十和田總本店

營業中

休息中

淺木裝修 有壽司吧檯，亦有十多張2位及4位座，職員服務態度良好。用QR code下單，快捷方便，上菜亦快有效率。吃壽司其中一個吸引之處就是可以和朋友各自點選心水食物，不用互相遷就。我就點了幾款想吃的：《間八刺身 $68》又名章紅魚的間八，體積比油甘魚小，入口感覺爽口彈牙，而這裡的間八魚刺身全是厚切，口感一流。《鰻魚壽司 $28》鰻魚肥厚多汁，肉質細嫩肥美，配上鰻魚汁連飯團都不用蘸鼓油都很美味。《蔥吞拿魚腩壽司 $22》粉嫩色的吞拿魚腩蓉，上面加左少許蔥花提味，自行添加少許豉油和芥辣拌勻，食落好惹味，有魚香得來也伴隨點魚脂香。《軍艦三味壽司 $98》（三文魚子、海膽、蟹膏）三文魚子壽司 - 一粒粒晶瑩剔透有光澤，入口香甜而不腥。海膽壽司 - 海膽不會溶溶的，入口香滑味甜而不腥。蟹膏壽司 - 蟹膏香濃，惹味。《穴子壽司 $38》穴子即是海鰻，味道甜，肉質軟腍而且無骨，長長的一條很滿足。

去到尖沙咀食個午飯，十和田都係有人氣，枱枱都有人開餐，所以入去坐低，兩個人叫咗兩個餐，朋友叫一個壽司拼叉燒湯烏冬，配麵豉湯加蒸蛋，我就叫咗個黑松露鯛魚丼，亦都係標配麵豉湯 配蒸蛋。黑松露鯛魚丼晶瑩通透嘅鯛魚鋪在面上 ，望到都已經增加食慾，再加埋黑松露喺上面，兩者一齊入口濃淡適宜，菜飯味飯打底，食落三味喺度爭寵，呢個丼，無選借值得一試。壽司拼叉燒湯烏冬初時以為普普通通冇乜特別，當定食上枱嘅時候，嚇咗一跳，烏冬就叉燒遮住，連個碗面都睇唔到。六件壽司各有特色，真係唔使多介紹都一樣咁好味，再加埋配同蒸蛋麵豉湯， 咪話唔夠飽呀。

呢間餐廳啲壽司 我覺得比較一般🙊但係推薦大家嚟呢度食佢個三色丼 質素幾好😍同埋我諗三色丼好食 佢其他丼飯應該都會好食😋😋·三色丼 $168呢一個三色丼我覺得係必嗌🤤佢個presentation好靚 一擺上枱個個都即刻攞晒手機出嚟影相🤣🤣佢啲吞拿魚蓉好新鮮 幾好食 同埋佢個海膽好新鮮超甜 呢個最驚喜😍佢最後個蟹肉丼都好好味🤤🤤🤤·#rbyeat#rby日本菜#rby尖沙咀·📍尖沙咀金馬倫道42號華懋金馬倫中心地下

🌟火炙魚生飯 秋季限定 $138🌟有近8至9款時令魚生，非常豐富經輕輕燒過後魚香味更岀推薦給各位選擇困難症患者，一次過可以嘗盡多款魚生😝*🌟香蔥吞拿魚腩丼 $118🌟魚腩蓉新鮮口感棉滑，份量比赤醋飯還要多！絕對夠餵飽一位成年男士😂但比較容易膩，建議混合香蔥，及以旁邊的漬物解膩😉*❤️必點！🌟廚師推介 馬糞海膽軍艦 $88件🌟滿滿的海膽😍creamy得入口即化，但鮮甜味卻歷久不散，非常濃郁，大愛*❤️必點！🌟海膽蒸蛋 $38🌟雖不是北海道馬糞海膽，但同樣鮮甜份量並沒有因$38元而減料，滑蛋下還鋪了一層蟹柳*🌟平成卷 $138🌟海膽總是常岀現🤗另外還有吞拿魚蓉和三文魚子，味道同樣豐富但如已點上述的香蔥吞拿魚腩丼，便可略過😂味道有點重複，而且前者性價比更高😛*🌟火炙三文魚 $15件🌟🌟三文魚 $15件🌟🌟帆立貝 $28件🌟整體不錯，魚生亦是大大件*❤️必點！🌟蟹膏沙律 $78🌟傻的嗎！超大一碟！程度是明明很喜歡食蟹膏，到食完近期都不想再看見蟹膏😂蟹肉及蟹膏的份量都超級多！非常滿足！

