南瀛水產

本身諗住同朋友嚟呢間日本餐廳食餐好既見佢有刺身有壽司有磯燒水產，選擇都幾多，openrice既評語又唔錯點知。。。中大伏刺身壽司都係無味無論係三文魚定油甘魚定甜蝦，總之咩都係無味不過都係啲磯燒水產最失望甲羅燒望落好似唔錯咖但有好大陣腥味個味道一啲都唔討好仲有個拼盤咁其中有樣嘢令我地好奇怪既就係，每次都要有侍應幫我地燒，而且每次都淨係燒一款所以搞到一餐晚餐就咁就食咗三個鐘頭我地又睇唔出有咩需要要食咁耐食到我同朋友都好攰好無心機明明啲海鮮望落都唔錯，但都係腥既一啲都唔鮮又唔甜兩個人都食左成千幾蚊但一啲都唔值囉刺身質素同爭鮮差唔多，海鮮又唔鮮甜越食越嬲📍超主觀+有偏見評分 (5為最多)📝📃hunger(食物🤤/🤮): 🤮🤮🤮📃anger(感覺🥰/🤨): 🤨🤨🤨🤨📋hangry(整體🤬/😟/😛/🥳/😍): 反效果🤬

今日去睇伊健演唱會前搵地方食晚飯，響尖沙嘴揾倒呢間南瀛水產，地方佈置好有feel, 好似去左日本咁， 啲嘢食水凖都唔錯。我地因為睇演唱會關係，所以去得比較早，人不多。 我地先叫左大谷同埋海膽壽司，同埋刺身沙律做前菜，水準一般沒有太大驚喜。跟著嚟個甲殼焼同埋帶子焼，就好鮮味。我地兩個人，本來想要個龍蝦刺身可惜沒有日本龍蝦，所以最後點左個龍蝦海鮮鍋，個鍋啲湯好鮮甜，龍蝦也很好味，肉質爽脆，啲菜及伴料足夠兩個人吃。整體感覺不錯，就是有一點㸃貴，不過都值得一試。這個賣相一流，望倒都想食，味道鮮美，不過味道略淡

第一日返完夜，精力充沛，當然不能浪費成個下午，去完在尖沙咀附近舉行的Art show，就去食好西醫肚。東瀛五點盛。有三文魚丶油甘魚丶吞拿魚丶甜蝦和帶子。特別喜歡三文魚、油甘魚和吞拿魚，好肥美新鮮，吞拿魚更有入口即融的感覺。軟殼蟹沙律。軟殼蟹是少見的粗壯有肉地，吃得寧舍滋味。柚子醋汁份量剛好，提升了沙律菜的鮮味。活貝組合。鮑魚會郁的！再看色澤，就知材料好新鮮，而且又大大件，很高質。有專人幫忙燒，坐定定流口水等吃即可🤤。如果喜歡清酒的朋友，一定喜歡扇貝和蜆，吸入清酒的味較多，啖啖都有其香醇之味。蟹味噌甲羅燒。同樣會有專人幫忙燒。未燒時的賣相忍死人。燒時香味撲鼻，令人吞口水。蟹膏勁多，甘香無比，質感幼滑，再加上魚籽，口感更有層次。什錦天婦羅盛合。食材多樣。最讚是表層的炸漿很薄，又不油膩，吃完可以見到碟底沒有油淋淋的。白桃梳打和青蘋果乳酸。白桃梳打酸酸甜甜，入面有桃粒。青蘋果乳酸喝了很醒神，面頭的青蘋果很冰似冰糖葫蘆的感覺。佈置很日本風。近來研究字體，所以見到牆上的木牌子和一大堆好有氣勢的清酒樽，讓我好喜歡。六點不到就開始有客人陸續入來，看來有人和我一樣想慶祝擁有珍貴的平日日間時間😊。

