南瀛水產

早幾日同媽咪出尖沙咀食日本菜提早慶祝生日，媽咪聽到已經好興奮，因為已經成個月冇同佢出去食飯了。今次帶媽咪到南瀛水產估唔到咁高質素，食到我地舐舐脷，食物如下 ：⚛ 蕃茄沙律 ～ 用上黑醋汁帶出沙律的新鮮蔬菜好 fresh。⚛ 香蒜牛舌 ～ 驚喜位之一，我同媽咪異口同聲講未食過入口即溶的牛舌， 掂呀！⚛ 壽司盛 ～ 三文魚，油甘魚，吞拿魚，魚油平均很香， 甜蝦帶子夠清甜，每一件壽司都係咁精緻美味，新鮮食材係唔同d。⚛ 炸雞軟骨 ～ 炸醬夠薄，雞軟骨炸的夠香脆，送酒一流。⚛ 蚧味噌甲羅燒 ～ 呢到的招牌菜必點， 除左賣相吸引外，亦好有內涵架， 蟹蓋釀滿了蟹膏，蟹肉，蟹籽和鵪鶉蛋，店員會係我地面前即時燒， 嘩口感濃郁香香的蟹膏味🤩在口裡。⚛ 蛤蜊 ～ 一路加味醂去燒，燒得剛好食落鮮甜。⚛ 海鮮鍋加烏冬 ～ 不得了個海鮮鍋海鮮超吸引，首先大大隻鮑魚😍，大大隻蝦😍， 仲有蠔，扇貝， 加蔬菜等， d海鮮夠新鮮，湯底夠清甜，我仲加左烏冬去吸收哂d 鮮味， 呢個鍋令人再三回味。🍹 熱情果菠蘿燒酌 ～ 話得同媽咪慶祝，緊係叫返杯有酒精成份的飲品比媽咪 happy 下啦！媽咪大讚好飲喎。🍹

今日同朋友嚟咗尖沙咀行街，見到呢間日本餐廳嘅menu好誘人，啲料理好似好高級，好有質素，所以決定入去食lunch，當係年尾獎勵吓自己☺️黑鯥 ($428)- 一攞上檯就超吸睛，黑鯥刺身透薄紅潤，魚身擺盤好有睇頭，肉質鮮甜，厚薄適中，連埋醬油一齊食，鮮味突出，食到好滋味南瀛卷 ($298)- 南瀛卷好有驚喜，海膽、三文魚籽同鮮蝦好新鮮，海膽入口即化，鮮甜美味，超贊，蝦肉新鮮有咬口，啖啖都好滿足，卷物入面仲有蟹肉同菜，口感層次好豐富蚧味噌甲羅燒 ($156/2)- 蚧味噌甲羅燒好好味，蟹膏香濃，連埋鵪鶉蛋、蟹籽、蟹肉，混合埋一齊，質感豐富，味道層次多化，烤完之後更加是香味四溢蛤蜊 ($48)- 蛤蜊新鮮大隻，職員好細心幫手烤，海水嘅鮮味同蛤蜊嘅甜美完美地融合，食都舔舔脷什錦天婦羅盛合 ($198)- 天婦羅款式多元，有蝦、冬菇、紫薯、南瓜等等，炸粉上得薄身，一啲都唔會厚身，金黃金黃色，好有食慾，一個菜式就可以試勻晒唔同材料，食得好開心蕃茄沙律 ($78)- 沙律份量十足，有好多沙律菜同蕃茄，同埋蕃茄去晒皮，勁貼心，調味好適中，酸酸甜甜，勁開胃，作為頭盤一流土佐豆腐 ($68)- 外皮好特別，

