十大碗粥麵專家

營業中

休息中

第一次食這間位於太子的「十大碗粥麵專家」店子小小但乾淨裝修也很特別。走進店子當天不算太忙，也有卡位坐呢。剛好坐著卡位向上望了一會兒，牆上的壁畫設計得很好，我真的望多兩眼。望望有自家制的酸蘿蔔覺得很出奇，沒有想過有酸蘿蔔吃，試一試味道甜甜微辣也不會太酸，好食過外面其他賣酸蘿蔔的店子，我很怕酸的但這個味道剛剛好，我很喜歡。酸辣蘿蔔配枝裝可樂真的一絕。店子食品價錢合理也不會太貴，有一些特別的腸粉和粥品，我還第一次看到有豬心粥和火鴨絲豬潤腸粉吃呢，我決定一試。先來的是火鴨絲豬潤腸粉，皮薄足料，咬一口腸粉很嫩滑彈牙，我也沒想過原來火鴨絲跟腸粉是可以這麼的夾，有驚喜。再來的是豬心粥，豬心很大件而且有五件，咬下去十分彈牙而且飄出淡淡酒香，豬心清洗得很乾淨沒有豬臭味，值得一讚，酒香的味道相信是加了些燒酒處理吧，對我來說這個豬心的味道真的很驚喜，從來沒有吃過如此好吃的。我們兩個人吃到很飽埋單都只是百多元，格錢合理。今天在這店子吃出很多驚喜，我真的很喜歡這個豬心粥，這店子十分值得介紹給朋友吃，我相信一定會常來這店子光顧。

在附近一帶找吃的見到這店不用等位便進來一試！這店新開業不久..裝潢都好新簇光猛還有些特色的壁畫！每張桌上除了調味料外還有一大瓶的醃蘿蔔供客人隨意享用醃蘿蔔酸甜酸甜的，夠爽脆，令人開胃的前菜小食！我和老公分別點了魚蛋河及雲吞麵還點了蠔油菜心及白灼豬什！魚蛋河，魚蛋size大粒，份量足夠魚蛋四四方方的，爽口彈牙，不算好滑身，但略有魚味～～河粉爽滑，不會煮得過稔～湯底夠清甜，沒加上蔥花也不會失色雲吞麵，跟足傳統的將雲吞放底，麵在面，以避免幼麵被湯浸稔雲吞皮薄餡料足，剛好是一口能吞的size蝦仁爽口～～幼麵麵質爽彈，而且不會太重鹼水味！！蠔油菜心，正常質素菜心不會老，也沒有苦味白灼豬什，有此菜式的粥麵店都不多要將豬什處理乾淨的步驟也是繁複要清理得好乾淨，豬什又要夠新鮮，白灼才不會有豬羶味！豬什包括豬心﹑豬膶﹑豬腰﹑豬肚及粉腸等各款豬內臟整碟豬什的確夠新鮮，不會灼得過火，質感鮮嫩爽口豬腰爽脆無羶味，豬肚夠稔滑，粉腸彈牙帶粉香而沒苦味唯一的缺點是我覺得豉油略鹹了一點本來將豬什夾著蔥絲再醮豉油吃，是更能提升鮮味的那就唯有不醮那麼多豉油啊！整體而言，對這店的食物質素都覺得滿意價錢又不會太貴～值得再光顧

晚飯時間行過呢間小店，鋪面幾靚但係食傳統港式粥麵，望見會坐得幾舒服，又平平地咁就揀左係呢度晚餐。好靚既壁畫，有心思！呢個餐前小食，勁好味！平時唔食酸蘿蔔的我，食左十粒先黎一碟郊外油菜，幾新鮮。男朋友叫左南乳豬手雲吞撈麵，南乳豬手有水準，雲吞雖然細細粒但又幾足料。我嗌左碗豬潤魚腩粥唔記得左影相豬潤煮得好滑，魚腩肥美，粥底好綿，黎呢度食野一定要叫粥！！極度為食的我們仲嗌左兩份小食蝦腸：勁多蝦！足料！蜆介綾魚球：我唔食的，男朋友食，佢話炸得好香口！第時想食粥我都會揀番黎呢間食

