十大碗粥麵專家

營業中

休息中

晚上經過太子，周圍搵嘢食。有一間粥麵餐廳，叫做「十大碗」，裝修唔錯幾新淨，所以入去試吓。居然比我意外地發現到一間唔錯嘅餐廳！侍應雖然後生，不過都非常友善。老闆都好好人，解釋、介紹菜單俾我哋聽。原來個湯都唔錯，而且有來自胡椒粉的少少辣味。荔灣艇仔粥🍲（$28）粵港特產！一邊有豬皮、花生、牛肉碎、魷魚、蔬菜絲、魚肉、香蔥等等材料，因此味道非常豐富。每一啖沸騰嘅粥入邊，都有豐盛嘅材料。炸魚皮🐠（$18）傳統潮汕小食！外表有完美、鮮明嘅黃黑漸變色，酥脆沒有腥味，但保留香香嘅語氣味道。每一件大大塊，正過出面便利店超市買嗰啲幾十蚊一包多多聲！左邊有一大碗湯，章魚被浸落去，可以聽到清除嘅卜卜卜卜卜聲😁✨芥蘭（$16）清爽嘅芥蘭，下邊有新鮮嘅菜有，有面油蠔油蝦籽撈麵🦐🍝（$38），加底！（$5）蝦籽撈麵到都係依間餐廳其中一個嘅推介。麵餅爽口彈牙，滿滿棕褐色蝦籽香噴噴，灑滿咗喺撈麵上面！咬落去每一啖都可以咬到蝦卵，配合右面嗰碗上湯一齊食，可以有唔同嘅風味。蝦籽係微鹹且淡淡海味，但就咁食蝦籽撈麵有啲掛，需要配搭其他小食或者餸菜，不過撈麵本身亦相當吸引！另外靚鴨蛋麵加底都係$5 ，又細又Q口，記得唔好放過😋

難得放假梗係瞓到自然醒啦 起身嘅時候已經係晏晝嘅三點肚仔餓了 喺屋企附近嘅粥麵店食番個下午茶先36蚊一個下午茶餐 幾抵食喎星期一至五 下午兩點半至五點半 提供下午茶餐大致分為兩類 麵餐及粥餐可選油菜一碟或飲品一杯荔灣艇仔粥好耐都冇食過又綿又滑嘅粥啦。估唔到價錢咁平 碗粥都可以咁足料有魷魚，豬皮，豬肚，鮮魚片，肉碎，花生……加啲胡椒粉食更惹味另外叫多個即叫即整嘅炸兩$25 一食就知道個炸兩超新鮮 中間嘅油炸鬼係即叫即炸嘅 入口非常鬆脆 外皮嘅米漿又薄又柔軟旁邊仲有好多配料 自由配搭麻醬，甜醬，辣椒醬 係食炸兩 醬料三寶檯面上面仲放咗一間自家醃製嘅酸蘿蔔超開胃嘅生醃蘿蔔 味道又酸又甜 忍唔住食完一舊一舊呢度嘅粥品確實不錯 粥底綿滑 材料豐富 價錢抵！！ 好食嘅炸兩而家好少有 竟然今日有幸食到 確實是美好的一天！！

相約朋友在附近唱K，距離有一段唱K時間，於是到位於太子吃一個輕便的午餐。這間店裝橫新式，外面看似很小的一間，進去後，座位都頗多，枱與枱之間都算寬闊。我點了一碗柱候牛腩湯麵（幼），加一份郊外油菜（菜心），再加一杯凍奶茶。首先，柱候牛腩湯麵的湯底一上台，味道很香，喝一口湯底非常入口，幼麵質感可以，牛腩的大小剛剛好，也易入口，很好味，這一款非常有驚喜。另外，郊外油菜聽店員推介，要了菜心，上台後，菜心顏色是綠油油，感覺很新鮮，菜心也很甜，不錯推薦，而且量剛剛好。凍奶茶如果點了小菜或粥款都可以以$10加購，所以也點了來喝，奶茶也香滑。台面上也有免費醃蘿白提供，味道不錯，酸酸的，很開胃。值得一讚，店員都很熱情，也會自動推薦食物，我們離開時也向我們道別。我在享用午餐時，聽到很多人都外賣撈麵，下一次再來時我會試一下撈麵。