今日同老公兩個出去買聖誕禮物，突然間醒起朋友講話南瀛水產嘅日本料理好出色，咁啱又喺附近就上去試啦！入到餐廳裡面都好有日式居酒屋氣氛，侍應安排我哋坐喺窗邊卡位，環境好舒適。由於有啲食物係需要即場燒烤，所以每張枱下面都有個衣物籃，可以放我哋嘅大褸响枱下避免吸味弄髒😌因為老公係唔食生野，所以就生、熟食物各點一些，除左有炸物、烏冬外，當然我自己係唔會放過魚生啦🤪唔係講笑，每一樣食物都真係好有水準，尤其是個甲羅燒👍🏻蕃茄沙律，蕃茄蔬菜好新鮮，配合埋黑醋汁，係一道令人好開胃、清新嘅冷盤土佐豆腐，雖然係炸物，但係金黃色外層就脆卜卜、裏面豆腐滑溜溜，加入日式醬汁一齊食，唔會感覺油膩唐揚炸雞，上碟時候仲係出煙，又係外脆內軟，雞肉嫩滑仲好Juicy，有檸檬汁、沙律醬伴食，正！東瀛五點盛，我至愛嘅刺身！除咗有三文魚吞拿魚同油甘魚外，仲有大大隻牡丹蝦同帶子，食落去係feel到魚油好香，每樣都鮮甜爽口，大滿足！什錦天婦羅盛合，有大蝦、兩款甜番薯、冬菇、仲有秋葵，佢嘅外層炸得好薄，好難得搵到一間餐廳做得咁好，完全冇食緊炸粉嘅感覺蚧味噌甲羅燒、蛤蜊，未燒之前賣相超級吸引，蟹蓋裏面放咗蟹膏、蟹肉、蟹子同埋鵪鶉蛋。店員

🎀蕃茄沙律🥗，㕑師好細心咁將蕃茄去皮處理切片，放在沙律菜上，加上醒胃沙律汁，真係呼喚我嘅味蕾🎀蟹味噌甲羅燒，用松葉蟹蓋盛載經味噌釀製的蟹膏、蟹肉、蟹籽、青蔥，放在浜燒爐上加入鵪鶉蛋攪拌，陣陣蟹香撲鼻，味道濃郁，鮮味十足，一試難忘。🎀蛤蜊，海水味十足，在浜燒爐燒到打開口後再加入酒燒，除了鮮味更加帶出甜味🎀黑曹以，原條鹽燒，來自東京的黑曹以，又名黑曹魚，入口肉質結實脆口，油份較低，一啲腥味都無，唔食刺身嘅朋友可以選擇用嚟燒喔😋🎀雲丹蟹肉卷，青瓜絲上放咗好新鮮嘅海膽，海膽上放有黑松露，加上軟硬適中嘅壽司飯和蟹肉，依個配搭係冇得輸👍🏻🎀野菜烏冬，烏冬超級彈牙，爽滑🎀唐炸雞，雞肉味十足外脆肉juicy🎀土佐豆腐，好滑，豆香味濃🎀燒明太子，佐酒一流，微辣加上粒粒分明的口感，真係明太子先有

天氣轉冷❄️一起身就已經好想食啲熱辣辣嘅嘢食，想食日本嘢🇯🇵又嫌壽司🍣太凍嘅話，不妨試試爐端燒居酒屋🏮.呢間一直擁有超高人氣同大量好評價嘅水產專門店，保證食到日本🇯🇵空運到香港🇭🇰，高質又新鮮嘅水產，服務同環境都好好，氣氛相當大錯，當正自己飛咗去日本🇯🇵咁🤤———————————————————————————🍽鮑魚殼燒、帆立貝殻燒、蟹味噌甲羅燒🦀💬 海鮮叫咗呢三款，專人喺面前即叫即燒，唔駛調味，齋食鮮味🤤.🍽清酒🍶煮蜆💬一大鍋份量十足，夠抵食😋.🍽軟殻蟹🦀沙律🥗💬應該每款食物都偏向大份，沙律🥗同樣係勁多軟殼蟹😏.🍽日本🇯🇵豚肉鍋🍲💬一大盤豚肉加埋勁多蔬菜🥬、豆腐、雜菇，就係想有熱辣辣嘅效果😅.🍽土佐豆腐💬日式嘅炸豆腐同土佐豆腐永遠都係咁好食，要考師傅功架，一試就知🤤

