千賀水產 (已結業)

見依間千賀水產做緊團購，就決定帶我鐘意食海鮮嘅屋企人一齊黎試下。不過去之前都上黎睇咗食評，有啲都講到好差，都擔心中伏，但諗到都係200鬆啲，就即管會一會啦。先問咗餐廳有無位，接聽個人都幾有禮貌，估唔到做緊團購都訂到二日後星期四，本身想早啲食，不過就屋企人，都係食2030個場。去到餐廳出面已經聞到一股燒貝類嘅味道，唔係食物，係殻味，唔算好聞，但有種吸引力。入座後同一般放題一樣填紙仔，不過佢會叫你唔好選磯燒海鮮住，因為會先送一個磯燒海鮮拼盤，會有啲本身要另外加錢嘅海鮮，好似鮑魚，蟹蓋咁，仲有啲蜆蝦同蠔等等。我屋企人本身諗住自己燒，但估唔到啲職員都會幫下手，講真佢地真係會pro啲，燒得好食啲，當然個職員唔會長期企係度幫你燒啦，但係佢地如果有時間經過都會幫你望兩眼，反反啲嘢食。不過唔好當係老馮有人幫啦，自己燒都好玩丫。食咗職員燒嘅鮑魚，燒得唔錯，仲係有彈性，一啲都唔韌，好味。蝦燒之前要做啲功夫，剪咗啲蝦鬚同腳先燒，都幾好，不過就唔算好鮮甜。其他海鮮我無食，屋企人講都ok。一般放題食物，質素都算中上。剌身等還好，要睇邊款海鮮，帶子幾好，甜蝦則一般。熟食特別鐘意個蘆筍牛肉卷同一口炸芝士。而覺得麻麻

放題確實係聚會嘅好地方之一，食物選擇多，時又比較長。今次揀千賀水產係因為見到主打有磯燒，照顧埋唔太鍾意食生野嘅朋友！放題連磯燒，價錢都算幾抵！比起放題，似韓燒多d我地比較遲去，只淨幾台仲食緊選擇同一般放題差唔多，最吸引梗係多左磯燒海鮮同蔬菜磯燒海鮮唔洗落單，店員會準備好一大盤，之後再加點。其實圖入面只係一部分，仲有帶子同蠔。推薦蝦，大隻加鮮甜；蟹蓋特別，味道亦唔錯。三文魚幾肥美，蝦亦鮮甜，象拔蚌唔爽口但好甜油甘魚就唔太夠香，帶子比較細粒但幾甜，整體黎講評價唔錯推薦店入面嘅燒物牛肉卷露荀夠嫩，配搭唔錯；牛舌燒得香口；牛柳好滑而且調味好，係咁encore!炸粉較厚不過幾脆身，脆玉瓜天婦羅好特別，又多汁磯燒除左海鮮其實都仲有幾多選擇，燒雜菌又香又多汁，推薦；另外有菠蘿同日本甜薯，燒完更好味幾特別嘅菜式，肉醬味道唔錯，同茄子好夾最尾食埋個粥，海膽同蟹膏煮完後味唔算好濃，但夾埋一齊都夠香，推薦要讚一讚飲品，選擇多仲有幾款啤酒，同朋友家人吹水必備！放題黎計性價比幾高，刺身定料理嘅質素都唔錯，最突出係有磯燒海鮮，感覺新鮮

生日月到了！約會排得密麻麻，有位好久冇見好朋友，都知我很忙，所以專登搵一間，我鍾意食嘅日式海鮮磯燒放題，同我慶祝生日！位於西裕街《千賀水產》，每次經過都大排長龍，今次嚟到都座無虛席，好彩今次有訂位😊！自助飲品區，飲品選擇亦多！沙拉/小食區，有冷凍櫃保存，非常衛生自助甜品生果區，還有多款雪條雪糕選擇刺身入口新鮮海鮮磯燒拼盤大蝦非常大隻扇貝同生蠔加入少許清酒燒，帶出海鮮嘅淡淡鮮味芝士焗蠔除以上食品外還有其他好多選擇，味道亦可以蟹膏海膽泡飯，店員還細心幫我們烹煮