呢到環境唔錯，安靜舒適，唔似一般茶餐廳，座位闊落，乾淨企理，冷氣足夠，仲有幾幅富有香港特色的壁畫。檯面很整潔，等野食嘅時候發現檯上有樽白雪雪嘅野，本來以為係砂糖，原來係酸蘿蔔，店員係我地坐低個陣放低左隻碟仔，我就夾幾粒放係碟到食，蘿蔔凍冰冰，好開胃，好清爽！柱侯牛腩幼麵（$33）腩汁好香濃，牛腩同牛筋都幾淋，幼麵煙un有咬口，食落啖啖都有好香嘅腩汁味。不過食得多就覺得有啲漏，呢個時候食返粒冰涼嘅酸蘿蔔，開胃解膩，係最佳配搭！蝦籽撈麵（$38）好多蝦籽，食到一粒粒嘅口感，好香蝦籽味，份量有啲少，如果有得配雲吞就更好了。麵質出色，很爽口。炸蜆芥鯪魚球 細（$28）重點推介！！鯪魚球即叫即炸，上碟時熱辣辣，仲大大粒，表面有啲脆米，甜甜地，令味道更豐富。蜆芥汁好濃好香，偏鹹少少，鯪魚球外脆內軟，99分！必試！

今日約左朋友係新世紀睇戲，見仲有時間又餓餓地，自己想食下麵就去左附近十大碗到食。一入黎吾知點解覺得店員好有台灣人甘熱情佢地好似一家人甘俾人感覺好nice 甘環境也很乾淨整潔！餐牌選擇不算很多，但我發覺蠻多人吃粥但我沒有很想吃粥，就點了麵吃！每個桌上都有一罐這個醃蘿蔔酸酸的很適合開胃菜！本身想食湯麵的但想起之前食過牛根湯麵都好入味好好食嫁！但今次想試下新野吾重覆，試下雲吞撈麵！（$35/碗）雲吞係佢地店既主打之一黎佢地撈麵跟雲吞分開上的一共有5顆雲吞每一個雲吞都有滿滿的蝦子裡面吃吃著又想吃湯麵立馬放在湯的裡面也很好吃耶☺️☺️我又想吃炸兩（$25/一碟）然後又點了都沒想過自己吃不吃得完！然後發覺份量也太多了😂😂但想說炸兩剛剛好也不會太過油膩腸粉皮也夠薄又好吃！果然是好推薦啊！

太子有好多野食，有選擇困難症嘅我都唔知食咩好~我同朋友係太子都有食過好多間餐，今次就試一試新野，一間新開嘅粥麵店~出面就貼左個餐牌，價錢好親民~入面都有幾多人食喎~坐底侍應就比左個自家製醃酸蘿蔔，我好鍾意食架，拎左唔少自私食，可以開胃、醒胃我就叫左招牌雲吞麵+炸蜆芥鯪魚球(小) + 豆漿先黎嘅就係飲品-豆漿，好貼心，侍應仲比左一個杯比我倒豆漿，夏天飲番杯冰涼嘅豆漿真係人生一大樂事。豆漿唔會好甜，而且好滑好香~招牌雲吞麵黎了~ 我好期待，唔知會同出面嘅雲吞麵有咩唔同呢~一碗麵都有幾多隻雲吞，隻隻雲吞入面仲有一隻大蝦添，幾彈牙。豬肉嘅份量唔會過多，有油香但唔會遮蓋左蝦嘅鮮味。湯底幾清，唔會好肥膩好多油，我一路食一路飲都唔會好口渴。不得不提個麵，好爽口彈牙，無鹼水味，好食喔~講到小食-炸蜆芥鯪魚球(小)，有4大粒，粒粒都脹卜卜，好飽滿鯪魚球外面炸得好脆，有啲咬落去就見到鯪魚肉，好彈牙，胡椒味都幾重，點上蜆芥醬仲好味添~ 粒粒都好大粒，於是我就同朋友SHARE，各食兩粒，我地都好滿足喔~

食左幾日好野，唔想食咁飽，求其搵間麵檔食下，唔駛食咁飽咁濟。呢間麵檔係太子地鐵站3分鐘就到，原來呢度附近都好多野食喎。有酸蘿蔔做前菜，唔係勁酸個啲，好味!!沙爆豬潤粥，點先可以煲到岩岩好，唔"hai",夠滑。粥底夠味。又有薑絲蔥花。牛根楠撈麵同牛根楠河都好正，好多牛根，牛楠湯底夠香。食港式麵檔又點可以少得食碟時菜?平時食個啲落太多油，一食落去成陣油。但呢碟菜甜得黎又唔會太油。抵食，乾淨整齊，酸蘿蔔無收下難，值得再黎!

