千賀水產 (已結業)

今日為了慶祝老爺奶奶結婚週年紀念， 知道他們很喜歡食日本餐， 經朋友介紹之下，我們選擇了這間日式放題。門面設計好似置身於日本， 裝修光猛， 座位寬敞。 每張桌椅上面也有一個抽煙系統， 原來這裏除了食壽司之外，也有海鮮燒烤。首先送上一個海鮮拼盤， 裏面包括有鮑魚， 蝦，蟶子， 蜆， 花甲和大眼雞。 送到上來，蝦還是好生猛， 蟶子，蜆和花甲都好鮮甜和沒有沙。 鮑魚比較滑和爽口而大眼雞肉質非常嫩滑，鮮甜和好重魚香味。另外主打叫了三文魚刺身， 看下去已經好新鮮，食入口好嫩滑和鮮味十足， 脂肪比例均勻， 沒有腥味。雖然壽司款式不多， 但是水準好高。比較熱門嘅壽司也必定有，所以隨意地點了幾款我最喜愛嘅壽司。 這個黑椒小牛排醃製得好惹味， 肉質不會太韌和沒有筋， 生熟程度剛好，我們叫了好幾碟，停不了囗。同時也叫了一個天婦羅拼盤，炸粉比較薄，即叫即炸，香脆可口。另外叫了一個炸榴槤， 這個甜品意外地好食。 皮比較薄，榴槤蓉好像流沙流出來，好重榴槤味，這個必食!第一次看見放題裏面竟然有熱飲提供，非常細心，值得一讚最後雪糕種類很多， 包括有藍戰神雪條， 韓式蜜瓜雪條，雀巢雪糕， 維記糯米糍等等，任君選擇!九

知道屋企想食壽司放題，又唔想出市區，因為太遠，所以我哋決定喺元朗搞掂佢，聽好多人講過西青街附近有一間叫做千賀水產，我哋決定打去book位。一入到去已經安排我哋坐卡位，地方闊落，每張枱已經預備好一個燒烤爐了。頭盤送了一個海鮮拼盤，聖子，還有大蜆，同鮑魚，所有嘢都好新鮮，尤其係大蜆，啖啖肉，冇任何沙，食落去好新鮮鮮甜，不得不提就是大眼雞，未燒之前會覺得一定好乾身，但係燒完之後，入面仍然非常juicy,唔多骨,非常新鮮.刺身方便因為我淨係食三文魚,但係都冇令我失望,厚切嘅三文魚，好肥美，好新鮮，加埋wasabi 一齊食已經好滿足。壽司方面，鰻魚，蟹柳，燒三文魚都係我最愛，鰻魚大大舊，一啲都唔孤寒， 唔會有腥味。煎牛扒喺廚房幫我哋燒埋，牛肉味好香好重要，一份都非常大碟，最適合share。榴槤波波，出面脆脆，入面非常濃烈嘅榴槤味，如果鍾意食榴槤嘅人一定喜歡。天婦羅什錦，都非常大舊，當中有冬菇，南瓜，蝦，茄子 ，粉漿好夠味，食得出唔係炸定，非常香口。去到尾聲點可以少得甜品，蜜瓜奶凍，不太甜，好香蜜瓜味，份量適中，jello就一般。十幾種飲品，花多眼亂。

以磯燒做主打的餐廳在港難以找到，性質比高的更少之有少。最近尋找到一間隱世磯燒放題在元朗，既可以任食海鮮，又可以一當廚師燒出最岩自己心水的海鮮！餐廳位於元朗西裕街，嘉誠廣場右邊近惠康的已是西裕街，一直行大約5-8分鐘便會到達門面光亮的千賀水產。價錢與優惠也列明在門口右面的廣告牌上。不同時段有不同收費，而餐廳正在推出3項優惠：1. 放題早一天前有88折2.生日優惠（足6人生日者半價，足10位生日者免費）3.每晚9:00後入座2人同行1人半價*當晚一行3人訂了7:00時入座，2小時後離開剛好9點，一出門已經有不少客人等待享用9點時段的磯燒放題。點菜紙大概可分為13個類別，而放置方法一目瞭然、清晰可見，非常方便客人取出想要的點菜紙。而點菜方式與一貫放題無誤，只需要在想點的食物旁方格內寫上想要的件數即可。第一輪可以不用點磯燒海鮮，因為餐廳會因應每枱客人數量送上一盤相應數量的磯燒海鮮，拼盤包括海蝦、象拔蚌、貴妃蚌、蟶子、鮑魚和海蜆。拼盤剛送上時海蝦仍是非常生猛。所有海鮮都大大隻和非常新鮮爽口，殻類海鮮都沒有沙。本以為殻厚要燒一段時間，但原來磯燒爐火力足夠，10分鐘內必定燒好！食完吾夠喉想添食的話要

