南記海鮮飯店

營業中

休息中

班frd 講左話去三聖邨食海鮮好耐，約齊人就去試下黎呢度食先要去附近海鮮檔買料（其實我覺得大家唔怕拎，可以去其他地方買，因為都幾貴下，同埋擺明劏客）買完就去左南記加工，經員工推介後，就決定左幾下幾款野碟炒花甲，味道ok芝士焗龍蝦，好味呀，芝士又夠多，個麵底d麵又夠多，最arm芝士怪呀避風塘炒蟹，火喉arm arm 好，唔會乾真真咁，食落去非常香脆，要飲多兩杯啤酒送芝士焗龍蝦，員工推介見到每一櫈幾乎都有碟，就試下啦，果然炸到好香脆又唔乾，加埋芝士，不得了，極力推介呢碟蒸扇貝，呢個買料時都買到大粒，價錢ok,$80 有6粒，不過我嫌佢蒸到有d dry,有少少過左龍，同埋豉油得少少辣酒煮花螺夠辣！酒味濃，又係送酒之選埋單就1200 左右買料就1300 左右整體黎講，都唔錯，不過對我黎講太遠喇，下次有機會要再食過

最出色竟然係燒鵝，其次係咕嚕肉，海鮮黎講最得係清蒸賴尿蝦，鮑魚唔入味不過尚算不過不失...蒜茸蒸蟶子過老，豉椒炒蜆唔夠味，鹽焗蟹有落玫瑰露不過東一忽西一忽，脆芝士龍蝦依舊過老大廚可能偶有失手，不過服務態度極差先係大問題訂左 6:00，6:00前已交料，食到 7:10 仲差薑蔥鮑魚同鹽焗蟹，第一次問待應，佢答話出得到就出，怪你問佢做乜，之後 7:20再追，又係咁既態度，7:30都未有，忍唔住問經理，講明第三次追問兼無人跟進，估唔到經理都係咁答反而賣啤酒個女仔超好態度，我地淨係叫左兩支，仲要係同待應落單，都不停同我地講多謝，憂做同唔憂做既分別...總之唔會再黎

幫襯南記,最少都有10年。以前忠仔記買海鮮,再來南記加工,一定是最佳組合,現在兩間都水準急降,實是可惜。蜆一般唯獨係隻鵝依然咁香咁脆咁好食唔通我下次淨係食隻鵝就走?油浸筍殼係我最鐘意的菜式之一,經常喺各大菜館都吃這個餸,南記做得極差,我覺得只係掉左落炸爐炸左就比我食我叫油浸呀！唔係油炸呀！你有冇多次離鑊離火煮嫁?我條筍殼買得好靚嫁嘛瀨尿蝦只屬合格另外仲有個餸,嬲到冇影相,叫辣酒煮花螺,d酒味係會懷疑個廚師關左火先記得落酒,求其撈兩撈就上碟囉!我平時最怕浪費,好少食剩野,但都真係食唔落呢碟酒精螺成餐飯,得碟鵝好食,有兩碟係垃圾級別!支持你地10幾年攪成咁,唉！真係發左達就求求其其,冇咩辦法唔比劣評。

10日內去了兩次南記，但第二次去的小菜質素十分失望。除了最精彩的芝士脆焗龍蝦和蒸魚外，其他菜式也非常失望。朋友話今次的芝士脆焗龍蝦，是咁多次當中最出色的龍蝦是在「關財記」購入，非常新鮮師傅焗的時間也是恰到好處，龍蝦非常彈牙爽口！另外買了一條海杉斑，約一斤左，右師傅也蒸得非常嫩滑。朋友叫了兩碗白飯吃此海杉斑。另外叫了椒鹽鮮魷，也非常出色，炸得很好火候，魷魚仍很嫩滑。另外點了沙拉骨和葡汁四蔬，可以話係此餐廳的敗筆沙拉骨和豬扒一樣，只是將一件炸豬扒切開，大大件，混混亂，然後求其加啲沙律醬，我們對此菜色非常失望。另外葡汁四蔬，是人生裏吃最難食的食物之一。他們竟然用上菜心，芥蘭，同經理查問，佢話有四種蔬菜就係啦！葡汁只是一Pat黃色漿糊，沒有味道。整得咁核突，請在菜單內取消此項菜式！此餸菜將一貫好評的食肆蒙上污點。請取消此垃圾食品

