南記海鮮飯店

營業中

休息中

朋友住屯門，經常話呢間餐廳嘅海鮮好味，於是同兩個同事慕名而來。在外面的海鮮檔選好左海鮮，然後就來南記加工。見到好多旅行團，估計都系慕名而來。瀨尿蝦非常鮮美，炒得好夠火候！炒飯都好出色。帶子蒸得啱啱好，蒜香十足。

一早知道假期期間會勁多人, 早早訂定位仲要指定要坐室內(因為同老人家去食), 好在一早有依個決定, 因為當日既溫度有成30度 . . 之前都有黎過, 但人太多車位都full哂, 最後要泊到去行10分鐘腳程既地方先有位泊 . . . 幫襯左附近海鮮檔之後返黎加工再叫左幾個菜咁, 好飽, 但因為太多人海鮮變左等好耐 . . .同埋味道好似比平人冇咁好咁 ,  所以日後都係避免長假去幫襯 . . 今次食飯體驗因此比唔到笑樣 . . ..  

難得的同事聚餐，山長水遠到屯門，選擇了這一家爛餐廳，真的非常後悔和生氣。本來沒有寫食評的習慣，就是因爲太不滿這家食店而寫。1）服務態度超差：限時吃飯可以理解，但是從一入座就有位女侍應黑口黑面叫我們要準時還台，一路坐她就不停催。對食客沒有禮貌不瞅不睬都算，仲要表現出趕客的態度，食野見住佢甘gee 面口，真是毫無胃口可言。2）無煮功，浪費海鮮：炒斑球變成白灼龍躉，槽榻晒條龍躉，其他海鮮炒蜆、蟶子多油、多茨、太咸， 色香味欠奉。3）燒鵝：好靭，吾好食。4）叫了幾碟菜，蔬菜太老、好多渣，吃吾到。連一齊吃飯的小朋友都唔鍾意吃，如果吾想做生意可以事先聲明，吾好搞到 D 食客甘掃興，影響香港美食天堂的形象呀！

為了新一年有一個好開始最好又是尋找美食老實說...雖家住屯門......但真的覺得這兒沒多少真的稱得上美食要尋找美食, 相信元朗一定比較多吧~~而在家附近, 最值得一食就相信係三聖邨的海鮮吧~~!!剛好有好些愛吃好友都未曾試過, 就帶上他們, 一行八人去試一下如果問屯門人, 去三聖食海鮮要去哪一間答案一定不出"南記"和"興記"而我亦一向習慣去南記的~~買海鮮亦去了往常幫襯的"忠仔記"還有一道以海鮮檔送的湯料煮成的什錦海鮮湯沒有拍照當然的鮮甜, 不過不失海鮮總計買了約$2400, 南記的加工費連酒水約$1300八位去吃, 每人不到$500以香港的海鮮餐廳來價位說可算超值~!!至少一定比海鮮熱點的西貢, 鯉魚門, 香港仔的平得多~~~~水準亦算不錯......不過吃海鮮, 其實夠新觧一般也不會難吃就是比起上一次吃海鮮的勝記也著實有點差距另外, 這次吃海鮮還自備了大孖醬園的招牌產品......盆曬生抽!!!!小小一支$72......貴過超市貨色最少幾倍!!於是次海鮮餐絕對有出色發揮!!將簡單鮮味的食品, 如白灼蝦, 墨魚刺身的鮮味爆炸般的提昇!!!真的是居家必備良品!!完全告訴大家豉油最重

