半島漁港/阿翁火鍋館 (南昌薈)

營業中

休息中

話說帶埋BB一家五口開開心心去飲茶，比佢地攪到一肚氣！阿姐帶位時已黑口黑面，到坐低我同佢講咗句「唔好意思想要張bb凳」佢唔應我！我就當佢聽到啦，點知等咗半個鐘都仲未有人過嚟開位，BB凳又冇，我仲抱住個小朋友，我再搵返個阿姐，點知佢好大聲鬧我「我唔係做呢啲嘢㗎！」之後我再問佢咁點解你頭先唔同我講？佢話「你見我頭先有冇應你呀？冇呀嘛！」嘩！真心癲㗎喎？我真係第一次去食飯遇到咁嘅對待！打開門做生意鬧客㗎？希望呢個集團如果有高層見到呢度咁多評價都話你哋員工嘅時候唔該叫佢哋檢討吓！員工態度惡劣到咁樣食物幾好食都係假！

攞飛等位，歧視人少嘅客。淨係放5-6人。我3位等咗好耐，放咗三四張大枱，都未放到一張3-4人枱⋯⋯之後有3人枱埋單，個樓面執好枱擺埋位。諗住終於有位⋯⋯但係其中一個阿姐話要攞嚟夾枱，拍埋兩張俾人哋八位。咁我咪去同佢講，你哋無叫過3-4人枱喎，同埋位都擺好，你又俾咗其他人？我問其實係咪無枱，無枱，我咪走囉，食第二間。跟住佢用好惡劣嘅態度同我講：「人哋訂咗位，訂位優先」。其實呢個諗法冇錯，不過係你安排唔好，之前全部放入去嗰啲都係大枱，喂，小人枱都冇入過。係因為你冇預留大枱俾人哋訂咗枱嗰啲。而家就要我哋人少嘅幫你哽！個重點係：不單止無歉意，仲聲大大懶有道理咁話返我轉頭！

今日外賣半隻燒鵝198蚊、跟4包酸梅醬、問師傅可唔可以俾多2包醬、師傅堅硬話半隻燒鵝規定跟4包醬、要就1包1蚊、係唔係真係咁樣規定咗、半隻燒鵝4包醬真係好少呀、如果堂食都要跟2碟俾客人啦、要多2包係唔係真係我要求過份呢？高層們、係唔係你哋規定咗呢

本人於2023年9月21日中午一行9人前往南昌半島酒家茶聚，費用共約$1100，由於當日原本10人，但有一位朋友臨時未能出席，故本人於結帳時要求收銀員修改茶位為9人時，兩位收銀員態度超級惡劣，並指責本人不提早開聲修改，表示需要向公司解釋取消單據，非常麻煩，本人本認為此事本為非常小事，但出乎意料，收銀員態度惡劣、責罵顧客，並與本人展開對罵，本人對於兩位收銀員之態度惡劣非常遺憾。本人自 貴店開張以來一直支持至今，但今次遭遇 貴店兩名收銀員的『超級惡劣的態度』深感不滿，故特來信給予意見，並予以遣責，希望貴公司能夠加強督導員工之培訓及待客之道。

2/8/2023黎飲早茶，佢地前線員工既態度真係好差，詳情如下：1）全程冇人加過水、執點心籠，個個掂行掂過。2）十一點零鐘入左第二輪兩個點心，將近十二點都未有。3）想搵人取消，冇人理你，搞左一輪先搵到個人終於肯停低幫你簽名取消。4）擰張點心咭去到櫃枱俾錢，張單出到黎又係冇取消，仲要計埋我地午市茶錢，同收銀阿姐講，佢：唔知喎，機入左咁就係咁！5）到收銀阿姐終於識搵人求救，黎左個西裝氣燄阿姐，佢仲要怪責我地：「11:16你仲加單？！（其實呢個係你地入機而唔係我地落單時間）你見到咁忙你都仲加？！而家又要取消！」一路取消一路蛾。同佢講個茶錢計左午市價錢，佢晦氣呼喝：茶錢電腦set左，冇（得改）呀！」呢度無論食物既味道、環境、衞生，扺食度都仲保持到既，但服務比起之前真係急跌，如果有負分㨂我會俾負分，因根本完全冇服務之餘，點心你冇黎到我要取消係好合理啫？仲要俾你地鬧返轉頭，員工仲惡過客，真心受氣的一餐。

