南記海鮮飯店

營業中

休息中

山長水遠，長途跋涉由九龍乘巴士到屯門三聖食海鮮。是次飯局是慶祝朋友生日飯局，我們一行五人，再次來到三聖食海鮮大餐。我們一直以為海鮮是不能給人吃飽及滿足的感覺。經此一役，我們輸了。5人行，6個餸。進餐後，我們捧住滿滿的肚子，回味的感覺，回家去了。豉椒蟶子：必食推介，聖子非常入味椒鹽瀨尿蝦：瀨尿蝦大大隻，少少鹽少少賴，十分惹味。鮑魚：烹調時間適中，能帶出活鮑魚本身的鮮味。清蒸海魚：時間掌握得好，肉質嫩滑。蒜蓉粉絲大扇貝：將厚肉的扇貝開邊 ，加上粉絲墊底及上面鋪滿蒜蓉 ，一起蒸出來 ，更加使扇貝滲出鮮甜的海鮮味鹽焗奄仔蟹：超級推薦！奄仔蟹大大隻肉好多，蟹膏亦多到不得了，而且特別鮮甜！鹽焗的做法也保留了蟹的鮮味，加上蟹身沾了點鹽又帶鹹香，是好吃到會啜手指的程度！！！

昨天一家人浩浩蕩蕩到屯門三聖邨食海鮮滿懷希望去開餐。於昨晚我們買了龍蝦，鮑魚，美國桶蠔，聖子，大扇貝，九節蝦以及預訂了1隻燒鵝及order 咗2個小菜。首先是芝士脆焗龍蝦，外層是香脆，肉質爽口，但味道偏淡，如果可以鹼一點會好味得多。跟住是預訂的燒鵝，非常美味。繼續係豉椒炒聖子，不過不失。白灼九節蝦，沒有難度，蝦本身鮮甜。砵酒焗蠔，非常美味。胡椒鮑魚，胡椒味唔夠，味道還可以。原本這餐都算是美味滿足，當我哋食完所有海鮮後，發覺最簡單嘅蒜蓉粉絲蒸大扇貝仲未到，已覺奇怪，已催促了2,3次，足足等了30分鐘才到，點知一上枱，大家都非常驚訝，點解我哋買嘅大扇貝d肉會咁薄，仲要除咗中間嗰粒薄薄嘅扇貝肉，其他部分都不翼已飛，店員還解釋話係咁，當時我哋冇特別去了解，只好食完離開，但其實心裡有1個大問號，點解會咁？懷疑被人偷工減料，真係唔敢相信咁出名嘅飯店都有咁嘅情況發生，真係非常失望。

趁著復活節假期自來海鮮加工（炒斑球、蒸扇貝、焗蟹），訂位七點，七點前到達。落了order，一心等著享受海鮮餐。結果等了50分鐘才上第一道斑球，70分鐘第二道，第三道85分鐘.......真係好離譜。我吾知佢地係咪烚生客。海鮮俾晒佢，咁我地可以點.......中間追問三四次，每個服務員連查看都沒有，就只說假日係咁🙁廚房不足以應付就不要無限制地開檯。咁樣的食法，如果你係接受到，咪嚟囉！我就絕對無下次。

好耐都冇入去三聖村食海鮮，所以今次同朋友做生日大家一致決定入去食✌🏻✌🏻，一早book定枱，買埋海鮮準時到達，1）馳名燒鵝，唔係好肥，唔靭，個皮都燒得幾脆,好食👍🏻,2）豉椒炒聖子加炒米粉底，聖子本來就好新鮮，好爽口，而米粉吸收左豉椒既味道👍🏻，3）蒜蓉粉絲蒸蚌，時間蒸得剛剛好，4）薑蔥炒蟹，略嫌薑蔥少左d，所以唔係好夠味,5) 上湯龍蝦鉗伊面底，味道ok,但伊面太少，根本唔夠食，6）芝士焗龍蝦，上面既芝士焗到有少許脆口，但入面d肉又唔會干哂，好正😋7）白灼蝦，買左一斤九節蝦，好夾，下次都要再買呢一隻蝦👍🏻👍🏻，整體來講，夠鑊氣，味道都唔差，可以一試

次次來三聖食海鮮，一定搵南記煮！ 次次都無失手。而且調味不重手，完全保留海鮮既鮮味！上湯龍蝦伊麵，龍蝦彈牙鮮味，伊麵又吸收了龍蝦的味道，正！豉椒炒蜆，夠鑊氣。蜆又肥又甜。鹽焗重皮蟹，新鮮熱辣，只需用鹽調下味就已帶出蟹膏鮮味甘香~例牌燒鵝，是南記招牌菜。最後上湯介菜苗，沒什驚喜。最後埋單600幾蚊，海鮮都是700蚊。大滿足的一餐。

