南記海鮮飯店

營業中

休息中

九龍人今日入屯門探朋友，未會合時先醫醫肚，原來三聖邨都有冬菇亭，仲有好多食肆，呢到好多人嚟食海鮮，午市就有好多特價麵飯，仲有湯麵餐廳環境都乾淨，而且坐得好舒服，侍應都好有禮貌服務要讚，睇完一輪餐牌揀咗牛腩湯河當我見到碟腩河就知一定好食，啲牛腩燜到入哂味，好清香帶濃濃牛味，腩位好嫩好腍身，連牛筋都好腍又有夠黏口，河粉吸滿濃厚腩汁，加埋辣椒醬食一流-另一樣要讚係最近都開始熱，呢到冷氣夠又剛好，食得好舒適，估唔到海鮮餐館都有咁正牛腩河食

一想食海鮮 我就會諗起三聖南記🤓三聖食過幾間 最好食都係南記佢個燒鵝真係好好好好食我平時食雞唔食雞皮 食燒鵝都唔食鵝皮但嚟到南記我會食埋塊皮 真係好好味每一次都係買海鮮去加工豉油王蝦芝士炸龍蝦呢兩樣係必食嘅加工

三聖邨食海鮮我地成日去，但南記今次係第一次嚟估唔到加工水準咁高，好有鑊氣，非常好味❣️馳名燒鵝皇（叫左半隻）唔記得影相😂燒鵝既肉質好嫩，外脆內嫩，油脂分佈平均，食入口唔會覺得油淋淋❣️豉椒聖子皇（煎米粉底）呢個食法真係讚不絕口，豉椒聖子皇炒到好嫩身，好淋唔un，個汁好惹味，煎米粉脆卜卜加埋個豉椒汁～正❣️椒鹽鮑魚鮑魚肉質彈牙，配合酥脆既外皮，食起上嚟又唔會好un,控制時間控制得好好👍🏻非常惹味❣️椒鹽瀨尿蝦真係好有鑊氣，炒到每一隻都好入味，全晚之冠❣️蒜蓉蒸開邊蝦廚房師父控制火候控制得好好👍🏻加粉絲底，世界級美味❣️白酌花螺我地喜歡白酌，點甜醬食😊😊😊

行過南記海鮮飯店，捕到夠晒驚喜。第一件攻略就係佢哋嘅招牌黑椒燒鵝皇，聞到嗰陣香氣就已經食指大動。燒鵝外皮酥脆，肉質鮮嫩得嚟唔膩口，個黑椒味又夠晒响，食落去真係過癮。薑蔥焗鮑魚又係一絕，鮑魚爽滑勁彈，啖啖肉咬落去有勁，薑蔥味夠鮮亦不搶鏡。至於海鮮龍蝦配湯伊麵，啲伊麵煮到剛好Q彈，龍蝦鮮甜彈牙，湯汁又清鮮，稱得上係絕配。再講吓佢哋嘅清蒸老虎斑，一試就知新鮮，魚肉滑溜得嚟無土腥味，簡單清蒸就已見真章。但就細講下椒鹽墨魚，雖然味道開胃，可能火候掌握得稍欠，墨魚偏乾，抵觸喥少少分。總體上場面盛大，男女老少都啱食，真係平民化中嘅上等選擇！香茅、清齊、正！👌🦞🍲

自從上次家人帶我去屯門三聖食海鮮，食過一間好好食之後，我就成日心思思想再去三聖。幸好家人的生日比較接近，上次慶祝完一位，好快又到第二位慶祝，所以我又有機會過嚟三聖喇🤣🤣開心😃今次我哋決定試吓三聖另外一間比較出名嘅南記，喺海鮮街買咗聖子、蟹、花竹蝦、同埋鮑魚過去加工😬加工完之後，豉椒聖子皇炒到好嫰身，個汁好惹味，屋企人都讚不絕口，勁快清晒碟🤣避風塘炒蟹又係一絕，酥脆酥脆，香口惹味，送洒一流😍陳皮蒸鮑魚，香氣撲鼻，蒸到啱啱好，一啲都唔會靭，滑滑的👍🏻 又是－間名副其實的名氣海鮮店呢👍🏻

