十和田總本店

營業中

休息中

近曰看到日本美食節目，不禁令我想吃日本野，所以我們一行2人到了這家店位於尖沙咀金馬倫道的十和田，置相當易找。晚餐時段有不少客人，早已訂位的我就不用等位喇😎！間舖好好，留左張最入既大枱比我地，傾計都傾得輕鬆啲整間店舖跟以為彩色系的設計為主，燈光明亮配合燈光既設計，比客人有種好舒適既感覺為個人衛生，餐廳門口和洗手間外都設有消毒搓手機供客人消毒，十分貼心！！同埋可能抗炎期間，冇咩人返工，餐館都採用用手機點菜。 跟著落黎緊係要講下餐廳既野食，其實每一款都整得好精緻燒左口魚！！！燒得好香，而且充滿油脂，食落去會慢慢溶化。跟著其他都正，去相睇！！！Overall 壽司色澤幾好，厚切賣相亦好吸引，但唔知係咪因為太大件，食少少就好快飽。呢間餐廳真係值得被推薦！！！不過呢到晚價位就唔算太平，壽司都要$20～$40左右最緊要都係裝飾有氣氛，可以慢慢坐同埋坐夜啲。哈哈近排冇得去旅利，呢間和風裝修既日式餐廳。可以入去食個日本菜，舒緩下對日本既思念先！

今天股票大跌，作為價值投資者的我們當然要出來慶祝一下這個千載難逢的入市時機。21314，這間日本餐廳想吃好耐了，格局井井有條，充滿日式的感覺。落單是用手機數QR code非常方便。吞拿魚三味壽司🍣分別是吞拿魚的三種不同部位，有脂肪感覺濃郁的，有肉質比較紮實的，一次過帶給你三重享受。炙燒三文魚壽司與眾不同的地方是燒得剛好到位的功架，而且魚味濃郁，因此放進口內能齒頰留香。順帶一提壽司的飯底一粒粒口感一流，而且還滲了一些醬油和醋在當中，令單調的白飯變得非常惹味。帶子壽司和章魚壽司也是非一般的新鮮啊！灸燒左口魚壽司，也是燒得非常到位而且左口魚本身也是非常嫩滑新鮮認真不錯👍🏻另外一件是松葉蟹壽司。灸燒芝士虎蝦壽司，雖然看似簡單但微微燒焦的芝士卻令它的味道絕不平凡。最後真的忍不住覆桌灸燒三文魚壽司🍣而且還另加了甜蝦壽司，甜蝦非常新鮮，放進口漸漸滲出新鮮蝦味。作為烏冬愛好者最後最後忍不住點了個吉列蠔烏冬，烏冬爽滑有嚼勁吉列蠔表層不會過多炸粉，又能保持香脆，咬落去新鮮的蠔汁隨隨地滲出，正宗的外脆內軟。

十和田日本料理的精華在於精細，從店面裝修到食物用料都匠心獨運，整個用餐體驗更堪稱一種享受🥰價錢親民，性價比不錯，而且店裡面可以掃二維碼手機點單，真是特別方便～ .火炙牛肉湯烏冬$88湯底很鮮美，份量十足，大片的火炙牛肉，讓你的味蕾瞬間體驗到滿足感。配上少量海藻的調味，整道菜更加的鮮美好吃。烏冬軟硬適中，彈牙爽口。.三文魚🍣三位壽司$38好久好久沒吃三文魚🍣壽司了，那種入口即化的感覺，依然如故。.火炙壽司拼盤$108很特別之處在於，壽司米用的是茶漬米，比起普通白米味道會略略帶有茶味，使壽司的味道更加豐富。.牛油果🥑壽司$15大塊新鮮牛油果🥑補充每天所需維生素，也滿足了口感的需要。.蒸蛋$28精緻且足料🤓每天都要補充蛋白質，這樣皮膚才會越來越美丫

週日同囡囡去左尖沙咀金馬倫道嘅十和田總本店食午餐，囡囡最開心❤️，因為叫曬佢鍾意食嘅嘢。囡囡去日本餐廳必點玉子壽司，波子汽水，同烏冬。餐廳環境闊落，座位好多，以木材裝飾為主，有日本氣氛。進入餐廳要先量體溫，落單以手機Qr code。 桌上有抹茶粉自己沖茶飲，抹茶味夠香濃，幾好飲。 叫咗火炙壽司拼盤，有5件壽司，壽司飯用上赤醋，魚生新鮮，用火槍燒過特別香。火炙牛肉烏冬分量足，有兩大片牛肉，肉味濃郁，入口嫩滑。

