南亭 (凱譽)

營業中

休息中

今日同朋友行街行到攰，係附近搵到呢間居酒屋坐下傾下計!蕎麥麵(冷) 夏天真係要食下凍野降溫，唔食真係唔舒服。蕎麥麵夠冰涼，而且爽口彈牙，解暑一流!稻亭烏冬 (熱) 朋友鍾意粗身麵，所以揀左烏冬。但始終太粗身，我覺得唔夠我蕎麥麵咁冰涼吹水一定少不了枝豆! 慢慢咬下食下，叫完一兜又一兜😆其實燒翠玉瓜好好食，唔知點解咁多人唔鍾意，而且佢比較多汁，燒完出黎都好juicy串燒真係叫左好多，食到成個竹韱筒都係竹籤😂😂😂

南亭進駐尖嘴綿登徑啦，對於九龍人仕真心開心😭😭，終於唔洗跨區食串燒。尖沙咀南亭開咗無耐，所以餐廳超級乾淨整齊。裝潢設計舒服，位置不俗。雞翼 $34一串有2隻，外皮燒得香脆，重點係切開咗，好易食😂。牛舌 $44薄切牛舌咬薄落口，肉汁十足，唔韌。免治雞肉串 $34雞肉帶點軟骨，咬落去口感十足，雞肉調味不俗，加上雞蛋同醬汁更係配合十足。鱔肉串 $52鮮，彈，香！雖然52蚊，份量較小，但好食咩都抵返😂。帶子 $69帶子鮮甜多汁，超級juicy!柚子酒 $68食串燒點可以唔飲野呢😂，柚子酒味道一般，果味甜，稍欠香味，啱哂唔太飲酒既朋友飲😂

辛苦了整個星期，終於等到星期五，約了舊同學Happy Hour 同晚飯，同學訂了南亭話食日式串燒，之前生日在中環食過，真的有種似去了日本的感覺。八點前還可享draught beer Happy Hour優惠，買一送一超開心！先來的是冷豆腐：豆腐豆香濃又軟滑，配上木魚絲，加了醬汁還是清新。燒廣島蠔：原來廣島蠔就是這種細細隻的蠔，蠔身細但蠔味夠濃，廚師燒得外面乾身帶微焦，但蠔肉仍然保留到水份，一啖食一隻，味鮮，一點也不腥。燒牛小排賣相已滿分，牛小排嫩粉紅色肉色，食落口感鬆軟，用上少許黑椒鹽做調味剛剛好沒有蓋過本身牛味，送啤酒都夾。其實還有好多款串燒，但只顧食忘了影相，總之是好味，朋友們都好滿意。

我就來開始勁忙的時候了，所以係時候陪老婆多些食飯，之後未必那麼多時間陪她了，所以我一有時間就陪她吃很喜歡吃既串燒，所以搵定有什麼店舖串燒好吃，在尖沙咀見到這間好似不錯的店舖，於事BOOK枱去試下。【燒白鱔】外皮酥脆，鱔肉鮮甜爽嫩，加少少鹽調味就已經帶出本身鮮味。【雞肉釀冬菇】用上新鮮冬菇菇味香濃突出，免治雞肉鮮味十足又有咬口，配搭一流。【三文魚煙肉卷】煙肉油脂豐富，包住三文魚肉一齊燒，煙肉香味滲落三文魚肉，令到魚肉鮮嫩多汁，多了一份油脂香氣，配搭特別。這個極力推介!!【芝士釀雞翼】雞翼外型脹卜卜，包住濃味奶香芝士，軟綿又軟滑，而雞肉鮮甜多汁，2款食物加在一起非常之夾。【安格斯牛柳】牛柳面層多了一份牛油香氣，肉質嫩滑多汁，牛味濃厚。【露荀豬肉卷】豬肉燒到金黃香脆，露荀保持鮮嫩多汁，令到豬肉更加嫩滑鮮甜。

外表睇落細細間舖嘅南亭係食日本菜嘅 朋友之前經過話想去試下 所以就行左入去****呢排食親咩 我都一定要食菜 所以就叫左南蠻汁炒雜菜 唔會太濃或太淡 之後就叫左個秋葵豬肉卷 秋葵包住豬肉食感覺唔會好膩 通常食親串燒都係食肉 所以今次試叫個燒白鱔 估唔到都算juicy幾軟嫩 我本人幾中意 朋友就試左個雞骨豬肉腸 冇咩特別但唔會話太鹹 美味可口 當然緊係要叫番d主食食 我地叫左碗雜菜蕎麥麵 輕食得黎幾健康 麵條軟硬適中 最啱哂女士們食***整體黎講串燒都算ok

