南記海鮮飯店

營業中

休息中

外地回港的朋友臨離開香港時請我們去三聖村的南記海食鮮店，她們盛讚燒鵝做得好好，且要提前預留，walk in客有機會向隅。咁誇張、一於去試試先。6人先行去海鮮街，買左約$1400(有瀨尿蝦、奄仔蟹、幾斤重斑，價錢算可以)食材。拿去南記加工，連半隻鵝、一碟菜、一碟飯，一千蚊有收算好實惠。坐店内、空調足、一點不覺自己在光顧冬菇亭食肆，冷氣夠，裝潢如一般的小菜館。味道方面算不過不失，燒鵝皮脆肉嫩，味調得不錯，不太咸，做招牌菜都頗適合。至於海鮮加工方面避風塘龍蝦及鹽焗蟹做得頗到家，味道、火工掌握得不錯，其他就只是不過不失。:獨獨碟油鹽水北寄貝同蝴蝶蚌就差些許，唔夠味及過了火，肉韌了點，可惜。

只想講一句,服務態度好差,唔會再幫襯! 食物OK環境一般點餸時已經串串共😡追個餸時仲話:今晚多人,唔好追啦好唔好😡呢d咩態度價錢唔係平,無理由受呢d氣,唔會再幫襯😡

2016年9月2日晚我們朋友十人在海鮮街買料拎去南記煮 現埸己很多食客等位 大約30分鐘有位，之後分付侍怎様煮，大約29分鐘左右開始有食物到 由於我們前後共9味餸所以不能盡錄，但整體來說他們煮功真不錯，餸菜不會抽水，比番原有份量己很開心！但你們不要要求侍應有親切的招呼了，因為畢竟他們是d阿嬸阿叔！整體來說只是現場食客比較大聲說話，所以拍拖2人世界的朋友就要考慮一下了到埋單時我們叫了6支啤酒連煮功$1460，之前海鮮街買料$1880 除10人

昨日 我們一行 8 人到上址 晚飯自備 海鮮料 到該店其中一樣 自來料為 筒蠔我們 買了 三筒蠔 每筒 6 隻 共 18 隻* 已向 購買之海鮮檔 求證數量到店後 要店鋪 分兩種製法* 酥炸生蠔 及 砵酒焗蠔當兩味蠔 拿出來時 每碟 只有 6 隻我們當時 要求樓面 向廚房查詢但樓面 沒有替我們 查詢即話 每筒蠔 數量不一 已出齊對此 我們感到 非常不滿無奈的是 我們 交貨給店鋪 時未有 跟他們 當面對數但我們 買料之海鮮檔 為經常購買之檔口所以 我絕對 信得過該檔經此事後 得到經驗跟 大家分享亦對 此店鋪的員工 表達不滿特別是 樓面員工在收到 顧客 要求下並沒有 代查詢 就私下作出判決街坊生意 都可如此笨 只會一次以後 永不幫襯

咁岩去開屯門做野，諗住入埋三聖食海鮮，點知食左一肚氣。買左三樣海鮮，煮法係豉椒炒蜆，蒜蓉蒸貴妃蚌，蒜蓉蒸聖子。點知等左唔夠十分鐘就上枱，仲要一次過上哂3碟海鮮，已經好奇怪佢清洗得黎都幾分鐘，點解幾個分就可以搞掂上枱，雖然個陣已經接近9點，但都無理由快成咁。個豉椒蜆都還可，起碼入得口。到一食個隻蚌，成陣腥味即刻吐返出黎，同左侍應講根本就未煮，佢黑口黑面拎返入去再煮，一句唔好意思都無。當然碟聖子都好唔得啦，懷疑佢連洗都洗得唔乾淨，不過都算，再嘈費時一陣佢真係吐口水落去我d 海鮮到。最嬲係叫左個蒸霸王雞，食哂d 海鮮都未到，海鮮就10分鐘洗埋煮好，反而碟雞就大半個鐘先黎到。點知一放落口，係凍既，等左咁耐，比碟唔熱既雞我？已經對佢個廚好失望，所以都唔想再拎入去翻熱。到埋單我地比個意見比侍應，佢聽完keep 住無反應，剩係講一句 搵經理黎， 轉頭等左一陣，原來只係另一個侍應呀叔黎敷衍我地，講左句我幫你整熱d 雞，我地話唔駛了，直接叫佢埋單就算。我唔係第一次去食呢間，但so far 之前兩次都ok, 但今次之後我地都決定以後都唔會再黎呢間野食，簡直係浪費哂你買既海鮮。