⚠️一至四 $256⚠️五至日 $246三文魚 甜蝦 吞拿魚 北寄貝 刺身鮮甜新鮮😍厚切又肥美滋味😋 最重要是沒有雪氣味雖款式不多 但都大滿足🤤北寄貝爽口彈牙 甜蝦鮮甜啖啖肉🤤磯燒海鮮拼盤：蝦 青口 大蜆 螺肉 貴妃蚌等等🦑🦐餐廳很貼心地提供清酒七味粉等配料亦會指示客人如何烹調❣️ 有列明每款海鮮的烹煮時間及方式磯燒完的海鮮極鮮甜🤤不需刻意加配調味料🤣但貴妃旁有少量沙石 美中不足每兩位客人更送贈了一條大眼雞魚魚🐟已預先腌製好 烹煮時不用再另外加鹽也非常鮮味

老婆喜歡吃海鮮，又見呢間有海鮮，仲係可以自己「燒」，又近近地，就去試下啦~一入到去，因為係平日啩，所以冇想像中咁多人，一嚟就先有海鮮拼盤，都算新鮮，生猛蝦真係驚燒燒下佢自己彈返出嚟，不過有兩隻蜆燒燒下，唔開口之餘，仲突然「啪」一聲，成隻蜆飛彈走，好在無彈到人咋。。。食物飲品選擇不算太多，不過質素尚可，可以一試的

今日黎到元朗行下街經過見到一間磯丸水產咁的日本放題餐廳大家都知我的鄉下係日本突然思鄉病發作但又沒可能飛返去日本的所以呢我決定要係呢到搵返我係日本食磯丸水產的感覺一般的日本放題係香港都剩係得用紙寫低您要的食物黎到之後就食咁樣但呢間餐廳係有得自己燒架！好興奮呀！係叫野之前仲可以去拎D小食食下估唔到種類都幾多岩岩一坐低就黎左個海鮮拼盤啦入面有海蝦啦 大眼雞啦 鮑魚啦 貝殼類的野啦 蜆樣樣都好新鮮又裝得好靚！我忍唔住要放哂佢地落去啦如果唔想洗衫的人士就要注意下啦燒完次後就會有好香的燒烤味啦HAHA因為燒的食物同海鮮實在太正啦如果唔夠喉可以另外再叫架不過想再食靚少少同貴少少的海鮮就要再比多少少錢啦仲有D特別的泡飯同埋粥係可以燒架我叫左個蜆粥好鮮甜呀如果燒完覺得悶的仲有好多選擇架呢間餐廳我就叫左好多野食啦當然唔少得的係刺身啦又係好新鮮呀又叫左其他的熟食啦好似炒雜菜呀 牛舌呀榴連炸彈呀 呢個幾得意 咬入去好榴槤架如果食到好口渴的 又可以去拎飲品飲品有我最中意的忌廉鮮奶呀仲有D甜品雪糕可以拎有我小朋友時好中意食的回憶就係孖條啦食完真係好滿足呀兩個人埋單都係$590我覺得都好抵 因為又有得燒 又有得放題

自從上次同母親大人黎食完之後，佢久唔久都會問我幾時再同佢去食過磯燒放題，我其實都有KEEP 住留意會唔會有D 團購嘅優惠，可惜一路都等唔到，而且做野又忙 見呢排做野得閒返少少，就決定再黎同佢食過一入到去，就覺得D 食物嘅位置有少少唔同左，後來發現原來唔同左嘅唔只係位置，原來放題嘅食物都唔同左，而且今次仲有店員幫手燒TIM一問之下，原來店員有時間果陣係會幫客人燒埋真係一流嘅服務質數呀燒物同其他野食都依舊有水準！其中最愛天婦羅蝦、燒帆立貝同燒雞翼。帆立貝的配料和汁都好多，裝到勁滿蝦真係好生猛，燒果時仲不停咁郁，令到我都覺得自己殘忍睇住佢燒都流口水燒完嘅桂花蚌好鮮甜而且好彈牙，洗得好乾淨，食落完全唔覺有沙。好食嘅材料當然要叫多一轉加碼啦新鮮迷你墨魚筒燒成嘅墨魚乾，配合埋七味粉相當之惹味。前菜款式算唔上好多，不過望落全部好新鮮。熟食 放題必然有嘅甜品櫃最後再加一煲濃濃嘅蟹粥就食到飽晒啦