慶幸身邊多好朋友，雖然今年冇得去日本滑雪，相約了每年也一起滑雪的閨蜜，一齊食返餐好嘅。她訂了「南瀛水產」，店內環境帶點日式居酒屋風情🍶，播放着日文歌🎼🇯🇵，氣氛很好。親切嘅店員還安排了我們窗口位，好開心☺️。我哋點咗:✨#蕃茄沙律🥗$78新鮮的蕃茄及蔬菜，配上酸甜的沙律汁，口感清新，很喜歡這種簡單而美味嘅食物。✨#蟹味噌甲羅燒🦀$156賣相好吸引，蟹蓋內放了蟹膏、蟹肉、蟹子及鵪鶉蛋。店員還親自在旁，為我哋即燒這個甲羅燒，滿滿的蟹膏，在烤爐上香氣不斷翻滾，已令人垂涎三尺；香濃嘅蟹膏，入口creamy，令人一試難忘。配上我的「#熱情菠蘿燒酎🍹$78」，及閨蜜的「#巨峰啤酒68🍺」，感覺很幸福。✨#雲丹蟹肉卷$228一客六件，色澤橙黃的海膽，入口即溶，配上反卷內的蟹肉，鮮甜味瀰漫着整個口腔。✨#東瀛五點盛🦐🐟$368內有油甘魚、帶子、牡丹蝦、吞拿魚、三文魚，刺身好新鮮，甜味亦足；我最鍾意那帶子刺身，鮮甜爽口，令人回味。閨蜜還點了她每次來都會點的「#野菜天婦羅$98」、「#土佐豆腐$68」、「#牛肉烏冬$78」。天婦羅炸得很輕盈，完全冇油膩感，要讃👍。這裏食物質素高，種類選擇亦多，依靠着窗邊的一

通常食日本嘢都會去比較正中的日本料理，今次因為有8折，所以去試一吓。食物質素還可以，但咁嘅價錢(貴)，亦不可以差呀！問題是8折並不是真正8折，只是餐牌上很少部份的食品有8折，有些8折食品，更跟本不在 原來的餐牌中，咁點可以確定係8折呢？以呢個價錢，去正宗日本料理食好了，不會有下一次了。

早前慶祝拍拖周年紀念，去咗間高質人氣餐廳，真係要分享一下南瀛水產 係日式居酒屋，裝修十分有格調，周圍用上不同種類嘅日式酒作裝飾，非常有氣氛。每檯都有寬闊空間，真係可以慢慢促膝詳談蕃茄沙律 選用新鮮沙律菜，再配上新鮮蕃茄，蕃茄肉質爽口多汁，加上黑醋，酸酸甜甜非常醒胃 土佐豆腐豆腐炸到金黃色，而且做到外脆內軟，配上日式醬汁，真係非常好味黑鯥原條刺身 齋講賣相，真係無得輸。師傅十分巧手，每片魚片都切得厚薄一致，並將魚生擺放得十分標緻，未食已讓視覺大大滿足。黑鯥魚新鮮，非常鮮甜，冬天係最佳嘅賞味期，食落陣陣油香味從口內慢慢散發。師博嘅神巧刀工將刺生厚薄切得「剛剛好」，讓我哋品嘗到滑嫩鮮甜嘅高質魚生，大滿足 蚧味噌甲羅燒配上香蔥、鵪鶉蛋、蟹膏、蟹肉、蟹子的甲羅燒，由專人幫手燒和炮製。蟹子入口卜卜脆，蟹味香濃，滋味無窮，鍾意食蟹嘅朋友係絕不能錯過龍蝦鍋龍蝦配上香味泗散嘅蒜蓉一齊爐燒，真係perfect match，龍蝦新鮮、厚肉、彈牙，而蒜蓉正正讓味蕾進一步提升去另一層次雲丹蟹肉卷海膽鮮甜可口，無腥味，口感細滑，配上蟹肉，口感豐富，再包卷沙律菜，讓整體更清新而不膩，食完即刻想返食多件牛肉烏冬 牛肉

又食日本野今次揀咗南瀛水產朋友負責訂位訂位時話有八折但去到原來都有幾多嘢係冇得折嘅😓活貝盛合 呢個係冇折扣嘅海鮮都新鮮有兩隻鮑魚 兩隻蠔 兩隻帆立貝 六粒蜆鮑魚同帆立貝都算大隻燒完唔需要任何調味料都好鮮甜鮑魚彈牙 帆立貝清走埋橙色嘅部份👍🏻之前食過有啲餐廳係會俾埋橙色嘅部份但後尾睇過一啲新聞話其實橙色係唔應該食嘅蠔我就冇食 本身唔太好朋友話好食壽司盛合 呢個個人覺得係唔抵食嘅佢有另一款高級啲嘅壽司盛合如果要叫都係叫另一款好啲

