南瀛水產

星期四晚難得同男友都得閒，特登嚟咗尖沙咀食嘢，之前都有朋友推介過呢間日式料理餐廳😆😆男朋友話今餐食豪啲，所以嗌咗唔少正嘢食。前菜有蕃茄沙律食完沙律後，主食都陸續上😋首先係玉子燒即叫即整，超級熱辣辣👍🏻配上左手邊嘅蘿蔔蓉非常match！之後蚧味噌甲羅燒同活貝盛合都上枱，有專人係隔離幫你燒，嘆住就有得食🤭係燒緊嘅同時，就嚟咗雲丹蚧肉卷俾我地過過口癮🤪賣相好精緻，表面舖咗海膽同黑松露，中間夾着啖啖蟹肉，三個字超級好味！三種材料本身味道都好突出，但夾埋一齊唔會融合唔到，係一個身體驗🎈海鮮都陸續燒好啦，我地先試咗甲羅燒先🦀呢個超級推薦！之前係日本食過味道過重同咸，一食就知係罐頭蟹膏😰但呢間餐廳嘅甲羅燒絕對唔會令你失望！食得出啖啖蟹肉蟹膏，食完一啲都唔會渴！👍🏻之後燒好嘅各種貝類都非常不錯，唔會過度調味，保持原有鮮味😗非常欣賞。最後我地叫咗鯛魚刺身🐟🐟肉質彈牙有鮮味🤤完全唔係我地平時食開嗰啲刺身嘅質素，我同男友食到停唔到口，對我而言，今餐絕對係物有所值！

朋友話帶我食好西，原來係日式嘅爐端燒。一入門店舖比較暗，擺設精緻，又有一排魚缸，好似好pro好高級咁！先叫飲品，因為有d感冒，我就唯有叫杯無酒精嘅巨峰乳酸，朋友就叫巨峰啤酒，賣相一流！由於我哋都係擦得之人，加上燒海鮮價錢唔平，唔敢喪叫，就先叫啲前菜同小食，有蕃茄沙律，炸八爪魚鬚醫醫肚！食日本嘢點少得我最愛嘅玉子燒！熱辣辣上碟，唔洗5分鐘KO晒！再叫多碟東瀛五點盛，即係5款刺身，不得不讚刺身非常新鮮鮮甜！如果唔係要留前鬥後，我哋爭d要encore多碟！講咗咁耐，終於到主角，先來蟹味噌甲羅燒！每枱枱邊都會有碳爐，由侍應負責燒，食殘廢餐嘅感覺真係好日本！好味到要用$30叫一碗白飯撈落去食！之後仲有帆立貝同蠔，全部用清酒燒，帶出海鮮鮮味！絕對係大飽口福嘅一晚！正！

最近，有朋友推介一間尖沙咀樓上日式璣燒新鮮海鮮的 <南瀛水產>，位於尖沙咀金馬倫道 <吉野家> 樓上，太興廣場門口喺側邊條路仔入！當我們一出 lift，即傳來一陣鮮香撲鼻！ 這裡佔地一層，和風居酒屋格局，桌與桌之間有足夠距離，空間感充裕！如果可以的話，晚上7:00 前入座較少人！店內卻是人手不足！ 就算已有店員送上新鮮海鮮，也要等人來燒海鮮！供應的日式美食多元化！ 食材主要來自日本！南瀛玉子燒 $88 熱辣辣散發濃郁蛋香！這款簡單又美味的小食，嫩滑富蛋香的雞蛋外層，質感軟綿綿，火候恰到好處！我個人覺得與海膽及三文魚籽同食，會令味道提升層次！南瀛卷 $288 賣相層次感分明！富立體感！令人食指大動！壽司卷包住蟹肉，鮮甜味突出！配以帶鹹鮮的三文魚籽及鮮美的海膽，卻是整體比預期有點落差！蚧味噌甲羅燒 $88 x 2把鮮甜的蟹肉及甘香豐腴的蟹膏拌勻鵪鶉蛋，並放在蟹蓋燒熱，甘香無比！滿載濃郁滋味！ 如果拌飯會更一流，亦可減低膩滯感！帆立貝 & 活鮑魚帆立貝 $88 x 2由女店員燒熟後的帆立貝鮮甜味美！仍保持多汁，火候恰到好處，口感嫩滑非常！活鮑魚 $88 x 2

