發達叉燒

營業中

休息中

只要有心，人人都係食神。地方不大，新開不久仍能保持可接受的淨潔度，加上燒出堪稱火之藝術的超級菜式。叉燒既肉汁鎖係纖維裡面，好似江河匯聚，而且裡面的肉筋被內力打碎，入口極之鬆化。塵世間都無咩形容詞可以形容到佢！點解？點解我食到一碗咁好食既叉燒飯，如果我以後都食唔到咁點算？咦，點解我會喊呢？有一種哀傷感油然而生，唔係食到洋蔥，係我竟然無叫到正宗既黯然銷魂飯，又無叫到都出出地名既茅台醬油雞。今次無得多謝史蒂芬周，要多謝自己排隊，憑實力食到。

🐷今翅真係發達啦最近行開灣仔，發現一間裝修低調嘅燒味餐廳，睇真啲原來來頭唔細，係由新派粵菜米芝蓮店「鋒膳」燒味大廚余燦達師傅主理。當中以招牌叉燒、茅台醬油雞及明爐燒鵝最為出色。一場嚟到，我哋梗係以最相宜嘅價錢試哂啲精選啦，所以就揀咗雙拼飯💁🏻‍♀️叉燒茅台醬油雞飯 80食叉燒梗係要食半肥瘦嘅叉燒，餐廳採用西班牙梅頭肉，經過慢火烤製後，我哋嗰日就食得出叉燒外層蜜汁焦香，內裡就肉汁豐盈🤤醬油雞都冇俾個叉燒掩蓋佢嘅味道，一聞就聞出茅台味，雞肉絕對嫩滑，就連雞皮都「索」滿酒香同甜甜的醬油，兩者各有千秋。叉燒燒鵝飯 80燒鵝都唔馬虎，做到皮脆肉嫩，好食到傻。總結/ 成碗飯無論係豉油比例，唔同嘅燒味，甚至乎喺飯粒嘅軟熟度都無可挑剔，睇得出主理人係用心去經營，100%encore 😌

有食過鋒膳嘅快樂豬叉燒，念念不忘想淨係食碗叉燒飯做lunch但係又唔想去到咁唔就腳嘅位。喺灣仔金鐘做嘢嘅你發達啦🥹 鋒膳既平民D既line，燒味部AKA- 發達叉燒 Fat J叉燒 開咗喺灣仔蘭杜街 即係PP三期附近🫶🏻🫶🏻🫶🏻 叉燒就唔使多講啦，茅台醬油雞必食!!!!離到遠遠都聞到浸茅台酒味，食落又香又嫩滑冇乜酒味但係好重豉油香，仲要起曬骨啖啖肉，食完想成隻買走！個飯都係重點，粒粒彈牙無馬虎🥹 唔係我誇張自己去試下啦💖If you’ve ever tried the *Happy Pork Char Siu* from Flower Drum, you’ll know it’s unforgettable! Craving just a bowl of char siu rice for lunch but don’t want to take a 15 mins walk to an inconvenient location? If you work in Wan Chai or Admiralty, you’re in luck 🥹 Fung Shan’s more affor