成日行尖沙咀經過呢間壽司店，都見到有好多人喺度排隊，一直好想試吓。香港有質素嘅壽司店寥寥可數，所以我哋食嚟食去都係嗰幾間。今次一於試吓新野。一坐低，店員會俾個QR code你，用自己電話掃一掃就可以落單，非常方便。上菜速度很快，落單後唔使5分鐘就有得食🤗例牌要食個茶碗蒸先😆我最期待嘅三款拖羅壽司！中拖羅同大拖羅好肥美，係高質既😍好長既穴子壽司，烤到啱啱好，入口即溶🤪其餘嘅火炙壽司都唔錯，表面燒到好香，肉質夠鮮味，不錯👍🏻帶子壽司都唔錯，食到帶子本身嘅鮮味。芥末八爪魚，好濃烈既芥末配爽口嘅八爪魚，好啱鍾意wasabi口味既朋友。非常肥美嘅火炙左口魚，好值得一試，好食到要再encore👍🏻最後唔夠飽，嗌咗個炸蠔烏冬，為呢餐畫上左完美嘅句號。

尖沙咀十和田由日籍壽司師傅主理 壽司🍣好正宗啊裝修走日式簡約風格 感覺舒適☺️午餐特別多人 每人各叫一款set lunch.✨ 壽司套餐$98壽司盛有11件壽司穴子、三文魚、吞拿魚拖羅、甜蝦、蟹肉、三文魚籽等等每款海產都好新鮮鮮甜😍😍值得一提係 壽司醋飯已經加入醬油 唔需要額外點壽司豉油已經好入味 係傳統日本壽司嘅食法👍🏻.✨ 鰻魚丼飯配刺身$118鰻魚燒得好好味 鰻魚厚肉肥美 冇細骨👍🏻燒過後鰻魚皮嘅油脂做入口即溶嘅感覺蒲燒汁甜甜地沾飯一流☺️刺身厚切😍😍新鮮！絕對值回票價！

揸車去尖沙咀食Lunch，途經金馬倫道有泊車位，喺正 十和田 門口，證明我哋有緣份，就去試下呢間日本料理！十和田 係日本青森縣一個地方，環境優美清幽，餐廳以此命名！裝修和風木系 整潔優雅，地方寬敞設有吧枱坐，可見席前製作，食物以新鮮見稱，主打魚生、壽司、丼飯! scan QR code點餐，方便快捷！刺身拼鰻魚飯刺身有甜蝦、三文魚、吞拿魚、鯛魚，甜蝦爽滑彈牙，三文魚油脂甘香，吞拿魚嫩滑清甜，鯛魚新鮮魚味濃有質感！鰻魚肥美肉厚份量十足，加上鰻魚醬汁確係送飯神器！穴子丼穴子即海鰻魚，油脂少較薄身，少骨肉質結實。外皮燒烤至脆口，焦香撲鼻，味道鮮美清甜！丼飯巳混合自家製醬汁和醋，酸甜醒胃，不用額外添加醬料調味已很足夠！每份套餐附送蒸蛋和麵豉湯，蒸蛋嫩滑可口、麵豉湯清甜內有油揚和海帶。整體食材新鮮高質素份量足，性價確實比不錯！

再一次來到這家日本餐廳食午餐 這家是用赤醋做飯底上次去食的時候是剛剛轉換飯底 吃過覺得不錯挻喜歡這次去到已經坐爆一半位置 幸好還有位置不用等位😆由於疫情影響的關係 進入餐廳時店員會為客人量體溫以確保客人沒有發燒 這樣可以令到客人感到放心一點之後再用手機掃QR CODE點餐 等了不用十分鐘就送餐·午市壽司套餐 HKD$98 這個套餐有9款壽司供應 看到刺身賣相挻新鮮擺盤不錯靜靜最喜歡食三文魚壽司/魷魚壽司 很喜歡食這兩個🤤另外的鰻魚卷味道甜甜的肉質不錯 跟餐有麵豉湯附送~·雜錦魚生丼 HKD$108 放到滿滿的丼飯很吸引😆 簡直是視覺享受的感覺吧😈目測有4-5款魚生😝 魚生被切粒狀食起上來挻方便的~另有麵豉湯和蒸蛋附送 蒸蛋做到很滑身這個口感很棒

