千賀水產 (已結業)

又係每月同元朗朋友聚會嘅日子今次朋友帶我黎左呢到試試千賀水產試下呢到既放題我們大約7時到達場內已經爆滿好彩我地預先訂位， 避了白行一趟而呢到$268/1位，任燒兩小時都算幾抵食同大多放題一樣刺身、壽司、燒物、天婦羅及鍋物等都一應俱全但呢度就有埋磯燒海鮮及磯燒蔬菜選擇店好細心係點菜只上邊寫好每款海鮮需要燒嘅時間好讓客人唔會因為唔知燒幾耐令到燒左嘅海鮮變得難食每一台都會有特定嘅磯燒海鮮以下數款海鮮如果食完想追加就要額外俾錢海鮮新鮮蟹膏燒咗出嚟質感比較稀但係味道都不錯我同我朋友兩個不停都係re-order 海鮮😘😘燒鮑魚肉質彈牙 👍🏻👍🏻而呢一個刺身拼盤材料新鮮當中馬刀貝刺身仲有驚喜添口感超級爽口 呢度嘅芝士蠔係我朋友嘅大愛燒用咗嘅芝士配蠔又唔會比芝士遮咗佢嘅海水味兩者嘅味道都相當夾非常好食磯燒放題食到最後都會點一個粥張帆到入去湯中 加入蟹膏同埋海膽先煮一陣之後再加埋隻雞蛋落去攪拌完成我自己就覺得蛋味比較香濃但係就冇乜海膽同蟹膏未湯底本身都好濃郁好味👍🏻外面仲有一個自助沙律吧比客人自己去選擇喜歡嘅配料及醬汁非常方便飲品方面亦有驚喜除咗平時有嘅飲品外居然有Apple cider比客人任飲都係其

日本近年好興食磯燒放題，現在元朗區都有一間:千賀水產!今晚拉埋好友M收工一齊去食9點後果場$218試下先!坐低不久侍應哥哥就送上海鮮頭盤有蠔，帶子，蟹蓋，蜆同蝦，自行放在旁邊的小小氣爐上燒!仲有幾款刺身，包括三文魚，甜蝦，帶子，希靈魚等。另外仲有sushi。有得自煮蟹粥，材料可加入蠔，蟹膏，海胆，幾特別，也好玩。有我最愛的燒牛舌，牛味濃郁，非常爽口，不過呢個唔使自己燒。瑞士雞翼煮得好入味而且好大隻，好食!飲品有多款選擇，啤酒都有幾款，我最鐘意Somersby Apple Cider。甜品方面有多款韓港雪糕雪條，另外凍櫃內有自家制甜品。

今晚難得入元朗探朋友，朋友再帶我去呢間千賀水產試磯燒放題，朋友話呢間餐廳近期好受歡迎，非繁忙時段都要排隊，所以佢預先book定位。我地食9點個轉，8點9去到，已經見到好多人等緊入座。我地星期三晚食，9點後入座$218加10%，呢個價錢食磯燒海鮮放題真係幾抵 ！野飲方面，大路嘅汽水、水果味特飲、韓國汽水同茶，選擇都幾多。原來呢度仲係任飲Somersby Apple Cider架！正呀！食物方面，放題有嘅魚生、壽司、燒物、炸野、鍋物、熟食等等，種類頗多，質素亦唔錯呀！重頭戲係海鮮磯燒放題，每人2隻大蝦，大大隻，每邊燒2分半鐘剛剛熟，蝦肉爽口彈牙；蟹蓋入面嘅蟹膏濃郁鮮味，連蛋黃食口感更順滑；珍珠扇貝厚肉鮮甜，仲有海蜆都非常鮮美。餐廳非常貼心，點餐紙詳細教你點燒，唔怕唔知燒幾耐先至最好食啦，店員仲會留意你燒得掂唔掂，唔掂仲會過黎幫手。朋友果然好介紹，仲請埋我地食，呢餐好滿意👍🏻