呢間南瀛水產，只能用大伏不知所謂來形容，用5,6,7折去吸引人訂位，但上到去咩都話無折，連野飲都無折，得嗰少少野係有折，仲要規定每人叫一杯貴價嘅飲品，但都算，叫左佢地推介嘅南瀛卷、七種剌身拼盤和浜燒海鮮盛合拼盤(全部都無折的)，先講南瀛卷，海膽又腥又臭，蝦又係腥的，到個七種剌身拼盤，拖羅呀蝦呀魚呀帆立貝呀全部唔新鮮仲要係暖的，過份到一個極點，到最後個浜燒海鮮盛合，全部海鮮又係腥臭唔知死左幾耐，我懷疑係因為經常無生意，所以死左好耐都未賣得出，否則無可能會離譜成咁樣，完。

本身等左甘耐先有得食都帶有期望，點知食完都幾令人失望，食物好一般，又mark up到甘貴，服務又唔系好餐廳好逼，人多煙又多，連門口都放左個燒爐系度燒海鮮，淨系等位都等到成身油煙味。呢個活貝盛合賣$428，加埋一成$500蚊，有生蠔、帆立貝、鮑魚各兩隻，仲有四隻細細粒既蜆。基本上生蠔燒完都縮左唔少，好似食緊桶蠔甘，蠔味非常一般，浜燒甘既質素都少見；蜆就細細粒無咩肉，好心就起碼都比花甲啦；帆立貝叫好少少，但就無咩鮮味，你話系冰鮮既我都信。其他食物都無咩特別，價錢唔平，但因為食完呢個所謂既盛合之後都無mood再影相。

哈～ 轉完工無耐，已經好掛住舊同事，所以一到Happy Friday就出黎傾下計食下野⋯ 今次朋友仔揀左間旺角的日本餐廳。地方雖然唔大，不過卻唔會太迫，坐得都幾舒服。餐廳除了有二至四人的細枱外，仲有8至10人到的枱，所以知己談心定一大班同事黎食野都無問題。先點了一盤東瀛五點盛，五點盛當然有五款新鮮的刺身啦～入面全都係最常食到的魚生，包括三文魚、呑拿魚、帶子、油甘魚及甜蝦。除了甜蝦比想像中大隻外，油甘魚厚實滑嫩而且味道甘甜唔腥，平時唔多食的我，都自動地認投多塊。本身諗住叫壽司，但朋友話與其食一口一口的壽司，不如叫份豐富的南瀛卷！認真邪惡的南瀛卷除了有呑拿魚蓉、海膽外，仲有魚子！呑拿魚蓉不錯，不過加多少少芝麻及香葱調味會更香。海膽味道真心鮮甜，拌飯食簡直一流！仲有仲有！D魚子漲卜卜，味道唔腥，加埋佢一齊食，口感滿分！餐廳仲有無酒精及有多款日本酒可以選擇！今次我就試左酸酸甜甜甜的芒果乳酸。另外朋就揀左大大杯的燒酎。到了大家都好期待的蚧味甲羅燒！每份的甲羅燒除了有蟹膏外，仲有蟹肉、蟹籽、鵪鶉蛋及香葱。職員會幫手燒，所以唔洗怕煮唔熟(我曾經成日心急得劑，成日唔熟都食)。烤的時候已經香噴噴，食落仲

在尖沙咀吃日本料理有很多選擇，放下工作後約埋朋友來到尖沙咀的《南瀛水產》食浜燒，裝潢都日本居酒屋feel，周圍都是木枱櫈，仲有魚缸及放置了不少清酒樽，飲品先來柚子梳打($52)及白桃梳打($52)，夠晒冰涼順喉，清涼透心，甜度剛好，飲了兩口已經把暑氣全消。一上到去已經很喜歡餐廳的氛圍，彷彿置身於日本的居酒屋一開始先吃一些開胃菜，清新的蕃茄沙律($68)也是最好的選擇，新鮮的蕃茄切成小塊，與香氣四溢的柚子汁再連同新鮮的野菜一同品嚐，味道層次豐富，酸甜開胃。天氣都較為酷熱，突然想吃一些清淡的刺身，我選擇了魚味較清的平目刺身($238)，切得薄而剔透，肉質細嫩潔白，白雪雪的平目刺身味道鮮美口感又夠滑。接下來吃些熱盤，友人較愛吃清酒煮蜆($98)，端上來時已散發陣陣酒香，酒香撲鼻，新鮮的蜆肉肥腴厚肉，味道鮮甜美味，酒味都濃郁。招牌的南瀛卷($288)當然要品嚐，剌身蝦下有幾舊蟹肉飯卷，蟹肉都好鮮甜，很多的海鋪上卷物上，沒有一點吝嗇，豐腴甘香，再有傾倒大堆細緻軟滑的拖羅蓉，盤碟上再加了大量晶瑩剔透的三文魚籽，擺盤已經成個藝術品，呃like拍照已夠晒搶鏡 當然還有不少得此店即叫即做的南瀛玉子燒 (