最近完全都沒有機會可以外遊到日本了，真的超級懷念上次去九州的那個魚市場，大大口吃壽司的滋味。沒辦法，為了彌補久不嚐鮮的嘴，選擇了十和田。我每次都去這間日本料理的原因是它價錢極為相宜，而且水準甚高，比連鎖壽司店高不知幾級，人均消費只是三百餘元，很抵吃。真喜歡進門看到這一排可愛的招財貓，心情未食就愉悅起來。誠如一些日式料理店一樣，設有綠茶粉，可自行沖泡綠茶。而且點餐極度方便，只需掃掃QR Code，電話直接可以下單。還可自行選擇要不要芥末、蔥或薑說說食物，炸雞的第一口，就好似西瓜最中間的那一勺一樣，都是只能與最愛的人分享的。 這炸雞炸得出色，看得到咬開後的雞肉嗎？滿盈盈的汁水，脆脆的皮和嫩肉同時被咬進嘴裡，真是好滿足。跟住就是我的壽司大滿貫—穴子壽司，嘩，長到墮下來—魚肉軟而不爛，塗上濃厚醬料，含入口中烤星鰻的肉與香氣和飯粒互相相映著。這塊壽司絕不是把穴子放在飯上如此單純，而是一體的。赤貝壽司，赤貝顏色略嫌不夠鮮豔明亮，但肉厚實，帶有鮮美的咀嚼感，只需點少少豉油就能完全帶動它的美味。點了個三文魚三食，分別有芥末三文魚和火炙三文魚。無論生或熟，豐腴飽和，魚油滿嘴。晚飯過後，一口魚，一口鮮，在

間唔中都會行開呢頭,但一直都冇黎過呢間野,好耐冇食SUSHI,心血來潮就黎左食啦!叫左火灸壽司SET,有唔同既款,有芝士火灸熟蝦,半溶既芝士同熟蝦好夾,層次豐富。有火炙吞拿魚、三文魚等等,面頭燒過,但底仲係生,仲意食刺食既人應該都會仲意火炙加刺身質感既配搭,而火灸8爪魚都好好食。另外叫左松葉蟹三食,呢個真心要試。有蟹棒壽司,好大條好厚,多肉,有生既松葉蟹,連蟹腳,新鮮呀!仲有蟹膏蟹肉添,絲絲蟹肉加一大PAT蟹膏真係豪華既享受。小食就叫左吉列炸蠔,LEMON JUICE提升到炸蠔既味,好明顯係新鮮即炸,點埋SAUCE好味。最後叫左個海鹽雪糕當甜品,呢款味好特別,好少見餐廳有,海鹽咸咸地好開胃,味道都好濃,超中意呢個!

其實這段「抗疫」期要外出吃飯，真是要鼓起很大的勇氣，但架不住對於想吃壽司的心，還是再度幫襯這間十和田。雖然是特別時期，但十和田這裡會跟每個客人量體溫，還是十分安心。晚上七點半，小貓三四隻，客人不算多，恐怕最近大家都不太敢出街。說回正題，來吃壽司，怎麼可以不來個Sashimi呢?!這次我叫了經典的三文魚和凡立貝作為開場。三文魚刺身三文魚肉質鮮嫩肥美，口感滑順，含滑潤甘甜的油脂嘗起來細緻鮮美，脂肪滿滿的感覺非常新鮮。凡立貝刺身鮮甜份量也大的凡立貝，用刺身的方式最能吃得到原始的味道。肉質厚實，呈現鮮而不腥的香甜。吞拿魚三味壽司從赤身、到中腹到大腹都分別各有一件這塊應該是中腹，色澤略深，紅中帶又帶點粉嫩，既嚐到赤身的微微酸味，但又做到拖羅那種油脂豐富、入口即化的口感。緊接著中腹的是拖羅大腹，肉眼可見的脂肪紋理入口油潤馥郁，與赤身一貫清爽的口感，形成了明顯的對比，明顯能吃出吞拿魚不同部位的風味差別。對了，特別提一提，十和田的壽司飯是用了赤醋飯哦！赤醋飯呈琥珀色，比一般的白米醋飯具有更柔和的酸度、 味道更香醇濃郁、更具層次感，與油脂豐富的魚鮮相配， 烘托出魚鮮自身的鮮味，把壽司的味道提昇至另一層次