老公叫左幾次去三聖村食海鮮，今晚終於成行，我地係外圍買料去南記食加工，其中買了重皮蟹，海鮮檔Meet 殼比我睇，確認係重皮蟹才入膠袋，再拎去南記加工，所有海鮮食完我的重皮蟹未上枱，多次詢問服務生，隔左半小時，重皮蟹才上枱，發現meet 左殼既痕跡唔見左，蟹身完整無缺，仲細隻左，懷疑換貨，向服務生講，佢叫我唔好食，搵負責人來講，點知有個四眼無著制服既人出來，話係一斤三兩，兩隻重皮蟹點可能有一斤都無，仲話一三兩，仲叫我地搵檔主來對質，你做生意人地都要做生意，都無謂搞著人地，當時正係飯市，檔口大把客人，多次話有Meet 殼痕，佢死口唔認，又話無換貨，幾十蚊生意都唔肯認錯，好無品，一定無下次，甚至三聖村都唔會再去，未試過食一間食肆會咁嬲，又唔係唔肯比錢找數，呢啲老字號，一句抱歉都唔肯，老公話未見過我咁嬲架，所以大家交比加工場時要小心，影相為証，呢啲事，報警都無用

Yeah!!又有海鮮食😋😍朋友話帶我去三聖食海鮮，呢個地方聽就聽得多，食就未試過！呢度好興自己買海鮮然後黎加工架，咁樣就可以食到好新鮮嘅海鮮！豉椒炒蜆，好惹味好正！薑蔥炒蟹，都係食到停唔到口🤤辣酒煮花螺，朋友介紹要有粉絲底，原來好好味架！我個人好鍾意，但有啲朋友覺得唔夠辣，但我就忍住辣都要食😂😂😂椒鹽賴尿蝦，我哋買咗呢D超大嘅，叫做斑馬賴尿蝦，但本人就麻麻哋，原來呢種賴尿蝦肉質會比較淋身，有少少以為佢唔新鮮的感覺，所以下次我都會買番細隻😉芝士焗龍蝦，肉質鮮甜，好味！蒜蓉粉絲蒸小象拔蚌，也不錯，不過可能過左火有少少Un

明明攞咗兩隻蟹來，轉個頭話我哋係得壹隻，我哋話係有兩隻拎來，跟住負責收海鮮個阿姐話冇睇唔知，屈我哋話自己講有兩隻，仲要好串攞返盆海鮮叫我地自己睇係得一隻，我哋就話肯定有兩隻叫佢哋再搵，轉頭就話喺廚房原來走甩咗，明明扎住點會走到，莫非我哋啲蟹真係咁新鮮？搵到都算啦見佢哋好誠懇致歉我哋都冇所謂， 點知原來好戲在後頭，當所有餸食晒之後，碟蟹遲遲都未見，莫非又再次走甩咗？我哋問啲侍應個個都話煮緊等多2分鐘，卒之足足等左兩個幾鐘先至煮到出嚟，個四眼叔叔仲要好串咁放落枱，啲蟹咬左一啖係凍嘅，我哋都費事食！明明係同奶奶慶祝生日點知食到谷 X氣，我知你哋好生意，都唔係咁做法架架？

自入了北區做野，田園見得多，食多左菜但少吃了海鮮，是日興之所致，不如去下三聖村。當然，懷著戰戰兢兢的心情準備俾人劏到一頸血。好彩有熟人介紹，在海鮮街用五百幾蚊買4樣海鮮，有龍蝦有星班，其實係好抵了。海鮮檔問我要唔要好活潑既海鮮，我回應:「慢d 就可，因我都慢活慣，咁樣! 又平多小小。」買完海鮮，行左去最遠個間餐廳，一入去盡是d 大哥大叔，有d 嘈，不過這先算得上冬菇亭的風味。當店員問我們想點食法?餐牌內其實有很多的建議，例如脆皮芝士焗龍蝦，不過由於初來步到，食返d 穩陣既上湯焗加麵底。至於，其他幾道海鮮，都是穩陣食法，蒜蓉蒸元貝，清蒸海上先，炒蜆等。每樣都穩陣乾淨。人總是眼闊肚窄，我們另外又叫多左個菜及霸王雞，真係飽到攬住個腩走。總結而言，以海鮮街而言，呢度係平過西貢及鯉魚門的。

