十大碗粥麵專家

營業中

休息中

今日約左朋友5點左右出街，到了8點半9點的時候打算搵個地方食晚餐。我們本來打算前往旺角，那知道那裹還是很多人了，不方便談天。而且我們都想食一些普通的粥或麵，我們發現到這間十大碗粥麵專家，位於太子的。當我們到達十大碗粥麵專家的時候，不用等候店員安排座位。因為我們過了食飯時間，大約9點左右，不用等很久就有座位了。餐板上的食物種類繁多，大家都要思前想後的，幸好，我們最後有了決定，點了一個瑤柱炸醬撈麵配米粉 ($38)、瑤柱牛腩湯麵 配河粉（＄33）、瑤柱艇仔粥（＄28），都有炸兩（$25）。首先瑤柱炸醬撈麵配米粉到了，他還貼心的配上一碗湯，讓你變成湯麵。這一個撈米粉，讓我吃驚了，沒有想到他竟然不會像其他店舖一樣很咸。我認為這店舖最值得讚賞的是炸兩，就算放在枱上超過5分鐘，他還是有脆卜卜的感覺。此外，在枱面上還有一些葉制過的酸蘿蔔，還配上了小碟子，讓我們可以更方便地品嚐他們的酸蘿蔔。餐廳員工態度良好，十分主動以及熱情，過了食飯時間會比較少人！上菜的速度不錯，總體都覺得很好，值得推薦！

今日和父母在8點半9點的時候，打算搵個地方食晚餐。我們想食一些普通的粥或麵，好彩，我們發現到這間十大碗粥麵專家，位於太子的。當我們到達十大碗粥麵專家的時候，不用需要等候店員安排座位。因為我們過了食飯時間，大約8點45左右，不用等很久就有座位了。餐板上的食物種類繁多，大家都要思前想後的，幸好，我們最後有了決定，點了一個瑤柱牛腩湯麵配河粉（＄33）、瑤柱炸醬撈麵配米粉 ($38)、瑤柱艇仔粥（＄28）、還有炸兩（$25）。首先瑤柱牛腩湯河配河粉到了，他讓我吃驚了，沒有想到他竟然像有名的店鋪一樣，牛腩又爽口又彈牙！但是我們一致認為這店舖最值得讚賞的是炸兩，內裏有脆卜卜的感覺，而外面的皮並不厚，十分美味。此外，在枱面上還有一些葉制過的酸蘿蔔，還配上了小碟子，讓我們可以更方便地品嚐他們的酸蘿蔔。餐廳員工態度良好，過了食飯時間會比較少人！上菜的速度不錯，總體都覺得很好，還有免費小菜，值得推薦！

牛腩不嬲係我好喜歡吃嘅東西食物，但往往都會十分之硬，唔夠淋身，有一次喺朋友嘅介紹之後知道太子有一間麵舖嘅牛腩味道唔錯，所以今次專登喺地鐵站行過嚟試一試，距離遠近程度都可以接受，入到去裝修都竟然唔錯喎，而且坐得十分之舒服。一坐低就見到我最喜歡嘅酸蘿蔔，這些酸蘿蔔不是每一間麵店也有的，所以當然沒有放過地即刻食咗少少啦，味道酸甜酸剛 好，蘿蔔夠脆口，十分之好味。之後就睇餐牌，食物方面都有麵飯，小食，嘢飲選擇，都算多，今次我就食咗最新推介嘅牛腩飯48蚊再加一個凍嘢飲。牛腩飯就嚟到啦，比心目之中多好多有牛腩又有牛筋，而且底部有菜心，醬汁十分之香，又濃郁，但係唔會好杰岩岩好。牛筋好彈牙，好多骨膠原口感十足，牛腩都係肥瘦都有 ，有所以唔會話十分之硬，而且好入味。醬汁配上白飯一齊食就已經係手指大動。凍檸茶方面檸茶味道都不錯，啱啱好食完之後我十分之飽肚，應該下次會再嚟試去其他唔同嘅面。