次次去日本都必定會去食磯燒海鮮，未有得返鄉下，就嚟呢間喺尖沙咀嘅磯燒店，過住口癮先。餐廳裝修好有日本磯燒店嘅感覺，餐廳入面仲有個大魚缸。嚟到梗係要食磯燒海鮮，我哋仲嗌咗少少其他嘢食試吓。先叫咗一杯熱情菠蘿燒酎，呢杯酒菠蘿味都幾濃，入面仲有菠蘿肉，酒味唔會好重，好啱女仔飲。海鮮沙律用咗沙律醋拌入，酸酸哋好開胃，另外入面仲有三文魚、油甘魚切粒，口感豐富。加拿大海膽，海膽極之鮮甜，喺香港好難食到咁新鮮的，完全唔腥唔苦，而且大份又creamy，海膽嘅味在口腔內一段時間先去，非常高汁岀色。唐揚炸雞，個雞炸得啱啱好，唔會過龍，外皮炸得又夠脆，雞肉多汁嫩滑，而且每塊都大大件，好抵食。主角磯燒食物叫咗甲羅燒同埋生蠔。呢度嘅店員會幫手燒埋，所以只需要坐定定係到等就有得食。生蠔有成隻手掌咁大隻，燒完都係脹卜卜而且好鮮甜。甲羅燒味道都唔錯，非常惹味。下次要同多啲朋友嚟食，咁又可以試多啲唔同嘅嘢。

星期五晚約了朋友黎呢間位於尖沙咀既居酒屋gathering，8點半來到仍十分熱鬧，就算訂了座都需要等一陣才有位🙂真的很高人氣呢！這間餐廳有刺身、壽司、燒物等等選擇，餐牌多到令人花多眼亂🤭我地最後揀左沙律、魚生以及海鮮燒，好期待呀「東瀛五點盛」$368有三文魚、甜蝦、帆立貝、吞拿魚以及劍魚，塊塊都是厚切，啖啖肉！😋「南瀛卷」$288蟹肉卷上放了大量吞拿魚蓉、三文魚籽、海膽同甜蝦，食落味道豐富「活貝盛合」$428黎爐端燒點可以少得燒海鮮呢！今晚最期待既活貝盛合終於到啦！有超巨大既生蠔、帶子、鮑魚、蜆😃真係睇到都流口水！鮑魚燒的時候還會移動，真的很新鮮！「蟹味噌甲羅燒」$79@1 蟹蓋上放了鵪鶉蛋調味，感覺好鮮甜！「柚子燒灼」$68最後我仲點左杯柚子燒灼！配海鮮一流！

長假期前既星期五晚約了朋友黎呢間居酒屋，訂了8點半來到仍亦有大量排隊人士，人氣十分強勁呢! 背景播放着流行音樂，氣氛環境非常好，對呢間餐廳有d期待。這餐廳有刺身、壽司、燒物等等，我地一口氣點了幾道菜加一份沙拉。推薦菜式如下：「蟹味噌甲羅燒」是蟹蓋上放了鵪鶉蛋，搞拌後味道好濃郁！「活貝盛合」燒精選海鮮，有生蠔、帶子、鮑魚、蜆，非常吸引！鮑魚很新鮮，被燒時會動！「南瀛卷」是蟹肉卷，上面放了大量吞拿魚蓉、三文魚籽、海膽同甜蝦，是我最喜愛的一道，很鮮甜，大滿足。「菠蘿燒灼」甜中帶一點點酸的燒灼！配海鮮非常夾。

最近很晚才收工，正所謂辛苦得來自在食，要對自己好一點。先來一杯熱情菠蘿燒酌，酒味不算濃而且有鮮菠蘿的甜味及薄荷葉的中和很易入口。是夜主角活貝盛合及蟹味噌甲羅燒浜燒蟹味噌甲羅燒賣相固然很邪惡最重要是人手即席炮製，燒時淋上清酒，份外惹味！鮑魚亦於燒前去腸及切成半塊將鵪鶉蛋、蟹籽、蟹肉混合在一起味道不算濃而且很鮮味。蠔燒熟後沒有縮水仍然很大隻，肉質飽滿好肥美。蠔燒好後仍然充滿濃濃的海水味而且不乾身北海道帆立貝很大隻而且很鮮甜東瀛五點盛包括三文魚、吞拿魚、甜蝦、帶子等 海鮮沙律份量都算豐富而且亦都很新鮮南瀛卷就是有甜蝦、拖羅蓉、魚子及海膽，份外滿足。很滿意的一餐

