千賀水產 (已結業)

今日去食因為太肚餓所以無影相文筆唔係咁好，所以簡單講幾句食既時間係2017/08/13，1330坐底，1435 LAST ORDER，1500走人網上bking有88抑，每人$174埋單頭盤珍寶蠔相當有趣，當一隻蠔連腥味都無既時候我唔知當時食緊乜野頭盤既大蝦真係好大，食落好甜兼啖啖肉，好過癮頭盤以後既基本沒有可評性揚物同迷你鐵板成張單都叫晒，成張單都無伏，都係好食既蟹籽芝士BB薯就係肉醬意粉咁，只係轉左做薯仔，幾好食既芝士肉醬焗茄子，一開頭唔知朋友叫左，鎮店之寶級但D「生冷野」就開始黎料啦因為大蝦已經唔大，同普通海蝦差唔多SIZE刺身/壽司唔足單都算，坐底5分鐘落既單到最後LAST ORDER之後先黎到刺身呢邊更有趣既係，張單會自動縮水到無左幾個品種落左三次刺身先有6塊三文魚(我地當時4個人食落左8切，呢個數量唔過份姐下話？但都係無黎足8切)露荀牛肉卷係好食既，千賀焗黃金蠔隻蠔細到我都唔知講咩好成個用餐時間最好笑既係個waiter同隔離台講：「張單我地跟唔到，因為個師傅走左」總結當一間日式放題食店既刺身同壽司供應數量係咁不足既時候，我認為佢應該乾脆唔搞放題一行4人本來係打算主食放題，但

這天我帶朋友去元朗，到了晚上的時間，我們去了這間「千賀水產」日式放題，看見食物的種類十分多，店內環境非常寬敞和清潔。店內的顧客亦很多，我們便決定入去試一試。磯燒放題自己的食物自己燒，可以自己控制食物的生熟程度，這個想法頗新鮮，在外間的日式放題未試過。 大蝦十分清鮮甜美，大蝦燒到大約八成熟, 保留其鮮甜多汁的口感, 我比較喜歡未全熟質感柔軟的蝦, 燒得正合我意, 很好吃! 而蝦頭亦有少少肉和膏, 不容錯過。 鮑魚軟彈煙韌，鮮蠔清鮮甜美，蟹殻有濃郁的蟹膏, 放上烤爐同燒, 至半溶熱辣辣狀態, 那種鮮感和美味, 非筆墨所能形容, 我只能說, 有東京吃到的味道。炸魷魚本身我不太愛吃炸物, 因怕太熱氣, 也怕魷魚靭, 但朋友想試也點來吃吧。想不到這炸魷魚, 令我驚嘆。咬下去外皮鬆脆, 魷魚出奇地柔軟, 保留了水份。魷魚點上沙律醬, 更加滋味。冷烏冬 冷烏冬冰涼感平衡口腔的躁熱, 吃日式燒烤也可參考這個吃法, 我們叫了一個冷烏冬, 餐廳細心烏冬上有魚子, 烏冬好滑溜，魚子甘香清甜。整體來說，食物的選擇非常多，食物的質素非常高，食物的用料非常新鮮，上菜的速度延快，價錢相對非常合理，店員有

第一寫食評，其實都唔想寫，但真係頂唔順，d海鮮差到係臭的，個甲羅燒一望隻蛋壞壞地，算啦，d蠔細、瘦都算啦，燒完仲要腥臭，忍唔住同佢講，佢就有換其他俾我，換反嚟d蜆，有沙不特止，一交落口「臭」😖🤢，吐都吐唔切，刺身下d冰係溶到浸水一樣，帶子大隻細隻都一樣唔新鮮，雖然價錢唔係好貴，但都$300一個人啦，都唔洗差到咁囉⋯⋯，盤海鮮已經唔多種類架啦，仲要差到咁😩，天婦羅蝦叫做好少少，可以一食，牛舌也可，無啦！🤢🤢一定唔會再食。

