南瀛水產

因為訂位有折扣 所以就決定一嘗呢間既燒海鮮佢地既員工會幫忙燒所以基本上自己係等食就得架啦所以最好就係三五知己 叫啲燒酎傾下計吹下水我地3個人叫左啲海鮮、甲羅燒、刺身、同天婦羅海鮮不單新鮮更有種咸既海洋味 好正甲羅燒3個人叫左2個 有蟹膏、蟹籽、蟹肉，蛋汁，超好食燒鮑魚既時候 你更會見到鮑魚收縮熟左之後 員工唔單止會幫我地放碟更會幫我地剪 覺得好細心刺身叫左鮪魚同鮭魚亦都非常新鮮另外佢其實有好多種唔同特別既燒酎俾大家揀好似巨峄燒酎、菠蘿燒酎等等可能因為我係閒日既關係，食左差唔多2個半小時都唔趕我地剩坐係到吹水都得~ 絕對推廌俾閨蜜~

今日同老公慶祝結婚3個月揀左呢間餐廳。環境幾靚幾的色。今餐頭盤有炸魷魚蘇同炸海膽，海膽無得頂，完全完勝！本身啲海膽都新鮮，包住啲紫菜拎黎炸 味道香口又香甜,like！ 跟住黎個飽肚少少既蟹肉卷，卷上面有埋海膽，彌補番蟹肉本身比較淡口，令成個卷食落算清但味道足夠，都幾好！去到主食既燒海鮮一如預期，好鮮甜，又有員工幫手燒，食完你會好想encall。重有甲羅燒，好邪惡。試過係韓國買過啲蟹膏醬餸飯，但新鮮既就係零舍不同。好正！這

係日本就食過磯燒海鮮, 但香港就未試過,所以今日就同好鍾意食日本菜既閏蜜試試啦.地點係尖沙咀通利附近, 好容易去,入到去見到有幾個放左鮑魚既魚缸, 好吸引呢每張檯都放左一個燒海鮮既爐,不過就全程有員工負責, 唔洗自己燒,我們就可以專心傾計, 哈哈叫左以下幾樣野:南瀛卷 ($288)實物比餐牌上既更豐富,壽司卷鋪滿三文魚子, 吞拿魚蓉, 海膽, 仲有甜蝦~全部都好鮮甜, 份量又好多, 好正東瀛五點盛 ($368)嘩~全部都係厚切啊,又係勁新鮮, 刺身水準勁高!每一啖都勁滿足活貝盛合 ($428)4 款貝類用碎冰雪住, 睇到都覺得正啊!二人份量, 每樣都一人一隻,size 比手掌仲要大, 勁新鮮, 而且有店員負責燒,我地就負責食, 哈哈真係好鮮甜, 同係日本食一樣咁正蚧味噌甲羅燒 ($78  一個)蟹羔好好味, 完全冇諗過會咁鮮甜,入面加左蟹肉同蟹子, 食起來好豐富SUNTORY ($58)日本啤酒又點會輸呢~哈哈同閏蜜都勁滿意依餐,有好野食又可以慢慢傾計,服務又好, 正

呢間好多人食，可能我又係假日食啦，book左2次先book到，想食記住早啲book了😉內在環境幾舒服，枱同枱之間的空間較大，所以唔會怕被人嘈到！而且裝飾簡單舒服，感覺幾好我地2個人食，每人點左杯野飲，我特別推薦我嗰杯青蘋果🍏乳酸，上面係青蘋果粒粒，飲落酸酸甜甜的。朋友就點左呢杯白桃梳打上菜了！首先係呢道雲丹蟹肉卷，個名好靚呀😍食落都好好食，海膽係新鮮爽口的，一粒一粒，唔會一pat pat.入面的料係菜同蟹肉！第一次食呢個組合，好特別又好夾！之後的必食係蟹味噌甲羅燒，上場好靚！而且有專人幫你整好燒好！料好多燒完後的樣👇🏻好重蟹膏，食落口感好rich!!另一重點推介係燒生蠔！因為真係好新鮮同好大隻！又係有專人燒好，準備俾你食睇下近鏡圖！係好肥美！值得一試！

