千賀水產 (已結業)

日本近年好興食磯燒放題，現在元朗區都有一間:千賀水產!今晚拉埋好友M收工一齊去食9點後果場$218試下先!坐低不久侍應哥哥就送上海鮮頭盤有蠔，帶子，蟹蓋，蜆同蝦，自行放在旁邊的小小氣爐上燒!仲有幾款刺身，包括三文魚，甜蝦，帶子，希靈魚等。另外仲有sushi。有得自煮蟹粥，材料可加入蠔，蟹膏，海胆，幾特別，也好玩。有我最愛的燒牛舌，牛味濃郁，非常爽口，不過呢個唔使自己燒。瑞士雞翼煮得好入味而且好大隻，好食!飲品有多款選擇，啤酒都有幾款，我最鐘意Somersby Apple Cider。甜品方面有多款韓港雪糕雪條，另外凍櫃內有自家制甜品。