今日是相識周年紀念日🥰梗係去食我哋都最鍾意食嘅日本料理啦！最近見到勁多人去呢間南瀛水產，見到啲食物質素都非常好，所以就黎試吓！呢度裝修好有和式，而且非常有氣派，以日本酒為擺設，裝飾了一個像酒的墓園的擺設，很有意境👍 地方闊落座位間隔空間非常夠，可以安心談天進食！#蕃茄沙律🥗 新鮮的蕃茄和蔬菜🥬配上酸甜的黑醋，是作為開胃菜很不錯的選擇！#笛鯛原條魚刺身 我們都鍾意吃生魚片，所以就點了這款原條魚刺身來試試！這款刺身新鮮不在話下，而且看得出師傅刀工很好，將魚肉切得很薄，一條一斤左右的魚開岀滿滿的一碟，還擺岀那水靈的擺盤來，值得一讚！打卡影相也是一流😊肉質方面，也是非常好吃的！可以感受到每一片都非常鮮甜，本來我們覺得鯛魚肉質多數偏向煙韌，也怕不合胃口，還好師傅用心地片出薄片，使食起來口感温軟鮮甜，吃了這一盤魚，也非常心滿意足了，這盆美味的魚刺身豐富了我們的紀念日😊#蚧味噌甲羅燒 清甜的魚刺身之後，就來些轟炸味蕾的。這款蚧味噌甲羅燒加入了蟹肉、蟹籽和超多蟹膏，再加入鵪鶉蛋王增加口感，再用岸火連殼一齊燒，材料十足鮮味滿分呀！入口creamy到漿住舌頭👅堅係不能錯過的美食！#特大聖子王 呢個又係非推

朋友介紹左一間好出名既居酒屋「南瀛水產」，終於有機會同朋友去試我地一開始就叫左「炸雞軟骨」「炸八爪魚鬚」「雞泡魚乾」作為前菜，因為實在太肚餓啦我地仲叫左支酒黎送啲前菜哈哈，呢度既酒都唔錯我地叫左「帆立貝殼燒」「雪場蟹腳」「牡蠣殼燒」「鮑魚殼燒」「蟹味噌甲羅燒」啲海鮮非常新鮮，鮑魚仲郁下郁下咁，店員會幫手燒，但有啲慢叫先黎燒甲羅燒都非常好味，入面有蟹肉、蟹籽、鵪鶉蛋、同蟹膏一齊撈埋食最後我地叫左個海鮮活貝鍋，哈哈真係全餐海鮮🦞

今晚黎左呢間「南瀛水產」, 帶有濃厚的居酒屋風味。進店見裝潢很日式，地方精緻又舒適，是談天說地好地方, 真係很讚～ #蕃茄沙律勁新鮮的沙律加上黑醋，番茄🍅酸酸甜甜的健康而且醒胃。 #東瀛五點盛鮮甜油甘魚、帶子，肥美三文魚，赤蝦，新鮮吞拿魚，咬落口感十足, 我要比個like你呀~ #蚧味噌甲羅燒服務員會放上爐燒, 內有香蔥, 鵪鶉蛋,蟹膏,蟹肉,蟹子的甲羅燒, 入口蟹子卜卜脆, 蟹味香濃, 很creamy, 滋味無窮。 #龍蝦鍋龍蝦新鮮,肉質鮮味彈牙，加上內有很多配菜豆腐，湯底清甜，很棒啊！ #土佐豆腐豆腐金黃色炸得外鬆化，內柔軟。#野菜天婦羅 #炸雞超出色炸天婦羅，簿薄的炸醬很脆口，配上啤酒🍻十分正😋。

