影片
更多
2017-04-12
3071 瀏覽
落雨濕濕唔想買餸煮飯咁麻煩放工同老公元朗會合去覓食由西鐵站行天橋中途見到有塊廣告架放題任食海鮮。。。我係海鮮怪緊係想試啦又出左糧所以就去試大約7點半左右，入面都7,8成滿多人嘅餐廳中伏機會唔多嘅。。。除左磯燒海鮮之外，同一般放題一樣都係好多選擇，自己寫紙仔落order今晚我嘅order都無miss到，漏單情況理想等野食其間店員話外面有d沙律同前菜飲品自助嘅，所以就去試下先飲品都多選擇，韓國飲品比較多但都有維他檸茶菊花茶可樂就只有百事。。。沙律自已夾幾多食幾多啦有汁自己落 有d溝好嘅青瓜蟹柳蟹子沙律同中華沙律螺肉呀等等等。。。甜品生果同蛋糕都係自己夾好方便我中意呢個茶，淡淡地似綠茶又唔甜老公就除左飲韓啤之外飲左兩罐apple cider都幾抵飲重點黎喇！拎完飲品番到位店員送上一份大大大海鮮我左好耐有4隻大蝦，2隻大蟶子皇，2隻厚肉大扇貝，2隻生蠔，2隻大蜆同一個蟹膏蟹蓋其中除左蟶子同大扇貝同大蜆再食要加錢之外，其他係可以任叫任食！太興奮超級新鮮！隻隻蝦長過我隻手囉！加上店員行開行埋會幫我地望下熟未又比小貼士我地點先為之熟服務不錯燒到咁上下提議我地加d清酒落扇貝同蟶子到好香架原來隻蝦熟左店
放工同老公元朗會合去覓食
由西鐵站行天橋中途見到有塊廣告架
放題任食海鮮。。。我係海鮮怪緊係想試啦
又出左糧所以就去試
大約7點半左右，入面都7,8成滿
多人嘅餐廳中伏機會唔多嘅。。。
除左磯燒海鮮之外，同一般放題一樣都係好多選擇，自己寫紙仔落order
今晚我嘅order都無miss到，漏單情況理想
等野食其間店員話外面有d沙律同前菜飲品自助嘅，所以就去試下先飲品都多選擇，韓國飲品比較多
但都有維他檸茶菊花茶
可樂就只有百事。。。
沙律自已夾幾多食幾多啦
有汁自己落 有d溝好嘅青瓜蟹柳蟹子沙律同中華沙律螺肉呀等等等。。。
甜品生果同蛋糕都係自己夾好方便
我中意呢個茶，淡淡地似綠茶又唔甜老公就除左飲韓啤之外飲左兩罐apple cider
都幾抵飲
重點黎喇！拎完飲品番到位店員送上一份大大大海鮮
我左好耐
有4隻大蝦，2隻大蟶子皇，2隻厚肉大扇貝，2隻生蠔，2隻大蜆同一個蟹膏蟹蓋
其中除左蟶子同大扇貝同大蜆再食要加錢之外，其他係可以任叫任食！太興奮
超級新鮮！隻隻蝦長過我隻手囉！加上店員行開行埋會幫我地望下熟未
又比小貼士我地點先為之熟服務不錯
燒到咁上下提議我地加d清酒落扇貝同蟶子到
好香架原來
隻蝦熟左店員仲問我食唔食蝦頭
幫我起埋肉(雖然之後佢地爆場無再幫我，但有教我點起肉)
起完肉d肉質好爽，我加左少少鹽勁正燒燒下其他野食都到喇
因爲今晚主打燒海鮮，所以魚生叫少左每樣都叫d食
驚喜地樣樣都ok wo
甜蝦唔係大大隻不過勝在夠甜
三文魚大大塊，但切得比較薄不過好味！如果厚切會更好
帶子超甜我之後有再點再點嘅item之一
油甘相反就切得厚d，一d都唔腥
螺片同鮑魚就正常貨仔
壽司有我最愛嘅蟹柳呀
好正，加d沙律醬燒一燒，好味
食完生野同海鮮食d熱食先燒物做得幾好我喜歡牛舌呀！
爽口又香
仲有台灣腸啦豬頸肉同牛扒
炸野除左天婦羅之外仲有d特色炸串
個吉列豬洋蔥串好香，我同老公都好喜歡
張相最就有一份芝士肉醬茄子不得了
好香
細細份好啱我胃口
仲叫左個牛肉鍋飲下d熱湯
焗蠔味道ok，不過肉太細粒
燒蟹膏蟹蓋好正呀！蛋同d蟹膏撈埋煮勁香
生蠔就只供熟食 不過都好新鮮
我覺得好味過焗，因為夠原汁原味
不斷追加大蝦真係長過我隻手架
另外蜆有分兩隻
清酒辣酒煮係細細隻那種。。。超辣
所以我都係喜歡原味鮮味加清酒多d
仲有燒蟹肉同d蔬菜，選擇多
食完咁多燒呢樣燒個樣。。。食番d沙律中和下先
菜夠新鮮wo都
我中意個青瓜蟹柳蟹子沙律
甜品結尾。。。兩條友三條雪條一件cake
布丁牛奶雪條好正呀！
帶住大肚腩離開
1人300蚊有找，都食左好多
早d黎好似仲平d。。。下次一家人早d去食先。。。
張貼