係三聖發記買完海鮮拎去加工聽人講過南記 但今次第一食第一次食游水牡丹蝦兩食 刺身+椒鹽蝦頭 蝦頭幾香 有蝦味 炸得幾脆，刺身肉質好彈牙，但味道好淡蒸北寄貝 本身想清蒸 但比左蒜蓉粉絲🥲 不過火喉岩岩好 北寄貝都好甜酥炸桶蠔 皮簿 好脆椒鹽瀨尿蝦 好大隻 我覺得應該要幫我地開半 自己剪好大工程 個人覺得太大隻 好似唔係太好食蒜蓉粉絲蒸蟶子皇佢地蒸野既水準好高 時間岩岩好熟 好甜 又爽好 因為7個餸 所以加多左半隻燒鵝 燒鵝皮脆 味道都好夠總結一下 佢加工費900左右 唔算好貴 蒸海鮮時間好準 全部都岩岩好 👍👍環境大排檔 服務見人見志啦

買盒星洲炒米，口感有如吃漿糊！本應爽口的米粉，好似糊仔咁！好心打電話去反映，回應竟然係可能米粉浸壞左，覺得唔好食就過第間買！毫無做飲食業的道德！劣評！堅決抵制！

三聖邨海鮮就聽得多, 難得今次朋友係屯門新居入伙, 一於就初嚐依度既海鮮喇😉 💡馳名燒鵝皇(例牌 - $155)👍🏻燒鵝皇既肉質濃郁, 外皮皮脆而肉嫩, 而且油脂較少, 食起黎都唔會覺得油膩~ 💡白灼蝦 (加工$64 / 材料$100 半斤)🦐白灼係食蝦最簡單又食到鮮味既簡單食法, 蝦肉新鮮彈牙, 配上辣椒豉油, 味道非常惹味!😋💡蒜蓉開邊蒸蟶子 (加工$81 / 材料$180 - 12條 1斤2兩)大大隻又口感爽滑既蟶子, 配上蒜蓉清蒸後, 味道更加香濃 (可惜蒸既時間掌握得唔係太好, 蟶子有d生, 加上粉絲蒸得未夠淋, 唔夠滋味😂) 💡椒鹽鮑魚 (加工$90 / 材料$240 - 6隻 1斤2兩)肉質彈牙既鮑魚包住酥脆既外皮, 椒鹽調味提升咗鮑魚既鹹味^^ 💡豉椒炒蜆 (加工$64 / 材料$120 1斤)🐚味道不過不失, 豉椒既味道唔會過於濃郁, 亦都唔會太辣 💡椒鹽焗魷魚 ($138)🦑椒鹽焗魷魚係必叫既菜式之一, 椒鹽美味, 外皮酥脆, 而且魷魚厚身啖啖肉, 無嘜可以挑剔既一道炸品~💡粟米魚肚羹 ($118)🌽🫕羹湯清澈, 有淡淡既海鮮香氣, 加上魚肚柔軟, 同粟米既爽脆口感

個阿叔侍應點菜時十問九唔應，講多句都唔肯，叫加米粉底又唔講價錢幾多，算我忍唔出聲。問海鮮加工大概要幾耐先上菜，又話人多冇辦法催，只能等。蝦買左十隻上得九隻，覺得小事費事吵，我忍唔出聲。最後埋單比完錢拎左張寫明顧客收據的單，比人大聲鬧：喂！拎左我張單！實在忍唔到，我話你可以同我講清楚，張單唔拎得，要單需要重印，使唔使甘惡鬧人。仲死唔認錯。出品唔見得出色，侍應態度超差，絕對冇下次。冇必要比錢去受侍應氣。