元朗放題多 但好多都係主打價格同款式多 磯燒既放題真係好少 估唔到係元朗揾到首先 頭盤黎講 有中華沙律 又有蟹籽沙律 仲有得自由揀 都幾多得揀 樣樣都係細細碟咁 啱哂放題既標準😤一黎就上咗個磯燒拼盤黎啦蝦好似可以任叫 不過我地懶得燒 所以都係叫咗一次😂 好新鮮 唔霉 幾爽口加錢仲有得叫鮑魚 同廣島蠔 認真幾抵食搞唔掂個爐 不過好彩店員會定時定侯幫我地round 下啲野食 所以成功食到好西飲品嗰邊 估唔到都有幾多得揀 連somersby都有得任飲 都滿足都大部份人食放題既心態剌身都上得幾足料 叫幾多俾幾多 雖然款式唔多 但係勝在新鮮嘛 壽司真係估佢唔到 本身諗住過下口癮 點知我食咗成六件 飽到呢😂 但真係幾好食 最推介既係火炙三文魚腩壽司 充滿油脂 好正！仲有雪糕一大籮 好想試 但可惜我已經飽到上心口 食唔落啦😭

媽媽生日，一家人到元朗千賀水產試下磯燒放題。book左位但都要等半個鐘。海鮮及刺生算新鮮，食物外觀不錯, 推介蟹皇海膽粥。但場內環境比較焗，一路食一路流汗,如果冷氣大一點較好。

Tonight was having a family union in a All-u-can-eat Japanese restaurant in Yuen Long. We ate at 9pm, but still, there was lots of people. Wow, that was quite a surprise. Since it was weekday, I didn't expect the restaurant full house. Haha~This restaurant was not ordinary all-u-can-eat Jap food. It also had BBQ, hotpot, salad bar, and dessert bar.Look at those Shrimp, Abalone, Oyster, Clam, Crab, etc. They were so fresh, and in a super large size. If u like seafood, it would be a good choice to

本身見到呢間野有磯燒既放題 上網見到評分又唔太差 就同屋企人黎試下 點知令人真係好失望D海鮮唔新鮮 又漏單 無樣野係好食 第一次落單已經話漏單 要追幾次先話漏左單 叫我落多次 冷氣又好唔夠 紙巾都無比張人每樣野個賣相都好唔掂 見到都唔開胃而且好多野都係要燒先食到 但爐又得一個 仲要好細火搞到好多野都無得要叫 因為燒唔切 任食都無用 呢次係我第一次寫食評 因為實在太火滾 要寫二百字先可以作評分甜品款式又好少所以網上應該好多係假的評分 大家不要盡信啊

食５點果節，５點３去到唔洗等位！不過都已經好ＦＵＬＬ～～呢節平少少，１９８＋１，但要７點前離座。一坐低梗係拎餐紙睇下先啦，好多張，但其實實際款式又唔算話係超多～有好多張都有類似既野，好似蝦都會以唔同形式出現。少少扣分位，一坐低張檯仲有罐飲過既野飲，一個鐵罐做既煙灰缸，仲有煙頭。。斷古係職員落場既時候休息坐係呢個位食煙。。然後張檯都有好多煙灰。。。同店員講左之後都好快抹左檯。換過晒Ｄ餐具，店員好細心咁提我地唔洗叫海鮮住，因為會首先就送一個海鮮併盤～！２位用就送左４隻蝦，４隻扇貝，同個蟹蓋＋Ｄ蜆咁。第一輪既蝦唔錯，都夠新解同大隻。加Ｄ鹽上去鹽燒已經好好味。不過個蟹蓋個味勁似合味道湯底，食落就好似將食完杯麵既湯去整茶碗蒸。。上面仲有好細舊蟹柳，成個都好鹹。。扇貝同蜆不過不失啦！之後到刺身～三文魚，八爪魚係最好食！其他都好普通，反而八爪魚唔似平時放題果Ｄ有咬橡筋感覺，係好爽甜！芝士蠔，蠔肉極細。。無乜芝士香味＞＜一Ｄ炸物，果舊芝士反而好好味！芝士好香好多芝士。。嘿嘿雞軟骨都係同平時食既一樣味。。天婦羅粉漿好薄，唔錯！海老天婦羅好食。。。幾款壽司，都合格～蟹棒壽司都ＯＫ～鰻魚有小小骨都仲可以接受