今日去元朗探個FD個BB, 朋友介紹有間放題好好食又抵食, 於是我地決定一試, 因為LUNCH食放題都係第一次, 怕食唔到多野, 不過今次就獻出我地既第一次啦, WAKAKA….嘩嘩嘩, 原來有咁多人食LUNCH放題架, 爆哂棚, 好彩仲有位, 嚇死, 因為地方都夠大, 可以坐好多人.一坐底店員會先拎一盤海鮮給我們, 有珍寶蠔, 扇貝, 藍青口, 海蜆, 大蝦, 甲羅燒(有蟹膏, 蟹子, 蛋, 蟹柳), 燒其間可以落青酒, 海鹽一齊燒會更加野味. 蝦,扇貝,青口等…仲可以免費再追加架, 除左呢D海鮮仲有其他海鮮可以燒架, 有芝士蠔肉, 清酒蜆, (蟶子&鮑魚都係$28隻)另外我地點左蟹皇海膽粥, 會有個粥膽, 雞蛋, 海膽, 薑蔥等等….將全部材料放入鍋燒至沸騰, 之後倒入雞蛋攪勻, 食得, 個人應為落得太多薑, 好有薑味, 哈哈…..BUT味道OK的.係燒緊既其間緊係點其他放題必食既野啦, 我地叫點日式醬油雞中翼, 千賀焗黃金蠔(必食) , 露荀牛肉卷(必食-味道好夾, 唔會漏), 日式蟹皇翅, 仲有必食既牛舌, 牛肉生薑燒.印式咖哩香酥餅, 哈哈, 呢個堅好食, 雖然覺得會食到好飽

Book咗枱今晚同阿女食放題， 自己擺咗烏龍 睇錯日子，佢今日已經約咗同學睇日落， 既然係咁， 就搵阿仔頂上，講到食， 佢義不容辭🙈6:30去到已經好多人, 因為佢有一場係7時前離座$178, 好抵喎!餐廳好大 , 咁多人一齊燒海鮮都唔覺得去焗， 通風系統唔錯。 坐落侍應先畀一個海鮮拼盤你， 有甲羅燒，清酒蜆，鮑魚，大蝦，生蠔 ，海蜆。枱面仲有清酒， 可加入一起燒烤 ，加添美味大蝦好爽， 海蜆夠大隻又多肉。 磯燒海鮮，邊燒邊食，食到海鮮嘅鮮味，食過翻尋味， 我哋馬上追加放題唔少得刺身， 刺身夠新鮮又夠光澤，三文魚啖啖肉， 甜蝦我至愛， 肉質晶瑩鮮甜， 食完一轉又再叫熟食方面食咗必食嘅海老天婦羅同日式蟹棒天婦羅 ，外脆內軟， 仲有網燒牛扒 ，夠淋又夠牛味。本來想加多個蟹黃海膽粥，係自己煑， 不過又想食雪糕， 最後放棄咗。呢度汽水啤酒凍飲任飲 ，雪條， 波波雪糕， 韓國甜筒任食仲有甜品，西瓜同菠蘿， 好甜呀食到飽飽，捧住個肚走人了

今日同朋友入了元朗搵食一直都好想黎呢間磯燒放題。。因為之前有朋友都跟我說了這間放題價錢平。。而且質素又唔差。。最緊要係有得磯燒。。。可以燒下海鮮。。燒下蔬菜。。。食下非一般既放題位於元朗既美食街。。。門面很大。。遠遠都可以一眼望見門外清楚列明了價目而且有什麼食物。。我覺得呢個價錢食到放題同又有得燒海鮮 真是不錯。。。有多款不同的美食紙。。餐廳內有多款飲品任飲。。而且隻隻都好好味的。。。又有甜品跟沙律可以任食仲有超多甜品我跟朋友不停點。。壽司，刺身，炸物，天婦羅全部都很好多。。新鮮又衛生而且十分欣賞餐廳的上菜速度。。。基本上一下單不久。。。食物便快速送到。。而且我們所點的數量跟店員送上食物的數量是一致。。不用怕點完但沒送的情況會發生。。當一坐下時。。店員已送上弓盤海鮮來給我們燒內有大大蝦，青口，蜆，扇貝，蟹。。。十分吸引。。。當吃完這些海鮮後。。。仍可以在點餐紙上繼續點海鮮類。。慢慢再燒十分吸引可能我們坐得較近收銀。。這次十分幸運地有店員為我們燒。。因我看到其他食客都是自己燒自己食。。。可能店員看到我們兩個女生。。而我朋又是大肚的。。。所以便為我們燒下。。蝦大大隻。。而且十分彈牙肉厚我最

加一後每人$216，其實個朋友係yahoo買左$138好似好抵咁但又加幾十蚊服務費又加一，其實團購唔算抵。呢間野唔算伏，但可以講呢個價有其他更好選擇。呢度有藍戰神雪條好驚喜，海鮮黎講，鮑魚唔新鮮臭臭地，扇貝好細舊，蟹蓋兩個人分一個，無乜特別，個蝦幾大幾新鮮爽口彈牙。刺身好普通唔算鮮味，牛舌幾好食。其他野食好普通。