放假梗係要食餐好，對自己好啲！食餐正宗日本菜，當自己去緊日本旅行都幾好😍餐廳裝修以木製為主，充滿日本本土居酒屋嘅氣息，燈光柔和，好適合談天說地！一入去就見到大大嘅自家魚缸，一定夠新鮮😍前菜係日式蕃茄沙律～粉紅色嘅日本蕃茄，特別多汁，沙律菜好fresh，明顯即叫即整😍配上日式黑醋汁，非常開胃醒神👍鱈魚白子～食落有爽滑嘅質感，呢度配咗日式酸汁，入口即化嘅口感！白子本身含豐富蛋白質，唔係咁多餐廳有得食，屬於矜貴嘅食材，有滋陰養顏之功效，越食越美😍海膽杯～係佢哋自己嘅創意食品，分為上下兩層，上層有海膽、帆立貝、鮭魚籽、吞拿魚蓉，非常新鮮！下層好得意，有一隻細細隻，食落香脆嘅蟹仔，同埋糖漬金栗，香甜軟糯！蟹味噌甲羅燒～由蟹膏、蟹子、蟹肉 組成，配左粒鵪鶉蛋，店員幫我擺落去烤爐度燒香，所有材料混合，完全將蟹嘅鮮味提到高峰，齒頰留香，食完仲覺得個喉嚨，有陣陣嘅鮮味滲出嚟！Season fish～店員解釋因為每次來貨都不同，所以寫Season😆今次其實係青曹魚，大大條，鹽燒，個皮非常香口，啖啖肉，少骨，好易食，店家配左檸檬上碟，整少少檸檬汁落去，開胃仲更提鮮添！另外仲有鹽燒牛舌、炭爐燒大大隻聖子王、鱈

南瀛水產今日森仔去左尖沙咀食好西。之前係openrice到見到有間好正既日本野，今次就去試試佢！間日本野叫南瀛水産，位於尖沙咀。餐廳位置非常方便，係地鐵行過去都係5分鐘內。而餐廳嘅裝修非常時尚，空間感十足。而內部燈光較暗滿有格調，讓客人能安心舒暢的進食。同時，座位更有一段距離，不但符合疫情下的1.5米要求，還能讓客人自由自在地談天說地。而餐廳亦滿有日本風，居酒屋既感覺！❤️❤️❤️至於食物方面，亦都非常高質🥰🥰🥰除了好食之外，就只能用非常好食黎形容🤭🤭森仔果日叫左好多野食，包括：東瀛二五點盛，味增甲羅燒，磯燒鮑魚，磯燒聖子王，軟殼蟹沙律，南瀛玉子燒，雲舟蚧肉卷和野菜烏冬。每個食物都好正，各有特色。森仔覺得每款都絕對值得一試。不過，獲得森仔指名推介既，共有3款！😘😘1. 磯燒聖子王這個聖子王真係不得了，新鮮清甜至極！其十分新鮮，食得到佢係活生生捉上黎再燒！所以佢口感亦很彈牙，但又不會太硬！侍應用了少量香蔥和油作上簡單的調味，已經美味非常！食到晒佢既鮮味👍🏼👍🏼👍🏼2.軟殼蟹沙律🥗軟殼蟹炸得非常香脆嘅，同時份量十足。一整隻軟殼蟹， 10分肥美，啖啖肉。不像外間的，滿是炸粉，很少肉食。而調味適中，

其實之前都已經知道尖沙咀有間好出名嘅居酒屋叫【南瀛水產】，今次終於有機會同朋友去食。我哋order咗蕃茄沙律、南瀛捲、牛肉烏冬、蚧味噌甲羅燒、蛤蜊、平目刺身、南瀛玉子燒、雜錦天婦羅盛合，飲品揀咗巨峰梳打同埋芒果乳酸。 蕃茄沙律超新鮮，特別係個蕃茄超甜，果然冇揀錯。南瀛卷就最值得推介之一，入面包住滿滿嘅蟹肉，而面頭就鋪滿超大份量嘅吞拿魚碎及新鮮海膽，真係又矜貴又好味。牛肉烏冬分量超多，湯底超濃味加上兩大片手掌咁大嘅和牛，鍾意食牛嘅朋友一定唔可以錯過。蟹味噌甲羅燒就係呢度嘅招牌菜，鵪鶉蛋撈濃郁嘅蟹膏，加上蟹肉及蟹籽，混合埋一齊放上爐端燒燒，隔一陣就食得，熱熱地又好creamy，鍾意食蟹及蟹膏嘅朋友萬勿錯過。蛤蜊又係燒咗之後超鮮甜。平目刺身又係冇得輸，因為海鮮係日本直送超新鮮。玉子燒及天婦羅盛合就保持一貫高水準。巨峰梳打同芒果乳酸就係打卡之選，而且甜度適中好好飲。