輕輕鬆鬆同朋友見面，傾吓計，開懷歡笑，簡簡單單已經好足夠。 何況今晚美酒配佳餚，一樂也！久美之浦純米大吟釀兩個人開心share啱晒。雞骨豬肉腸用錫紙包住末端，食得好方便。南蠻燒牛肉落左特製醬汁，牛肉帶點焦香，encore之選。多春魚燒到啱啱好，冇燶邊又冇爆肚，夠香口。鵝肝用串燒方法整，第一次見，都幾方便。 外面有少少脆，建議加少少糖去燒，焦糖面更好食！三文魚煙肉卷一支串燒一個卷，可以叫多幾支唔駛爭。鴨舌用嚟佐酒一流，食完可以七嘴八舌，繼續吹水。

朋友聚會諗地方是煩事，因為可能每人有意見想食嘅野，當然我永遠提供食店比佢地投票多，今次大家主要想食串燒飲下 sake, 諗一諗就諗起食串燒中環南亭無得輸，質素高又環境有格調， 放假前夕可輕輕鬆鬆享受美食，不過地點大家就有意見，後來發現尖沙咀都有分店超方便大家！加賀鸢 純米大吟釀 藍 具有山田錦的米香，配合福光屋的釀造，冰震後，非常清爽。酒逢知已，很容易不經不覺已經飲掉一瓶，外形冷艷高貴的感覺。日本豆腐又滑又濃豆味配麻醬食一流，串燒熱氣食翻呢個 salad, 即係減低熱氣！和風蕃茄 salad日本蕃茄特別好味因為較一般蕃茄鮮甜，個汁微酸鹹鹹地好夾到。重點推介佐酒美味鹽燒明太子，甘香粒粒橙黃色，燒得外表微微焦咬落食到明太子嘅獨有甘鹹香。記得記得必叫佢地的燒雞皮呀燒到好乾身如薯片般香脆又鬆化！

香港人鍾意食日本野，我個朋友就最愛飲酒同食小食，今日就陪下佢囉！佢一入到嚟就叫酒，其實我都唔識分，隻隻差唔多味。 不過隻玻璃杯又真係好靚。帶子釀雞翼外皮燒到脆卜卜，裏面釀左帶子，呢種做法好少見。芝士釀雞翼裏面啲芝士都咇晒出嚟，無骨啖啖肉，加埋香濃芝士味，好好食！鹽燒珍寶帶子燒完都冇點縮水，入面保持水嫩。芝士年糕 年糕面頭燒到少少焦香少少脆，入面極之軟糯，包埋紫菜，三重口感。車厘茄煙肉卷我自己至愛係荔枝煙肉卷，呢度冇，用左車厘茄，味道都唔錯。

我同朋友唔係太餓但到了晚餐時間想揾個地方食少少野環境岩傾計既餐廳黎到K11 附近有好多出色既日本餐廳因為想輕食就選擇左主打串燒既南亭佢先會比前菜係好新鮮既青瓜胡蘿蔔條好fresh好開胃我同朋友口味都似大家都鐘意食差唔多食物叫左鴨舌，雞軟骨，牛舌手羽，銀杏，雞腎秋葵豬肉卷，明太子茶漬飯好鐘意佢有個半開放廚房望入去係見到好多師傅即叫即燒不過上菜都夠快 唔怕等好耐我欣賞佢串燒既調味料好夠味我本身係食得好濃味佢d串燒好惹味但又唔會覺得太油所有串燒都好出色最後甜品有芒果/荔枝味既mochi岩哂食完串燒既我地即刻感覺涼哂 冇咁熱氣係一個完美既甜品作結

跟朋友約了去食飯，起初說是食日本菜，沒想到是食串燒，這個都廷新鮮。 環境還好，走的都是簡約風。 先吃和風蕃茄沙律，前菜，爽涼多汁開胃。 之後點了不少串燒燒肉中，羊骨扒非常好食，又腍又多汁，沒有羊騷的味道，超喜歡。 燒蔬果亦是我的最愛青椒仔 - 新鮮又不會乾，吃得出它的原味冬菇、秋葵：口感比較軟，而本身會出水多汁的這2款蔬果，燒出來的味道口感都特別好。 再加上餐廳的野菜醬，將單一的味道變得更豐富，更有口感。 野菜醬手工制不添加，夠健康。邊吃串燒邊聊天，少不了一定要點清酒才完美。朋友點了枝尾瀨米水花，米味香醇，帶甜易入口，味道清爽乾脆，完美。

深夜想食少少野又唔想太heavy, 串燒就係最好選擇. 前排出tst 就選擇左附近好評唔少南亭串燒中平時幾喜歡食牛脷 . 呢度牛脷都唔錯，肉質厚身爽彈帶牛肉香而且燒得幾好，唔會乾. 上面加點點香草同調味，grilled 過更香帶子釀雞翼都唔錯，去骨中間釀有帶子，味道更豐富. 而且咬落去啖啖肉唔駛吐骨好爽. 另外欣賞佢既雞翼皮燒過，所以頗香脆，油脂係燒時候流出，所以食落唔會好油膩多春魚細長，都燒得唔錯，外層微脆. 不過味道上都係相對較欣賞牛脷同雞翼.

