南亭 (凱譽)

營業中

休息中

輕輕鬆鬆同朋友見面，傾吓計，開懷歡笑，簡簡單單已經好足夠。 何況今晚美酒配佳餚，一樂也！久美之浦純米大吟釀兩個人開心share啱晒。雞骨豬肉腸用錫紙包住末端，食得好方便。南蠻燒牛肉落左特製醬汁，牛肉帶點焦香，encore之選。多春魚燒到啱啱好，冇燶邊又冇爆肚，夠香口。鵝肝用串燒方法整，第一次見，都幾方便。 外面有少少脆，建議加少少糖去燒，焦糖面更好食！三文魚煙肉卷一支串燒一個卷，可以叫多幾支唔駛爭。鴨舌用嚟佐酒一流，食完可以七嘴八舌，繼續吹水。