係朋友話想食呢度嘅燒鵝，所以先走到入嚟試試佢，晚餐九點鐘左右到，平日都坐滿7成，都幾好生意。當然除左燒鵝，一定要叫啲海鮮食吓啦，海鮮就要行出出面嘅海鮮檔買返嚟再加工(好在9點到，因為9點半就收檔，差啲無得食係外面買咗6隻鮑魚同1斤花螺都要成3百幾蚊當然未計酒樓加工費用:]我地點例牌，但都好有份量吓，而且斬到嚿嚿都食到啖啖肉，唔會咬到咀都軟埋，因為肉質鬆軟，肉味:呢個係必點:]呢味另外收$64加工費，先講味道，個汁夠晒濃，有洋蔥墊底，胡椒粒磨碎，每啖都食到各種配料嘅味道，鮑魚煮得夠爽口彈呀，並無過老。]呢樣都係加工費$64(呢個係一斤嘅加工價錢)，花螺呢啲野都係最緊要新鮮，鹽焗煮法，可能胡椒味較重，食落同鮑魚個味有啲似，但多咗啲份酒香味，肉質爽:]枝竹厚身口感，斑頭腩望落好似唔多，但其實每件都幾大:，輕輕炸過再埋芡煮，芡汁包住每嚿魚，魚肉入口夠滑。]炒得可口，豆豉鯪魚真係非常足料，唔似有啲餐廳豆豉多過魚，味道鹹香:，餸飯嘅一流!整體服務唔錯，待應都好有禮貌，環境乾淨，價格方面如果以該區嚟講確實係貴咗啲，但佢地嘅有質又有量，而且又夠鑊氣，大伙人嚟開餐係一個唔錯嘅選:

平時去三聖，我就去廣東名門或容龍。今次朋友介紹話南記平靚正，於是搵日放工約齊7隻飯腳去試食。南記係邨內冬菇亭，有室內及外。我地5想吸二手煙就訂咗室內。睇天花裝修真難以想像自己坐係冬菇亭。我地先去海鮮檔買海鮮，然後叫南記加工及加多3碟餸。1. 椒鹽瀨尿蝦 : ok2. 鹽焗奄仔蟹 : 好咸，食到一口鹽，廚師應該無用紙包住蟹，用鹽直接焗3. 豉椒炒蟶子 : 我第1次食到咁辣既炒法4. 煀鮑魚 : 點解咁重黑胡椒味架? 蓋過鮑魚味5. 油鹽水蝴蝶蚌 : 唔。。。食5到油鹽水味道，同埋應該煮得過火，蚌有點韌6. 胡椒咸菜蜆 : 咸菜無味，反而呢碟咸度連輕，吃得下7. 蒜茸蒸桂花蚌 : 好多蒜茸，覆蓋整隻蚌，無晒蚌味8. 砵酒焗蠔 : 哈。。。佢個煮法，我都第1次見，乾身，丁點酒香也沒有9. 鵝 : d 肉韌咗d10. 炒豆苗 : 正常11. 麵醬炒油麥菜 : 偏咸當晚好多食客，5知係咪廚師太忙亂，食物都偏咸，食5到海鮮既原味，所以有點失望。不過佢既加工費係平過其他店差不多一半，齋南記埋單只要10xx雖然便宜，但我會以享受為大，下次都係去返名門或容龍。

之前同屋企人話去食海鮮餐近近地去左三聖先去左買海鮮,再拎去鋪頭食去到坐低, 話俾侍應聽要點煮果皮蒸鮑魚鮑魚本身大隻,用果皮蒸, 味道甘甜,蒸得岩岩好椒鹽瀨尿蝦 買左4隻大瀨尿蝦, 侍應話椒鹽好食,所以就咁整啦, 瀨尿蝦好多肉,正豉椒炒聖子辣辣地, 好惹味, 聖子唔會UN清蒸斑蒸得岩岩好,一D魚腥味都無, 超滑花雕蛋白蒸蟹 無咩酒味,不過蒸得好滑瑤柱蛋白炒飯飯炒得乾身, 唔會油芝士龍蝦伊麵芝士汁好好味, 龍蝦好好肉,伊麵同芝士汁一齊真係無得頂

心血來潮 即慶就同朋友去食海鮮，人多千萬記得要訂位 如果唔係有排等～我地去勝記買海鮮 佢地平D做自己小本生意 大家多多幫襯下佢地啦 位置係三姐糖水格泥 我地買海鮮買左$650 婆婆仲送一包蝦乾比我丫....因為我靚喎 哈哈......買完即飛過去南記 因為我無訂位 怕無得坐冷氣房成個過程係等好耐 起碼個半鐘 不過都預料之中另外想提 員工服務好好 不停幫我換碟 我跌左隻匙更佢就叫我唔洗執 即刻拎隻新比我 全程好好笑容 抵讚！！！

教會朋友到了團友八爪魚家中探望BB之後一行七人到三聖一起擦海鮮~~鼓椒魷魚只有汁料有味道，魷魚味道比較淡，味道一般芝士龍蝦配伊麵底很不錯喔﹗龍蝦算新鮮，啖啖肉，正呀~~伊麵連芝士汁和龍蝦汁同吃特別有鮮味蒜蓉粉絲蒸扇貝也算不錯的，不過肉質比較靵，煮得微微過熟霸王雞很多葱，可惜雞不是太入味，但肉質算滑的咕嚕肉很夠味，不過排骨炸得略乾蒜蓉生菜除了比較多油之外是很不錯的~~ 菜算新鮮清甜~~每人約$200