新年瘋狂Gathering 既節奏，吾好俾佢停，今次碌到入去三聖食海鮮。因為人數少，食到既海鮮種類吾多，係唯一既遺憾。落車直沖發記揀海鮮，買左蠔，瀨尿蝦，花螺同埋蟶子，再去南記加工。出街食我會盡量揀屋企煮吾到既菜式食。砵酒煮蠔，第一次試呢種煮法，好香口，裙邊仲煮到有少少脆椒鹽瀨尿蝦，瀨尿蝦大大隻原隻煮，肉夠哂鮮甜，我最鍾意夾埋椒鹽碎一齊食，正。豉椒炒蟶子，呢味真係超推介，味道仲正過瀨尿蝦， 蟶子冇沙又鮮甜，個汁夠惹味而且夠"傑身", 差d 連汁都撈埋。辣酒煮花螺，老實講有d 失望。太重酒味，吾夠辣吾夠香之餘，汁亦吾夠"傑身"。咁大個人食過最好食既辣酒煮花螺係十幾年前響火炭冬菇亭，之後已經食吾返果隻味道。炒豆苗，火喉岩岩好。

已經是第三次光顧南記，頭兩次都是於三聖村買海鮮在這裡加工，今次就試試這裡的小炒, 看看在不吃海鮮的情況下，質素是否還可保持🤨這裡的燒鵝頗出名，通常假日必須預訂才有機會品嚐，今天是年初二，很多人來這裡食開年飯，幸好我們都有預訂👍🏼這裡的燒鵝真的很新鮮，皮燒得脆脆的，鵝不會太肥但絕不會瘦，皮與肉之間那層薄薄的脂肪，油香滿溢。成碟燒鵝的精髓在於燒汁，真是十分香口，絕不太油，用來撈白飯食真是一絕😋食完燒鵝後，來一個清清的素鮑魚白菜，頓時覺得油膩感盡消。這個菜看似普通，但味道不錯，素鮑魚跟白菜其實都味淡的，所以個汁好重要，不需太濃，但又不會完全沒味，廚師控制得好好👍🏼再來一個例牌會點的生炒排骨，排骨還有點脆，伴菜的是新鮮菠蘿，有點酸酸的，好醒胃，比罐頭菠蘿好味多了，醬汁同樣調較得酸甜適中，不錯👍🏼中段終於到粟米魚肚羹上場，同樣地是家常菜式，但南記所用上的魚肚絕不馬虎，質素比其他小菜館高，而且份量十足，每一口都滿有魚肚的，難得👍🏼開年飯又怎能沒有雞，由於食第二輪，只剩下最後半隻白切雞，現在可以食新鮮雞的機會很微，南記同樣是用上冰鮮雞，肉不彈牙，味道只有一般，沒舍特別😐之後上檯的是蒜蓉洋蔥炒蝦球，這

屋企人近排好鍾意到屯門三聖邨食海鮮。先到附近的海鮮店買你鍾意的海鮮，之後就拎去南記比餐廳加工就可以。温馨一提，記住book位，想食燒鵝可以留定先。先黎一份芝士焗龍蝦，芝士的份量都幾多，而且表層的芝士焗到脆卜卜，口感up！肉質焗完仲係好Moist，唔會乾曬。蒜蓉粉絲蒸扇貝，粉絲量都幾多，不過蒜蓉迷的我就覺得蒜蓉唔多夠，不過整體都ok的。呢個蒜子菜心，菜煮完好入味。蒸魚蒸個岩岩好，熟但唔會乾。花甲炒得非常夠味椒鹽豆腐炸得香脆，入面夠軟滑曾經食過d好un的炸蠔，但蠔炸得岩岩好。如果要挑剔的，我會想個皮可以再酥少少。第一次食蝴蝶蜆，加埋個上湯一齊煮又幾鮮甜。

真係不得了吖，“南記海鮮”碟碟都咁有鍋氣，咁新鮮，連炒碟菜都好食過人，仲邊洗介紹姐。😂鼓椒抄聖~好野味黃金蝦~夠香口象拔蚌~非常新鮮椒絲腐乳生菜~好鍋氣薑葱炒蟹~啖啖肉

好耐都無找三叔三嬸食飯，于是昨晚和家姐大哥一家人去屯門同三叔三嬸做節，找了一間食店叫南記，之前沒有試過，點了幾道菜有燒鵝、蒜茸炒菜心、椒鹽石腐、石斑兩味、菠蘿生炒骨、啫啫雞煲及椒絲腐乳唐生菜，嘩！原來每碟餸菜份量都好多，滿滿的一碟；隻燒鵝色凙油光，夠熱咬落油香肉嫩，唔錯！椒鹽石腐好酥脆㚈脆內軟我自己已食咗半碟，好似有些過份無辦法啦忍唔住！三叔話好有罪惡感因為果個啫啫雞煲除咗應有份量的雞肉外仲有好多好大片豬潤，佢食咗好多喔！其他都唔錯石斑不再話下斑肉無得輸，但最後有小插曲令到整餐晚飯未夠完滿原因是石斑兩味之前送上了一味西芹炒斑片，那麼還欠一味於是我地追了幾次等了大半個鐘，居然有個員工前來説我們是否已食了，語氣有點質疑我地食咗還追，她的態度不太好後來有個高層來解釋！我地先無咁激氣，所以食物好吃之餘其實員工的態度都會影響客人是否再來幫襯！