有一位行過見到依間放題，已經深深比佢既海鮮吸引左，最開心係9點後，二人同行第二位半價，但食物就完全冇少到，服務員態度好好，見到我燒魷魚方法錯誤，過黎教我燒，感到好親切，唔似有d餐廳你叫完order，送餐，食完就byebye身為岩岩搬黎元朗既我，真係好開心，因為唔洗再出到旺角，荃灣，尖沙咀依d地方先有得食下次一於帶成班朋友過黎，要佢地成班就番我，哈哈希望依篇食評會幫到你地啦，元朗區良好放題，會再黎過

千賀水產放題試得多，磯燒放題真的還未試過，一進入店內就看到很多自助吧，包括是甜品櫃、飲品櫃、前菜櫃等等，內裡款式都是大多人喜愛的品牌，而雪糕櫃中有大熱雪糕品牌，更有些懷舊款式， 最特別係佢啲雪糕雪條 ，有孖條、藍鐵神等等， 出面唔係咁輕易買到，另外仲可以任飲蘋果酒添！放題種類有很多選擇：刺身、熟食、串燒、鐵板、蔬菜、肉類、海鮮等等，有些款式更是比較少見的，例如海膽粥或者蟹皇翅等等。而枱面上有磯燒爐， 更有工具，可以幫助大家燒食物更容易。例如有些夾、剪刀、長型叉子等，待有殼海鮮開口後剪開，將海鮮肉的部份翻到另一面。而那個黑色筒子，好似韓國食炸雞一樣，可以將你食完的海鮮殼放進去，非常貼心。另外，餐廳也貼心地附有磯燒指引，指導食客每款海鮮的烹調及處理方法海鮮拼盤，部份海鮮更是超班的！這些海鮮都是時令海鮮，而我這次的海鮮拼盤就是有魚、蝦、鮑魚、扇貝、大蜆等，經過磯燒後，海鮮除了充滿炭火香外，更將其鮮味帶出，感覺很滿足。 每種海鮮食材都是新鮮十足，口感豐富。海蝦大隻又新鮮，肉質彈牙又爽口，蝦味濃郁。相信每個愛吃刺身的人都會喜歡吃三文魚。橙色的魚肉帶著白間的紋路，單是外表， 也十分吸引。這裡的三文

每枱都會送磯燒海鮮拼盤😍😍星期一至四晚餐 $226星期四至日晚餐 $246價錢同出面市區相比真係平好多就即管試試質素如何🤔.刺身都好新鮮 完全無雪氣味有三文魚 🍣 甜蝦 吞拿魚 北寄貝等等但可能由於價錢關係 所以唔會有帶子 拖羅等較貴價食材款式相對試比較少😌磯燒海鮮拼盤有蝦 青口 大蜆 螺肉 等等睇片就知道啲海鮮有幾新鮮😍啲蝦非常生猛 上到台仲喺度郁😂😂餐廳仲提供清酒七味粉等配料於餐牌教客人如何烹調😍 非常貼心海鮮都十分鮮甜 不用配上其他調味料都很入味但貴妃蚌食落有沙 實為敗筆🤢.另外值得一讚嘅有芝士生蠔 牛舌！牛舌超級好味 一啲都唔un😍已經encore左無數次芝士焗蠔非常creamy 🤤仲有榴槤波波🤤😋 榴槤控必食！

剛好跟朋友來元朗驗會，挑了間放題。價錢不貴試完覺得值回票價！不錯不錯。放題必點的剌身與壽司。剌身在放題裡屬高水準，還算新鮮。與壽司剛很不錯。特別是祖口群邊魚（流口水）雞翼惹味入味，而牛肉卷蘆筍則挺鮮及爽口。雞軟骨保有水準。豆腐牛肉鍋不錯，肥牛則大塊及嫩，湯汁挺濃而不會過咸。豆腐則嫩嫩的，整鍋都吃光了。燒蠔與帶子。芝士份量正常，海鮮燒後仍保有水分不會太乾，不錯吃。叫了些炸物嚐，芝士年糕都是好好吃，一口芝士不錯，皮不會太厚且惹味。忍不住再叫壽司，好吃。燒海鮮及燒蟹粥都很不錯。蟹粥鮮甜好吃。同樣有不炒飲品沙律吧及甜品給大家選擇。以放題來說這間屬水準上，推薦想用寶惠價錢來個飽卻不要劣食的人來吃。著實不錯。