今日放工後好肚餓，行道黎到太子十大碗粥麵專家，見到鋪面幾光鮮，佈置幾特別就入去坐低。見到隔離檯D野食質素好唔錯，於是就大開食誡，結果真係有驚喜。首先我地嗌左南乳豬手拼雲吞撈麵，豬手一分為二都幾大隻，南乳好惹味，撈麵一流，雲吞好滑，D蝦好鮮甜，皮薄餡靚，手工精緻。叫左個我最愛嘅蝦腸，晶瑩剔透，超嫩滑，D蝦好大隻下，呢碟蝦腸我比佢滿分。跟住黎一碗豬潤拼魚腩，豬潤爽脆，魚腩肥美，粥底好棉好鮮甜。炸蜆芥鯪魚球，外皮脆噗噗，裡面鯪魚肉好多好彈牙。再叫埋碟菜心，今餐真係好完滿，叫左咁多好野食都係每人80蚊埋單，真心會推薦比朋友試下。

今日係附近工作完，約左朋友一起食晚飯，無預先想定要吃d咩，於是就邊行邊睇有咩好吃，朋友想吃清淡d，呢頭都係火鍋比較多，就只有呢間係吃粥粉麵。鋪面燈光光亮，坐位很寬敞。太肚餓啦！一坐底就看到要吃什麼了，來一個雲吞炸醬撈面吧🍜🍜！還點左一杯豆漿。在等待既期間，就食左d酸葡萄，很開胃，它的酸甜度剛剛好。👍🏻👍🏻撈面很快就來到了，湯底清甜無味精，面質很彈牙，雲吞裡面的蝦很大顆，炸醬亦很好吃，帶點微辣😝！朋友點左一碗雞粥和蒸蝦腸粉，讓我試了一啖。粥是很綿綿的，腸粉也很軟綿綿。這腸粉我很喜歡食，這種軟綿綿既口感和彈性很久無遇過了，一般係其他地方食既都是只有軟或者只有彈，但係又軟又彈既真係第一次啊！😄😄👍🏻我很快就吃完了，份量對我來講剛剛好，再和朋友分一半豆漿飲，剛好吃飽！離開店子時，老闆都很好人，叫我們下次再來呢～😊😊

今天約了朋友在太子吃晚飯，吃了很多天油膩的東西。想要吃簡單清淡一些，🧐🧐就再網路上找到這家吃粥面腸粉的～店裡都非常簡潔，燈光很光猛的，我們看了餐牌一會兒～我就點了一個雞粥和蝦腸試試看，朋友點了炸醬雲吞撈面和一支豆漿！在等候食物到來的時候店員給了我們一樽酸羅白，這個很清新啊🌱🌱，一吃就停不了口😛😛我的粥來到了，粥是非常綿綿的！😍😍腸粉也是很滑嫩，🍤🍤蝦超大顆的！😋😋試吃了朋友的撈面，炸醬是微辣的，他說麵條很彈牙，很好吃，哈哈！😝😝🥛豆漿就倒出來一人喝一半～ 還有邊吃邊看電視！這裡的環境和服務都不錯，老闆親自坐鎮店子～整體都質素很高啊👍🏻👍🏻！推薦喜歡吃粥面腸粉的朋友。吃飽飽以後才吃數顆酸羅白才離開，個酸羅白不知有沒有買走呢？哈哈😛😛

下午行經界限街，見到有間雲吞麵店，口痕之餘又餓餓地，入左黎呢間十大碗!原本以為佢只做麵食，但原來係傳統中式粉麵店，有埋粥同腸粉另外仲有淨食同小食~傳統中式粉麵都一定會有自家既醃製蘿蔔酸，呢度都唔例外!叫左碗及第同淨水餃雲吞，慢慢食下蘿蔔酸呢度既蘿蔔酸幾開胃，蘿蔔爽口，唔會浸到好酸，而且微微帶甜，有少少辣椒香但唔辣，幾好食話咁快淨水餃雲吞就有得食了~平時食中式粉麵少食淨食，因為叫左碗粥但又口痕想食雲吞先點淨食份量黎講應該同平時粉麵店一樣，每款有三隻~ 水餃皮同雲吞皮都幾薄身，望落幾通透又無煮爛D皮雲吞不得了~肉香唔算濃，因為主力唔係肉係蝦，原隻蝦肉，爽口彈牙，而且醃料唔太咸，食落幾鮮。味道同口感都好好水餃同樣出色，水餃都係蝦為主，但佢多左荀同木耳，食落更爽口! 不得不說水餃同雲吞都皮薄餡靚而且大大隻，好食!及第粥非常驚喜! 因為真係超足料，而且材料都大大舊，見到都開心~豬潤唔洗講~大大塊又夠厚，煮得岩岩好，食落爽脆嫩滑，中間仲有少少粉，超香口另外少見既係大大塊豬心，豬心都係爽口野，又甜又爽口，比豬潤更有口感粉豬同豬肚都整得非常好食，材料都煮得夠腍，最緊要係冇異味，粉豬同豬肚處理得唔好或者