平時主要去流浮山食海鮮，勝在唔使諗，話俾老細聽你預既budget就可以幫你發板，啱晒我呢類懶人。 作為海鮮控，是日海鮮癮起，慫恿左友人揸車拉大隊去三聖食餐勁 一到埗，我地先去關財記買海鮮。5個人，買左3隻瀨尿蝦，3隻龍蝦，一隻花蟹，5隻扇貝同蝴蝶蚌。再拎左啲料整海鮮湯。埋單1270去到南記即刻落單，可能是日人太多，我地等左大半個鐘先有野食。先黎既係蛋白蒸花蟹，蛋白有陣花雕味加陣陣蟹膏味，不過可能蒸過左時間，唔夠滑，但慶幸蟹夠新鮮，還不俗。跟住係椒鹽瀨尿蝦，一貫椒鹽味，好香，瀨尿蝦好大隻，每人半隻已經好夠。等左陣送黎金銀蛋菠菜，正好清一清油膩。抖一陣，再黎-蒜蓉蒸扇貝。扇貝好大隻，淨係個殼都成隻碟咁大。帶子位已起，蒸得剛剛好，既鮮甜又嫩滑，好吃。重頭戲-芝士脆皮龍蝦出場。龍蝦開邊加芝士去焗，上枱時已經聞到好香芝士味。全隻鋪著一層厚厚芝士，面好脆，連埋龍蝦肉放入口，出奇地搭，先來芝士既香，再來龍蝦既

今日一家大細黎食海鮮，感覺良好，好不容易有四個10月之星，好好慶祝一番。朋友有介紹好幾間三聖食海鮮既店舖，隨意點選左呢間。可能我地係第二場先去食，所以都無咩海鮮揀，最後都有5鮮，3餸1湯，食到好飽，好滿足。燒鵝（例牌）：朋友果然無介紹錯，啖啖肉，皮脆肉滑。椒鹽鮮魷：炸到恰到好處，有鮮魷味。粟米魚肚羮：味道不錯，唔太稀唔太杰。金銀蛋白菜仔：可能不嬲食開金銀蛋莧菜，始覺得金銀蛋和白菜仔不太夾。豉椒炒蟶子：好鮮甜，辣度可好，肉質爽口。椒鹽瀨尿蝦：好大隻，好鮮甜。鹽水花甲：第一次食，大隻過蜆少少，肉質差不多。清蒸東星斑：蒸熟了些許，新鮮到連一才半囝囝都encore。薑蔥奄仔蟹：醬汁太濃烈，食到膩，好滯口。

今日同屋企人一行六人黎個海鮮餐！星期日關係又到晚飯時候(7:30)，所以就算book咗位都要等八個字！一坐低即刻叫咗半隻燒鵝同個金銀蛋菜心，等咗幾個字，之後其他加工海鮮逐一上枱！首先黎過黑白胡椒鮑魚煲，嘩！好香，只食到好重胡椒味，但覆蓋咗鮑魚本身嘅鮮味！不過都好正😆，跟住到椒鹽瀨尿蝦，好入味呀！唔會太鹹！手指都啜埋！之後到鹽焗奄仔蟹，咁做法簡直嘥咗隻蟹！(個人認為)只食到濃濃嘅鹹味，shit！😤跟住到個酒焗花螺，冇乜特別！豉椒炒蟶子，正！炒得啱啱好，唔會過晒火變un！嘩，熱辣辣燒鵝上枱啦，即時夾了一舊！皮脆肉滑，仲有好多肉汁，真係好鬼正呀！最後到油鹽水花甲，正！總括黎講，今晚哩餐我哋非常滿意！連埋酒水加工大概二千蚊埋單！坐得尚算舒適，環境不俗，不過好嘈！