朋友係要見既！無論做野幾忙都好，我同幾位大同每個月都會抽少少時間食個飯、見下面。上次試過元朗既千賀水產唔錯，今次再encore食磯燒放題。環境夠大，所以就算係夜晚7點繁忙時間都無需等位。一坐低冇耐，因為我地滿兩個成人，職員就送左個好大既海鮮盆上黎，計起上來每人有兩隻大蝦、一隻鮑魚和一隻珍寶蠔。職員間唔中會幫手燒下，還會提醒我地小心陰住「辣」親，都十分細心。D海鮮一邊燒，空氣中就瀰漫住焦香味食完呢Round海鮮，如果想追加頭先既海鮮，大部分都需要加錢，但係大蝦、蜆呢類就可以無限order，還有蔬菜可以叫，燒得都算過癮既。食完熟海鮮，自然要食下d生鮮。D刺身都非常新鮮，三文魚第一輪比較薄切，但之後再上個d都好肥美。另外甜蝦很鮮甜，頭同身都唔會甩甩漏漏。帶子肉潔白圓潤，咬落爽口唔散。壽司都唔錯，火炙三文魚壽司、鰻魚壽司和牛肉壽司味道都很不俗，油而不膩。炸蝦卷很香口，非常惹味。另外熟食我都有幾樣幾中意。第一樣係芝士肉醬焗茄子，茄子用鐵鍋保持住溫度，吃落口每啖茄子都裹住芝士肉醬，稍為油膩，但好入味好腍。第二樣係印度烤油酥餅，淋上特製咖哩汁，香酥可口。辣煮花螺都好唔錯，辣度唔係話好辣，好香八角味，

晚市磯燒放題頭盤既磯燒海產十分滿意雖然唔係每一樣都可以再叫但任點既食物種類都已經好夠多味道好，賣相不過不失以佢地質素黎講，呢個價錢算好值得相信都會再搵機會黎！！。。。。。。。。。。。。。。。。。。。。。。。。。。。。。。

有得食，又有得玩！點解咁講，因為佢就係千賀水產磯燒放題磯燒放題越嚟越受歡迎，其中一個原因係，可以比客人真係落手落腳，自己去燒嘢食啱晒一家大細去食，一班朋友去食，甚至乎兩個人去食，同樣受歡迎，同樣咁好玩同時，呢間餐廳所提供嘅食物多種類，亦都好高質，由日式放題既壽司刺身燒物，到磯燒海鮮，樣樣都好正，而家就俾大家睇吓有幾正啦！當日大約晚上時間6:45pm黎到餐廳門口，仍然見到人頭湧湧，因為睇睇餐廳嘅收費同用餐時間， 呢個時段應該係計落6pm至8:45pm嘅時段，不過可能6pm都算係時間尚早，所以大部份嘅客人，都係6:45pm左右呢啲時間先嚟到雖然人頭湧湧，不過訂咗位嘅客人，包括小編同埋一位友人，都好快就已經被安排入座，等候時間大約10分鐘左右咋。當日小天係星期二去食，屬於平日，所以收費係每位大人＄268，另再收加一。先可以講係，呢個黃金時段，咁嘅價錢，餐廳咁嘅質素，絕對抵食！！一坐低，梗係即時睇睇有咩食啦，同一般日式放題一樣，餐廳提供左點心紙比大家點選落order，一啲都唔兒戲架，連埋磯燒方面既野食，都一共講緊有12張order紙架！係等緊刺身壽司送來嘅時候，餐廳其實好快已經送咗一份磯燒海鮮

要訂座   晚餐時間座滿2人晚餐   但可坐6人枱   之後再有2個人同你share呢張6人枱，  所以都好多位放野食！先來一碟新鮮海鮮 有鮑魚   大蝦  大扇貝  蠔   蜆 ，職員路過時看到有海鮮 就會幫我們燒。   之後再點新鮮海鮮   選擇上會有限制， 有些貴的海鮮就要加錢才可點，但最基本的海鮮類是免費的。     燒海鮮時抽風設備很好，衣服沒有很大陣油煙味！刺身新鮮，   還有帶子點    。太正了吧！天婦羅同炸物    都沒有落太多粉   、第一次食到甘好味ge天婦羅。飲品，甜品，雪糕     選擇多。職員們都很認真幫助食客燒海鮮。經常會收起我們食完的碟  。  並十分有禮貌！