今日同老公兩個行開太子附近，甘岩經過呢間餐廳，就入去食個lunch😊 一入到去，已經覺得環境舒適，地方好乾淨企理，餐廳還有兩幅掛牆壁畫，壁畫畫啲食物畫得好靚， 可以一路望住壁畫，一路食嘢，簡直係視覺同味覺上既享受😍😍 同埋店員態度都好友善，手腳好快，好有效率，值得一讚😊😊😊間餐廳有好多唔同嘅小食，款式多，而且價錢 一啲都唔貴， 最特別嘅係呢間餐廳會提供埋甜酸蘿蔔作為前菜，食完好開胃，正👍👍我地叫咗鳳城水餃幼麵，鮮鯇魚腩粥，郊外油菜芥蘭，蔥花蝦米腸粉，再配一支豆漿鳳城水餃好足料，鯇魚腩好新鮮，又鮮甜，蔥花蝦米腸粉都好好食😋😋😍 好抵食 😊下次一定會再幫襯😍😍值得推介既餐廳，平靚正😋👍👍👍

平時落街就直接去地鐵站，放工又係直接返屋企，今日放工就落去行逛睇下有咩好食，就發現屋企附近新開了間粥麵舖，舖仔細細但五內臟俱全。餐廳主要以粥粉麵為主，但最驚喜的是有生滾粥。還有自家製酸蘿蔔，酸酸甜甜又爽脆。牛肉腸粉腸粉即叫即蒸，新鮮熱辣，外皮不算太厚，而且都幾滑，裏面包著滑牛份量十足。雲吞拼魚皮麵因為是開工不久，魚皮應該是剛炸好的，入口鬆脆且不會太咸，雲吞脹卜卜，裏面有大粒的蝦肉，爽口彈牙，幼麵有韌性而且唔多覺有梘水味，十分爽口煙韌，最後湯底是用大地魚煲成，味道鮮甜無比。

上課全日，真的很勞累，坐了十幾個站，終於回到太子。粥店少可裝修骨子，環境衛生又可以坐得咁舒服。荔灣艇仔粥28喉嚨生飛滋的我有苦自己知，食粥真係啱，粥底夠綿滑，材料豐富，魚片魷魚豬肚絲蔥花花生豬皮生菜肉絲等樣樣齊，份量十足。牛肉腸粉22有驚喜，腸粉比粥店茶樓要滑溜，牛肉亦細嫩，帶有香茜陳皮香，沾豉油吃大滿足。加10凍奶茶少凍真的有少好多，碎冰感覺真好喔。口味正宗，茶味足，比奶味多。食後感：店員招呼不錯，地方坐得好舒適，卡位實在令人可好好享受一下粥品簡單美食呀！

食左幾次，念念不忘佢既雲吞河，腩汁底係神來之筆，必食！👍🏻味道香濃，心機之作💕佢既水餃都唔錯，鳳城水餃同樣足料，但係個人都係情傾雲吞多d😛 份量可以多少少，或者加$8配杯飲品就岩岩好🤫🙈雲吞好足料，起碼有三隻蝦🦐🦐🦐，而且好新鮮！😋😋蘿白好開胃又好好味👏🏻👏🏻👏🏻職員好有禮貌，上樽裝豆漿時會幫客人搖一搖先上，好細心，而且座位好舒適寬敞，好少粉麵店會咁好坐又咁乾淨，而且佢價錢好親民🎉🎉🎉

有時行行街好肚餓，真係食咩都無乜所謂，但今次我隨機食咗碗炸醬撈麵，決定嚟呢到讚一讚佢。呢間餐廳叫十大碗 粥麵專家，聽落個名好pro，而且裝修都算新穎，絕對唔係街邊衛生好差嘅茶記。呢間餐廳嘅粥粉麵嘅價錢都係非常大眾化，基本上都係$30~$40。而我見餐廳門口推薦食炸醬撈麵（$38)，決定一試！好多時炸醬撈都太鹹，一定要浸一浸個清湯，但呢碟唔會，甜甜地之類，非常多嘅肉條，幾抵食。嚟茶記食飯我鐘意加碟炸魚皮（$18)，本來擔心我食撈麵，無湯魚皮唔好食，點知餐廳食會附送一個大碗嘅清湯，陳皮浸下浸下，即刻零捨滋味～我非常之鐘意飲豆漿，絕對係豆漿控。雖然餐廳唔係自家製豆漿，但保證係香港製造，無添加防腐劑！