很久也沒有吃一餐海鮮全餐，於是相約三位舊同學一起前往屯門三聖邨大開殺戒。南記海鮮飯店位於屯門三聖村熟食亭內。選擇來這裡，是因為同學C的朋友推介，說這間飯店收費相宜。必試菜式是脆焗芝士龍蝦。而這次的海鮮，就由先行到達三聖邨的同學C和同學N發辦。巡走一趟後，就選擇了較多人幫趁的發記海鮮。第一道菜是白灼海蝦，原汁原味，鮮甜味美。第二道菜是沙拉骨，不過戒了紅肉的豬豬並未有品嚐。同學們的食後感是不過不失。反正我們前來是為了吃海鮮，這道沙拉骨即使不算好吃也 太要緊吧。緊接出場的就是期待已久的必試菜式 ~ 脆焗芝士龍蝦。一隻龍蝦開作兩邊，以芝士脆漿掩蓋龍蝦肉，鬆脆程度和油炸接近，卻比油炸多了一份芝士酥香。這道脆焗芝士龍蝦真的頂瓜瓜，是必吃推介。蒜蓉粉絲蒸扇貝，扇貝肥大鮮甜，可惜一人只有一隻。。。最後出場的椒絲啫啫唐生菜本來也不錯，可惜不是我杯茶。個人較喜歡金銀蛋莧菜或清抄菜芯。整體來說，南記的收費合理，食物出品也不錯。這一餐的消費，三款海鮮材料費和餐廳收費各佔約一半。下次再來一定要再點招牌脆焗芝士龍蝦，而且要一枱十二人前來，才可以多吃幾款海鮮呢。

這晚是和朋友興祝生日的,朋友說屯門三聖南記海鮮煮海鮮很美味的, 我們到了海鮮街4海鮮,然後給南記煮,6舛除了海鮮,還點了燒鵝和一些小菜,也叫了啤酒,當晚海鮮煮得好鮮味,鮑魚蒸得剛剛好,芝士龍蝦很香,燒鵝皮脆肉嫩.

今曰特地由將軍澳揸車入黎三聖食海鮮！之前都黎食過幾次，南記，興記，嘉彩…等但都係覺得南記煮得好味D!所以早一晚訂了枱，話6点有枱，但8点要交回！5点9到海鲜街，照舊去三隻狗(關財記)買料，照舊找强哥幫手，要了(九蝦，龍蝦，鲍鱼仔，花蟹，紅班仔，聖子皇)共1130元去到南記即時有位，外面都满了一半，除了海鮮，仲點左例牌燒鵝，同抄菜，及一碗白飯，沒有叫酒水，買單730元當晚大部份海鲜都煮得好好味，手勢非常好，燒鵝d皮仲脆好味，亜媽話d九蝦最正，白灼好鮮味蝦頭隻隻都有膏(多謝强哥推介)，另外蛋旦蒸花蟹又係好正，隻蟹多膏外，全部實肉，正！芝士焗龍蝦香脆入味，正！只有碟聖子皇老左少少>.<係南記食左咁多次，今晚水準最好！

自來海鮮, 大蟶子, 好新鮮...  龍虾, 好鮮味! 上湯芝士焗加伊麵底, 好正! 南記出品, 蜆芥鯪魚球, 這個我推介... 夠新鮮西蘭花炒龍躉, 剛遇到有龍躉件買, 只買了一斤... 肉好鮮!鹽焗花螺, 下次都係食番辣酒煮好了... 完全係中左計!椒鹽賴尿蝦, 我呢隻係中既無買最大果隻, 但係都好OK豉油王煎大蝦, 呢個真係太鹹了. 好彩有個外殼, 如果唔係真係唔食得!蒜蓉炒油麥菜, 又係南記出品, 一個字....油砵酒焗生蠔, 我真係無買錯佢.... 手掌咁大隻, 一筒只有6隻... 但係真係好得!

一行6人慶祝有人生日, 諗住食餐好去三聖買海鮮後到南記加工; 2星期前已訂位, 因星期六晚特別旺場, 只能分配到戶外的枱, 大排檔門面, 如果煮得好食又經濟都無所謂, 斃在唔係呢….!!!今晚煑D餸簡直槽榻晒D海鮮燒鵝例牌: 三份一碟係頸...叉燒例牌: 好食! 又夠淋，半肥瘦, 全晚最好呢味!薑汁炒芥蘭: 烚熟再炒, 又黃又淋...西式芝士焗龍蝦: 最期待的, 希望佢有容龍的水準, 但整出嚟係油炸唔係焗! 油鹽水煑蝴蝶蚌: 熟過頭...砵油焗生蠔: 一睇就知用最簡單快捷嘅煑法, 乾爭爭! 鹽焗重皮奄仔蟹: 等咗好耐, 又係油炸肥淋淋，再灑好多鹽扮鹽焗，當我哋儍架！？海鮮湯: 一睇湯渣就知唔係我哋嘅, 我哋冇魚！我睇住海鮮檔執料, 佢話今日無魚, 只比蜆同埋3雙好大的神仙瀨尿蝦; 點知碗湯出到來有魚同埋好多隻細細瀨尿蝦; 同佢講碗湯唔係我地嘅, 佢竟然話湯係一齊煲唔會分每枱煲, 咁咪即係例湯?蒜蓉粉絲蒸蟶子: 冇乜難度都OK南記消費共$1060, 買海鮮用了$1520, 我啲海鮮死得好唔抵呀!!!! 超失望!!!! 

