影片
更多
2017-04-11
1582 瀏覽
近日工作太忙，又成日出trip，尋日終於得閒約埋一班好朋友食個飯同傾下計，最後大家決定去元朗搵食，見到呢間放題好似好正而且又冇咩人，決定一試！岩岩入到去冇幾耐，點知出面開始排晒隊，突然人山人海，但服務員都好有耐心，係咁忙嘅情況下都對食客好好，值得一讚。開始點野食，睇下餐紙，都幾多種類，不過每類食物嘅選擇就唔算太多，但所謂貴精不貴多，只要好食又有咩所謂。先黎左刺身，都幾新鮮，三文魚入口即溶，其他魚生又唔會韌，樣樣都好鮮甜好味。之後上左一啲燒物，叫左豬頸肉，牛排，牛舌。牛舌小妹就冇食到，但朋友話燒完好入味又爽口。而其他兩樣都一樣好入味，唔會太咸，燒完都好都好juicy 多汁，咬口唔痴牙，我地都食完再點，十分回味！壽司方面一樣好滿意，冇令我失望！有燒牛肉/鰻魚/長蟹肉 樣樣都好好味，大大舊 ，是誠意嘅作品。唯一美中不足係好想佢再推出多啲壽司種類，有多啲選擇相信佢都可以保持水準！舖入唔愈來愈多人，好快就滿座，但都唔影響佢地嘅態度同上菜嘅速度，果然訓練有素！好快就黎左我地最期待嘅海鮮！冇錯係可以燒海鮮！有大蝦，生蠔，聖子，仲有唔知咩貝殼等等，而且一份有好多隻，樣樣都大大隻。仲係自己燒嘅添，可以增
岩岩入到去冇幾耐，點知出面開始排晒隊，突然人山人海，但服務員都好有耐心，係咁忙嘅情況下都對食客好好，值得一讚。
開始點野食，睇下餐紙，都幾多種類，不過每類食物嘅選擇就唔算太多，但所謂貴精不貴多，只要好食又有咩所謂。
先黎左刺身，都幾新鮮，三文魚入口即溶，其他魚生又唔會韌，樣樣都好鮮甜好味。
之後上左一啲燒物，叫左豬頸肉，牛排，牛舌。牛舌小妹就冇食到，但朋友話燒完好入味又爽口。而其他兩樣都一樣好入味，唔會太咸，燒完都好都好juicy 多汁，咬口唔痴牙，我地都食完再點，十分回味！
壽司方面一樣好滿意，冇令我失望！有燒牛肉/鰻魚/長蟹肉 樣樣都好好味，大大舊 ，是誠意嘅作品。唯一美中不足係好想佢再推出多啲壽司種類，有多啲選擇相信佢都可以保持水準！舖入唔愈來愈多人，好快就滿座，但都唔影響佢地嘅態度同上菜嘅速度，果然訓練有素！
好快就黎左我地最期待嘅海鮮！冇錯係可以燒海鮮！有大蝦，生蠔，聖子，仲有唔知咩貝殼等等，而且一份有好多隻，樣樣都大大隻。仲係自己燒嘅添，可以增加一啲樂趣，又可以跟據自己嘅喜好而決定燒幾熟。最重要係服務員好細心，時不時教我地燒，有次仲細心驚我地整親而幫我一把，簡單心心眼了小妹！
講返個海鮮，生蠔好新鮮，燒完之後加上佢本身有嘅海水味，好鮮甜嘅汁配合海水咸味，真係溶化我嘅心。
聖子同另一隻貝殼海鮮亦同樣鮮甜，一路燒嘅時候佢啲汁就多到流出黎，已經好香，再配合曬上小小 sea salt , 吊出佢全部鮮味，真係食完唔夠喉！當然，小妹最鐘意嘅就係佢嘅大蝦啦！冇野可以形容，係完美！我仲幫朋友食埋佢個份 哈哈！
另外佢其他食物質素都ok, 例如炸物 唔油膩，小甜薯 夠好味。不過佢如果有小妹最鍾意嘅炸雞翼就好啦！
最後當然唔小得甜品，有好多雪糕 雪條任你選擇，而甜品亦點綴左成個晚餐，簡直係畫龍點睛，為晚餐畫上完美句號 整體黎講，今晚真係食得好開心，係元朗放題嘅一大驚喜，如果再係元朗食放題，呢間一定係首選！
張貼
