十大碗粥麵專家

營業中

休息中

今日放工後好肚餓，行道黎到太子十大碗粥麵專家，見到鋪面幾光鮮，佈置幾特別就入去坐低。見到隔離檯D野食質素好唔錯，於是就大開食誡，結果真係有驚喜。首先我地嗌左南乳豬手拼雲吞撈麵，豬手一分為二都幾大隻，南乳好惹味，撈麵一流，雲吞好滑，D蝦好鮮甜，皮薄餡靚，手工精緻。叫左個我最愛嘅蝦腸，晶瑩剔透，超嫩滑，D蝦好大隻下，呢碟蝦腸我比佢滿分。跟住黎一碗豬潤拼魚腩，豬潤爽脆，魚腩肥美，粥底好棉好鮮甜。炸蜆芥鯪魚球，外皮脆噗噗，裡面鯪魚肉好多好彈牙。再叫埋碟菜心，今餐真係好完滿，叫左咁多好野食都係每人80蚊埋單，真心會推薦比朋友試下。