非常非常差嘅一次生日飯1. 個碗竟然有隻細曱甴？！食日本野有曱甴真係未見過，waiter收左之後俾番個乾淨嘅我2. 價值188啲toro竟然可以唔新鮮 上菜時顏色十分暗啞&乾 仲要好多筋！！！！！其他食物都係中下水平 唔夠鮮 manu以壽司為主 但壽司飯味道好一般 加上刺身鼓油咸度過高 令魚生味道更顯遜色3. 服務水平極低 負分！- 食完冇耐啲阿姐已經係咁行埋黎 大動作咁望住你想趕你走 元氣都唔會咁做- 間野模式係(元氣式)全自助！！！自己加水拎筷子 然後scan QR code用電話睇manu... 真係睇到眼都殘 而佢個價錢係一啲都唔自助嫁呢餐900蚊嘅生日飯真係勁垃圾 本身想叫多啲野 好運係佢賣晒：)食完呢餐去左第間食甜品補償自己

和朋友行街，途經尖沙咀金馬倫道，見到一間燈光相當温暖的日本餐廳，再上網看看食評，正評也不少，碰巧肚子又有點餓，那就決定先醫肚再血併。我們今天不太想食澱粉質，所以主力選擇沙律、刺身。 鯛魚湯，奶白色的魚湯夠熱又鮮甜。赤貝刺身，大約一開四，肉質新鮮彈牙。凡立貝刺身，有3片，每片厚薄算平均，爽口嫩滑。牡丹蝦刺身，約有手掌般大，鮮甜肉厚。日本蒸蛋是我最愛喜食的日式料理之一，加入冬菇片丶蟹柳丶魚蛋片丶白果一起蒸，令鮮味提昇，日式蒸蛋的方法往往能保持著蛋的幼滑口感，亦是一道精緻又營養豐富的菜式。蟹膏沙律，可謂全晚的驚喜丶亮點，新鮮蟹膏味道鮮美，拌以蟹肉絲、厚身新鮮生菜一同吃，更顯蟹味濃厚，簡直心靈大滿足！ 店員體貼有禮貌。另外座位下均設有小籃子可供客人放手袋，這個貼心的設計，對餐廳來說是一個重要的加分位。

今日開完會，什麼精力都耗盡，真係要找好東西食，來填補心靈。行經這間壽司店好吸引，走入去試下先。店內環境簡潔。壽司師傅做好手握壽司，店員便會馬上送到給客人，上菜速度高。我點的吞拿魚三味壽司都好快送上，三味包括赤身、中拖羅、大拖羅。赤身魚味濃郁，中拖羅肥美，大拖羅口入即溶，配在赤醋壽司飯上，真係好夾。蟹棒ㄧ件有兩條蟹棒，食落細緻鮮甜。牡丹蝦好鮮味又大隻，蝦頭還有蝦膏，真係好回味。三文魚子好飽滿，粒粒賬卜卜，醬油領三文魚子更有咸鮮味，調得剛好。蒸蛋好滑，充滿蛋香，碗內還有魚糕、冬菇和福果增添不時香味。燒明太子雞翼，燒得外層香脆，內著 釀滿明太子，十分惹味，是不可錯過之選。總括來講，魚生新鮮，熟食亦做得不錯，下次來再試下他們的海鮮丼。