呢晚好想食番d傳統粉麵, 行過太子發現有間幾企理既粉麵鋪!鋪內位置不多, 骨骨子子。望望餐牌, 一般大眾粉麵粥都有。我自己叫左一個牛筋撈!牛筋淋度岩岩好, 口感好滑。幼麵爽而彈牙, 非常好!!!屋企人嗌既係牛筋幼麵, 同樣唔錯。湯底香濃腩汁, 夾一口蔥, 一口麵, 一口牛筋。正啊另外, 仲嗌左豬潤粥, 粥底超香, 豬潤爽。一流的粥!!再上係菜心油菜, 唔知點解, 餐廳油菜就係好食過自己煮, 究竟有咩法寶???埋單唔駛120蚊, 超抵。香港無乜粉麵鋪又乾淨又平又好食!!難得!!

放工長征回家，中途在這裏回回氣。店子小小但乾淨明亮。牆上還有插畫。因為做運動不想吃太飽，所以來個腸粉和時菜就最好了。火鴨絲豬潤腸粉，$27。豬潤腸粉見得多，這個倒是第一次見。腸粉晶瑩通透，火鴨絲和豬潤的味道很出，和腸份很夾，口感滑嫩較腍帶著柔韌。蝦籽時菜，$28。要了芥蘭，很鮮爽，加上蝦籽也好吃。蠔油是另上的，很讚！不會把芥蘭弄得咸到入不了口。另外還有滿滿一大罐醃製蘿蔔任吃。酸酸的很開胃好味。一坐下店員就拿個小碟子給你，食物未到可以拿些來吃過過口癮。食物其實份糧足夠，吃完也可當晚餐了。

又到太揾食了 今日來到了汝州街45 號嘅十大碗粥麵專家。尋晚食到好飽飽，今日就一於食碗粥清清腸胃。北菇滑雞粥 $32軟綿綿的粥，熱騰騰，入口唔知點解有種幸福嘅感覺。粥內帶有淡淡的疆味，也夾雜住一陣陣大蔥的香味。滑雞真係好滑，差唔多有九，十件雞。香菇也好淋好香。蝦米炸兩 $27份量係夠嘅，有三有無條。難得做到外面腸粉夠白滑，入面嘅油炸鬼夠脆。加入埋蝦米，加咗小小咸蝦味，無比時個種齋炸兩咁單調。麻醬甜醬一大枝係枱面任你加。一個粥加一個油器，食曬份量剛剛好。店內環境都幾乾淨，牆上兩幅壁畫吸引眼球。店員都幾周到，食飽收嘢個時主動問我要唔要杯水。報告完了，下回繼續發掘太子區美食。

OpenRice搜索到呢間新店、粥粉麵係我至愛！入內覺得熟口熟面、一問之下原來係紅磡「新大光燈」班底（廚房和樓面）出嚟開、怪不得連菜單都有九成相似！😜食物味道都不差、豬手可以再炆淋少少！腸粉真的不錯、即叫即拉！雲吞牛筋也似樣、起碼我覺得好過佐敦的「麥文記」！唯一缺點係麵少少鹼水味。總結還可以、會再來！👍🏻當日唯一缺點樓上裝修、天花有少許白灰塵灑落、希望下次再去沒有！😅是日午餐：荔灣艇仔粥火鴨絲豬潤腸粉豬手撈麵雲吞牛筋麵