我公司即將有大型Event，到時一定忙到癲，  所以提前同男友約會下。 去到見到好多人排隊等， 心有不妙。問左個Reception哥哥，佢話訂左位都要等一陣。 不過見好多台埋緊單，等一陣都ok ar。 等左10分鐘到，就可以入座。 因為唔系太餓ge關係，所以我只系叫做個甲鑼燒，燒大扇貝，小貝殼，蛋捲 同沙律。 男友就叫多左個牛肉烏冬。 （本來想食壽司，但係男友唔食生野 ORZ） 個牛肉烏冬比想像中大碗， 好多牛肉，正～ 個蛋捲好靚，熱辣辣，但係唔係甜的，滑滑地。 Good! 跟住海鮮就上黎啦 ！！！！個扇貝比想像中大 ， 好新鮮會有店員主動幫你燒埋！ 黎到最期待的甲鑼燒！ 蟹膏，蟹肉，蟹子，鵪鶉蛋 ..... 店員一路燒一路搞！ 煮好變甘樣..... 我很醜，但我很好食！哈哈哈 ！ 雖然最後沙律漏單... 但係以為飽所以就無要整體黎講唔錯！可以再去

日本的水產店每一間都充滿風味，新鮮海鮮即場燒烤，下班後跟朋友喝酒談天，真是人生一大樂事如果飲正常生啤飲到悶悶地，可以飲下巨峰啤酒，適合女生，酒精濃度唔會太高海鮮沙律，有吞拿魚，三文魚等剌身粒，酸酸甜甜的沙律汁令人很開胃，攪拌後，混入紫菜絲好香口蟹味噌甲羅燒，每次到水產店必吃的一款菜或，在場職員是即場幫忙燒烤，控制火喉，烤熟後要立場享用，熱烘烘的，滿滿蟹膏，蟹濃度剛剛好，不會太咸，十分滋味炸牡蠣吉列，一客四件，每咬一口牡蠣都好juicy，內裡有點牡蠣汁流出，外層好香脆，佐酒小吃一流該店的員工每位都會不定時看著燒烤爐，以免烤物燒得過熟，環境都好舒適，讚

年青有夢的南瀛水產：專人服務燒海鮮。居酒屋我知道呢間南瀛水產的老闆好後生，令我諗翻起我20歲嘅時候，其實我連夢想係乜嘢都唔知。既然係咁就要一嚐呢度嘅質素。巨峰梳打（$48）帆立貝刺身（$88）食刺身好容易知道海鮮本質新唔新鮮，呢個帆立貝刺身，有彈性有鮮味。吉列炸蠔（$98）炸物配有汽飲品最正，炸蠔夠厚身，新鮮熱辣。活鮑魚（$68/隻）鮑魚上碟時仲郁㗎！店員親自幫手料理嘅燒鮑魚，所以絕對唔使擔心會燒成點，一向都覺得燒熟鮑魚比鮑魚刺身好食，果然不出我所料，鮑魚燒過後好香，而且亦啖啖肉！銀雪魚西京燒（$158）銀雪魚又係啖啖肉，而且咬落去有汁，好送飯架。和牛粒炒飯（$168）最後食返少少澱粉質，炒飯粒粒分明，加上矜貴嘅和牛肉，我仲加上頭先嘅燒鮑魚，自製一碗豪華嘅鮑魚和牛粒炒飯，好食到回味無窮。

前幾日去咗尖沙咀南瀛水產食晚飯，呢度主打新鮮水產以及磯燒海鮮，海產類幾新鮮呢！同去日本居酒屋一樣，首先一坐低係先叫飲品。白桃梳打（$52）有啖啖白桃香，有汽飲品好配炸物及海鮮。甘蝦刺身（$78）新鮮帶甜味，而且都幾大隻呢！軟殼蟹沙律 （$78）份量都幾多，沙律菜幾好食，酸酸地咁，好開胃。軟殼蟹就不過不失，熱啲會更好。玉子燒 （$88）雞蛋料理一向係我嘅最愛，呢個玉子燒非常好食，蛋香極濃，而且好夠熱，入面軟綿綿，正。蟹味噌甲羅燒（$68/隻）近期非常大熱嘅甲羅燒，呢度都有得食。店員會幫我地燒，蟹肉、蟹子、蟹膏，加埋鵪鶉蛋汁，蟹味濃郁，而且燒過後更加香，呢個必食！