難得阿哥遠道而來，帶他食好東西，因朋友都讚這間餐廳非常棒，一於來食放題！一早book了這間餐廳七時正， 等了一會兒便能安排卡位坐，看了很久選擇食物的餐單，發覺選擇真的很多。餐廳首先上了一盤磯燒海鮮給我們，有兩隻鮑魚、兩隻扇貝、兩隻生蠔、四隻大蝦、兩隻大海蜆和一隻甲羅燒， 放上爐上燒了，服務員見我們燒了很久還未能吃於是幫我們剪開鮑魚和海蜆，告訴我們怎樣燒熟鮑魚和海蜆， 非常細心。燒大蝦很有蝦味非常新鮮，鮑魚亦非常之軟一點也不韌，甲羅燒搞勻燒熟，都幾鮮味，生蠔偏細隻但我不是特別愛好，基本上這裏的海鮮都算挺新鮮的~魚生類我點了甜蝦、三文魚、魷魚、象拔蚌，不過不失， 很久沒有吃甜蝦，味道還算鮮甜！最好吃的是網燒牛扒，燒得幾軟唔韌， 前後叫了兩次， 另外還點了一些炸物有炸紫色番薯、雞軟骨、一口芝士， 除了有點偏油感覺有點膩但味道還不錯！天婦羅選了蝦、菇和南瓜，蝦和菜類都新鮮，一樣是口感有點油膩，若有天婦羅汁就更好~京蔥炒牛肉卻有點偏鹹， 如果用來配飯會比較好。蘆筍牛肉卷不會太鹹，而且一卷有四五條露筍，很爽口！由於太多選擇，無揀選主糧類，最後叫蟹糕海膽粥，好鮮味，第一次食這個，亦是我揀這家餐廳的最

近年放題店越來越多，其中日式放題更是多不勝數，可惜食物質良莠不齊，多半令人失望。因此，這一兩年我甚少光顧了。是次聚會友人提議「千賀水產」日式放題，見她欣喜雀躍，我也就同意再試一回，看看會不會有新體驗。磯燒之拼盤 拼盤已包括: 蟹蓋 、海蝦、活蠔 、扇貝 、鮑魚和蟹肉蟹膏海膽粥。以冰鎮方式奉上的磯燒拼盤賣相相當吸引。大大隻的活蠔烤得剛好，鮮味十足，如平常有食的話, 就會焼得保留一點生, 因為會更滑更有蠔味啊, 如果全熟的話有可能像蠔豉般, 這粒燒到剛剛好, 一口吃下, 滿心滿足海蝦亦相當大隻兼爽口彈牙; 大蝦燒到大約八成熟, 保留其鮮甜多汁的口感, 我比較喜歡未全熟質感柔軟的蝦, 燒得正合我意, 蝦味超濃郁, 很滋味, 大蝦燒到大約八成熟, 保留其鮮甜多汁的口感, 我比較喜歡未全熟質感柔軟的蝦, 燒得正合我意, 很好吃! 而蝦頭亦有少少肉和膏, 不容錯過扇貝亦很鮮甜，好大隻厚肉，口感軟嫩, 鮮甜滑溜,經烤燒後，海鮮香氣更濃郁，白色的扇貝份外迷人，質感和味道是令人感動。蠔肉蟹膏海膽粥把新鮮的蟹膏以及海膽煮成粥，入口粥底綿滑亦鮮味十足，吃過海鮮粥令人充滿幸福感三文魚刺身 - 鮮橙油亮的三文魚

元朗真係好多好野食,今晚約左很久沒見既朋友去左千賀水產食放題,好多人,等位大约半小時,門口帶位話最好下次book 位,見佢好忙,一邊接電話,一安排客人入座,一邊照呼walk in 客,好勵害,…入到場内坐位好闊,好舒適第一送上燒海鲜盤,買相非常吸引鲍魚好新鮮,彈牙蜆勁鮮味刺身也非常新鮮,任飲仼食,物超所值

元朗一向都多好嘢食，三人行，各有所好，放題就最好啦…呢間千賀水產，唔單止一般日式放題咁，有刺身，壽司，天婦羅，揚物，串燒，一品料理，鍋物之外，仲有磯燒海鮮。門面光鮮，仲好有日本feel。有飲品櫃，甜品櫃，雪糕櫃，自助沙律吧，選擇都好多。先黎一個海鮮拼盤，啲蝦超大隻，最吸引我係個蟹蓋，好多蟹膏，未食已經洗口水。仲有蜆及扇貝，雖然唔太大隻，但呢個價錢，我覺得算唔錯了。再黎刺身※好多時放題嘅刺身都唔太新鮮，但佢呢間真係唔錯，鮮甜，唔會有一陣雪味，今日平日下午都好多人食，流量快自然新鮮。而且都有好多款，象拔蚌都有，仲要好爽口鮮甜，唔錯唔錯。之後就叫返啲熱食，辣煮花螺，唔太辣，朋友仔話如果辣啲正啲蟹籽芝士BB薯，好多芝士，薯仔夾芝士真係冇得輸。焗蚝，雖然偏細隻，但個芝士汁較得好香，亦唔會燒到過熟。估唔到會有咖哩香酥餅，新鮮出爐，咖哩都好香，唔辣，但由於太飽，如果唔係我可以食兩三份。總結：款式真係好多，食物質素同價錢成正比，燒海鮮好玩又好食，嘆住冷氣燒嘢食，都幾好，而且唔似燒肉咁，咁大陣味攪到成身燒肉味，鐘意海鮮同放題嘅朋友可以一試。

