南瀛水產

尖沙咀南瀛水產環境好正，日本地道居酒屋風情，好適合同朋友嚟傾計食好野。🥂🎂🎂朋友生日決定食豪啲，我地兩個人都叫左幾多野🤤🤤。🍅蕃茄沙律好fresh，蕃茄清甜，沙律汁酸酸甜甜，超開胃。🐮香蒜牛舌，香口軟腍，入口即溶。🐟間八刺身:被認為係頂級壽司食材既頭三位，果然入口一試難忘。🥰海膽紫菜天婦羅，第一次食呢個整法既海膽，好新鮮，外脆內軟。😍海膽杯，面頭隻蟹仔好得意，食落又好香口。海膽杯除左海膽，仲有蟹，帶子，吞拿魚茸，下面嗰層又有啲腌蘿白，帶子裙邊，口感豐富。🦪燒蠔同甲羅燒由店員燒，燒到恰到好處。🖤🐟黑松露鰻魚卷厚厚既鰻魚上面鋪住黑松露，原來味道甘夾。🐂牛肉烏冬最後來個熱辣辣既烏冬，朋友話呢餐生日飯好滿足❤️😍😁

幾個月前同老公去過南瀛水產食午餐之後，又心思思想再食，今次帶埋亞女黎，其實都好多菜式岩小朋友食喎。蕃茄沙律食個蕃茄沙律開胃先，有2個大大蕃茄仲幾甜、沙律菜夠脆配黑醋汁酸酸甜甜好新鮮。平目刺身平目刺身晶凝通透，清新爽口。蚧味噌甲羅燒去親食浜燒，一定會揀甲羅燒，濃郁又creamy，蟹膏又蟹肉又鵪鶉蛋加埋d蔥花，再睇住店員純熟甘燒好治癒。大活貝盛合：日本蠔、鮑魚、蜆同大元貝，每日日本直送，食材好親鮮，日本生蠔勁大隻又肥美，大元貝夠鮮甜。店員真係好細心。亞女最鍾意南瀛玉子燒，玉子燒蛋香濃仲好滑，食左3件，而唐揚炸雞大大個波波甘，炸得香脆但內裏肉嫩，食左2球，野菜烏冬，雖然叫左野菜但湯底濃郁烏冬又滑，亞女食到津津有味。

充滿日本風情～播住日文歌～❤️還原日本居酒屋場景～前菜:✨雪魚乾～醬料係加咗七味粉嘅蛋黃醬，魚乾入口好似薯片咁脆，好有魚味，明顯係啱啱燒好，攞上手仲暖暖地，送酒佳品✨日本涼拌海蜇～凍冰冰，味道微辣偏甜，越食越開胃😆✨軟殼蟹沙律～夏日炎炎，點可以缺少沙律，呢度嘅沙律菜採用日本食材，炸到脆卜卜嘅軟殼蟹，口味咸咸哋，同加上柚子醋汁嘅沙律好夾燒物:店員即場燒製✨✨蟹味噌甲羅燒～每次嚟都會點嘅一味，蟹蓋上 混合蟹子蟹膏蟹肉，加咗一隻鵪鶉蛋一齊燒，將蟹味發揮到極致👍✨帆立貝～都係日本貨啊！大大隻，目測帆立貝有5cm直徑，啖啖肉，即燒即食，燒完都冇咩縮水，食完鮮味都留喺喉嚨🥰感覺好嘆😄✨燒明太子～店家推介😍，明太子即係魚春子，燒到半熟，味道甘甘地、少辣，口感特別。而且配上一片片清新嘅青瓜，食完都唔會覺得膩主食:✨金目鯛～以前去居酒屋，通常都係食刺身鯛魚片，呢度將個魚皮燒一燒，魚肉滑溜得黎，帶有燒烤味，好特別😍✨鰻魚炒飯～炒飯都見到細心位，材料有紅蘿蔔粒、蔥粒、洋蔥粒，外面通常係鰻魚粒，呢度係大大件鰻魚塊，好足料！最緊要唔會油膩👍