今日揀左黎尖沙咀呢到食日本野，超近地鐵站，仲要呢到種類繁多，想食燒水產好耐喇😍😍😍蕃茄沙律沙律菜好FRESH，加上黑醋好開胃。平時食蕃茄唔多唔少都會有點酸味，但南瀛呢到Ｄ蕃茄真係一點酸味都冇。好好食。8/10南瀛玉子燒熱辣辣新鮮出爐，整舊玉子都好滑，不過無乜調味，所以會有Ｄ調左味既蘿蔔蓉一齊食。我會選擇點WASABII 食。6/10東瀛五點盛刺生拼盤，有三文魚，蝦，帶子，入口即溶既拖羅等等。刺生好新鮮。8/10活貝盛合店員會幫忙燒，店員技術唔錯，會輪住過黎幫手燒，火喉都控制得剛好。活貝都好多肉好新鮮，由其是元貝同蠔最正，連殼上有Ｄ湯汁。9/10南瀛卷好誇張既一道菜，有Ｄ卷物，我估入面係蟹肉加脆既菜。菜咬落去脆脆地口感非常好。另外，卷物上有好多三文魚子，唔太咸好好味。仲有海贍，吞拿魚蓉同蝦。非常好食。我比滿分！青蘋果乳酸9/10巨峰疏打9/10

同朋友約咗成個月先約到食飯，所以決定食餐好既🤨！我同朋友都好鍾意食日本野，無意中search到南瀛水産，見佢有齊晒磯燒海鮮、刺身、壽司等，岩晒我同朋友，所以就揀咗呢間餐廳啦！首先叫咗軟殼蟹沙律作為前菜，軟殼蟹炸得好香脆，沙津菜新鮮，第一道菜已經相當滿意。跟住必嗌既梗係我最愛既刺身叫咗東瀛五點盛，有三文魚、帶子、吞拿魚、甘蝦同埋油甘魚。三文魚同吞拿魚夠厚切，而且食吞拿魚最驚就係會太腥，但呢度既唔會腥；甘蝦同帶子鮮甜；油甘魚刺身我都係第一次試，估唔到幾岩我口味，非常甘香。早排試過甲羅燒覺得幾好味，但朋友一次都冇食過，為咗比佢試下，嗌咗一人一個蚧味噌甲羅燒完全唔需要擔心唔識燒，因為店員會喺旁邊幫手燒，服務滿分啊簡直係。因為有滿滿既蟹膏，所以味道非常濃郁，真係好滿足，如果可以拎黎送飯就正！再加上有蟹籽喺入面，令到口感豐富咗唔少。之後叫咗雜錦天婦羅，有多款既天婦羅，例如係秋葵、南瓜等，炸得好香脆，而且一啲都唔厚粉今日既主角，活貝盛合有蜆、生蠔、鮑魚同埋帆立貝，又大隻又新鮮，未食都已經覺得好正同樣地，店員都要喺一旁幫手燒，唔洗擔心燒過龍，店員仲會切成細細舊，方便我地進食，非常貼心。帆立貝非常鮮甜，

上網見到呢間南瀛水產，感覺好正咁，而且見到OpenRice 評價都好好，就約埋朋友一齊黎食啦！店面位置都好方便易搵，入到去裝修好有日本居酒屋既感覺，內裡仲有魚缸擺放住新鮮既海產，而且仲要係由日本直送呢！我地先叫左份什錦天婦羅盛合，賣相十分精緻，我最中意既係炸蝦天婦羅，蝦肉好彈牙，配埋香脆既炸衣十分好味，而且不油膩！另外我地叫左三文魚刺身，三文魚厚切，入口口感油潤鮮美，十分新鮮！帆立具刺身好大粒，入口鮮美爽口👍🏻跟住點少得叫餐廳既搶牌燒海鮮，呢種煮法就可以食到最新鮮既水產！我就叫左活鮑魚同埋岩手蠔，岩手蠔既蠔肉好肥美 脹卜卜，蠔味十分濃郁！鮑魚十分新鮮，燒到邊位脆脆地，入口好爽彈鮮甜呢！飲品我叫左杯巨峰燒酌唔會好淡！幾香好易入口。呢度既海鮮十分新鮮，下次想食海鮮一定會再黎呢度