又到中午、又係太子搵嘢食，太子近布行嗰區，越開越多新食肆，見到呢間寫住碗粥麵專家， 望入去裝修企理乾淨，一於入去試試！仲記得小時候跟爺爺去傳統雲吞麵店，每張枱面一定有尼樽醃蘿蔔，一坐低立即夾黎試下，酸程度啱啱好，好開胃！午餐牌有四款選擇，叫咗個炸醬雲吞撈麵，飲品可以叫汽水或其他！雲吞跟湯一起，炸醬跟撈麵一起，先飲一啖湯，雖然唔屬於好濃厚，但清清地好香大地魚味，飲落好舒服，配料韮王好新鮮，雲吞皮薄，蝦份量頗多，豬肉唔肥！炸醬唔係好辣，唔食辣嘅人都可以接受，肉質嫩，醬唔會太稠，個麵有驚喜，一咬落口好爽好彈牙，質地好幼滑，食麵最怕有陣鹼水味，佢一啲都唔。另外叫咗個炸蜆介鮻魚球，新鮮即炸熱辣辣，外層沾上一粒粒米般大嘅食材，令口感更爽脆，一口咬落外脆內軟，鮻魚肉質新鮮軟滑，無魚腥味、點埋蜆介醬更野味可口，就算放涼左外皮都依然咁脆，值得一試！座位唔迫，空間感大，坐得舒服，侍應招呼周到有禮貌價廉物美，埋單價錢便宜抵食因為坐近出菜位，見到薑蔥豬潤好新鮮，腸粉類同粥類賣相都好吸引，下次一定再黎試！

今日唔想食飯，想食粥麵清淡啲。經過十大碗，即刻衝入去。餐廳裝潢簡約，座位多，坐得舒適。一邊牆掛上招牌菜色的畫，設計有心思。餐牌選擇多，粥麵腸粉通通都有。👉🏼南乳豬手麵有兩大件南乳豬手，豬手好滑好入味，好多骨膠元，正。湯底有濃濃嘅南乳味👍🏼麵底爽滑彈牙，湯底嘅味道完全滲入麵條度，好好味。👉🏼牛肉腸粉三大條牛肉腸粉，真係皮薄又滑，牛肉滿滿，香滑好味😋熱辣辣牛肉腸粉加上甜豉油，味覺大享受。👉🏼招牌豬潤粥大大碗，至少有6-7塊豬潤，材料十足。豬潤爽滑口感正，粥底好入味，除咗綿綿嘅口感，粥底嘅味道係冇辦法用言語去形容，總之係好味，十個讚👍🏼👍🏼👍🏼👉🏼蔥花蝦米腸粉呢碟腸粉又香又滑，依然皮薄，蔥花蝦米夠香，又一滑滑推介。總結，呢間係我會推介嘅粥麵店，實在有太多驚喜。一定會再來😋😋

今日放工後去太子上堂，經過後街見到有一間新派雲呑粉麵鋪，就諗住入去食碗麵填下肚。好彩我去到時間尚早，我一個人去店員都按排到卡位俾我坐，餐廳環境又乾淨整潔，坐得十分舒適。雖説是新派雲呑粉麵鋪，但係都保留左最傳統嘅醃蘿蔔係每枱枱面，蘿蔔夠爽口味道又唔會酸得辣喉。首先叫左碟菜心，只係十幾蚊碟而且份量都唔少，最緊要係菜心夠嫩唔會有渣。跟著叫了個薑葱豬潤麵，薑葱味道突出令湯底更香濃，幼麵亦做得彈牙幼滑。另外，豬潤每片都係厚切，食落爽口唔會有粉，肉汁鮮甜。跟麵加$8有熱飲

日常生活離唔開粥粉麵飯，香港一定會食到雲吞麵、牛腩麵，我就比較鐘意食雲吞麵。上網見到依間新開嘅‘十大碗粥麵專家’行太子花墟過黎食下，估唔到有驚喜😊價錢實惠之除，味道唔錯👍🏻我地係食下午茶時間，客人唔算好多，裝修簡潔得黎有香港味，座位坐落都舒服唔會迫。店員都好熱情招待，會主動關心客人需要😊我叫左雲吞撈麵同埋即炸油條，飲品要散叫，要左杯熱檸蜜。每張台都有自家製酸蘿蔔，味道酸酸甜甜好開胃。雲吞係連湯上，麵係分開，雲吞皮薄，餡料有豬肉同蝦，蝦都算大隻，咬落爽口，味道好鮮甜，成個口感係爽口彈牙😋湯底好清香甘甜，唔會得個咸字。到麵喇，係幼麵,但食落好爽口，撈埋蠔油一齊食，蠔油帶點鮮味令味道冇甘寡，有時出去食雲吞麵最驚食到鹼水味重，依間一啲都冇，但麵身依然爽口👍🏻勁！即炸油條都有驚喜，新鮮炸好脆，咸味岩岩好，送粥食一定好岩。之後黎太子可以再食，其他粥品都好吸引，仲有小食😋

