕口今次黎到灣仔呢間新開的鋒膳姊妹店 - 發達叉燒🐽 一樣座無虛席🫶🏼質素一睇就知有保證✌🏿👍🏿.🌟叉燒雙蛋飯 🍳🍳 $80用西班牙栗子豬燒出嚟嘅叉燒🐷 份量好驚人 超級多塊叉燒上淋咗蜜糖🍯 睇落去特別有光澤每塊叉燒都厚切 肉質肥瘦適中食落去香甜嫩滑🥹太陽蛋煎得好靚 duk落去有流心 ☀️ 叉燒撈埋蛋汁再加飯完全係香港🇭🇰嘅味道.🌟滑蛋叉燒飯 🍚 $80另一種叉燒飯嘅做法一樣都係港人至愛🫶🏼金黃的蛋皮包住肥瘦適中的叉燒帶有微微嘅蜜糖焦香加埋甜豉油 🥰蛋香十足🥚 下飯一流.🌟1/4 隻燒鵝 $190明爐燒鵝🦢油味十足一上枱已經覺得賣相一流，色澤豐富下莊油脂濃郁 鵝髀大大隻咬落去皮脆肉嫩 真心好好味🤤.每個飯都會送老火例湯🫶🏼🥣 熱辣辣🔥 足料又暖心.明明晏晝成三點先去食🕰️ 都仲有源源不絕嘅客戶證明質素真係有保證👍🏿😌簡單，但回味無窮🫶🏼🫶🏼🫶🏼. @fatjcharsiuhk📍：灣仔蘭杜街 2 號地下 2 號舖
繼續閱讀
今日特登同屋企人山長水遠去灣仔食最近好受歡迎嘅叉燒佢落場時間係1600-1700我哋1640到左但見無人排隊就去附近行下先1653再翻去己經排左20人目測十張枱左右，好彩一開門都入到去仲有位但要搭枱叫左叉燒茅台醬油雞飯同燒鵝五花腩叉燒飯加臘腸豬油撈飯叉燒好好味，半肥瘦，比得上高級酒店中菜茅台醬油雞聞落好香，食落好滑臘腸好重玫瑰露味燒鵝普通五花腩叉燒好邪惡，個人覺得同普通叉燒都差唔多，唔洗特別加錢轉老火湯有雪耳木瓜有誠意最後走果時仲叫左半隻雞外賣下次會再去，想試吓叉燒蘭王蛋飯
繼續閱讀
灣仔嘅內街隱藏住好多人氣小店！呢間發達叉燒係一間次次經過見到都排哂長龍嘅人氣叉燒店，今次一於來湊吓熱鬧先～✨叉燒雙蘭王蛋飯叉燒係採用咗西班牙栗子豬，每一塊都好厚切！重點係食落去肥瘦均勻，口感豐富，味道香甜得來又帶有微微焦香！配搭埋蛋香濃郁嘅蘭王蛋撈飯，味道經典得來又帶點新鮮感😋～✨茅台醬油雞燒鵝飯醬油雞肉質嫩滑！加入咗茅台之後，帶有淡淡嘅酒香，風味獨特！燒鵝皮脆肉嫩，油而不膩～✨鵝汁時蔬西蘭花新鮮脆嫩，配搭鵝汁更加滋味～✨老火例湯老火湯清澈又鮮甜，飲得出係完全冇添加任何味精，有種住家嘅味道～餐廳環境簡約又整潔，店員亦好有人情味，就算要排一陣隊先食到都非常值得啊～
繼續閱讀
您可能會有興趣的...