環境好有氣氛點了南瀛海鮮盛合，南瀛七點盛，飛機貨的金目鯛4片，香蒜牛舌。南瀛海鮮盛合，這個價錢絕對不貴，有蜆仔，超甜證明新鮮。兩隻扇貝唔算大，但過熟，不過都甜。三塊皇帝蟹joint位加一塊皇帝蟹末端，燒得岩岩好，表面香裡面有汁，鮮甜。小弟對鮑魚興趣不大，原因係好多香港食的鮑魚都無味，但今次絕對有驚喜，兩隻大鮑魚岩岩熟，好彈牙而且好鮮甜，正。兩隻大蝦，爽彈甜。最後兩隻大蠔，應該係美國珍珠蠔，又係岩岩好而且甜，但小弟對珍珠蠔不大興趣。南瀛七點盛，三文魚、油金魚、平目魚、扇貝、大拖羅各三片，鯛魚5片，牡丹蝦兩隻。總括黎講，明顯係雪得太耐唔夠新鮮，部分魚切得過厚，而且太濕。鯛魚唔爽而且偏淋。牡丹蝦中規中矩。金目鯛4片，話係飛機貨，廚師推介。金目鯛一般會火炙個魚皮一陣，除左個魚皮香之外，新鮮同肥美的金目鯛，佢的魚油會滲透出皮同魚肉入面。單單只係端上枱的一刻，魚油香撲鼻，令人食指大動。今次...小小香有嘅。首先，第一件事，目測佢火炙個魚皮可能只有兩三秒，無法把所有魚油香帶出黎。第二不夠肥美，入口的時候魚油不夠，所有就算佢炙多陣，都只會幫助得小小。最後係雪得耐，入口個魚的甜味唔夠，明顯係雪得耐無鮮味

繼續食日本菜，呢間食過，難得老公早放工就拎位先，好幸運唔洗排隊直入。蕃茄沙律蕃茄生切，已去皮，很新鮮又有甜味，配上新鮮沙律菜，翠綠爽脆，沾上黑醋汁，醒胃菜。深海池魚刺身池魚切成薄片，透薄得透光，肉質鮮美，擺碟用心，切成花形，吃起來帶有油香，爽口。雜錦天婦羅有蝦，南瓜，紫薯，魚塊，鮮冬菇，炸漿做得很薄，脆口，沒有很重的油膩感。蚧味噌甲羅燒松葉蟹蓋內有香滑蟹膏，蟹籽，蟹肉，仲有生鵪鶉蛋，蔥花。店員拌勻後，蟹膏香味濃厚，很滑溜，仲有一絲絲蟹肉，超正。雲丹蚧肉卷海膽鮮豔的橙黃色，很鮮味，上面仲有黑松露點綴，貴氣十足。仲有餡料是蟹肉絲，配上幼細的青瓜絲，可見刀功十足，鮮甜又清新。活鮑魚非常生猛，不會燒得乾，而且很鮮甜，肉質鮮甜，入口易咬。牡蠣即燒生蠔真係好正，用錫紙包住，熱力加持燒蠔，處理得很好。大隻肥美，高蛋白質，老公好中意食，我食左少少，好鮮味。香蒜牛舌肉質軟滑，燒至熱辣辣，有六塊。蒜片在牛舌上面，增加口感。梅酒梳打老公覺得大熱天時真係要飲下梅酒係舒服的，酸酸地，梳打水又夾到梅酒。青蘋果乳酸我喜歡青蘋果的酸甜，仲有清新的果肉，加入乳酸，梳打水，味道唔錯

要食日本嘢🇯🇵，一定係去南瀛水產‼️‼️環境，服務和每一款食物的水準都相當高質，好適🈴️家庭聚會、朋友聚會和拍拖🤩🤩！🌟呢度有每日日本海鮮直送嘅Menu🌊，每日更新，每日新鮮‼️必叫‼️💯💯💯📌蕃茄沙律🥗 $78📌真鯛刺身🐟 $238📌雲丹蟹肉卷🦀 $228📌唐揚炸雞🍗 $68📌活貝盛合🦪🐚 $428📌聖子王🌊 $168（當日日本海鮮直送‼️）📌牛肉烏冬🐮 $78📌柚子梳打🍊 $58📌巨峰梳打🍇 $58✨真係要呢度先食到咁新鮮美味的鯛魚刺身🐟🐟，口感鮮美爽身，沾上少量醬油，好正😋😋✨ 雲丹蟹肉卷，鋪上肥厚豐腴的海膽，口感細膩入口即溶，中間卷著滿滿的蟹肉絲🦀，口感多層次👍🏻✨ 唐揚炸雞🍗亦相當高質，第一次見拳頭咁大的唐揚炸雞🍗，驚喜😍✨ 牛肉烏冬🐮，牛肉大片，相當嫩滑，湯頭鮮美無窮，烏冬爽滑彈牙👍🏻👍🏻👍🏻✨ 活貝盛合，包含了巨型扇貝🐚，巨型生蠔🦪，巨型活鮑魚🤩和蜆！店員會在你面前製作浜燒😋，鮑魚一邊燒一邊動，蠔肉超厚🦪，所有海產肉質肥美好鮮嫩，海水味重，夠哂鮮味😍💯💯💯💯💯💯 而聖子王 更是當日日本海鮮直送‼️‼️😋🤩