好姊妹相約飯聚當然要搵個好地方好好聯誼一下，之前一齊去日本旅行，最愛每晚到串燒店流連一番，今晚決定搵間串燒店懷念一下日本點滴。餐廳環境濶落，裝修精緻。每枱先奉上蔬菜條，沾上店家自家製味噌醬同吃，味道濃厚配上蔬菜條可以增加甜味。燒豆腐外皮香脆，內裏嫩滑豆味香濃，面頭加上本魚絲增加鮮味，醬汁咸香適中。雞肉大蔥串大蔥香氣四溢，雞肉鮮嫩多汁。軟骨雞肉棒免治雞肉混入雞軟骨製成，入口鮮美有咬口，配上醬汁+蛋黃同吃，更加香甜味濃，令人一試愛上。雞翼外皮燒到金黃香脆，入口juicy鮮美，肉質鮮嫩。燒飯團飯團外面燒到脆卜卜，包住脆口紫菜特別滋味，餡料揀咗鰻魚口味，鰻魚鮮味香濃，非常喜愛。價錢又不太貴，水準不錯，下次可以回頭再試試其他食物。

有時候同一大班朋友食飯，想飲下酒傾下偈，但係會唔會唔知揀咩餐廳好。呢間位於尖沙咀嘅南停就係一個唔錯嘅選擇。餐廳感覺有啲似日式嘅居酒屋 啱曬上班族放工之後一齊嚟飲酒傾計食串燒。豬頸肉串就食得多，雞頸肉就第一次食， 雞頸肉食落非常之嫩滑，中意食雞頸嘅朋友千祈唔好錯過啦。燒茄子同冬菇上面加咗啲甜甜地嘅燒汁， 笑得啱啱好熟，味道非常之可口。燒雞皮燒得非常之香口同埋脆， 令人食過返尋味。鴨舌一向係我嘅最愛，而燒鴨舌就真係第一次食，呢度嘅燒鴨舌非常之唔錯，大家都可以試下。

今日同朋友仔出來傾下計，好耐無見，約左係尖沙咀，佢話唔想食咁飽肚既粉麵飯，所以我地去左南亭，一間日式居酒屋，食下串燒。 南亭環境氣氛都唔錯，乾淨企理。牆上簡單既畫同酒品既poster，見到都想買醉。點左幾樣唔同既食物，有我最鐘意既：南蠻燒牛肉肉香味濃郁，口感軟嫩，熟度剛好，味道豐厚，每口都好有滿足感。 安格斯牛柳 ：好腍，牛味比較重，每口都多汁，滋味。 汁燒魷魚筒一直覺得好難好食既汁燒魷魚筒多，好入味，每圈圈都好有咬口，配上清酒，真係一流。邊食魷魚筒邊傾計，可以令話題說不完。牛脷 ：爽爽，好有口感，夠惹味大蔥：好香，味道亦唔會大濃烈，反而清新解膩簡簡單單，食出滋味，令人享受。

今日同朋友去尖沙咀行街，行到有啲肚餓，喺尖東附近搵咗一間日式料理，朋友果然冇介紹錯！呢度最出名食串燒，同朋友立即點左一串燒茄子，如圖中所見，茄子燒到外皮卜卜脆，裏面加咗日式燒汁，好香口好惹味。再叫多一串銀杏，其實即係白果，冇估到原來新鮮熱辣辣燒烤的白果係咁甘香～加上係炭燒，別有一番滋味。食串燒點可以冇啤酒，八點前係happy hour優惠，買一送一，梗係同朋友一人一杯！食少少串燒仲未夠飽，叫多咗一個蕎麥面，面嘅質地好滑，滲透出些少蕎麥香味，真係高質素嘅蕎麥面先有咁嘅效果。最後仲要食埋鹽燒油甘魚鮫！眾所周知油甘魚有本身的魚油，經高溫燒烤，魚油香氣更濃烈，形成炸物的效果，外脆內鮮嫩，非常好食。