每逢假日，#小秘書 都會約埋屋企人聚一聚🫶🏻 去 #茶樓 #飲茶 ☕️通常都係爸爸媽媽嘅首選🤤 知道 #GloomieCat 呢排喺 Vwalkhk 搞咗個pop up store，順路過嚟 半島漁港 / 阿翁火鍋館 食個lunch，順便四圍行吓。一如以往， #半島漁港 / #阿翁火鍋館 門口都係排滿等位嘅食客，就連預早訂位嘅我哋都等咗廿分鐘先攞到位… 不過門口負責派飛嗰位姐姐似乎相識滿天下，佢班「熟客仔」行到埋嚟拍吓膊頭就有可以優先安排😤 對守規矩嘅食客真係有啲過份！#點心質素 都大不如前，蒸嘅 #點心 都叫做熱辣辣，嘗算可以。但係啲 #煎炸類食物 似乎一早已經做起，我哋叫嘅 #薄撐、#煎釀孖寶、#蘿蔔糕… 上枱嘅時候都已經凍晒，口感非常油膩😵‍💫 仲有佢哋個 #豉椒排骨炒河 完全冇鑊氣可言，茶餐廳嘅質素都仲好過佢😅不過人手不足都係一個大問題，茶壺經常無水😅 就算搵到人幫手，都被聲大夾惡嘅侍應姐姐兇返轉頭，仲理直氣壯咁大大聲咁話自己唔係負責我哋張枱，唔好個個走嚟叫佢做嘢😅 整體服務同食物質素都麻麻地，唔明點解都仲咁好生意嘅呢🤔📍 半島漁港/阿翁火鍋館 (南昌薈) 1樓F102號舖

話說試過兩次第一次，我啲小朋友成碟排骨倒咗落枱面度咁我就叫服務員幫我整走佢啦點知個服務員同我講清去邊？你話係咪搞笑？第二次要姐姐去開位點知要搭枱都唔緊要，叫佢換過張枱布佢話唔換係咪好搞笑，佢話你咁滿意，叫我哋自己出去再排過隊

好耐冇飲早茶，所以就係屋企附近食呢間阿翁早茶價錢都幾抵食價錢唔貴，都合理兩個人嗌左呢啲嘢食，都係一百蚊左右⬇️最想講嘅就係個菜苗餃似乎冇洗過咁好大粒沙⋯⋯⋯⋯同員工反應佢地都唔係好想應你嘅款⋯⋯

一家三口到酒樓喝早茶，每次都要等10幾分鐘，才能有位置，習慣性的。因附近就他一家酒樓，沒得選擇就坐後馬上叫服務員點餐～趕時間～必點鹹水角～傳統味道，鳳爪排骨飯～米飯好香玉米魚肚粥～粥底不錯，操持水平碧綠鮮蝦腸～嫩滑，時日消費177元！

上星期打電話問今個星期打邊爐有冇位，又話有位，介招啲朋友過去食，去到先話哩幾日唔做，打電話過去啲態度極差，你講聲唔好意思都好，直接話有電話入就cut線，愈做愈差

6月4日下午約16:30左右在富昌半島漁港外賣燒鵝半隻$190、回到家裡沒有即時打開、放在餐臺上、等到約18:00左右食飯、打開燒鵝、全部都是肥到食唔到、加上有燒燶的味道、小朋友夾咗幾快食、但都要吐出來、隨後打電話給職員、職員叫發照片給他跟進、職員睇完打電話給我、說因為半隻燒鵝沒有完整無缺的放在他們的外賣盒裏面、加上我哋有食過、沒有即時拍照給他們、或者即時拿過去給他們、所以與他們無關、由於我不是住附近、加上大家食飯時都不會將D餸菜由上至下亂咁番、所以夾咗上面幾塊見到下面全部都係咁樣、我不是要賠償、我只是想反映一下意見、但是職員一句唔好意思都無、唔關我啲事、已經賣咗俾你啦、仲要講到好似係我嘅錯咁、我真係好唔名、點解呢間嘢仲可以係度開咁耐、員工個個服務態度非常惡劣、如果唔係小朋友要食燒鵝、我都唔會去同佢哋買、各位高層真係要関注一下D員工的服務態度、半島漁港係富昌都係出咗名嘅服務態度非常差的