今天幫媽媽去太子花墟買黃蓮花，不過買之前總要吃個午餐，剛剛睡醒一會嘛，於是隨意在附近找間粥麵店，簡簡單單的吃碗粥，喝杯豆漿，已經可以很飽足。一坐下，我看見一大瓶酸蘿蔔，這酸蘿蔔作為開胃前菜很不錯，酸香爽脆，只吃一，兩顆酸蘿蔔絕對不夠，起碼要夾一小碟吃，哈哈。鮮鯇魚腩粥用料豐富，足足有三大塊鯇魚腩，魚肉沒有調味，保留了最原始的新鮮甜美，魚皮具彈性，魚肉細嫩，骨刺不多，粥煮得綿密極致，熱呼呼的，在秋涼時吃熱粥特別暖身。愛吃魚的，小食炸蜆芥鯪魚球亦不可錯過，鯪魚球被脆脆的米通包裏著，炸得金黃可口。飽滿的鯪魚肉鮮味十足，彈牙之餘又肉汁滿溢，沾點鹹香的蜆芥醬汁，更是滋味無窮。雖然我點的是枝裝豆漿，但這裡卻提供杯子盛豆漿，免用吸管蠻環保的，而且用杯子喝豆漿較方便，我挺喜歡這做法，豆漿不死甜，甚具豆香。

鋪名好特別叫十大碗，拎起張菜單一睇真係有十道招牌菜式，旁邊都有隻碗，店主起舖名果然係別具心思，就試下你啲招牌菜。招牌炸醬撈麵味道微辣，炸醬用瘦肉製作，面底口感爽滑彈牙，兩者配合度極高，非常惹味可口。招牌豬潤粥，粥底超綿，超足料，豬潤十分多，厚身豬潤口感爽口。招牌炸兩，薄薄嘅腸粉皮包住脆卜卜嘅油炸鬼。新鮮製作嘅腸粉，口感滑溜，油炸鬼更是油而不膩。店內仲有免費嘅醃蘿蔔，用辣椒同醋去醃，口味清爽，微辣，蘿蔔無渣，好味。

鋪頭名叫十大碗而餐牌上亦出現十樣招牌菜式，而每一樣招牌菜式旁邊就有一個類似碗仔嘅圖案，同店舖嘅名相得益彰。而價錢公道，經濟實惠。餐廳亦推出飯餐，經濟實惠。而兩樣飯餐都係店嘅招牌，係牛腩同豬手。招牌炸醬撈麵附上一碗湯，份量適中。超正嘅豬潤粥，一碗起碼有5舊，而且仲係大大舊嘅。油炸鬼食落超脆，仲有香滑嘅腸粉包住。令人一食再食。 仲有好少見嘅蝦籽芥蘭，有爆多嘅蝦籽，蝦籽味道鮮美，而芥蘭甜冧，加上蝦籽，味道配合，好有特色啊！大大罐嘅自家製醃蘿蔔，味道仲好好呀。餐廳舖內乾淨，寬敞舒適，當時去就無乜人食，好似間隱世舖路咁。

平時食得太多油膩野，有時都會想食返啲清淡少少嘅粥。所以特登去左「十大碗粥麵專家」食粥。今次我叫左及第粥食，都幾足料。入面啲豬肝同豬粉腸幾夠味，唔會有種令人唔想食嘅味道。配料都好足。另外，我仲叫左一碟炸兩。每次係出面食粥我都會叫炸兩，好味嘅炸兩可以為成餐飯加分。仲有一樣值得表揚嘅係每張枱面上都有一罐自家製嘅酸蘿蔔粒，酸酸辣辣咁好開胃。朋友叫咗一碗片頭河粉，睇落好似好細碗，原來都幾夠分量。我哋仲叫多咗一碟油菜，啲菜好甜，點唔點蠔油都好好食。下次我再想食清淡嘅嘢我都會選擇十大碗粥麵專家