金馬倫道一直都有比較多日本餐廳，今晚想食日本野就求其揀一間～ 疫症之下想揀間坐得舒服小小嘅。呢間餐廳同時都好貼心要客人量度體溫至可入座，食得都安心小小。 餐廳亦算闊落，bar枱對面可以望住師傅即場整壽司，幾過癮。點餐時要用提供嘅QR Code落單。 本身見到三色丼好靚想試，可惜竟然賣哂⋯咁就唯有叫咗一個香蔥吞拿魚腩丼。睇個賣相就知好足料，呑拿魚蓉竟然佔咗個飯嘅三分一😂香蔥令到個飯好香口之餘亦令到成個飯冇咁膩。重有wasabi調調味，令到呑拿魚蓉更鮮甜。雖一嘅缺點係食完呢個飯已經好飽食唔落其他😂 啤酒類選擇較小，得suntory，但仍然好飲～另外仲有清酒梅酒嗰啲揀。

尖沙咀食壽司除左連鎖壽司之外，餐廳行嘅路線都係高級日本野，價錢比較貴，而十和田嘅價錢就唔會太離地，午餐比較抵食啲，晚餐都可以接受嘅！特別一提嘅係佢地嘅壽司飯係加赤醋嫁，講真我就唔係好食得出有咩大分別，不過都可以黎試下嘅😬**********<平成卷> $138依個卷物有呑拿魚蓉、海膽、三文魚籽，除左面頭有一堆呑拿魚蓉之外，中間都仲有包住呑拿魚蓉嫁，所以都幾足料！不過其實加埋海膽同三文魚籽，因為呑拿蓉佔嘅比例太多，所以唔算好食到mix埋個個味😂**********<三文魚三味壽司> $38(三件)三文魚嘅fans緊係要叫依個三文魚三味壽司，一客有三件，芥辣三文魚、薑蓉三文魚、炙燒三文魚各一件🐟果然無叫錯，一啖一舊好滿足，油脂分佈都幾平均，唔會太肥都唔會好瘦🤤

見到咁多好評，以為會好好食。唔知係咪黑仔，當晚食既海膽同見到人地食個啲完全唔同，好臭好難食，超級失望！完全覺得唔值，食元氣好過！真心！重點係個卷唔同都算 ，三色丼既海膽都唔同，仲要超級少海膽！其實如果同平時既材料唔同，店員係有需要話比顧客聽，唔係個個都接受到咁難食既海膽！超級無敵失望

放工後專程出尖沙咀交收日本高質口罩，完成任務之後就喺金馬倫道附近搵好嘢食，見到門口長長嘅人龍，再望下招牌原來係十和田，腦海裏面即刻諗起我最愛的三色丼，人排我又排，好好彩好快就有位安排入座！手機自助下單 ，快捷又方便，圖文並茂，我是為了三色丼而來的，所以即刻下單，唔駛等好耐就有嘢食啦！三色丼 $178賣相已經非常吸引眼球，三小碗的三色丼，首先有我最愛的海膽，入口有淡淡的海水味，很清甜的美味，這樣足料的份量確實不錯。除了海膽以外也有味道濃郁的蟹膏蟹肉丼飯，鮮甜彈口的蟹肉與綿滑的蟹膏結合，滋味無窮！最後壓軸吃的是香蔥吞拿魚腩丼，吞拿魚腩色澤粉嫩，肥美口感，充滿魚油香，每一口都令人回味。一個價錢，三種享受，十和田的三色丼真心不同凡響。醬油吞拿魚 $22難得來到這裏一定要試佢哋嘅人氣壽司，醬油吞拿魚口感極細緻。紫蘇梅子細卷 $28呢個細卷好特別，因為我老公好鍾意食紫蘇味道，梅子帶點酸甜，細卷飯量剛剛好。燒明太子雞翼 $38大大隻肥美肉嫩又多汁的燒雞翼，加上帶點辣味道的明太子，好味道！綠茶雪糕 $18吃貨食好西，到最後都想食一個甜甜蜜蜜的雪糕作結，綠茶香濃結尾。