同事話好耐無食過日本菜，碰巧大家今晚都要OT，來不及歸家晚膳，剛好又到晚飯時間，同事提議去十和田，位置不太遠，便速速收拾好文件，速去速回。蟹膏沙律 $78蟹膏迷不容錯過，一個大沙律盤上盛載著新鮮翠綠的原片生菜，松葉蟹膏堆滿了整個生菜頂層，大量蟹肉絲被蓋在其中。以新鮮生菜包著蟹膏、蟹肉一齊食，簡直將蟹的鮮甜味道盡情發揮。甘甜濃郁的蟹膏味，鮮味無比的蟹肉，每一口盡是一只蟹的濃縮精華。三色丼 $178三色丼分別有松葉蟹丼、海膽丼、吞拿魚蓉丼。松葉蟹丼: 同蟹膏沙律的配撘一樣，但這個蟹肉相對較多，配飯更有口感海膽丼: 海膽顏色富光澤, 入口即溶, 甘甜味美吞拿魚蓉丼: 吞拿魚蓉幾近填滿整個杯面，新鮮吞拿魚腩加上大蔥剁成蓉，肉質幼滑黏口，脂香味美。一式三款丼各有特式，同時可與友人淺嚐到三款不同配搭，最適合眼濶肚窄又多心的我。壽司飯呈淺啡色，細問下，原來以赤醋製作，由酒糟釀出來的赤醋，酸味明顯較白米醋柔和，顏色較深，壽司飯入口香醇富層次感，可謂一試愛上。海膽蒸蛋 $38海膽的份量比相像中多，粒粒飽滿鮮甜，而滑滑蒸蛋內伴有冬菇，蟹柳魚蛋片，熱騰騰，用料足，香滑軟熟，必吃之選。海鹽雪糕 $18夢幻粉藍

今晚因要獨自食晚飯，心想不如去食夀司啦！行入金馬倫道見到平時打排長龍的「十和田總本店」不用排隊，便馬上走入去光顧。店內是用電子餐點，只要用手機描ㄧ下 QR Code 便可入到餐牌內點選食物。我首先點了碗鯛魚湯，奶白色的湯，魚味濃郁鮮甜，作為首度菜，可暖暖胃，増加食慾。再來便點了三色丼，三色丼包括有 : 香葱呑拿魚腩蓉丼、海膽丼、蟹膏蟹肉丼。全部用小小的碗來盛載著，好精緻，賣相十分吸引。香葱呑拿魚腩蓉丼，大大堆的呑拿魚腩蓉舖在壽司飯上，用木匙羹潷起放入口， 棉蜜肥美感覺，充滿住口腔。海膽丼，ㄧ點腥味也沒有，還有陣陣的海水味和鮮甜味湧出，令人覺得食唔停。蟹膏蟹肉丼，膏香真係齒甲留香，再併上鮮甜的蟹肉，口感ㄧ流，妙極!牡丹蝦夀司，晶瑩剔透大大隻，食落鮮甜黏口，十分好食。青瓜細卷，捲得結實，青瓜爽脆清甜，放在撈入赤醋的壽司米內，用脆卜卜紫菜包成，贊!!

帶位個女人話有75分鐘時間 食左半個鐘就叫我地交枱 野食又難食 嗌咗炸蠔入面啲蠔係霉嘅 個蒸蛋又鞋 完全唔明點解會有人話好食 食完之後覺得唔對路上連登search先發現係藍店 唔會再有下次

今晚去同好耐無見既朋友食飯，打算食好d，第一次去，要自己scan QR code 點菜，雖然唔習慣，但操作算方便。同朋友各自點咗壽司拼盤，有湯有蒸蛋。女侍應上菜嘅時候我哋發現漏咗一份，問佢嘅時候反而質問我有冇落單，之後自己查機知道自己錯咗，先死死氣去追。最估唔到係，同一個女侍應再上菜嘅時候，我問佢可唔可以同我哋影張相，佢話：「唔好意思，我隻手污糟」。「咁你可唔可以叫你嘅同事幫我地影張相？」，我問。之後佢話：「我哋而家好忙，等我哋一個同事返嚟先可以。」我估唔到佢會咁答我。影張相其實不單止係舉手之勞，而且呢個都係好合理嘅要求。旁邊嘅食客聽到，都忍唔住主動話幫我地影相。不過好快佢另一個同事走埋嚟幫我地影，我哋就多謝旁邊食客嘅美意。冇幾耐，我見到佢好得閒咁同另一位同事喺度傾計，老實講，真係好難體諒。可能係我對日本餐廳嘅要求太高，覺得佢收得咁樣嘅價錢，服務唔應該係咁。另外，店舖坐位很多，地方細，坐得比較辛苦，又係另一個食得唔舒服嘅原因。佢嘅壽司不過不失，但係性價比不高，加上環境同服務到留低好壞嘅印象，結果都食唔到原本食物嘅美味。