今日嚟到呢間南瀛水產食日本料理 呢間野環境都幾靚 啲裝飾同埋餐牌好多係都係日文字，似日本餐廳feel睇佢個名都知重點係食海鮮 所以我同朋友兩條友都叫咗唔少野食先食一個前菜 蕃茄沙律 蕃茄係原隻蕃茄上 再自己撈均嚟食好新鮮 作為開胃菜嚟講認真唔錯聽講呢到嘅牛舌好出名 所以我都叫咗一份果然冇推介錯 好掂 牛舌表面上嘅蒜好香 中間又夠冧另外叫咗一份雲丹蟹肉卷 其實雲丹即係海膽一份有六件 每件上面都有好多海膽 包住咗蟹肉 同埋海律菜海膽夠晒鮮甜 味道好有層次今晚嘅主角係活貝盛合 有鮑魚、蠔、帆立貝、蜆店員好好會幫手燒 同埋會跟返唔同海鮮落返相應嘅調味鮑魚我見佢落咗啲海鹽 蜆就落清酒隻鮑魚新鮮到上枱嗰陣都仲識郁食得出啲海鮮真係好生猛新鮮 飲品叫咗青蘋果乳酸 估唔到外形同Menu冇出入真係有啲驚喜 青蘋果味好出 同乳酸好夾 正

行開尖沙咀，最鍾意就係捐窿捐啦搵好嘢食，今次嚟到尖東金馬倫道太興廣場5樓，專程來拜訪呢間有新鮮磯燒海鮮嘅日本餐廳🍴6:00嚟到，未到辦法時間，所以餐廳冇咩人，不過聽住音樂，同朋友慢慢睇吓餐單點嘢食，傾吓計飲吓嘢咁，又係另一番滋味。我冇估到我食過咁多日本料理，竟然係第一次食甲羅燒，同朋友一人一隻蚧味噌甲羅燒，共$156，雖然假設來講唔係平，但係一放入口就知道物有所值。材料有蟹膏、蟹肉、蟹籽、鵪鶉蛋，非常豐富！店員三兩下手勢即席為我們炮製，過大概10分鐘，熱辣辣嘅甲羅燒出場啦，蟹嘅鮮味撲鼻而來，入口香滑甘香，非常鮮甜！店內有魚缸養住不同海產，有新鮮大大隻嘅蠔同鮑魚，即點即燒！蠔超級大隻，長過一隻手掌，而且脹卜卜十分肥美。店員把握好時間，將蠔肉燒得剛剛熟，肉質仍然保持嫩滑鮮甜，果然係一分錢一分貨，冇令人失望。鮑魚都係新鮮從魚缸中撈想來！第一次食燒鮑魚，冇估到中間裏面嘅肉質好似帶子刺身一般，好有口感， juicy~和牛入口即溶，牛油香滲透口腔每一個角落，脂肪分布平均，可以想像未熟之前係雪花般的樣子。真係要特別咋呢度嘅牛肉，非常有質素，牛肉烏冬嘅牛肉火鍋片都好重牛味，加上味噌湯底，令煙韌有口感的

叫左A5和牛入口唔溶... 唔似A5都算；和牛炒飯，係隔夜賣剩再溝水再用微波爐叮出黎，完全唔係炒飯... 而且無味。啲海鮮唔新鮮，味道好淡，而且侍應燒得過熟.... 好明顯唔夠人手。未夠鐘就叫人埋單....最精彩係我地支男山sake未飲曬，佢叫我地拎走支Sake⋯⋯⋯⋯⋯⋯⋯⋯⋯⋯⋯⋯⋯⋯⋯⋯完全唔諗客人感受每人$798，6個人$4788，得6成飽，唔好食，又貴又食到一肚火...啲侍應黑口黑面又呼呼喝喝，服務差，垃圾....

近排友人成日帶我食好野，今次就黎到呢間係尖沙咀既磯燒店。餐廳裝修好有日本居酒屋的感覺，座位都算幾多。坐低後看看餐牌，先點了飲品才慢慢揀野食。芒果乳酸($52)，芒果味都幾濃，唔會係假味，而且酸酸甜甜十分開胃。南瀛卷($288)，這款是在網上見到好多人食，覺得好吸引，所以便點了!這款卷物材料多到好似滿瀉咁，包括有牡丹蝦、吞拿魚蓉、海膽和三文魚籽。卷物大概有6件，海膽鮮甜，唔會有苦味，三文魚籽如果就咁食會較咸，所以連埋吞拿魚蓉一齊食特別惹味，而牡丹蝦亦好新鮮!香蒜牛舌($88)，牛舌厚薄適中，好濃牛肉味!清酒煮蜆($108)，這裡的清酒煮蜆都幾大份，蜆都有好多，蜆肉脹卜卜而且鮮甜，個湯都好重清酒味!總括黎講餐廳食物質素不錯，下次要黎試其他食物!