前排呢間千賀第一次出左groupon，我之前都聽過呢間元朗磯燒放題口啤好好，決定一試！果然無失望仲好有驚喜！所有海鮮都好新鮮多汁，另外亦有刺身壽司揚物等其他食物，選擇性多！一開始已按人頭送給我們的海鮮份量，除鮑魚外，其他都可以再加單！個人最喜歡它的大蝦，有蝦膏而且燒得十分香甜。這個蟹蓋都是要燒的，個人經驗是不能燒得太干，否則就會浪費了。鮑魚是按人頭送的，大隻好爽口！不過千賀的花甲大蜆還更出色，燒到佢打開口再成隻食埋佢既汁真係無得輸！任點芝士焗蠔這間刺身的選擇不算好多，印象就沒有提供甜蛋和吞拿魚等。而壽司都是叫了一兩轉，因為大家都不想食飯。可以任燒超香甜燒菠蘿，呢度仲有多款飲品雪糕雪條任飲任食。磯燒海鮮好有日本風味，仲可以任燒唔嬲！真係值回票價既呢！

元朗首間磯燒放題【千賀水產】，任點任食磯燒海鮮，主打頭盤即嘆珍寶蠔、聖子、蟹蓋；另有多款新鮮刺身、日式料理任食。當我見到這個標題的時候，我二話不說就拉著媽媽到此一遊。資料：主打磯燒海鮮：松葉蟹肩、芝士蠔肉、大蜆等多款海鮮任點任燒凡滿 2 位成人享用晚市即送價值 $205 海鮮燒拼盤(2位獲味噌蟹蓋1份)餐廳位於元朗西裕街，地理都算放便，內裡環境十分闊寬，坐位多，而且抽風得好，所以就算食饑燒都不會一身油煙味。基本上大部份食材都是任點的，食物種類之多令人眼花撩亂，由壽司刺身，熱食，鍋物，炸物，湯物都有，應有盡有，一應俱全。如果想食甲羅燒，珍藏蠔和扇貝等都只需加多少少錢。重點是大蝦任燒。先來一客拼盤，海鮮新鮮到不得了，蝦大大隻，蠔肉爽脆，海蜆鮮甜味美，扇貝甜美到不得了。放在爐上燒一會就可以食，十分放便。甲羅燒蟹膏味甚香，連蛋一齊燒到半熟簡直令人欣喜。天婦羅炸到好香脆可口，不論炸蝦或是炸蔬菜全部都做得好出色，粉漿厚薄適中。熱食鍋物更是出色，即點即做的茄子鍋和黃金蠔是我最愛。茄子加上芝士原來可以如此出色，茄肉軟嫩，芝士拉絲。黃金蠔更是令人慾罷不能。蠔肉香嫩細滑，芝士熱熔。燒鯖魚也是可口，外皮香脆

元朗西裕街達輝徑1號足彬大廈1號地舖 朋友是磯燒水產迷，為了要食多些，惟有選任食放題。也很久沒有到過元朗，在西鐵站步行10分鐘，夏天都幾熱。 好不容易來到了，原來他們3時關門，他們說師博要小休因為晚上會很多人，不夠精神應付，這也可以理解的。 先來一輪海鮮燒及壽司。蟹很好味，元貝也不錯。 魚生全部有冰上，也算可以的。燒蝦好味道。燒蟹是必食！ 很喜歡這個芋泥餅，很好味，比其他的天婦羅。 我們都叫了不少東西，要一小時食完有些趕。但也很滿足。週六午餐放題，每人平均200，算很超值了。

海鮮磯燒,刺身壽司放題,店内座位闊,坐得舒適,不想等位最好book定第一時間食自助蟹籽沙律,份量自己調配,多蟹子籽,小小沙律醬再叫刺身,大甜蝦雜錦刺身,冰陣上,好新鮮壽司,即叫即做,送到紫菜仍然是脆的一邊食壽司一邊燒住海鮮,蝦和蜆大大隻,重有,鮑魚,蠔,…好鮮味除左刺身,壽司,海鮮,還有其他熟食,芝土焗生蠔,燒三文魚頭,各種扒類應有盡有,放題種類選擇够多店舖員工够多,相對效率亦好快,叫完好快就送上,底穳