勁新鮮燒海產放題!生蠔普通，但係鮑魚好甜，海蝦都好新鮮！而且刺身象拔龐及甜蝦都好鮮甜！雖然黃金蠔有d細隻，但係佢用沙律醬同蟹籽調味,味道好好。雞軟骨好味，牛舌好juicy. Overall 熱食炸物鐵板都唔錯！其實$288包刺身海產壽司炸物鐵板，真係好平！我下次一定會再黎。

生日果個話要食日式放題喎，咁就book左呢間又有得燒海鮮，又有得任食刺身既日本放題啦企嚮門口都已經聞到一陣香噴噴既燒蝦味夜晚差唔多滿座。食物款式多類，刺身、海鮮、壽司、鐵板、天婦羅、熟食、蟹皇海膽粥⋯⋯飲品方面除左有啤酒外，仲有apple cider及韓國汽水任飲甫坐低無耐，都未抽起所有既食物紙，watier已經拎左份海鮮拼盤過黎鮮蝦、生蠔、海蜆都勁大隻，食到最後層，海蜆仲蠕動緊，果然好新鮮呀當中甲羅燒最特別，鵪鶉蛋同蟹膏一齊燒，鹹香味更濃。生蠔甜美、大蝦肉實彈牙職員輪住幫我地燒海鮮，細心剪埋蝦腳蝦鬚教我地燒，又解釋可以加少少冰嚮生蠔度以防止燒焦⋯⋯一眼關七，工作效率高刺身拼盤擺得靚靚地三文魚、甜蝦、油甘魚、鮑片，帶子肥美肉嫩，象拔蚌片仲唔係間間有。小食方面以麻辣煮花螺、醬油雞翼及一口芝士最好味。前者好入味，後者細小脆口。食到最後仲追加左蜆及菇菌類燒。而且有生果、甜品、雪糕任食，真係飽到不行了！以放題黎講，海鮮夠新鮮，食物質素高，款式多，壽星都好滿意！

好朋友邀請我一齊試新野，千賀係新放題，主打磯燒海鮮，比一般放題貴少少，食多樣野，係近年放題嘅趨勢。千賀喺元朗食街西菁街嘅一角，人流無咁多，但平日都好full！門口簡單顯眼，大大個招牌，對面馬路都望得一清二楚。門外擺放易拉架同gimmick之一-apple cider任飲嘅廣告牌千賀嘅食物款式都好多，每一類都有幾款，可以食多幾類，當然啦，留肚食磯燒海鮮先係重點一入座，侍應已經話會安排上海鮮拼盤檯面上已經放左個爐同燒烤工具-剪、鉗同食蟹蓋用嘅雙頭羮叉。落單揀野食前先參觀下自助部分-飲品(有各類罐裝汽水飲品，仲有幾款啤酒)、沙律前菜(菜沙律、中華沙律、辣味螺肉同八爪魚)、甜品(好多款雪條雪糕同甜品。海鮮拼盤先上檯...好。大。盤！兩人份量有4隻手掌咁長嘅蝦、2蠔、2黃金玤、2鮑魚、2扇貝海鮮燒法可以參照柯打紙上寫嘅步驟，加上枱上嘅調味料(醬油、七味粉、鹽、煮酒)，非常貼心推介燒蝦同蟹蓋(甲羅燒)，蝦肉彈牙啖啖肉、蟹蓋裡面蟹膏撈埋鵪鶉蛋燒，鮮！接住落黎就係刺身，都幾新鮮，尤其係油甘魚同甜蝦燒物、天婦羅、煮物一應俱全，最好玩係蟹膏海膽粥，比煲水、飯、蟹膏、海膽同蔥，食客自己玩煲粥仔成品好綿好鮮甜