又到週末～ 相約好友到其元朗家中探BB。探畢，朋友介紹了舊B仔附近的千賀水產，表示其任食磯燒海鮮質素不賴，還有老少咸宜的日式放題，性價比高，難得來一趟元朗，實在不可不試。餐廳不難找，門前擺放著各類易拉架以及介紹。一入座，侍應便迅速開爐，隨即奉上海鮮拼盤。開爐之後，侍應還會主動幫忙處理海鮮，幫忙跟進磯燒。既然海鮮還需要等一等，那我們就先嚐一下刺身了。三文魚，油甘魚，甜蝦，帶子，象拔蚌，榮螺片，這一系列的刺身都是大家耳熟能詳的，夠新鮮，乾淨度也不錯，我們前後都encore了兩輪呢。壽司的選擇也不少。蒲燒鰻魚壽司，火炙皇帝蟹棒壽司，千賀焗黃金蠔，海老天婦羅，日式蟹棒天婦羅，出品重質，像焗黃金蠔吧，還限定了每人只可點一隻呢。香口的炸物也不能錯過。一口芝士，外脆內軟，一啖咬開，滿口芝味。迷你有機紫薯餅，則更多了一份香甜。另一款小食，蟹子芝士bb薯，也是不錯的選擇。bb薯焗至香脆，煙肉與芝士均是容易產生膩感的食物，加入了蟹子，既balance了膩感，同時也豐富了口感。另外，我們還試了千賀麻辣煮花螺，網燒牛扒，露筍牛肉卷，菠菜玉子煮，胡麻醬冷烏冬等小食，各有千秋。麻辣花螺頗惹味，可惜吮起來略有難度。

最近愛上了在元朗發掘不同的美食，今次選擇了的是有別於一般放題，以磯燒為主題的放題餐廳，千賀水產餐廳的位於西裕街，就在西菁網球場對面，比較容易找到。餐廳雖然不在熱鬧的大街，可是也有很多人慕名而來，非常爆滿，我和朋友訂了位也得等候約15分鐘才獲安排入坐。餐廳門面自選刺身拼盤自選刺身拼盤如下: 三文魚，刺身蝦， 八爪魚， 帶子及螺~三文魚鮮甜肥美， 蝦新鮮爽甜 ，  八爪魚爽而煙韌 ， 帶子鮮甜多汁， 螺彈而不韌， 相信每個食客也必叫自選刺身拼盤。海鮮拼盤兩人以上入座餐廳會先送一個海鮮拼盤，拼盤有海蝦，扇貝，帶子，青口，鮑魚及甲羅燒，非常豐富製作磯燒海鮮的時間比較長, 用炭火慢慢把食物燒熟，能有效地保存了食物的鮮味，本來餐廳的店員會為顧客製作磯燒海鮮，可是當天因為店舖太多人而需要自己一手一腳燒海鮮。海蝦比平時吃的比較大隻， 而且爽口彈牙， 我們把大蝦燒到見其蝦身變成橙色便已經足夠了， 保留蝦身內的水份 ， 咬落去鮮甜多汁， 質感柔軟， 蝦味香濃， 我們都吃得津津有味~扇貝燒的時間比蝦再要長， 單是賣相已經十分吸引， 肉十分厚身， 磯燒後鮮甜多汁， 肉質鮮嫩， 質感和味道在我而言有九十分!半熟

星期六難得放假，同友人一齊試下尼間《千賀水產》。好幾次夜晚經過都見到好多人，下午就比較少人，唔駛訂位都得。話明係磯燒，每張枱都有個爐，仲會送海鮮拼盤。拼盤有大蝦、扇貝、蜆同蟹甲羅。燒到半店員仲幫我地睇下熟未，又幫我地剪開蜆殻，費事隻蜆爆開，服務唔錯。大蝦燒完都幾爽口，蜆加埋清酒仲好食。除左拼盤仲有其他海鮮同蔬菜可以叫。蟹皇海膽粥食落好鮮味，值得一試。 放題又點少得魚生同壽司。因為有燒海鮮，所以冇叫好多。魚生size唔算厚，不過樣樣都新鮮同鮮甜。 好多時放題既燒物同炸物都普普通通，但尼間令人為之一亮。推薦網燒牛扒同露筍牛肉卷，牛味好濃，仲完全唔韌。天婦羅粉唔會太厚，炸一口芝士咬落去芝士味整濃，中意芝士既朋友要試下。 出面有好多前菜可在拎，仲有自助沙律。而飲品都有好多選擇，連啤酒都係任飲。想飲熱飲既朋友都有茶包可以揀。甜品方面都有好多種類，但比較甜。不過仲各種包裝雪條、雪糕可以揀。 尼間放題食物質素唔錯，仲要有好多選擇，一家人一齊黎都可以滿足到大家既口味。