這天又是我和大學同學的每月一聚，住在屯元天的我們，挑選了這間位於元朗近我們的千賀水產，決定大肆放縱一下。我們選擇了$268 磯燒放題，除了最基本放題的食物選擇，多了可以自己動手燒這個環節，有得玩有得食，都幾過癮的。因為我們超過兩位成人，所以餐廳會按人頭送上一份原本散叫要逐件加錢的海鮮拼盤，有大蝦、鮑魚、生蠔、蟹腳和大蜆和一份甲羅燒。賣相非常豐富，擺上台時也嗅到濃濃海水味，非常新鮮。點餐紙上清晰列明各款海鮮的烹調方法和時間，食客在拿捏燒製時間時就會更準確。先說說燒大蝦，大蝦有大概3分2根筷子那麼長，經過燒製後蝦殼非常易剝，蝦肉入口爽甜，帶有咸香。甲羅燒內有蟹膏、蛋黃和蟹柳肉，攪拌均勻慢慢燒熟，雖然蟹膏蛋黃膽固醇很高，但是兩者混合在一起，特別甘香惹味，感覺如果拌飯會很好吃。另外還有現燒鮑魚和珍寶蠔，兩者燒製時間略長，但等待是沒有白費的。珍寶蠔肉質肥美、而鮑魚彈牙可口，加少少鹽吊出鮮味。唯一較為可惜的就是店內沒有蒜蓉提供，否則加進入一起燒一定更加惹味。玩過磯燒後，也是時候靜靜地品嚐其他美食，先來盤刺身吧！全部都很甜很新鮮，尤其是三文魚，厚切之餘咬入口油脂很豐韻，每吃一口都是享受。另外壽司也很

除左打邊爐，有乜野好得過一班friend齊齊燒野食？今次千賀水產呢個半放題真係正正，一入去已經有人頭計鮑魚丶甲羅燒帶子同大蝦奉上，另外有帶子同油甘魚刺身，即入即食，呢d放題先可以由頭帶到尾架嘛！燒蝦先要剪腳，大大隻蝦，燒到香脆嘅殼，加上陣陣香味，視覺同嗅覺都夠享受最出色就係貝類啦，清酒蜆，海蜆，半殼扇背，藍青口都係高水準，放題呢個價錢算係好抵！侍應姐姐不時都會行過黎幫手燒，服務貼心，值得一提嘅係，上菜速度奇快，唔駛好似其他放題荒死你賺咁，以蟻速上菜。呢間餐廳肯肯定係元朗區高回頭率之作！

係 facebook 見到有優惠，而得知呢間店舖，但我沒有購買優惠券，正常價錢幫襯。見到介紹咁特別，便提議到這裡同朋友食生日飯。第一次係 open rice 訂枱，唔太確定真係訂到位，於是致電“千賀水產”查證，whatsapp 店舖，他們很快便回覆我，而且很有禮貌。攞位時等一陣便可以入座，店員都很有禮貌。而且一入席，他們便放下一盆海鮮，是放左燒烤爐上燒的，有的海鮮還可以添加。除左磯燒食物，還有刺身及其他熟食選擇，仲有多款甜品，雪糕選擇，飲品亦有多款選擇，而且有啤酒任飲。本人覺得食物選擇唔太多，但可以接受既，海鮮、刺身都新鮮。$300/人，可以接受，但2小時太少了，畢竟燒烤需要時間。同埋枱面放了海鮮盆，不夠位置放食物。

每次週末行完山，都會與朋友一起食餐勁，把消耗的卡路里補回來，雖然減肥無效，但運動之後豪食一餐至少沒有罪疚感。所以食得也特別開心和放心。晚上七點多，餐廳內已經坐滿了食客，非常熱鬧。地方寬敞舒適，每一張餐枱都配有一個磯燒爐和一個抽氣。座椅是梳化型的，有軟墊坐得也感覺舒服。座位之間空間足夠，這就是剛進來的感覺。其實大家都知道放題一般都是吃什麼的了，也不用多加解釋吧，除了刺生、壽司、主食、卷物、天婦羅、燒物、揚物、鍋物等等之外，這里最值回票價的是海鮮磯燒，而且部分可以無限追加。我們今晚一共追加了四輪海鮮，各類海鮮甚是新鮮，感覺光是磯燒海鮮已經值回票價。另一值回票價之處是刺生：朋友特別喜愛吃刺生，而它的刺生新鮮選擇多，很快就端來了一大盆，上菜速度令人滿意。效率還是不錯的。天婦羅是剛炸出來的，上枱時還帶有熱度，吃起來顯得特別香脆，味道不錯。雖然磯燒沒有的蠔，本來還有少少失落，但想不到就採用了芝士焗蠔，反而另一番滋味。除了焗蠔，還有辣酒煮花螺，味道確實是又香又辣的，令人垂涎，花螺已經煮到很熟，輕輕用牙籤一挑，螺肉就出來了。食得挺是滋味。燒物之中的燒牛舌和露荀牛肉卷，我覺得甚是香口，特別是露荀牛肉卷，