想食海鮮好耐 最後黎左屯門三聖村食餐豐富海鮮 先去街市買左好多海鮮 拎去餐廳再加工第一味係豉椒蟶子炒米粉底 呢個食法第一次食 平時都只係用豉椒炒 當然起菜勁香 豉椒汁好香 加上蟶子大大隻 好味炒粉底就已經壓到一舊舊 夾起來都碎了 下次可以唔炒粉底第二味係白烚螺 好簡單 佢比埋甜酸醬我地點來食 都係特別既食法 好在本身個螺鮮甜 簡單煮已經夠第三味係鹽水浸花烚 花烚肉大大粒 加上個湯係胡椒湯來 個人超中意食完飲埋啲湯第四味蒜蓉蒸竹節蝦 睇到都想再去食 大大隻蝦 有咬口第五味緊係唔小得一隻燒鵝 9個人一隻燒岩岩好 新鮮出爐好香 皮好脆 點埋酸梅醬更好味第六味鹽焗奄仔 又係第一次既食法 學識了下次都會咁叫勁香 蟹又多膏 好味 中意食蟹既可以帶多幾隻去整第七味係桶蠔 用薑蔥炒 呢個反而麻麻 煮完啲蠔都縮細左好多 個人認為冇咩特別最後都叫多兩碟菜 個個食到飽哂都係每人300 係抵既食咁多海鮮

一年一度海鮮餐，朋友安排下，買了很多海鮮，有白灼蝦，鹽焗奄仔蟹，清蒸鮑魚，扇貝，蒸斑等。海鮮煮法任選，廚師果然沒有糟蹋新鮮海鮮，火喉剛剛好。再加半隻聞名的熱辣辣燒鵝，滿足至極。

再次来到三圣村，此次试一下大排挡～南记。虽然是周一，仍然满座。杂鱼汤，味道不够浓，与西贡六福比有距离。鼓油王煎蝦碌，外脆充滿豉油香，內裡蝦肉爽脆鮮甜！水准之作👍蒸海斑，火候算刚刚好，不错。油盐水浸蝴蝶蚬，第一次吃此蚬，口感很不错，肉厚，且入口有甜味，很不错，再追单加了一碟。👍盐焗奄仔，蟹不错，羔多，焗得也很不错。辣酒煮花螺，没有吃，不作评价。白灼墨鱼，有些过火，老了。烧鹅，皮不晚有些偏硬，一般。烧肉，皮脆，但太瘦，口感一般。炒油菜，新鲜，嫩。总的来说是不错，服务也很到位。口渴指数:2级~（口喝指数，由一级到五级，一级，是最不口喝的，五级，是最口喝的）

同太太離開大澳，搭船到屯門碼頭再駛出三聖邨，三聖出名食海鮮，但由於係大澳已經飲飽食醉，就到南記選擇兩款小菜為是日終結。雜菜海鮮煲 - 新鮮又彈牙既魷魚，帶子，班塊，蝦仁，雜菜吸收海鮮既精華，就算唔係大油大醬都可以好好味！原味燒鵝例牌 - 之前跟同事飯局食過黑椒燒鵝，皮脆鵝香令我一再回味，於是介紹給太太，果然冇失水準係香港飲食業出名惡，所以都唔會寄望大排檔有好既環境同服務，上菜時間比較慢所以點菜後都需要耐心等候吧！

來到食海鮮熱點 - 屯門三聖今次買&食海鮮的店並非我慣去的，多得朋友找相熟的，便宜很多~名符其實的全海鮮宴，一碟菜豆腐也沒有😂，食海鮮食到飽，厲害😂😂~先在發記買海鮮，再拿來南記加工。買的全部海鮮都新鮮，而煮的算可以水平。當中加煮得令我失望的是<蒜蓉開邊蒸花竹蝦>，比未煮前縮細了一半有多..! 上枱時嚇一嚇了我，亦蒸得過熟，沒了彈牙口感，過多的蒜蓉遮蓋了蝦的鮮味，好好的超新鮮大花竹蝦，就這樣浪費。再一次證明我一貫想法: 新鮮的海鮮，最好用最簡單。新鮮花竹蝦，都是建議最好做刺身或清蒸水煮~同場加映，朋友親自製的慢煮牛肉，讚~