以前住三聖，好多時都會係呢度食午飯。依家搬左，都簡唔中番去食下。點解吖？因爲價錢適中，唔會貴！我講既係午餐的碟頭飯，其它晚市既海鮮野我就真係未試過啦。講番午餐，佢地的午餐，講Size真係大0西。唔講好唔好食先，就係講Size都贏好多食市幾條街！只不過都係個30幾蚊，早既仲有碗湯你飲下。都算係咁咖啦。平時我淨係會叫雞飯，不過呢個雞飯需然係冰鮮雞，但係做出來，真係一的雪味都無，仲真係幾滑下咖！所以我次次去到都會叫雞飯！但係我見到另外的人叫的鮮魚飯都食到停唔到口咁！姐係話佢地其它飯都有番咁上下啦。姐係試問下依家仲邊有食得又飽又好食既地方吖！最好就真係唔算貴囉。咁既價錢，真係有無Service都無咩所謂啦！下次有機會過去三聖，真係可以去試下咖！

先去關財記買海鮮，再找海鮮飯店代煮。第一次吃斑馬瀨尿蝦，較普通瀨尿蝦的味道鮮甜一點點，肥膏亦很香口。花蝦夠爽而粉絲吸了濃濃的蒜蓉味，也不錯吧。相反，蒜蓉粉絲蒸扇貝的粉絲放在扇貝上而沒有吸到蒜蓉及豉油的味道，但扇貝本身也是頗美味的。鹽焗重殼蟹煮法並不覆雜，簡單的食鹽已能帶出重殼蟹的鮮甜味，真的體會到選材的重要性。豉椒炒聖子也相當惹味。鮮魚選了兩食，即清蒸及炒魚球，同樣美味。還點了炒得夠乾爽的楊洲炒飯，及腐乳通菜及清湯煮菜心，但通菜有頗多沙。

我們一行四人到餐廳前專程到別處的海鮮檔買了很多生猛海鮮,包括很大隻的虎蝦和花蟹, 買到去餐廳的時候所有海鮮仲係好新鮮同郁的! 我們ORDER了豉油蝦同豉椒炒蟹, 當碟蝦上枱時, 我地覺得唔對路, D蝦細隻咗好多, 我地問個經理有冇比錯我地, 佢態度極之惡劣又堅持冇比錯, 咁我地唯有照食啦, 點知一食落去就食到D蝦有好重的雪藏味, 肉身又硬, 絕不可能是我們剛剛買來的新鮮游水虎蝦!!!   究竟點解會咁, 好明顯啦........跟住到碟炒蟹上枱, 我地先食蟹身, D肉竟然係霉!! 我地買來的是新鮮蟹, 根本冇可能會咁, 本來想放棄之際, 見到仲有好多蟹腳, 就即管試埋啦, 點知D蟹腳完全唔同質地, 極爽口鮮甜!! 同一隻蟹有乜可能個身係霉而D腳同鉗係新鮮?? 真相呼之欲出啦~我地一共買了5百幾蚊海鮮諗住食餐好, 亦曾經同餐廳的所謂部長理論, 佢地當然唔肯認佢地有錯啦, 亦解釋唔到點解可以煮到我地D海鮮咁差, 我地真係激到一肚氣!!! 我就唔會推介呢間餐廳比任何人囉!!