行行下街突然間想食返啲粥粉麵就醒起見到呢間鋪頭都未試過，就不如同朋友一齊去試吓。坐低店員就介紹咗呢個自家製嘅醃白蘿蔔，我同朋友都好鍾意食，覺得味道啱啱好唔會太酸太咸有點辣味，覺得好開胃好爽脆，非常之適合作為食粥麵嘅配搭之選。之後叫咗個招牌炸兩啦，非常之美味。因為油炸鬼好新鮮好香脆，好難食到啲咁好嘅油器，而腸粉包住佢又煙韌又白滑，質感好好，兩樣野加埋都好鍾意食。之後店員都俾咗甜醬同花生醬自己加，我都係鍾意加好多醬料，可以自己調製，更加自由又可以控制到份量啱啱好。之後叫多咗個雲吞麵，雲吞麵就要鹼水幼麵先至夠晒傳統，質地都非常之爽滑彈牙，感覺做得好出色。所以整體感覺都不錯，餐廳感覺裝修有特色，而且環境優雅舒適，食物充滿香港人喜歡的粥粉麵集於一身。

自己其實都好鍾意食港式雲吞粉麵，以前中學嘅時候成日都食，但係而家就冇乜有呢啲地方食粉麵。今日專登嚟呢度試吓正宗香港人鍾意食嘅雲吞河魚蛋麵懷舊一下香港本土風味亦都懷念以前係中學嘅日子。一入到鋪頭見到鋪頭細細但係麻雀雖小五藏俱全，裝修非常之別緻，大大幅香港傳統小食壁畫呈現眼前，所以感覺令人食指大動之餘又帶點懷舊嘅香港風情，裝修亦都令人更加鍾意，留喺呢度覺得好親切好懷舊。唔講咁多即刻叫咗最鍾意嘅魚蛋麵，揀咗粗麵，因為覺得會更加有質感。我覺得湯底非常之清甜非常之配合港式風味鹼水麵嘅特質，麵嘅質地非常之爽口，自己對鹼水麵嘅標準就係要爽口，咁就會非常之鍾意，感覺乾淨俐落。　另外再食多個狀元及第粥先，非常足料好豐富，尤其是啲粉腸好容易咬同埋啲豬膶特別爽口，質地好特別都幾好味。經過今日更加懷緬我係中學時期食粥粉面嘅時光，希望多啲人識得欣賞。

好耐冇食粉麵鋪 心血來潮想食下 見到裝修幾新 又有人食 就試下啦 叫左個雙拼 牛腩河加雲吞 加左支豆漿 最衰我去嗰時過咗下午茶時間啦 原來有個下午茶套餐優惠可以試吓 平平地又包飲品河粉湯底夠味唔會太鹹 感覺自己食得幾健康咁腩肉唔會鞋 幾入味 好食👍🏻雲吞都好正 入面有幾多蝦下 包得唔錯 i like it😻啲飲品價錢都ok 支豆漿唔係細細杯 係一支大嘅 食完個河都未飲哂已經好飽下次想叫下腸粉炸兩 粥麵食下 其實仲想食佢個乜乜撈麵坐落環境舒適 店員服務態度好

一個人一支公在太子。近砵蘭街至汝州街一帶一向有不少食肆。要找一間入去坐坐食點東西，對我來講絕沒有難度....今天心儀的，是這一所好像剛開張不久的粥粉麵店....甫一坐下，便看到放有一罐還有"倒汗水"在上，裝有大量醋醃切粒的酸白蘿蔔。這是傳統麵家才有放置在檯的東西，馬上用夾夾兩顆試試，對我而言是稍為略酸了點，不過刺喉的感覺就不太有，而且蘿蔔本身是蠻爽脆的，所以總合起來，仍是吃得過的....開過味蕾之後，胃口大開，除了要碗豬手麵外，還再添了碟火鴨絲豬潤腸粉....想不到這裡的豬手麵做得挺好 ----- 南乳味濃；麵條爽口沒鹼苦味；豬手肉腍軟皮帶爽....腸粉是師傅即叫即拉，皮極薄而且不黐黏，甚具水準；餡內豬肝佔了大多數，熟度處理得還好入口爽脆；火鴨絲肉不嚡，可惜是大多只能找到淨肉，皮好像是不翼而飛了....食起來就沒那般滋味....麵與腸粉，看來甚不錯。下次來，就要試埋粥品了....