今次同朋友黎食呢間十大碗，叫左雲吞麵，蝦子撈麵，鯇魚片粥同埋炸兩。首先講左雲吞麵先，一碗有四粒雲吞，唔係好大粒嗰隻，但十分足料，每粒雲吞都有兩三隻蝦係入面，而且啲蝦好爽口，調味亦恰到好處。個麵煮既時間適中，湯底較平時食既濃少少，但食完都唔會好口渴，唔錯。$30黎講算係性價比好高，不過份量唔大，如果男仔應該要叫下其他野食先夠飽。蝦子撈麵同雲吞麵個麵一樣，都係爽口，煮得唔錯。除左蝦子，佢重放左啲蠔油係碟邊，同埋個份量係啱啱好比一個麵既，撈晒都唔會太咸。而撈麵個湯同雲吞麵個湯係唔同既，撈麵嗰碗湯係深色啲同濃味啲，我加左少少落去撈，同個麵既味好夾。不過食完蝦子撈再食返雲吞麵會覺得雲吞麵淡味左，所以下次可以食完湯麵再食撈麵。鯇魚片粥個粥底幾好食，唔知係咪因為用左瑤柱白粥，好似多左啲香味咁。鯇魚片係完全無骨嗰種，去其他鋪頭食鯇魚片有時會食到啲細骨，真係好麻煩，所以無骨真係好加分。炸兩個皮好薄，重要唔會好似平時嗰啲咁個皮根本就唔係包住條油炸鬼，呢個位抵讚！而且油炸鬼都好脆。唯一唔好係偏油，不過食得炸兩都避唔到架啦。另外，每檯檯面都有樽醃蘿蔔，酸酸甜甜咁，可以當開胃前菜，或者食完野清新下個口腔。呢間既

近排天氣開始轉涼，食碗粥暖吓身就最啱啦，今日晏晝經過太子，見到一間店叫十大碗粥麵專家。 就入左去。整間餐廳佈局整潔，座位舒適，菜單也簡潔分明，分為湯麵類、撈麵類、粥品類、即拉腸粉類、小食類、飲品類等。點了狀元及第粥，再加一個炸蜆芥鯪魚球既小食，有四粒。點完菜之後，店員貼心提醒我枱面上有酸蘿蔔，是免費的，裡面有白蘿蔔、紅辣椒、青辣椒，作為餐前小食夠哂開胃，酸味味、卜卜脆的非常可口，感覺不錯。生滾及第粥 (32元)生滾及第粥要做得好味，一定要用料新鮮，呢間做得唔錯，豬肚夠厚身、粉腸夠淋、豬潤夠滑、豬心夠爽，火候恰到好處，而且粥底煲到軟綿綿，由頭食到尾都唔會變粥水，有飽肚感夠滿足，超出一般連鎖店貨色一大截。炸蜆芥鯪魚球(28元)鯪魚球大大粒，外脆內軟，外面有一層炸過既米粉碎黐住，咬落去鬆脆可口，裡面嫩滑得嚟好有彈力，而且裡面既魚肉應該有獨門秘方，見到有啲一粒粒好細嘅材料釀在魚肉之中，估計是蝦米和果皮剁碎咗放入魚肉中攪勻，讓整體口感變得豐富，再加上蜆芥醬帶出鮮味，蜆芥醬裡面細細粒嘅蠔仔都好好味，值得推薦。

下午時間行開太子附近，成日都諗唔到食咩好，係openrice 搵到呢間十大碗粥麵專家，食完真係覺得唔錯我點左牛腩魚蛋撈麵，魚蛋湯是另外上的，呢間的腩汁同平時食的唔一樣，有好濃的五香同埋牛肉味。幼麵撈麵上唔會太淋，夠爽口。魚蛋跟湯另上，夠彈牙另外，因為太肚餓定太口痕，所以仲點左一份炸魚皮，魚皮好脆，又夠香口😆 跟多碗清湯比我點黎食自家秘制菜脯，必食！！呢到好仲好在有得用八達通埋單，夠快夠方便，我鍾意！

今日約咗朋友去太子食飯👭，因為好耐都未食過魚片頭河，突然之間好想食🤤，所以就同朋友去咗十大碗食晚飯😋。一去到十大碗，就感覺到舖頭既燈光非常光猛😀。而且店員都非常有禮貌😌，仲問我們要不要吃小食酸蘿蔔呢!😳 (呢間店既酸蘿蔔真係非常好食😍，我哋坐低咗唔夠十分鐘，已經食咗半槽喇~😂🤭)我自己叫了一碗爽口片頭河，而我既朋友就叫了及第粥。啲魚片頭真係非常彈牙爽口，勁好味吖~我朋友話佢碗及第粥都非常足料。😚我哋仲叫咗一份郊外油菜，同埋一碟炸兩。兩碟配菜既味道都好適合我哋口味。一向對食有執著嘅我😎，都覺得十大碗嘅食物做得好出色!👍下次嚟太子，我一定會再黎十大碗食魚片頭河!🙌