2019年3月25日。晴。尖沙咀。日本料理神奇嘅地方係會令人百吃不厭！呢日就嚟尖沙咀嘅呢間樓上餐廳食日本嘢啦～裝修充滿日本風情，同日本嘅磯丸有幾分相似～餐牌製作精美打開第一版就見到多款唔同嘅魚類介紹簡直就係魚類百科咁呀！海鮮沙律，$78沙律嘅份量唔算多，但勝在有個好出色嘅柚子醋汁酸酸甜甜，非常開胃！東瀛五點盛，$368刺身嗌咗呢個五點盛，有三文魚、油甘魚、吞拿魚、甜蝦同埋帶子特別欣賞油甘魚同甜蝦～油甘魚食落去有拖羅嘅口感，一咬就油脂四溢甜蝦新鮮，味道鮮甜～白桃梳打，$52白桃梳打唔會好甜，仲飲到粒粒果肉添～唔錯唔錯～蟹味噌甲羅燒，$68@見到面頭擺咗隻鵪鶉蛋就知特別啦～平時食嘅只會見到蟹蓋上直接有一pat醬，呢度就見到每樣食材，真材實料～仲會有專人幫手燒，唔洗自己搞坐定定等一陣就有得食啦～沸騰嘅狀態，睇到都留晒口水～～～燒咗大概十分鐘之後就食得啦～蟹膏甘香無比，味道香濃，質感幼滑最出色嘅地方係調味，恰到好處，唔會過鹹！食到死鹹嘅甲羅燒最可怕，攻擊味蕾之餘仲會涸喉，但呢個調味真係非常好值得推薦！活貝盛合，$388值得推薦嘅仲有呢個！上枱嗰一刻已經被震撼！因為用料非常豐富！有大大隻蠔，大大

蕃茄沙律好開胃酸酸maymay唔需要太多沙律醬都夠食晒成碟刺身有三文魚、吞拿魚、帶子、蝦、油甘魚全部都好新鮮好好食特別係啲蝦真係食得出好新鮮好高質👍🏻雲丹蟹肉卷面頭係黑松露加海膽本人係好鍾意食黑松露配埋海膽加埋蟹肉卷真係超正🤤🤤雪魚乾呢個真係超級超級有驚喜！😮😮平時食開既都係好乾身呢個係脆扑扑食到停唔到口好快手就清左呢碟野😂燒牛舌好juicy加幾滴檸檬汁一齊食更突出牛舌果種獨特既香另外再點左啲燒物甲羅燒、蠔、鮑魚有專人會幫手燒掌握既火喉岩岩好唔怕會唔熟又或者熟得滯影響左種鮮味蠔漲扑扑好大隻一啖咬落去爆汁種感覺好爽☺️甲羅燒夠晒邪惡呢餐真係好滿足👍🏻👍🏻值得番兜

要o係香港食到日本新鮮水產燒烤，一定要搵一間好信譽既餐廳。經朋友介紹下，原來尖沙咀有一間好好食既燒烤水產餐廳，好驚喜，雖然價錢有點貴，但物超所值，加上是朋友慶祝請食飯，所以食得特別開心！一入到去就好似去左日本海邊既燒烤餐廳一樣，海水鹽味，海鮮香味，再加上建築風格，真係好興奮。東瀛五點盛 $368新鮮，新鮮，同新鮮！ 擺碟靚，刺身厚實，吞拿魚一食就溶化在口中，樣樣刺身都好鮮甜！南瀛卷 $258只可以用震撼黎形容，d海鮮配料其實仲多過壽司飯，拖羅手卷上加上海膽，赤蝦，拖羅容，魚子，每一口都好豐富，海膽既品種比一般食開既深色，但食落唔太濃味，同其他配料為之配合。蟹味噌甲羅燒 $136兩個開始入燒烤正題了，呢到既做法就係係即叫，即撈上水，即在你面前燒，真係睇得又食得。呢個蟹味噌甲羅燒真係不得了，蟹肉蟹膏蟹籽，再加上蛋，店員即場燒烤和混合所有材料，最後其實賣相有點。。。但一入口真係好味到要叫出黎，鮮甜程度由舌尖去到喉嚨，食落口一pat野之中仲有蟹籽仲係脆卜卜。唯一就係，唔可以食得多，因為都幾漏，同膽固醇都幾高哈哈！活貝盛合$388我都唔使說明了，圖片足已講野一切，樣樣海鮮都仲係活生生的，店員悉心