飽魚從海鮮檔位於三聖村旁的「榮利海鮮公司」新鮮購入。胡椒飽魚煲，南記海鮮飯店老板娘建議胡椒的吃法，便一試。胡椒味濃而不辣，非常美味，飽魚咬落彈牙，火喉拿捏準繩，但就如老板娘所說，飽魚味被胡椒搶奪了。老板娘建議時已說明，雖然飽魚鮮味沒有了，但整體仍是非常美味，不過，下次還是吃回傳統的鮮飽魚煮法。鹽燒奄仔蟹奄仔蟹從三聖村旁的「榮利海鮮公司」新鮮購入，南記海鮮飯店加工鹽燒，蟹膏勁多，無比香濃美味，極度滿足，肉彈牙，香甜結實，唯太咸，嘴唇也咸到損了，但無損大樂！白灼東風螺東風螺從三聖村旁的「榮利海鮮公司」新鮮購入，南記加工白灼，也許就是新鮮，在沒有蕉上任何醬料下，黎生都吃到東方螺的獨有鮮味！白灼海麻蝦海麻蝦從海鮮檔位於三聖村旁的「榮利海鮮公司」新鮮購入。南記海鮮飯店負責加工。麻蝦鮮味無窮！回味！椒鹽瀨尿蝦瀨尿蝦從海鮮檔位於三聖村旁的「榮利海鮮公司」新鮮購入。肉質豐厚咬落彈牙，一口咬下非常滿足，唯椒鹽味不算太濃。南記海鮮飯店的對是次海鮮的加工還可以，而海鮮本身就是新鮮！「榮利海鮮公司」首記一功。

辭左職開心爆，放緊一個超級大長假，siubo話要去睇戲，仲指明要睇藍精靈，本來我真係唔想睇但見佢山長水遠黎車我唯有陪下佢。siubo覺得藍精靈好好睇，係咁話美芝好靚女好彩最後佢帶我去三聖村食海鮮我先開心返，我又真係未黎過屯門架好多好多海鮮啊，而且是超級新鮮。還有一隻可愛的超級大狗駐守我地揀左瀨尿蝦、蜆、龍蝦、聖子同扇貝，之後就去南記加工黎食啦瀨尿蝦超級大條啊啊啊，味道好香又唔鹹，好夠鍋氣，肉質香到最頂峰粉絲蒸扇貝，影完尼張相就掛住食唔記得影粒扇貝有幾大笠，味道超鮮甜，滑嫩又彈牙，粉絲的份量還不少而我的心頭愛就係尼個辣辣豉椒炒聖子。聖子超大超長一條，肉質鮮甜彈牙，辣椒膏夠辣又香，炒惹味又入味，愛死了油鹽水煮蜆，我本身無話特別好蜆，不過尼個有埋湯汁同芽菜，配合一齊食又真係唔錯啊，而且湯很鮮，還有胡椒味，加分！最後一個深深愛的就係芝士焗龍蝦芝士很香很濃，把龍蝦肉挖出來一起吃，整天都美滿了，肉質飽滿滑嫩又新鮮，和芝士融為一體，好幸福啊最後siubo仲叫多個豉油王炒麵但佢食兩啖就話飽唔食之後帶我去黃金海岸玩呀好開心呀我未去過架完

尋晚去三聖食海鮮，諗住去嘉彩，點知裝修，攞左d海鮮去南記加工，正垃圾全部都冇味既，浪費晒d海鮮，自己煮仲好食過佢，好心唔識煮野就唔好開檔啦!!唯一好小小仲放到落口既就係佢地d燒鵝

如果食唔返呢種幸福既味道 咁點算好？香港一直稱為文化沙漠，但唯一獨有既文化係飲食文化，港式文化絕對係香港人引以為傲既，所以食海鮮一定要食佢個種獲氣，個種香港獨有既香港情懷。今次簡左南記，圓台係香港粵式飲色既重要文化，一齊圍住樂也融融，最重要係叫幾多送都可以轉到我面前，咁先係爽！黎到三聖都知係買完海鮮黎加工，今次有魚有龍蝦有蟹，食到破產登登登登，今次真係要特別講芝士脆脆龍蝦，好食到好似食神既薛家燕咁：好好味呀！有幸福既感覺，會諗食唔返點算好佢脆脆既芝士，加埋爽口既龍蝦肉，一啖咬落去，簡直震撼我心溫馨提示：食半邊唔夠皮，建議食盡佢，最少每人一隻啦其他魚夠滑、蟹夠肉，夠新鮮，夠獲氣，完全食到香港風味