收工想食下日本野講日本野一定係去南瀛🤤🤤🤤🤤食過幾次, 同朋友諗唔到食咩就會去南瀛特別收工後去,個氣氛好似係日本收工同同事去居酒屋飲返杯如果有埋飲品放題就正啦!!!!!!同埋食物款式都算唔少自己本身唔大食, 上去飲兩杯再點幾款磯燒同朋友吹下水一流今次我點左甲羅燒(其實次次黎都忍唔住嗌左)同埋一客海鮮盛合好新鮮,正!!!!!!!!!!!!😆😆食完水產之後嗌左雞軟骨同一口芝士送啤酒一流啊🥰不過啤酒既選擇就比較少😢😢😢😢

細佬出咗bonus，話要食餐好，我就帶佢去尖沙咀「南瀛水產」， 細佬都讚裝修很有日本風情，食物美味，無介紹錯。梭子魚刺身魚肉較少油脂，肉質清爽幼嫩，配上油仍豐富的魚皮，魚香更出。雲丹蟹肉卷飯卷上面有很Creamy 鮮味的海膽，再加上黑松露配搭更有口感，一口咬入飯卷，啖啖蟹肉，非常滿足。唐揚炸雞皮薄肉厚，外脆肉嫩，香口美味，送酒一流。活貝盛盒全程由店員磯燒，加上適量燒酒或調味，非常有技巧，更幫忙將肉剪細，方便入囗，盛盒包括肥美肉厚生蠔、 煙韌爽口鮑魚、多汁爽嫩帆立貝及鮮甜肥美海蜆，全部大大隻， 上碟時仲會喐動，非常新鮮。另外仲點了番茄沙律及土佐豆腐作小吃，也很美味。還點了酒類，熱情菠蘿燒酎及巨峰燒酎， 甜甜地， 容易入口，很解喝。

最近同朋友去咗尖沙咀呢間餐廳食飯覺得很不錯大家分享吓～......................首先我哋食咗個沙律先我自己唔係咁鍾意食生嘅蕃茄但係呢間整得好好食🤣🤣🤣好fresh即刻開胃左！之後就試咗個三刀魚剌身好新鮮唔會腥！非常好食👍🏻之後就食左雲丹蚧肉卷海膽好新鮮 成個卷物調味好好👍🏻之後就食咗啲燒嘅海鮮有鮑魚、蠔、蜆等等呢度會幫你燒埋 仲會調味全部都好好食好新鮮😍特別鍾意個鮑魚 好彈牙🤣另外我哋仲叫咗個牛肉烏冬同埋炸雞兩樣都好味 炸雞有驚喜佢外脆內軟 雞肉好嫩滑 正！....................整體而言個人覺得好高質鍾意海鮮嘅朋友仔就一定要試啦💕....................南瀛水產地址：尖沙咀金馬倫道5號太興廣場5樓#香港美食 #尖沙咀美食 #日本美食 #吃貨 #相機食先 #南瀛水產

生日慶祝停不了，今次去咗尖沙咀同老公食日式浜燒朋友，介紹呢度嘅水產都好新鮮，的確唔錯喎！雲丹蟹肉卷（$228）蟹肉壽司卷外面po相一大塊雲單，即係海膽。海膽味非常濃郁，新鮮甜美。平目刺身（$238）平目即係左口魚嘅同類，魚味唔會太嗆口，相反有種淡淡的鮮味，建議唔好點上太多豉油，先會食得出日本直送嘅新鮮味道。蕃茄沙律 （$78）唔好睇佢平平無奇，生蕃茄味道爽甜，唔會酸，口感清爽。配合黑醋，健康首選。活貝盛合 （$428）一盤有齊晒鮑魚、扇貝、蠔同埋蛤。每樣海產都好新鮮，朋友果然無介紹錯。店員會幫你逐樣燒，然後熱辣辣盛上，服務一流。燒海鮮沒有太多的調味，只係加上清酒味醂，都足以突出海鮮的鮮味唐揚炸雞 （$68）賣樣非常搞笑，圓碌碌成個精靈球咁，原來外層係炸到脆卜卜的外皮，裡面包住juicy嘅雞肉。土佐豆腐（$68）推介的佐酒物，外脆內滑的豆腐炸得香脆，豆味濃郁。沾上特製的醬汁和伴碟的蔥花蘿蔔茸，非常惹味牛肉烏冬（$78）正常水準，麵質彈牙。牛肉有少少軔。柚子啤酒$68柚子的酸甜中和了啤酒的苦澀，女仔都啱飲！巨峰乳酸$58味道偏甜。