22-03-2023我地一行8人去屯門三聖村「南記海鮮飯店」朋友早啲去附近街市買定海鮮，拎黎南記安排點煮，到5點半左右等齊人，就叫侍應可以安排上菜，等到6點15分，都未有菜上，就問其中一位四眼叔叔，點解仲未上，我地一共追左2次，2次四眼叔叔都話：「肚餓啊？點解唔叫隻燒鵝食啊？」我地懷疑因為我地冇叫到南記入邊既餸同埋燒鵝，就專登遲遲唔上菜，因為我地5點半叫上菜，佢地鋪頭既客人連一半都冇，係都要拖到最後先幫我地上菜，去到7點，我朋友忍唔住再問四眼叔叔，我地等左成個幾鐘，湯都未見到有得飲喎，跟著15分鐘之後啲海鮮就好快咁上哂！第一道菜-「脆皮芝士焗龍蝦」不愧係招牌菜，真係好好食！個芝士醬唔會好濃味而搶左龍蝦既鮮味龍蝦焗得岩岩好，唔會過火，真心好食第2道菜-「椒鹽瀨尿蝦」我地懷疑南記用我地既新鮮瀨尿蝦，換左去比人地，因為我地買海鮮個度係識人，逐隻新鮮識跳既簡黎買，但黎到8隻入邊有2隻係梅架啲肉，同佢地職員反映，就話係我地啲蝦黎，我地拎黎唔關佢地事！第3道菜-「西芹炒花尾躉腩」依道菜煮得好好，肉冇過火，但味道偏淡第4道菜-「炆花尾躉骨腩」依個炆得好好食！好夠味但唔會過咸，不過一定要親熱食，凍左食

朋友爸爸係海鮮檔熟客 所以冇咩野質素同呃秤concern 不過見依間都好多人買 應該都係穩陣 揀太多款仲提我地已經夠食😂拎去海鮮加工 用大鑊炒夠曬鑊氣 同行有人唔食海鮮 嗌左燒鵝燒腩仔咕嚕肉都好食😚大推椒鹽瀨尿蝦 鹽焗奄仔蟹 豉椒蟶子皇煎米底 夠曬新鮮同惹味😋仲有象拔蚌二食 我真係孤陋寡聞 唔知原來內臟都可以食象拔蚌刺身夠鮮 爽口筋道 海水味濃拎走曬唔食得既位 例如個膽 淨返既就拎黎整海鮮肉碎粥 勁勁勁好食 又鮮又甜 其他部位有唔同質感 開心大發現左🥹

一家人去吃海鮮，最喜歡前往三聖自己揀料，再到南記加工，看中其加工費算合理，廚藝也不錯，不會浪費食材和金錢。南記位於冬菇亭內，但餐廳有冷氣供應，座位都算闊落。但用餐時間只有90分鐘，有時會吃得有點趕，不是能坐下來慢聊之選。芝士焗海蝦芝士舖滿整個蝦面，剛焗好出爐熱騰騰，鹹香味十足，吃下去非常焦脆惹味。鼓椒炒蟶子蟶子炒得剛剛好，保有蟶子原來的爽嫩鮮甜，再配上惹味鼓椒汁，令人食指大動。清蒸海斑海斑用清蒸方法最能保持原汁原味，只用蒸魚鼓油、蔥和芫茜已能輕易帶出其鮮味，也中和其他較濃味的烹調方法。燒鵝（例牌）燒鵝的外皮燒得香脆，但因為不是燒鵝肶，所以肉質頗結實，配着梅子醬一起吃也不錯。