改左做千賀水產後都未黎試過，是晚放工後約埋阿爸阿媽黎試下先，食九點時段，一黎平啲，二黎又就啱放工時間入座即送海鮮盤一份，按人頭計，是晚四個人就有咁大盤了。有大蝦，手咁大隻嘅蜆，蠔，鮑魚同蟹蓋，極新鮮同新甜，真係勁正店員幫手剪蝦鬚同燒，個爐細細但又幾好火，燒gas的，要睇住一無gas就要求店員換啦。話咁快已熟左七成，等多陣就食得，蝦肉又爽又彈牙，不點醬料都已很鮮甜，食到阿爸舐舐脷刺身勁新鮮，鮮甜無雪味，份量比足又厚切，encore左幾次。壽司最愛火炙系列，叫左三文魚同鰻魚，encore左好幾round，三文魚好肥美，成口魚油超正。露筍卷又係正野黎，爽脆甜露筍同燒得甘香嘅豬肉一齊食，又鮮又嫩。牛舌也是最愛，厚切爽嫩，少少黑椒調味已經夠。菠菜蛋？唔記得叫咩名了，翠嫩的菠菜吸了蛋醬芡汁好好味，仲有大量蝦籽勁爽口。燒好的鮑魚，熟了size都不少，又爽又鮮甜，咁燒法都無變韌，正呀！仲有叫個蟹蓋又係好味到無野講，蛋汁，蟹膏，蟹柳，蔥等混埋一齊，又甜又滑，仲有濃濃的海味味道，兩個人share剛剛好。甜品櫃又係好多款揀，蛋糕仔，布丁，啫喱等，細細粒剛好可以試多幾款，又綿又滑。仲有不少雪糕杯，甜筒，雪條等

哩間水產店既前身都係一間放題店，點知開左兩年我都仲未有機會試，就轉左做哩間以水產加放題做招來既磯燒食店！磯燒喺元朗區黎講真係好少見，襯佢開左冇耐就一於試下！我同朋友六點鬆d到，已經見到幾乎滿場！原來七點前離座每人唔洗$200，計落都幾抵食嫁。一坐底，店員就主動同我地講會上左一盆海鮮拼盤先，其他海鮮再自己剔紙仔。哩個拼盤好正！有海蝦、鮮鮑魚、貴妃蚌、蟹蓋同埋生蠔，哩盤海鮮真係夠哂鮮，鮑魚同貴妃蚌最正😋鮑魚肉質夠淋又有彈性，貴妃蚌大大隻夠爽口又夠鮮甜！刺身… 三文魚刺身雖然唔係好大片，但就好厚身！味道新鮮有三文魚既油脂香。另外榮螺片同象拔蚌都好爽口，甜蝦亦唔差，蝦頭仲有唔少蝦膏嫁！壽司…我鐘意哩度既壽司，因為我覺得放題既壽司一定要飯少！而且佢俾我既感覺係新鮮整，壽司飯微微暖，上面既魚生就好新鮮！芝士肉醬焗茄子…哩個係unexpected咁好食，因為出面好少會咁整，茄子整得夠淋，但又唔會夾到爛，配上滿滿蕃茄味既肉醬同拉絲芝士，係一個可以送十碗飯既小菜😂😂蟹子芝士BB薯… 本身以為係日本蕃薯仔，其實原來係炸香左既薯仔粒！上面就鋪上拉絲芝士同蟹子！又一新驚喜，不過就油膩d，最岩三、四個朋友開心s