就嚟生日，又好耐冇食過日本嘢，於是就試吓南灜水產，見咁多人like，啲嘢食個樣又好似幾好咁。舖入邊嘅裝修幾有日本風味，我哋被編排坐係一個角落，靜靜地幾舒服😌而且好啱打卡添❤️ 由於生日飯嘅關係，我哋決定豪食啦😋蕃茄沙律 $78好新鮮嘅蔬菜同蕃茄片，配上酸酸甜甜嘅沙律汁，感覺好清新！土佐豆腐 $68炸得好出色嘅豆腐！外皮鬆脆可口，而入邊嘅豆腐香軟細滑，口感充滿層次！配上蘿蔔辣蓉同醬汁，真係好好味！😍蚧味噌甲羅燒 $78 each 呢個係舖頭嘅特色菜，用鵪鶉蛋同蟹膏混合煮成，食落去不停聞到濃濃嘅蟹膏香，好特別！☺️香蒜牛舌 $88牛舌口感非常鬆軟，燒得啱啱好，配合香濃嘅蒜香，食到流晒口水！而且有五件，感覺幾抵食！❤️東瀛五點盛 $368整體魚生新鮮，三文魚油脂分布平均，帶子夠大粒，食落去仲有浸奶油香，生蝦亦夠鮮甜！🥰吞拿魚就一般。蛤蜊 $48店員會幫你燒，佢哋好細心咁剪走個殼，食落去亦有浸酒香，燒完即刻食，仲食到新鮮嘅甜味！👍🏻雲丹蚧肉卷 $228蟹肉壽司上鋪咗層海膽，增加左壽司嘅口感同鮮香，味道不錯👍🏻牛肉烏冬 $78牛肉烏冬同出邊嘅差唔多，普普通通，而烏冬用稻庭烏冬，所以口感比較煙韌。唐揚炸

openrice訂位，有88折，見網上食評同食物吸引，帶媽咪一齊，環境可以，上菜快。。。蟹蓋可以煮熱後上枱，由客人自己加蛋，可控制生熟，極上丼$398，賣相不可接受，極上變極之普通，收二百就差不多，其他食物都可接受，食了60分鐘。

閨蜜生日想食日式浜燒，即刻諗起尖沙咀南瀛水產，之前食過幾次都好滿意~餐廳寬敞舒適，裝潢具心思，設大魚缸、滿佈酒瓶，好有日式居酒屋格局感覺。蕃茄沙律原個蕃茄厚切好有咬口，淋上醋酸酸甜甜夠哂fresh，底層沙律菜新鮮爽脆。燒鯖魚鯖魚營養價值高，充滿Omega-3脂肪酸~燒至外脆內軟，魚肉鮮味十足好嫩滑，食落啖啖肉勁滋味!雲丹蟹肉卷 $228 招牌菜式之一，海膽蟹肉卷再配黑松露，蟹肉鮮甜、海膽嫩滑細膩，再配上黑松露，鮮甜味美，口感層次極度豐富!活貝盛合有齊多款時令海鮮，夠哂新鮮!包括日本蠔、大元貝、鮑魚、蜆，店員協助即燒，風味十足~推薦爽身厚肉又鮮甜既鮑魚、肉質細緻爽滑既日本蠔。真鯛刺身晶瑩透薄勁吸引，魚肉緊實甘爽勁鮮甜!牛肉烏冬熱辣辣暖胃一流，牛肉份量十足，味道香濃嫩滑多汁，烏冬彈牙爽口好有嚼勁。飲品揀左青蘋果乳酸同芒果乳酸，味道酸酸甜甜夠哂FRESH，冰涼解膩。

今次已經係第二次黎食呢間日本菜啦😍上次食完真係念念不忘🤩 襯就到母親節，帶咗媽媽去試🥰唐楊炸雞（$68）炸雞大到成粒波咁⚾️ 外皮香脆，肉質都幾香嫰多汁🤤海鮮沙律（$88）沙律菜新鮮爽口🥗仲有三文魚、油甘魚粒等，好開胃呀🥰😋海老天婦羅（$198）炸衣厚薄合宜，炸到十分鬆脆🤤 炸蝦肉質彈牙，不錯不錯🍤香蒜牛舌（$88）牛味香濃，唔會好靱，表面嘅香蒜調味令個味更豐富！深海池魚刺身（$138）池魚刺身好新鮮🥳入口充滿魚油甘香，媽媽表示好鍾意❤️黑松露鰻魚卷（$268）鰻魚好大塊，表面燒至微焦，都唔錯！😛蕎麥麵（$58）食完咁多heavy野，食返個蕎麥麵就最好啦😋清清地又飽肚蟹味噌甲羅燒 （$156）鵪鶉蛋、蟹肉、蟹籽同蟹膏混合，蟹味超濃郁🤤一定要試🦀🤩蛤蚧殼燒（$48）蛤蚧大大粒，新鮮厚肉🤩 唔會有沙！牡蠣（$156）小編勁鍾意食蠔🦪一啲腥味都無👍

臨近母親節 就當然同母親慶祝下啦 由於疫情關係無法去日本 所以同屋企人去呢間日本餐廳尋回去日本嘅感覺 呢間餐廳需要提早訂位 否則假日前後人比較多 每次我哋叫左甲羅燒 刺身 炸雞 五點盛只能說新鮮 抵食