放題有多款合拼選擇，適合不同口味的人。即使全選磯燒星級放題也輕鬆負擔，價格不貴。入座即呈上海鮮拼盤，元貝、大蜆、螺肉等，每隻個頭不小，若果吃完可以再點磯燒海鮮，不過選擇類型通常就小巧一些。海鮮新鮮鮮甜，注意別燒乾水就能吃到爽口彈牙的成品了。刺身必然是大家最關心的，推薦三文魚及甜蝦。三文魚肥美紅白相間，肉質軟嫩油潤，魚香重。甜蝦晶瑩剔透，鮮甜不腥。壽司整體不錯，飯鬆緊握度剛好，每件也不算大。雞扒、牛扒、牛舌水準也不錯，燒烤火喉不會過熟。芝士焗蠔、芝士仙貝滿滿沙拉醬及芝士鋪在海鮮上，惹味。豆腐牛肉鍋湯底味道滿香，份量足，豆腐滑溜，牛肉彈牙。整體來說，午市放題划算，單吃刺身、磯燒海鮮已值回票價，其他熟食選擇多，就看你有沒有這麼大的胃了🤓

呢排天氣時冷時熱，襯呢個禮拜六秋高氣爽，涼涼地 就拉埋另一半出元朗行下，感受一下郊外既氣息。呢間千賀水產有別於一般放題日式餐廳，另提供燒烤放題，實行冰與火之攻勢，總有一邊岩你。當日我地係食中午放題，但座位都頗為滿坐，每枱都一邊燒烤，一邊食刺身，熱鬧非常。我地一坐低，侍應會告知會先附上一份海鮮拼盤，所以我地可以唔洗點海鮮燒烤住，可以轉攻刺身、壽司。點完一輪紙後，當然出去睇下有咩飲品，竟然有somersby果酒任飲，當然二話不說拎罐飲飲。海鮮拼盤送到，有海蝦、鮑魚、蠔、扇貝等，各種海鮮類各有一款。另外我地發現係放題紙上有列明每款海鮮燒烤時間同煮法，十分細心，值得一讚。邊燒烤之餘，當然試下佢既刺身，三文魚、甜蝦、帶子等皆點一偏，好難得既係每一款刺身都好新鮮，三文魚肥厚帶點油脂香，甜蝦、帶子鮮甜而又清爽。質素之高 令我地一點再點。壽司亦都係水準之上，等別係蒲燒鰻魚壽司同左口魚壽司，每次放必點壽司。厚薄適中既鰻魚塊，塗上一層鰻魚汁，整口壽司放入口，任何一個愛鰻魚之人都會忍唔住口。左口魚則切得薄薄一片，入口慢慢溶為油脂，亦果可以再略略炙燒既話，相信味道會再上一層。另一邊廂，火爐上既海鮮已經慢慢烤熟

刺身材料新鮮，可供給客人所點款式也有很多選擇，侍應服務態度殷勤，還會親切殷勤地為我們磯燒，教曉我地如何享受美味的磯燒最有驚喜嘅放題熟食，厨師也好有心機做出黎整體上，我和太太能夠享用很開心的一餐

呢排食得多日式放題 ，好想轉下口味食下磯燒放題食放題之前可以 去自助沙律吧， 整番碟沙律開開胃開餐之前餐廳會每張枱都預備咗一盤海鮮，可以食咗呢盤海鮮之後，再慢慢點其他海鮮放題食， 望到都好豐富有大蜆，鮑魚，大蝦，蟶子同埋有一條紅衫魚添點餐紙上面會教埋你每一款海鮮點燒法同埋製作時間， 非常細心所以燒嘅時候記得要留意呀佢嘅鮑魚望落佢好似細細粒咁，但係原來口感非常好，一啲都唔會韌， 仲帶點海水味添千賀水產食放題任飲嘅飲品都好重要呀， 當中最吸引我嘅就係呢款蘋果酒， 平時買一罐都要十幾蚊我，仲唔飲返佢幾罐日式放題當然乜都點下啦 ，芝士溫泉蛋 ，牛油金菇， 同食下蔬菜都冇咁溜雖然食完會好飽但係都忍唔住點返幾件壽司食下熱食都有好多款 ， 燒牛舌同埋燒牛扒，送酒一流燒蠔 燒扇貝， 上面係用咗 沙律醬 加牛油一齊燒㗎，所以十分惹味。日式焗茄子， 比較一碟，如果有三四個朋友一齊食， 一食小小好點，2個人食會溜小小蟹籽芝士雜菇焗薯條，極邪惡但又好香濃吸引最後食埋甜品就完滿結束喇