千賀水產 (已結業)

元朗又開了間新的日式放題，最吸引我的是磯燒海鮮。遠遠的已經聞到一陣陣燒海鮮的味道。門口沒有特別的裝飾。大大的廣告牌寫著磯燒海鮮放題，每兩位成人送海鮮拼盤。甜品同飲品都有好多選擇，仲有好多種小食提供。海鮮拼盤大大只的聖子王、海蝦、生蠔、扁貝、最特別的是甲羅燒。甲羅燒蟹蓋裡裝著蟹肉、蟹膏加上鵪鶉蛋真是邪惡又好味的東西。海蝦十分大只，蝦肉鮮甜，十分彈牙。聖子王鮮嫰彈牙肉質爽口。帶子都幾大只，肉質鮮甜嫰滑。海蜆無沙爽口彈牙。帶少少海水的咸味令到肉質更鮮味。蠔因為現在唔是食蠔的季節，所以唔算好肥美。但的蠔都好新鮮。露筍牛肉卷，肥牛煎到有外面有少少燶包著的露筍好嫩滑，汁十分忍味。這個是千賀料理推介，所以每次order每人只可以一件，鍾意食就要叫多幾次啦。刺身（甜蝦、鮑魚片、帶子、榮螺片、油甘魚）款式是普普通通但勝在新鮮，甜蝦鮮甜爽口，榮螺片十分爽脆。帶子雖然細細只但也十分鮮味。日式蟹皇翅，熱辣辣好味，裡面都有好多材料香茹、蟹肉、木耳、蟹子等等，有的似碗仔翅但多左份鮮味。溫室菠蘿、日式小甜薯，食日式放題一定會叫的兩款小食，平日點完到上台有時的野會凍左，這裡有個爐可以一路加熱一路食唔會凍冰冰。菠蘿又多

落雨濕濕唔想買餸煮飯咁麻煩放工同老公元朗會合去覓食由西鐵站行天橋中途見到有塊廣告架放題任食海鮮。。。我係海鮮怪緊係想試啦又出左糧所以就去試大約7點半左右，入面都7,8成滿多人嘅餐廳中伏機會唔多嘅。。。除左磯燒海鮮之外，同一般放題一樣都係好多選擇，自己寫紙仔落order今晚我嘅order都無miss到，漏單情況理想等野食其間店員話外面有d沙律同前菜飲品自助嘅，所以就去試下先飲品都多選擇，韓國飲品比較多但都有維他檸茶菊花茶可樂就只有百事。。。沙律自已夾幾多食幾多啦有汁自己落 有d溝好嘅青瓜蟹柳蟹子沙律同中華沙律螺肉呀等等等。。。甜品生果同蛋糕都係自己夾好方便我中意呢個茶，淡淡地似綠茶又唔甜老公就除左飲韓啤之外飲左兩罐apple cider都幾抵飲重點黎喇！拎完飲品番到位店員送上一份大大大海鮮我左好耐有4隻大蝦，2隻大蟶子皇，2隻厚肉大扇貝，2隻生蠔，2隻大蜆同一個蟹膏蟹蓋其中除左蟶子同大扇貝同大蜆再食要加錢之外，其他係可以任叫任食！太興奮超級新鮮！隻隻蝦長過我隻手囉！加上店員行開行埋會幫我地望下熟未又比小貼士我地點先為之熟服務不錯燒到咁上下提議我地加d清酒落扇貝同蟶子到好香架原來隻蝦熟左店

放題餐廳越開越多，競爭也越來越大，大家都絞盡腦汁，加點新意吸引多點客人。朋友搵左元朗呢間千賀水產試下，新開的放題餐廳，特色有磯燒海鮮食。餐廳都幾爆，香港人喜歡試新野，有特色的幾時都受歡迎點，海鮮拼盤：大蝦，聖子，生蠔，海蜆，扇貝，松葉蟹蓋，大蝦真的好大只，跟指示每邊燒2分30秒，肉質嫩滑濕潤，味道鮮香，啖啖肉，好食，見到隔離台不斷添食，想起2百幾一位，餐廳會唔會虧本呀。扇貝大只飽滿，雖然不是十分的鮮甜，不過依然爽口鮮味。松葉蟹蓋：混合了鮮甜蟹味和蛋香，剛剛燒熟，熱辣辣的，味道十分的香甜鮮味。蘆筍牛肉卷：牛肉味香濃，配上清新爽口的蘆筍，燒到稍稍的焦香，味道口感俱佳。刺身：甜蝦，螺肉，帶子，鮑片，吞拿魚，擺切好普通，不過質素都唔錯，甜蝦雖然比較細只，但味道鮮甜，帶子creamy鮮味，我最喜歡螺肉清甜嫰口帶點爽。天婦羅：每一次食放題，一定會食，這裏有海老，番薯，南瓜，多春魚，冬菇，款式唔算多，海老比較細只但鮮香味濃郁，多春魚幾特別，魚春配上炸粉香鮮有口感。牛肉鍋：日式味道，湯頗香甜，味道濃郁，湯中的蔬菜相當惹味軟淋，好味道。這裏的飲品，甜品，小食都好多，有點眼花繚亂。