夜晚同朋友嚟食飯，叫咗個刺身7點盛，係有7種唔同刺身嘅拼盤，慰勞返辛勤工作嘅寶寶左起有左口魚，帆立貝，三文魚，大拖羅，牡丹蝦，生鯖魚同油甘魚全部刺身擺放得好靚，仲有啲花瓣同綠葉伴碟，除咗食放題，都好少見係擺得咁靚首先講嘅係左口魚6切平時食開都係火炙左口魚邊，印象油脂豐富，肉滑味美今次試嘅係魚肉薄切，肉質被想像中彈牙，仍然嫩滑順喉搞到我哋一塊一塊夾唔停大拖羅當然唔使講，一睇啲油脂分佈就知道此拖羅絕非池中物，唔需要日本醬油，一下放入口中，油脂立即溶化，絕對係入口即溶如果怕太肥會濟，簡單加少少青芥末就夠帆立貝爽口鮮味，雖然切開但仍然幾大粒，可以原本貝肉厚身飽滿三文魚夠哂冰凍，肥美幼滑，食落口嘅美味令我哋都冇所畏懼兩隻牡丹蝦size都大大隻，肉質彈牙而且鮮甜，食落好有爽快感加咗薑蔥嘅生鯖魚一啲腥味都冇，而且師傅一早係魚身上切好，食落方便容易咬，滿口濃郁嘅魚味餘韻油甘魚都好清新爽滑，部位靚所以食落唔使點咬，白身魚始終係我同友人都好鍾情嘅飲品方面叫咗杯青蘋果乳酸，原本聽個名好驚會有啲伏，因為通常坊間嘅青蘋果味會好藥水好神奇嘅係味道好天然，上面浮起嘅係用青蘋果粒雪成嘅冰，在加上乳酸嘅甜度中和，一啲都

一行六人帶埋生日蛋糕黎食生日飯，叫了燒鮑魚，燒蝦，鍋物，魚生，壽司，幾款小食，由於店內有D嘈，在和侍應對話中有句聽不清楚，叫佢重覆，點知佢仲更加細聲D講，燒物係侍應負責幫忙燒的，佢放了在爐就行咗去，間中返黎望望，結果鮑魚燒得太耐又硬又苦，燒蝦一樣，放上爐又行咗去，結果又硬又無味，蝦明顯不是新鮮，蛋糕收切餅費一早已通知收費$100，我們話ok，食完哂侍應攞返蛋糕出黎，再放低6隻碟就走，結果我們影完相要自己切和分在碟上，服務差，食物差，一定不會再去😤p.s.態度差的侍應不只一個

小妹都幾鍾意食日本野，但而家都有好多消息話唔好食咁多生野，因為好多蟲啊菌啊，但小妹覺得搵一間乾淨，有信心既餐廳就得喇！因為日本野真係好難抗拒軟殻蟹沙律 ＄78原隻軟殻蟹炸到好鬆脆，一D都沒有硬怕自己牙力唔好都唔使怕。炸過既軟殻蟹唔多唔少都會有少少油膩但加埋沙律食，又可以解一解膩，效果唔錯東瀛五點盛 ＄368一上枱望落都覺得好新鮮，件件都好肥美。有三文魚、吞拿魚、池魚、甜蝦等等。2個人食岩岩好，但如果每款再多幾件就直頭大滿足喇雲丹蚧肉卷 ＄198雲丹＝海膽／ 蚧肉＝蟹肉 2者加埋一齊絕對係絕配，海膽帶起了蟹肉既鮮味而海膽好新鮮，卷物大細又適中，一啖放落口蚧味噌甲羅燒 ＄136甲羅燒可以話係小妹一直都好鍾意食，因為燒熱的蟹膏好香好濃味，不是一其他海鮮可以取代到。入邊仲有蟹子，食落脆卜卜，有多一份口感活貝盛合 ＄388呢個活貝盛合一共4款睇到都好開心，因為大大隻而且最緊要新鮮，岩哂小妹呢D唔落街市唔使洗海鮮既年輕一族，最緊要仲有專人幫手燒，咁就唔使怕燒到過哂火，浪費咁新鮮既食材總括，小妹覺得呢間餐廳好有日本居酒屋Feel, 三五知己一齊享受美食之餘又可以食到咁有質數的日本美食

落雨天，冇節目，不如去南瀛水產燒海鮮！餐牌有魚類的介紹，可以更加清楚自己食咗啲咩落肚！場內佈置亦很有Heart，文字木牌的牆壁中隱藏著店名。Orion $55清爽的沖澠生啤，解渴一流！青蘋果乳酸 $68酸酸甜甜咁幾開胃，仲有好香嘅青蘋果味！南瀛卷 $288奢華的卷物，有巨型的海膽，肥美的拖羅蓉和大量的三文魚籽，齋睇都令人食指大動！仲可以自己組裝，將三文魚籽釀入拖羅蓉中間，再連埋卷物一齊食，鮮味無比！蕃茄沙律 $68健康的前菜！東瀛五點盛 $368有甜蝦、帶子、三文魚、油甘魚、同埋中拖羅，款款刺身都咁新鮮好味，當中拖羅的油份充足，軟腍甘香可口，三片真係唔夠喉！蟹味噌甲羅燒 $78  each蟹籽蟹肉蟹膏，再加入味噌和鵪𪂹蛋，係濃郁鮮味嘅組合。店員會幫忙製作，加入適量的料理酒再拌勻，燒至酒精完全揮發為止。熱辣辣又香噴噴，濃郁的鮮味和香味，令人慾罷不能，正呀！活貝盛合 $428今晚的主角，活貝拼盤，有蜆、蠔、扇貝同埋鮑魚！店淚會幫忙燒製，加入味醂和料理酒，有啲仲幫我地剪碎，方便食用。蜆肉飽滿鮮甜，扇貝鮮嫩爽䈤，鮑魚香口美味，生蠔肥美多汁，總括黎講，正！