今日經過想入去食火鍋行埋去話 2位 門口亞姐答唔做2位生意 而家食店好生意街坊生意都唔做 又冇寫明話2位唔做 唔做2個人既生意 煩麻你地寫大只字話唔做2人生意 …………………………………

我唸情人節大家都食得開心玩得開心大家去酒樓食夜晚飯或多或少都會叫一個粉絲雜菜煲吧⋯⋯唔知大家平時點開嘅煲係咩樣，但我呢18年出街食野，可以話係從來冇見過。有一個粉絲煲係可以，粉絲嘅份量甚至連半個茶杯都裝不滿的份量？經理更揚言，粉絲比菜貴所以粉絲的份量只有這麼多。唔通你啲粉絲係用新農業嘅原料製成的？你嘅粉絲比其他所有店鋪的粉絲所含有的營養價值更加高？大家都係成年人，唔好玩啲低能野呃鬼，仲同我講你想叫個大廚在拎一兜粉絲出黎俾我地，但佢拒絕，你冇計？如果你認真，我只可以話你無能…總括而言，份量細，價錢不合理，經理無能。講真，隔離有高檔啲嘅VWalk，點解你呢間舖只可以嘅起領匯，自己心照啦

年初八老婆一家飲茶🫖開年，Book咗半島，以為好high class，點知老婆話唔係尖沙咀間酒店🏨，而係南昌站隔離既南昌薈既半島漁港😅星期日返完觀塘教會去南昌站，因為推住BB車好麻煩要週圍搵𨋢。去到門口有幾十人等緊位，好彩老婆家姐🧍‍♀️book咗枱可以😌直入，不過坐得好逼，仲有BB車親戚們已叫咗第一☝️輪，我就坐低叫第二輪，都好多選擇，同埋2:00開始下午茶🫖時間所以平d叫咗半島水晶蝦餃、蟹籽燒賣皇、蠔皇叉燒包、黑金流沙包、醬皇蒸鳳爪、紫松叉燒酥、紅燒BB鴿、蒜香蝦春卷、懷舊馬拉糕、香芋燒腩卷、金粟脆魚餅、花生🥜甜薄撐、七彩燕麥脆蛋散、鬼馬炸両腸粉、紅棗糕黑金流沙包正，真·流沙春卷夠香脆甜薄撐煙煙韌韌正，夠甜馬拉糕鬆軟，脆蛋散夠脆同夠甜脆脆腸好食紅棗糕冇乜味乳鴿正，熱辣辣，皮脆肉嫩叉燒酥唔掂，加咗紫薑不知所謂，我自己唔食薑，中伏

之前食過呢間嘅小菜覺得幾好食。上次樓面丫姐極力推介呢度嘅打邊爐放題好抵食。所以就試吓。今次又係有朋友生日所以搞聚會，樓面阿姐勁好，主動問我哋有冇人生日。原來滿五人，當月生日壽星係免費。如果有兩個壽星第二個壽星會係半價。如果10個人食，有兩個壽星就會兩個都免費。本身加埋一每人都要$330 ，都唔係平，佢講完之後即刻覺得好抵返晒。雞煲係任食，味濃，好味 刺身有一盤，刺身都好新鮮。 另外，仲有師傅點選，今次係蠔皇鮑魚扣玉鴨掌，每人一隻。鮑魚彈牙湯底叫了一個藥膳湯底及鴛鴦鍋。牛頸脊同埋水餃王係冇得refill，不過好正海鮮拼盤會有一盤，每人每款都有兩至三件，每樣都好新鮮。仲有其他仼叫嘅食品。淨係叫鵝腸都抵返晒總括來講，咁多款式，一次過滿足晒，算係咁啦。