近日工作太忙，又成日出trip，尋日終於得閒約埋一班好朋友食個飯同傾下計，最後大家決定去元朗搵食，見到呢間放題好似好正而且又冇咩人，決定一試！岩岩入到去冇幾耐，點知出面開始排晒隊，突然人山人海，但服務員都好有耐心，係咁忙嘅情況下都對食客好好，值得一讚。開始點野食，睇下餐紙，都幾多種類，不過每類食物嘅選擇就唔算太多，但所謂貴精不貴多，只要好食又有咩所謂。先黎左刺身，都幾新鮮，三文魚入口即溶，其他魚生又唔會韌，樣樣都好鮮甜好味。之後上左一啲燒物，叫左豬頸肉，牛排，牛舌。牛舌小妹就冇食到，但朋友話燒完好入味又爽口。而其他兩樣都一樣好入味，唔會太咸，燒完都好都好juicy 多汁，咬口唔痴牙，我地都食完再點，十分回味！壽司方面一樣好滿意，冇令我失望！有燒牛肉/鰻魚/長蟹肉 樣樣都好好味，大大舊 ，是誠意嘅作品。唯一美中不足係好想佢再推出多啲壽司種類，有多啲選擇相信佢都可以保持水準！舖入唔愈來愈多人，好快就滿座，但都唔影響佢地嘅態度同上菜嘅速度，果然訓練有素！好快就黎左我地最期待嘅海鮮！冇錯係可以燒海鮮！有大蝦，生蠔，聖子，仲有唔知咩貝殼等等，而且一份有好多隻，樣樣都大大隻。仲係自己燒嘅添，可以增

上星期行過見到呢間新日本放題試業中， 心思思等到星期六叫埋爸B一齊去食。 中午時分人流唔多， 座位舒適唔迫， 餐廳面積幾大， 環境寬敞。 每張枱上都放上一個gas 爐， 原來就係用黎做餐廳推薦既既磯燒食品👍🏻首先黎過店長推介既送既海鮮拼盤，滿兩位就送👍🏻。 大大隻既蝦， 燒完出黎都無縮水， 啖啖肉鮮味十足。 之後燒蟹殻， 藏住既蟹膏見到都垂涎三尺， 可惜只有兩隻， 唔夠分 🤣 好在仲有扇貝同蜆搭夠， 一樣滿足。 多張任點食品紙， 除左磯燒、仲有熟食、刺身、壽司。刺身同樣新鮮，仲有我至愛既希靈魚同大大隻既甜蝦。熟食既就有天婦羅， 除左大蝦，菇，仲有多春魚， 原來多春魚天婦羅好正， 連頭食埋。🤣 其他煮食有燒鯖魚、牛肉鍋芝士焗蠔。 另外點少得壽司， 老公同我都大愛壽司，特別係燒三文魚， 入口即溶既三文魚， 比連鎖店既好食得多， 追加左10件最後甜品同飲品係免費任攞， 款色仲好多， 非常慷慨。 食埋個好特別既雪糕， 今次真係超級大滿足。最後埋單放題黎講唔算貴， 仲有新鮮海鮮

聽講元朗開咗間新嘅放題咁梗係嗱嗱聲約埋D朋友一齊去試吓一去到已經見到每枱都大大盤海鮮真係好吸引！海鮮全部都好新鮮 勁大隻最愛一定係蟶子 又鮮又甜刺身都唔輸蝕叫咁多黎咁多全部用冰鎮住 好好味不過講到最好食反而係燒牛脷個人黎講好中意食牛脷佢呢個調味同質感都好好食爽口又夠香燒蠔相對上比較失色都係中意沙律味既燒蠔多d總括而言 如果中意食海鮮既一定唔可以錯過絕對值得一試！！