尋日釣咗4條鱲魚，攞去三聖南記，叫佢加工做刺身。簡直離曬譜，一嚟到竟然係冇起魚皮，我都未試過食刺身唔起皮。食落口係完全咬唔到，好似食橡膠咁。跟住同返個侍應講，個侍應話，我都冇辦法，今日嗰個係幫廚，叫我哋自己去諗點樣整返條魚。你話係咪黐乜線。後尾我哋將啲魚生用返嚟炒球。但係難食到不得了。無味…魚頭，魚骨攞咗去做椒鹽。已經叫佢落重味啲，但係竟然一啲椒鹽味都冇，淡到不得了。我哋仲買咗成千蚊海鮮佢俾佢整。整咗個豉椒炒花甲。竟然係冇豉椒嘅。啲花甲好似出咗水先至炒，完全冇味同埋好韌，啲肉甩曬出嚟，好似翻炒過咁。跟住仲有個蝴蝶蚌，油鹽水煮，係一啲鮮味都冇曬，又係出咗水先至再用油鹽水再煮，又係硬到阿媽都唔認得。跟住叫咗隻燒鵝，佢話係馳名嘅燒鵝，竟然係冇味嘅，好似完全冇醃過一樣。叫咗碟蒜蓉炒白菜，又係冇味嘅，蒜蓉都唔多粒，冇落鹽一樣。仲有芝麻班，攞去俾佢蒸。條芝麻斑蒸到超難食，嗰啲魚豉油好似啲湯咁，又嚡又過曬火。叫佢過大廚嚟試下啲嘢食。試完仲要坐係我哋後面唔出聲，跟住就係聽到佢在打電話買波，完全冇入返去個廚房度唔知做乜。到最後仲要收足我哋加工錢，完全冇惗過自己整錯嘢。好後悔攞咗去呢間嘢度整，食到一肚氣。

我們今日訂了枱六點食飯，六點叫了叫了龍蝦伊麵和蒸魚，燒鵝和菜，一個羹。等到七點十五分龍蝦伊麵先到，蒸魚要等到七點40分先來，食了一肚氣，我都算喇，差不多八點隔離枱剛剛來，感覺係熟客因為佢地叫了好多海鮮，海鮮好快就上，點解人地唔駛等，而我地就要等一小時四十分鐘條魚先嚟。我有問佢，佢話剛才有100個外賣廚房要做咗外賣先。如果我八點來就唔駛等。你信唔信呀？我做錯咩，我點知道食早場係你地繁忙時間，要等咁耐先食完一餐飯？隔離枱係咪熟客有特別優待我唔知，佢答我，咁你而家想點呀？咁你食咗條魚未呀？食咗咪得囉！員工態度惡劣！我地唔係成日食呢間但都幫襯過十幾次，今次好失望，呢間南記我永遠唔會去！

又到冬至，老闆請我哋去屯門三聖食海鮮😍，一班人搭咗45分鐘的士，才到達目的地。老闆同幾個同事揀海鮮，我哋一班人入咗南記坐低。朋友都有介紹過呢間海鮮食肆，但實在太遠，始終的唔起心肝入嚟食返餐，今日終可一試。食肆位處屋邨嘅冬菇亭🍄，座位空間比較逼，店內衛生實在麻麻🥲。第一碟上枱的是招牌燒鵝，燒得外皮香脆，內裏肉質嫩滑多汁，燒鵝調得入味，非常好食😋。另一道招牌菜，脆皮芝士焗龍蝦，龍蝦有一隻手掌大🖐，肉質結實，龍蝦味道偏淡。面層嘅芝士🧀焗到金黃色，但係食唔到芝士味反而有好香嘅蛋味🤔。椒鹽瀨尿蝦，瀨尿蝦🦐同蒜粒🧄都炒得非常乾身香口，瀨尿蝦肉質鮮甜。原條象拔蚌刺生(兩食)，既可生食，亦可在上湯裏微微灼熟才食，象拔蚌肉質爽脆，味道非常鮮甜，好食到停唔到口😍。阿拉斯加長腳蟹🦀，啖啖肉，肉質豐厚，味道鮮甜，每一啖都非常有滿足感😍。上湯麵包蟹伊麵，熱辣辣嘅麵包蟹🦀特別好食，蘸上上湯齊食更好食😋。清蒸鮑魚，鮑魚都幾大隻，肉質細嫩鮮味🥰。蒸青衣，魚味一般，肉質鬆散😶。胡椒蜆肉湯，蜆比較細小，有淡淡嘅胡椒味🤗。總括而言，整體食物味道唔錯，我覺得主要係食材本身新鮮，其實烹調技巧上，沒特別提升食材嘅味道，咁遠入到嚟