講到香港食海鮮最出名嘅地方，點都唔少得屯門三聖！好多人會在三聖的海鮮檔買海鮮去餐廳加工，我以前都試過，平均每人大約$500埋單，但跟我老媽子搵食，要食得招積，一定係喺三聖以外的街市買海鮮！會平多多聲！之前試過在屯門新墟街市買海鮮，再在南記加工，平均每人大約$400，以為已經好抵？但我發現原來喺元朗街市買仲抵！海鮮選擇又多！加埋加工費，成餐都只係每人$350！😱公開一下今次在元朗街市買的價錢俾大家參考一下：芝士焗龍蝦(開邊)-7隻-820豉椒炒蟶子(米粉底)-13隻-$200椒鹽瀬尿蝦-斤半-$200古法蒸鮑魚-13隻-$175䜴油皇蝦-斤半-$100砵酒蠔-2杯-約10-12隻-$170蒜茸粉絲蒸扇貝-13隻-$185油鹽水大蜆-2斤-$80白灼蝴蝶蚌-斤半$150龍蝦開邊芝士焗，有別於一般芝士焗龍蝦伊面及清湯焗龍蝦，另一種食法好有新鮮感，大家見到嘩嘩聲！豉椒炒蟶子，少少辣好惹味！我哋向南記要求要米粉底，點知佢漏左單😢椒鹽賴尿蝦，我哋買大隻一開二，好味，啖啖肉！ 果皮蒸鮑魚，時間蒸得剛剛好，好淋又有果皮香👍🏻👍🏻豉油皇蝦，不太咸，但顧住食其他野冷落左佢😂🙈砵酒蠔，買左美國桶蠔x2，夠大

最近朋友推介去屯門三聖村南記海鮮飯店食燒鵝 , 山長水遠一定要去食海鮮, 三月當然要食處女蟹啦!，處女蟹即沒經過交配的母蟹就是奄仔蟹。唔知你知唔知, 我一家係蟹痴 ,等我話你知 , 三月最好食奄仔蟹! 俗語道：“正月吃重殼，二月有靚水，三月裡來吃奄仔，四月黑奄仔，五月青蟹都靚仔，六月有得六月黃，七月八月吃油蟹，九月十月大閘蟹，十一十二月吃膏蟹。 走去安記海鮮街買咗4隻鮑魚HK$170, 2隻奄仔蟹HK$140, 共HK$310, 之後拎去南記加工. 許多人都搞不清楚各種蟹的分別，比如黃油蟹、重皮蟹、軟殼蟹、還有糕蟹、肉蟹、 奄仔蟹等等，其實都是青蟹. 澳洲翡翠鮑好新鮮呀！翡翠鮑是澳洲青邊鮑和黑邊鮑的雜交品種, 是養殖的, 可當刺身食用. 去到南記門口望一望，自來海鮮加工價目表，入去即刻叫: 伙記鮑魚用果皮蒸, 奄仔蟹油鹽焗, 比半隻燒鵝，唔該! 話口未完燒鵝就到，一咬肉質嫩滑而且彈牙，不過皮唔夠香，唔夠脆皮！相比係中環一樂燒鵝，還有一段距離。 果皮蒸鮑魚－一咬口感彈牙, 食落鮑魚中間會帶累鮮甜味道, 具有味甘, 份量十足, 非常滿足! 去到南記必試招牌菜油鹽焗奄仔蟹,

好友生日！本來訂咗鯉魚門食，但飯店來電緊急內部裝修要將我們的訂枱取消！好友失望，所以轉入食海鮮都出名三聖邨！ 7人到海鮮街買咗$1500（赤米蝦，龍蝦，大元貝，鮑魚，瀬尿蝦）直接入咗燒鵝都出名南記海鮮飯店！因為我們出了意外要轉地方！所以沒有訂枱，是日是星期日，所以一入到去已經高朋滿座，因為有BB仔關係，職員也很好第一時間安排我們入座燒鵝！皮脆不會太鹹白灼 赤米蝦 ！入口鮮甜上湯龍蝦伊面！肉質爽口味道適中果皮豉汁蒸鮑魚！火候適中不會過火椒鹽賴尿蝦！夠大隻肉質鮮美好吃蒜蓉粉絲蒸大元貝！元貝不夠大，但粉絲蒜頭夠味，味道偏淡！椒鹽鮮魷！炸皮夠薄，不會太鹹！不過食咗有罪惡感上湯浸豆苗！超正夠清