今晚同朋友去左尖沙咀間((南瀛水產)))食晚餐，好興奮👀來到覺得裡面好有日本風格，還有獨特嘅燒海鮮味，好香。正呀!!!店內有魚缸放置海鮮，確保食材新鮮！真係好有心思！仲帶點日本築地氣氛同時走進店內已經聞到非常香的燒烤味 , 口水直流不得了,真係不得了呀!!看一看menu 發覺好多野揀， 刺身（五點盛）：我地叫咗個刺身：有帶子，三文魚，甜蝦，吞拿魚同埋油甘魚。每一款刺身都非常鮮甜，真係好新鮮，我最喜歡係帶子，一食落去真係好甜，蝦也非常甜美，肉質非常之好。 然後我哋叫咗個燒帆立貝，好大隻呀 , 店員只係落咗少少醬油，就這樣將帆立貝燒好畀我哋食，咁就可以保留到帆立貝嘅鮮味。漲卜卜肥美鮮甜 , 非常值得一試 雲丹蚧肉卷好靚名字 , 上面海膽味道好鮮活海膽真係好大塊，簡直粗過我隻手指，由於大部份食物都是即時製作, 所以大家要給一點耐性 , 絕對值回票價 香氣撲鼻嘅蚧味噌甲羅燒, 由一進餐廳已經被吸引著;店員會為客人處理, 坐在旁邊看著, 只能唾延欲滴, 希望快快有的食最地道既燒蟹蓋😍加上鶉春蛋、蟹肉、蟹子等食材一齊係蟹蓋入面燒味道唔會

朝聖尖咀浜燒新貴✨ 之前睇過呢間新開嘅日式水產專訪，老闆廿歲都未到已經創業，雖然好似年輕過頭但對答甚至成熟過廿尾卅頭嘅人，同時都見到佢對餐廳質素嘅要求，確係值得去見識下🙈餐廳主打浜燒海鮮，食材指定由日本空運到港保證高質，而作為高級水產店當然有店員幫你燒埋啦，見到佢地個個都燒得好叻咁服務一流✨全晚最正一定係活貝盛合，燒烤程度剛剛好，所有貝類都好鮮好彈牙，而燒蠔仲可以俾你揀生啲定熟啲，高質食材當然食生啲，保留咗生蠔果種嫩滑感同時好重海水鮮味，正到爆🤤另外蟹味噌甲羅燒又係好吸引，勁香唔會腥，如果有塊多士送嚟食仲正🤤壽司盛啲魚生唔洗講都知又係新鮮肥美啦比較特別係個牛舌同平時響日本餐廳食到果啲唔同，呢度個牛舌係比較似西式果種鹹牛脷，質感都偏軟身，幾得我心✨

今晚同老友黎左TST南瀛水產食燒海鮮睇相好吸引 唔係唔黎試下呀睇左陣menu 都唔知點簡好 因為有好多野想食 但2個女仔又食唔到咁多喎咁就叫左個天婦羅 有個池魚剌身甲羅燒燒海蝦海膽卷仲有清酒蜆呀燒果時勁香蟹味 已經流曬口水唔會太油 岩岩好海膽新鮮冇苦味 仲好鮮呀份量其實都幾多 咁岩果D有D凍所以我同朋友都飲左幾啖湯D蜆既鮮味落曬D湯到 正燒海老 蝦肉爽口