今次黎千賀水產，食放題嘅策略同平時唔同。以前成日食放題，會集中食刺身。今次反而食多咗磯燒同唔同嘅肉類，可能係由於中午食放題，所以想食多啲熱野。千賀水產嘅嘢飲、沙律、蛋糕、雪糕係自助式。雖然日光日白，既然食肉同海鮮，都係要攞罐啤酒嘆下。佢哋有啤酒同黑啤選擇，我今次飲嘅係啤酒。雖然啊唔係主力食刺身，但係都係以刺身做左頭盤。三文魚、螺肉、帶子、希靈魚同甜蝦唔錯，encore 左。喺博殺放題嘅時候，不妨起定個爐，慢慢燒下海鮮同蜆。清酒煮蜆值得推介。平時叫呢一個蜆係由餐廳做，今次自己可以睇住個蜆熟，即開口、即食，所以夠新鮮。燒大蝦必食！蝦肉又厚又脆，一隻接一隻。揚物，即炸野叫左一大盆，上枱時都嚇親自已。我叫咗炸紫薯、雞軟骨、黑毛豬洋蔥同一口芝士。最中意係紫薯同炸雞軟骨。炸完之後啲油都過得幾乾淨，雖然食咗一大盆炸嘢，都唔覺太油膩。為左健康，我都食咗沙律同埋炒雜菜。燒物我叫左牛舌同牛柳。牛柳上咗一層甜甜既醬汁先燒，幾好味。最後食埋壽司先收手。三文魚、火炙三文魚都係我既最愛。甜品方面，呢個藍莓雪糕好清新。用咗藍莓果汁做，所以含天然果汁嘅酸酸地，用黎助消化一流。總括來講，呢度百幾蚊食個午餐自助餐，選擇非

呀豬生完baby，重出江湖。入元朗同朋友食磯燒放題，正！環境舒適， 每個爐上都有抽油煙機，d味唔會谷哂係身度。一睇點菜紙見到好多選擇， 除咗有飲品自助區更有沙律吧飲品選擇多樣化，左手邊就是啤酒汽水，右手邊則是茶類飲品仲有韓式茶類添呀，推介龍井茶和蘋果紅茶， 龍井茶能夠清一清每次進食後的味道， 蘋果紅茶則較甜有很重的蘋果味。食小小開胃刺身， 甜蝦肥美鮮甜， 八爪魚＆鮑片厚薄彈牙， 帶子好soft食住等過海鮮拼盤， 之後馬上有服務員為我哋燒， 仲好細心剪去蝦的觸鬚 。蟹蓋，扇貝，帶子， 生蠔 都非常鮮甜美，落左燒酒和海鹽，最緊要d海鮮無腥味同沙蟹蓋需要燒耐d， 好食既嘢，果然需要時間等待，食落去特別好食，好creamy呀之後又食啲壽司， 火炎燒三文魚 、蟹棒壽司、燒牛肉壽司， 個人特別喜歡蟹棒壽司搭配沙律醬，很好吃很開胃，我仲點咗兩次呀。海鮮燒得7788，又叫了第二波， 每次燒帶子後都覺得非常鮮甜， 口感鬆軟。 蜆肉再搭配燒酒非常濃味，一試難忘，馬上叫第二盤。除咗炭燒海鮮外，又叫左d熟食也值得推介， 尤其喜愛芝士或薯仔甚至肉醬的朋友。蟹子芝士bb薯， 芝士可拉絲， 薯條配搭茄汁芝士十分一流

千賀水產，日式放題，位於食肆林立的元朗。不要小看元朗的這間放題店，即是中午時分來吃放題，客人也是滿滿的。刺身、壽司、揚物、串燒、磯燒、天婦羅、麵食等，一應俱全。自助形式有沙律、螺肉、飲品、蛋糕和雪糕。刺身方面，質素還算不錯。必吃的三文魚、希靈魚、甜蝦、帶子、象拔蚌，算得上新鮮。還有八爪魚、油金魚、螺肉。建議大家每樣都試吓，選出自己喜歡的一種刺身。剛炸起的天婦羅，是我推薦的美食。帶着淡淡的雞蛋麵粉香，不油不膩。有蟹柳和炸蝦。芝士焗蠔，吃得出蠔的鮮味。四人便會有一大盤，供磯燒的海鮮盤。蟹豪要先和蛋汁混在一起，風味更佳。大蝦夠新鮮，其彈力十足的肉身必定讓你難忘。還有各種各款的貝類，清酒煮、直接燒等，海鮮迷光吃這個就夠滿足吧！生冷的吃得多，不妨試吓呢個麻辣田螺。我也試了這個魚翅湯，哈哈，暖下胃的碗仔翅，裡有雞肉，冬菇。甜品，我推薦大家吃藍莓芝士蛋糕和藍莓雪糕。