承上篇有台灣朋友訪港,吃了tea之外,我們還帶她到了香港必試的海鮮~~~香港是傳統漁港, 三面環海, 可以吃海鮮的地方非常多,除了一般海鮮酒家以外, 西貢,布袋澳,流浮山等等等地道海鮮店亦吸引很多遊客和本地人光顧。今次屯門友朋友帶我們去了三門仔, 這家他們常吃的由於我遲到 參與不了買海鮮的過程, 聽說買了$700- 的海鮮環境就跟一般"冬菇亭"一樣有冷氣, 木板枱, 膠圓椅子, 布枱布, 外面在下雨,不過它有膠墊擋雨，環境尚算OK我們叫了很多餸, 但我只拍下了4個粉絲蒸扇貝：粉絲豉油都很香,但有一點點點蒸過火, 而且很難刮出來, 如果蒸前有先刮出來會更方便食沙拉骨： 醬汁味道較甜，肉質OK，overall不過不失芝士鮮尤：朋友們都太讚好吃, 但我覺得普通普通啦，芝士味不會太膩清蒸老虎班：蒸得剛剛好!蒸魚最重要就是時間!其他還點了燒鵝，兩個菜（菜有鑊氣，不錯），豉椒炒蟶子，霸王雞等等埋單＄1300，連同買海鮮＄700-約250一位用這個價錢吃到這些食物算是很不錯啦

雖然是休魚期，但也難忍吃海鮮的心癮，於是星期日下午一行6人到三聖邨附近的南記擦海鮮。當然先在外邊的海鮮檔選喜愛的食物，最終買了瀨尿蝦、扇貝、東風螺、花竹蝦、鮑魚和東星斑。東風螺、花竹蝦都是白灼，保持水準，剛熟又唔靱。椒鹽瀨尿蝦，阿媽教落要數齊，剛好6隻無偷料，煮得乾身但仍保持蝦肉juice，味又濃。鮑魚採用薑蔥白胡椒焗，好味得嚟又辣辣的，超正！東星斑成2斤重，蒸得有些過久，肉鞋了，可惜可惜！但整體還是不錯。話說回來，海鮮檔免費送咗一大堆小魚和蜆煲海鮮湯，煲到白雪雪，仲有濃郁的魚味又唔腥，媽咪連飲三碗後因太漲肚而放棄繼續，所以說是另一超正的推介！而蔬菜方面，點咗椒絲腐乳唐生菜，很大碟，份量十足。結果煮海鮮費加菜、汽水錢共$700埋單，可說是滿足的一餐。

店舖分成室外室內，室外既話食海鮮之餘仲可以食埋大排檔風味。假日既話建議訂位比較好。當日同朋友叫左6個餸到，有2樣就自己係對面買海鮮比佢加工。餸菜整體唔錯，啲海鮮好好食又冇腥味，之後叫左半邊雞味道唔錯既，但冇海鮮咁出色。買左聖子同小龍蝦比佢加工，聖子我地選擇蒜蓉清蒸，蒸既時間岩岩好唔會過熟，而且好鮮甜，平日連麻麻聖子既我都覺值得一食。另外芝士焗小龍蝦真係好好食，香口得黎又冇焗燶到，值得一試，連伙記都話係招牌菜。

第一次入到TUEN MUN食海鮮，因為朋友介紹所以一試價錢：530 (不包海鮮材料，自備)夏天超熱，雖然佢係大排檔，但冷氣好夠，爽呀!全晚食得好開心，因為D野真係整得好好味，先講聖子，我第一次去餐廳食，係無任何特別REQUEST既情況下，佢地幫我地「走殼」，完全FEEL到佢地既細心，而且炒得好夠火喉，個味少少SPICY，D肉汁仍然係度。之後個鮑魚，真係另一個出色之處，雖然係自攜，但佢用D果皮蒸，一D"SAN"味都冇，而且岩岩好，個鮑魚食落口一D都更彈牙。蒜蓉蝦，同出面既餐廳食都差不多，但最驚喜係佢加左D粉糸，而且好入味最後係個蟹，第一次食鹽焗蟹，好味到唔知點去形容。D膏好多，好好味，而且食到好鮮甜D肉，又唔會覺得"MUN"，正

今晚一家十七人，第一次到南記，我地自己買海鮮嚟加工，點知煮完出嚟，龍蝦3隻煮完竟然得8舊肉。海蝦2斤變斤半。大扇貝隻隻都被切走3分1粒肉。上湯花甲湯底只係清湯，無乜味。聖旨上碟時飛晒殻好少肉。鹽焗蟹先勁，好似就咁炸完就喺面撒鹽咁，完全同鹽焗係兩回事，連豉油王炒面都難食，豉油唔夠，好似就咁煮完炒兩炒就上碟一樣仲要貴$13x。總之就浪費左咁新鮮嘅海鮮兼太唔老實，激氣