今次係透過某 app訂座 有優惠折扣吸引去試雖然食物價值是貴 但係都算幾值得由其係燒海鮮 甲羅燒好入味 食得出有鮮味鮑魚上枱時會郁黎郁去 就算燒到外邊乾 但一咬落去都係淋既 值得再點另外嗌左燒雞泡魚干 燒峴 炸雞軟骨 南瀛卷 巨峰提子乳酸 柚子梳打食呢間野會令你諗起日本嘅磯丸水產有機會會再來試其他熱鍋 也好像很吸引

今晚肥妹仔放工同肥爸肥媽去咗尖沙咀金馬倫道嘅一間日式料理餐廳食晚餐。呢一間肥妹仔之前都已經試過，覺得佢嘅食物質素同埋價錢都好高同埋合理，所以決定同佢哋再食多次。南瀛七點盛  $598呢一個係特別要畀肥爸嘅，因為肥爸好鍾意食刺身。呢一個七點盛有七款唔同嘅刺身，有三文魚，油甘魚，吞拿魚，帶子，甜蝦， 左口魚等等。肥妹仔雖然唔太食刺身，但係都忍唔住試咗幾款，只可以講佢嘅刺身水準質素非常之高，食落去一啲腥味都冇，而肥爸食完之後亦都讚不絕口。甲羅燒  $139甲羅燒入面有鵪鶉蛋，蟹柳，蟹籽同埋蟹膏，店員好貼心咁幫我哋燒熟。食落去非常濃嘅蟹膏味，味道鮮甜鹹香，攞嚟送飯真係一流。大蝦  $116呢兩隻大蝦好大隻，真係夠兩個人分享。佢嘅蝦肉非常新鮮，結實，爽口彈牙。南瀛卷  $258呢一個卷好特別，佢入面係包住蟹肉，出面就有一啲吞拿魚魚蓉同埋海膽，真係未食都覺得非常鮮甜。肥妹仔我試咗蟹籽同埋個吞拿魚蓉，非常好食。吞拿魚蓉入口即溶， 海膽非常新鮮，一啲腥味都冇，只可以用鮮甜形容。活貝盛合  $388呢一個盛合有蠔，帶子，蜆同鮑魚，全部都要燒熟先食得。我就試咗個帶子同鮑魚，食落去非常新鮮厚肉，肥爸肥媽就試

晚上同朋友食生日飯打算食好少少就book左呢間餐廳，一上到去已經聞到好大陣海水味，見到有魚缸養住d貝殼。同門口侍應表明話已訂位，佢地傳聲筒咁傳左3/4個人先有人真係搵booking然後帶位。一坐低已經見到檯面上有張牌寫住每人一定要叫一杯飲料，作爲一間日式餐廳，呢間係我第一次見唔會提供熱茶既，已經扣分。餐牌上3頁飲品中有2頁都是酒精類，但同時餐廳又貼出告示話未有酒牌不提供酒精飲品，真係r爆頭。我地3個人叫左1個豚肉火鍋，1個牛肉烏冬，再一些散叫燒海鮮。海鮮係會專人幫你燒，但個爐火不夠大，結果成餐飯2/3時間有個人企係你隔離，傾計好唔盡興。火鍋上菜後完全冇人有意欲幫我地開爐。海鮮係新鮮既，甲羅燒/蠔同埋鮑魚都燒得很好食，特別係蠔非常嫩滑，我地已經立即order 2nd round。點知食完成餐飯都未上第二次叫既食物，催佢既時候先前幫我落單個位睇落高級d既服務員完全失憶般推d細既出黎唄鑊，我地都已經食到冇癮索性取消左佢。食材上呢間餐廳係新鮮既，但可惜服務其差，全部侍應都淨係識得推卸責任唔想做野，有d又未訓醒講野好似自言自語一樣。當天入座其實只有2/3檯客，但叫侍應既時候全部都用眼神示意其他人