前幾日經過見到呢間千賀水產正式試業，今日就搵埋老公阿女一齊嚟試下間新嘢啦。 門口大大隻字寫住 磯燒放題水產， 好期待食海鮮呀~仲有個banner 睇落價錢都唔算貴喎 ~入去睇下個質數先， 餐廳環境正常啦，有啲卡位都幾舒服。每一張枱都有個磯燒爐等住你燒海鮮 ，我哋坐低咗睇下啲餐牌先，都幾多嘢揀喎 ~黎到梗係主打睇睇啲海鮮先啦，先黎一盤海鮮拼盤，上枱大碟到阿女嘩嘩聲呀~有大蝦，帶子， 燒蟹蓋 ，大蜆，樣樣野都好大分㗎。睇下隻大蝦， 成隻筷子咁長㗎 。服務員立即放上去幫我哋燒， 一燒出嚟啲蝦好香， 睇住喺度燒已經流曬口水。 大蝦燒出嚟食落好新鮮， 啖啖肉唔痴殼，好香口 ，我一個人食咗五隻呀, 仲要係無限添加，淨係食大蝦都抵 ！ 另外帶子鮮甜，一啲都唔un，我想像中平時燒帶子呢會好un㗎嘛，呢度竟然唔un同好鮮甜。海蜆冇沙，好大粒，多肉，非常甜美。蟹迷既我，最愛梗係燒蟹蓋啦，蟹蓋裏面有蟹膏蟹柳撈埋一齊， 味道非常鮮甜，真係想食多幾個。再叫咗個蟹皇海膽粥 ，上枱有蟹膏海膽，嚟到先煮畀我哋睇， 呢個粥好好味， 小朋友都啱食， 加埋隻蛋鮮甜無比。另外要一讚嘅係啲壽司，壽司質素比一般放題既壽司 好，啲

朋友生日為她再揀又揀，終於決定去千賀食放題。因有好多食物選擇。不用煩惱。！位置處於稍為偏離食肆鬧區，但不太難搵。店舖坐位也不少、都算是寛趟。一坐下極速點了甲羅燒（店主提醒我們加入少量清酒吃會更香更好味）加追就要$48/客大蝦，海蜆可任點扇貝。（如加追就需要$22/隻。）火炙三文魚+蒲燒鰻魚壽司。店內還有小自助沙律櫃，款式都不少。飲品任飲，甜品都有6，7款添。仲有好多款雪糕，雪條品嘗。（我就揀了粟米雪條。味道好有粟米味）大家去到元朗又肚仔餓，不坊一試此間日本放題是個好選擇。

星期六又黎元朗食好西今日好想食放題，於是揀左新開既放題餐廳「千賀」餐廳主打磯燒一個價錢任食午市好抵食，而且沒有夜晚咁逼飲品 甜品及少量小食都是自助式的主食就交紙俾店員主打海鮮！大大隻既蝦可以無限添加，仲有專業店員為我們燒放題也做到咁好服務，真係唔簡單蝦既size跟筷子一樣長店員細心地為我地燒海鮮，不用加任何調味料食到海鮮既鮮味呢種服務式既餐廳一般都係貴價無番1000蚊都唔得！估唔到依家放題價錢，都可以享受到我們另外叫左芝士蠔同菇菌好味！菇類略嫌太咸，可能是加了salt butter!芝士蠔就大大隻，用料足甲羅燒都唔錯！雖然每次食都感到邪惡但美食當前，點可以唔食再加個蔬菜盤最愛依然係燒波羅好甜好juicy! 另外一個必叫既係日本蕃薯仔，甜甜地，淋淋地，好味道而個蛋燒熟左後都好味，好滑第一次以咁既方式去食蛋！加上芝士！簡直係垂涎欲滴我叫左d熟食關東煮一份關東煮唔野少，有香菇、福袋年糕、芋絲，仲有三大塊羅卜食完飽飽地壽司方面，叫左大路既野！最愛火灸蟹棒加上少少芝士去燒，溶係蟹柳上面，好味道！三文魚就麻麻地，有點腥，牛肉就唔錯，幾淋炸物方面，雞軟骨好正好新鮮，熱辣辣！最怕擺到凍哂先拎出黎！又一