78
22
9
港鐵灣仔站 B2 出口, 步行約2分鐘 繼續閱讀
所有分店 (3)
電話號碼
23860007
附加資料
No vip room
營業時間
今日營業
07:00 - 20:00
星期一至日
07:00 - 20:00
公眾假期
07:00 - 20:00
公眾假期前夕
07:00 - 20:00
付款方式
AlipayHK 支付寶 現金 八達通 微信支付
座位數目
10
其他資料
VIP房
電話訂座
外賣服務
加一服務費
當面支付
招牌菜
滑蛋治(可配菠蘿油) 沙爹鮮牛肉治(可改烘底加牛油) 沙爹鮮牛蛋治(可改烘底加牛油) 鮮牛肉蛋治 港式奶茶
食評 (146)
等級7 2021-06-11
147 瀏覽
馮志堅在金融界非常出名,最近竟然進軍飲食界,在灣仔春園街開設【我杯茶】專賣奶茶、蛋治、叉燒飯……等港式食物。另外,他計劃靠奶茶於大灣區大展拳腳,目標是兩年後把公司上市,靠奶茶進軍中國龐大市場,野心真係大!莫非想把奶茶變成Starbucks?Starbucks 成功把咖啡帶到世界各地,幾十蚊一杯咖啡都大把人買,將咖啡包裝成中產飲品,絕對是成功例子。要將茶檔奶茶打造成高級飲品,要將奶茶文化帶到國內再搞上市,成為Starbucks真係談何容易。Starbucks 每間店都有特色裝潢又坐得舒服,真正嘆杯咖啡。可是【我杯茶】室內環境又長又窄又沒有裝潢,只有幾張高枱高櫈,另外有間房,內裡只有 3張細枱。老闆本身門外漢,於是招攬「茶王」羅德師傅,用「茶王」出品吸引客人慕名而來。除了奶茶外,食店供應幾款港式食物。在門口收銀處下單後,店員在開放式廚房內預備食物,做好客人自己去領取食物,快餐店流程。坊間越出越多以【黯然銷魂飯】命名的叉蛋飯,我又試下【我杯茶】的叉蛋飯。這個叉燒不似坊間的叉燒,這個叉燒切得薄,而且不見梅頭肉的脂肪紋理……外貌似牛腩?味道都ok,只是我食慣厚身啖啖肉半肥瘦又焦香的叉燒。荷包蛋滑嫩,但未至於有脆邊,蛋黃濃郁,送飯一流。另外有塊生菜 ⋯⋯ 坊間一般都是用菜心的。期待的奶茶味道沒有預期的優秀,但都比一般茶餐廳好。茶味未夠香濃,勝在入口順滑而且不太甜。老實說,附近【金鳳茶餐廳】的無冰奶茶更加出名,都只是$25,這杯要$30 ;定價太進取,當試過之後,就更加覺得不太值得。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-06-14
0 瀏覽
每次想飲奶茶一定諗起『我杯茶』。雖然間舖細細間,但都仲有D位比食客坐低食。今次叫左鹹牛肉蛋治同凍奶茶。鹹牛肉蛋治個包口感鬆軟,厚度適中。鹹牛肉蛋煮到差少少全熟冇overcook,食起上黎香滑帶有少少鹹牛肉既鹹味,非常好。美中不足係我唔記得加$2烘底,咁就更Perfect,不過呢D都係個人喜好。呢度既奶茶,無論凍熱,茶味豐富,入口幼滑。除左堂食,佢地仲有得一支支奶茶外賣。疫情下,係屋企都可以飲到優質奶茶,非常好。值得推薦。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-08
0 瀏覽
“沙嗲鮮牛肉飯”($48)“熱奶茶(加大)”(+$14)身為奶茶同沙嗲牛fans點可以錯過呢間喺灣仔嘅我杯茶😆舖頭細細間主打外賣,但都有啲bar枱位食嘢😛沙嗲牛麵就食得多今次就要咗沙嗲鮮牛肉飯🐮🍚個飯賣相幾靚仔,有煎蛋🍳,生菜🥬,紫洋蔥🤩雖然沙嗲味唔算太濃,但牛肉係幾嫩滑😍啲飯份量超多🤣食哂好夠飽🤣另外跟餐要咗杯熱奶茶(去食嗰陣仲係冬天😂如果宜家再去食一定要凍🤣)師傅會問定你要幾多糖😆因為鍾意飲甜嘢所以要咗2羹糖😂奶茶飲落確實茶味好香濃😍唔怪得係叫奶茶王啦😛 繼續閱讀
(以上食評乃用戶個人意見 , 並不代表OpenRice之觀點。)
等級2 2021-05-27
156 瀏覽
送咗小朋友上校車之後,我就同班媽咪朋友去食早餐。其中一個媽咪介紹話灣仔嘅「我杯茶」唔錯,於是我哋幾個立即去試。鋪頭唔係好大,只有三張4人枱同一列bar 枱。地方比較窄,未至於背貼背,不過都要大家互相遷就下,如果唔係就會觸碰到其他人。而家天氣咁熱,就算餐廳開大冷氣,我哋可能又食熱嘢啦,大家都食到成身汗😅既然叫得做「我杯茶」咁佢嘅奶茶一定有返咁上下水準啦!於是我叫左杯大嘅熱奶茶同沙嗲牛肉仙草麵嚟試吓。其實餐廳係自己出去點餐,等嗌number,之後再自己拎埋位。不過老板好nice,佢見我哋坐咗埋邊,唔方便起身去攞食物,佢專登攞過嚟俾我哋😊熱奶茶(跟餐,加大$17)茶味香濃,唔會苦澀;沖出嚟嘅顏色好靚;花奶分量適中,唔好黏住喉嚨。真係好飲喎!我會願意專登再去,為咗呢杯茶。沙嗲牛肉仙草麵($48)大家一見「仙草麵」都好好奇,究竟係咩嚟㗎?係咪凉粉嗰啲「燒仙草」之類呢?一或係「蒟蒻麵」?原來「仙草麵」係用鐡皮石斛榨汁,再用山泉混合而製嘅,綠綠地色,淋淋地,口感似陽春麵,冇乜特別味道。沙嗲牛肉個汁甜甜地,食到粒粒花生碎,就算撈埋喺個湯到都唔會稀晒。牛肉冇筋,唔靭,夠入味。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-05
242 瀏覽
附近想食一個快嘅午餐,我一向喜歡食叉燒飯,仲有出名嘅凍奶茶,雖然坐吧枱唔係好舒服,但我都諗住入去食個簡單嘅午餐填飽個肚。隻蛋煎得有燶邊堅係幾好食嘅,但叉燒唔靚唔好味,而且乾得滯,所以對呢個飯我係極度嘅失望。另外不得不提喺呢度嘅奶茶好出名,但老實講我又唔覺得特別滑,茶底唔特別好,反正全部都只係普普通通,咁嘅份量同埋質素,價錢實在又貴又唔抵,甚至有啲覺得浪費自己食嘢quota嘅感覺,而且名大過實,非常一般。 繼續閱讀
(以上食評乃用戶個人意見 , 並不代表OpenRice之觀點。)