好喜愛食海鮮嘅我今日去左尖沙嘴食浜燒，捨棄成日去果幾間，今日試試只係開左數月之久嘅「南瀛水產」。裝潢若似日本地道嘅浜燒店，和風滿滿，環境氣氛唔錯，播住輕快嘅音樂，適合友人一聚。雪魚乾香脆得黎唔覺得太熱氣，有陣陣炭燒嘅香味，食落有微微嘅甜味，佐酒一流。平目刺身薄切顯廚師嘅刀工，依然保持魚肉彈性。平目魚油份含量比較少，唔會膩，點酸汁味道更好。雲丹蟹肉卷每件卷物上頭都有大大舊飽滿嘅海膽，如果再鮮甜啲就更好。仲有黑松露作為點綴，重口味嘅朋友可以一試！活貝盛合呢度嘅店員似乎訓練有數，各類海鮮生熟程度剛好，而且燒得特別快手，趕時間但係又想食浜燒的話呢間就係好選擇。可能係因為鋪頭有養缸嘅關係，所以海產特別新鮮，簡簡單單以魚汁同埋清酒烹調就能夠食到自身嘅鮮味。蟹味增甲羅燒蟹膏混埋蟹肉、蟹虸同埋鵪鶉蛋燒，香氣撲鼻，如果有多士或者飯伴食就好喇！

同朋友兩人放工後嚟小聚片刻，日式小店係我哋首選首先我哋一人叫咗一杯飲品，我叫嘅係巨峰乳酸，味道同expect嘅一模一樣巨峰嘅味道香甜不膩，加上乳酸嘅酸甜，簡單得嚟又夠清新開胃第一道係前菜軟殼蟹沙律軟殼蟹份量多，大約有6～7隻腳，佢呢度嘅蟹腳斬得幼細，但入面嘅肉都飽滿，食起上嚟可以好斯文，唔狼狽用天婦羅方式炸起嘅蟹腳香脆，醮有沙律醬而新鮮蔬菜則落咗油醋，食落好fresh接著登場嘅係南瀛卷，聽個名都估到係鋪頭嘅招牌望落去啲食材配搭得五光十色，絕對夠photogenic南瀛卷最基本嘅材料係蟹肉卷，滿滿嘅蟹肉充滿鮮味，上面配上好似瀑布般滿瀉嘅拖羅蓉，海膽，甜蝦，仲有多到一個點嘅三文魚籽漬，擺盤真係好靚隔住個Mon望到張相都feel到成件事係幾咁澎湃，成碟嘅拖羅蓉食極都夾唔晒，上面仲有啲白芝麻增香一啖咬落去，軟身帶油脂嘅拖羅蓉，鮮甜順喉嘅海膽配上師傅握好嘅蟹肉小卷，all in one，一次過滿足哂3個願望一口將各樣喜歡嘅食材吞落肚，簡單嘅配搭有驚喜，互相又帶出各自鮮味最後我哋叫咗浜燒，分別有甲羅燒同魷魚筒甲羅燒嘅材料好簡單，有蟹肉，蟹籽，蟹味噌，蔥絲同鵪鶉蛋每一次我都覺得神奇，點解咁簡單嘅配料

出尖沙咀地鐵行2分鐘就到呢個廣場，十分方便呢間餐廳經常full booking, 尤其星期六，我今次都係提早book ,仲要6點先有位。想食記住早點book我們點了一份東瀛五點盛。食落非常驚喜😳呢隻我唔知係咩魚呀😳😳但非常好食！鮮味爽滑！係今次我最愛的魚生呀呢個盛盒每件魚生有三件呑拿魚切得好靚，唔會太厚太簿，脂肪比例又剛剛好另一樣十分值得欣賞的係油甘魚！喺香港好少食到咁鮮的味道其實好欣賞呢個盛，每一件魚生都好新鮮好食另外點了個海鮮沙律，除左沙律菜，仲有好夠油甘魚粒。而且味道調教得好，酸酸甜甜的至於天婦羅盛盒，一如既往，最欣賞的係海鮮非常新鮮而且看得出每個菜都用心製作，炸粉份量剛好，炸的時間也剛好，吃下去蕃薯鮮甜，鮮蝦入口即溶！