星期五又準備到放假日子啦, 今日同朋友出左去太子附近睇布, 佢話要整件衫之後行行下都發覺夜, 差唔多6點幾7點, 就去搵野食附近可以選擇唔多, 之後見到呢間十大碗, 心思思想食雲吞面人流雖然唔算多, 但個內部網修一d都唔似食面食入到去之後, 店員就放低一個酸白蘿白我唔見但朋友話幾好食, 幾爽口幾開胃我叫左個炸醬面面身彈牙, 布少少辣, 炸醬好足, 夠食哂個面肉有少少似五香肉丁既口感, 但d肉唔會太硬, 好好食附送既湯冇味精, 幾清幾好飲炸両好脆身, 腸粉幾清, 加上甜豉油唔錯仲要即叫即炸, 熱辣辣上枱亦夠實身, 有麻醬甜醬選擇凍奶茶茶味重過幼奶, 好少見凍奶茶沖得幾好飲, 幾夠味

同事推介一間粥品店，話是出品有水準，而且乾淨企理，價錢不算超貴。剛來到已有不少客人，拿拿聲搵個位置坐低，店員隨即捧上一呈酸蘿蔔，原來是可以隨自己喜歡夾多少，M先生不愛吃酸蘿蔔，那我就不客氣。自家製酸蘿蔔 (Free)蘿蔔軟林但內心仍爽脆，酸酸甜甜，未至於酸掉牙，很好吃，好吃得我不停refill，而且是任吃唔嬲，非常正！鮮鯪魚球麵 (HKD 30)一共有四粒鯪魚球，吃下去完全不會好粉，稍微彈牙，淡出陣陣鯪魚肉香，而且每粒都算大粒。麵底沒有鹼水味，估計是先去了鹼水，令吃掉麵後口不會澀澀的，很好，不過如果放在湯裡太耐會林掉，所以建議上檯後就要快快吃完。傳統炸醬撈麵 (HKD 38)M先生說想吃炸醬撈麵，我偷吃了一點，發覺炸醬的肉和味道跟外邊的不一樣，味道不會太肥膩，甜甜的和微辣，味道很討好，而且肉絲沒有肥膏，意外地又不會韌。麵底與鯪魚球麵是一樣的，但相比之下更為爽口彈牙，原因可能因是湯是另上，所以口感顯得更好。另附上的湯喝下去明顯沒味精，應該是用魚肴製，所以味道清甜不肥膩。淨雲吞 (HKD 32)看見廚房的雲吞是即點即包的，也想試這裡的雲吞如何，畢竟雲吞也是一間粥品的靈魂之一。雲吞Size不

在太子地鐡站附近開了很多小餐廳，我每次去花墟，也會在附近嘗試不同美食。 今次我選擇在太子A2出口看看，出咗地鐵站看見四周也是一些街坊小店舖。 跟著過了馬路向右沿著汝州街直行。 經過咗大概十間店，就看見有個大碗型格logo 招牌。 看見門面乾淨光亮，餐牌有傳統粥粉麵，價錢又不貴，一於入去試試。 餐廳內不算大，但用上白色牆磚及掛畫，再配上射燈吊扇。 全店白色設計配合光亮度，為餐廳看來增添空間感。 大部分枱也是四座位，每張枱也放上一樽酸白蘿蔔，給客伴著粥麵吃。 餐廳好細心會先給客人一隻小碟，方便夾出白蘿蔔粒慢慢吃用。酸白蘿蔔（酸酸甜甜好好味，切成小四方粒，方便一粒一啖食用）鮮蝦雲吞(粒粒有原隻大蝦，皮滑餡鮮，麵有韌度，新鮮美味。 )炸蜆介鯪魚球(炸至外脆，內juicy )