我同老婆都好耐沒有食過壽司喇，今次同愛人去行街之後再去搵下邊間壽司店好食，在金馬倫道路過見到這間之前都食過，而家餐廳是用QR Code自助點餐，比起之前快捷方便。【吉列炸蝦卷】吉列炸蝦卷是我們最喜愛的卷物，表面有大量蟹子包住整個卷物，炸蝦又非常香脆，重點這間舖的所有飯都加左赤醋落去煮，所以同平時出面食既壽司有所不同。不錯不錯!!【粒貝壽司】肉質爽實仲帶出貝肉嘅鮮甜，連埋赤醋的飯一起食，真是可以不用沾醬油己經夠。【火炙魚生飯(秋季限定)】這個火炙魚生飯是秋季限定，有勁多不同時令海鮮，內裡有牡丹蝦、穴子、吞拿魚、三文魚、帶子、三文魚子、左口魚等，非常豐富， 火炙令到刺生的油份飛出黎，非常香口， 再加上赤醋飯一起吃，真是好野味。

早陣子朋友介紹尖沙咀有一間壽司店用上赤醋調配壽司飯，我一向特別喜愛赤醋調味，一於今晚跟好友去試一試先。店內枱與枱之間空間比較狹窄，但裝修光猛潔淨。店家用上QR code 點餐，可省略人手而且不用浪費紙張，非常環保。小肌（左邊）屬於銀魚類，口感軟嫩，魚肉光澤。赤蝦（右邊）蝦肉爽彈鮮甜，配上赤醋壽司飯，更加增添滋味。火炙牛肉赤蝦卷（右邊）牛肉經火槍火炙之後呈半生熟狀態，加上少許燒汁，入口香濃美味，中間餡料有赤蝦、青瓜等等，口感軟嫩，赤蝦鮮甜。墨魚鬚輕輕炙燒過表層，所以多了一份焦香味，入口鮮甜爽脆蟹膏軍艦壽司蟹肉加上蟹膏，甘香鮮甜，蟹膏香味停留在口腔內，久久不散，令人非常回味！

就黎聖誕節準備日日開party 呢排要食得健康少少 平時呢間餐廳未到lunch time已經爆滿 今日早左過黎試試～12點鬆啲黎到 人流唔算多只有幾枱客人～ 枱上無menu 一坐低職員會過黎提你用QRcode掃二維碼睇餐牌和點餐 淨係lunch set已經有廿多款套餐 選擇困難症嘅我地睇左5分鐘先落到單 我地揀左午市壽司套餐（配面豉湯）壽司分別有：三文魚、魷魚、甜蝦、吞拿魚、左口魚、蟹肉蟹膏、三文魚籽、鰻魚小卷等即叫即整關係～壽司手準非常高！而材料非常新鮮！lunch黎講性價比高！

上周和同事到尖沙咀附近下班，約了晚餐共聚，我之前吃過這一家壽司店感覺非常不錯，於是便帶同事過去再度回味這個壽司盛合和同事分享，材料非常新鮮！每一件都有令人非常驚喜的地方，軍艦部份紫菜的香脆配上用赤醋的米飯非常合適，海鮮部份同樣非常新鮮，壽司來說這個絕對是頂級水平我同事一人一件小柱，小柱亦非常新鮮彈牙，和正常尺寸的帶子沒有分別我額外點了一個吉列蠔烏冬，份量也不少結果要和同事share，烏冬口感彈牙，配上清甜的堅魚汁湯底是完美的配搭，另外吉列蠔亦十分香脆，是在壽司店中相當有誠意的熱食