十和田總本店

營業中

休息中

十和田裝修整潔，令人感覺舒服。服務員先為客人量體溫，安裝酒精洗手液備用，坐下時更遞上一張抹手紙以便入我們除下的口罩用。餐廳好安排，安排大家有一大段距離。所以食得好放心。店內用QR code 落order，方便。我最喜愛壽司，點了午市壽司套餐（配湯）：左口：肥美又爽口；炙燒後甘甜魚油滲出， 食落更覺濃郁甘香，入口即溶。海鰻：炙燒後加上醬油在海鰻上，飯不是白壽司飯而是有味飯，更惹味。三文魚；厚切大大件，新鮮。蟹膏蟹肉：調味適中，濃郁蟹味。還有甜蝦，油金魚，吞拿魚非常甜美，鮮味。

今日黎到尖沙咀食午餐想起好耐冇食壽司就黎十和田總本店依舊好鐘意佢地簡潔既裝潢比客人有種好舒適既感覺今日我叫左個午市壽司套餐朋友就叫左海鮮丼兩個套餐都包味噌湯我既套餐有11件壽司有甜蝦，三文魚子，墨魚，拖羅鰻魚卷 三文魚 蟹肉蟹膏等等好欣賞佢地既壽司係用赤醋飯本身已經有味道亦唔會過濃 岩岩好全部魚類都好新鮮而且魚身厚切啖啖肉好滿足 我朋友果飯更加正有雜錦海鮮有海膽 吞拿魚蓉 三文魚子甜蛋 甜蝦非常豐富我另外叫左個茶碗蒸熱辣辣 蛋非常滑蛋味好濃 值得一試整體黎講環境 食物 服務 都好

本來諗住食潮丸，但無開，所以試下呢間…疫情下入店要量體溫，好嚴謹坐低感覺幾好，同日本一樣好乾淨企理，位下有個籃擺袋，不過而家咁少人當然用唔著啦！袋可放喺隔離位，自助綠茶粉，用QR code點餐，我點咗個生姜豚肉飯，同事點咗個壽司拼烏冬，全部即叫即整，壽司上檯有驚喜，魚生全都係厚切，帶子好大隻好新鮮，壽司飯係啡啡地色，已調味，烏冬份量都大，不過偏鹹，定食係98蚊，2個餐都有配燉蛋，熱辣辣，正，裡面除咗有蟹柳，冬菇同魚片外仲有銀杏，好足料，炒豚肉就正常味道，不過份量好多，只需78蚊真係算抵食

2020年2月6日 星期四呢排都唔需要返工住，所以就同女朋友約咗去婚紗店試婚紗，為嚟緊嘅婚禮做好準備。試完都大概下午一點，個肚開始覺得肚餓，就諗住喺婚紗店附近搵嘢食見到對面街有呢一間日本料理，之前經常行過都想食，就直接入咗去入到去發現裝幾有日本嘅簡約風格，仲可以坐壽司枱添，空間感都幾大餐牌方面係用QR code點餐既，感覺幾方便，因為可以睇到圖片得黎又環保。見到主要有午市套餐，價錢係尖沙咀黎講算係正常女朋友點左雜錦魚生丼，上菜嘅時候見到碗飯好大，裏面有好多唔同嘅魚生，我哋都嚇咗一跳。點知食落去嘅時候更加驚喜，因為原來唔止表面上有好多魚生，連裏面都有好多，魚生嘅份量多過飯好多，冇諗過飯同魚生嘅比例會掉轉咗。魚生每一款都好新鮮，女朋友仲話唔使落醬油已經好夠味佢呢個餐原來仲送蒸蛋添，蛋蒸得好滑溜，完全唔覺得老，裡面仲有少少配料，一齊食又幾配合至於我就叫咗午市壽司套餐，一共有11件壽司，每一款都整得好精緻，我由左下角嘅燒左口魚開始食，燒得好香，而且充滿油脂，食落去會慢慢溶化。至於其他刺身都好新鮮，但係特別要提三文魚，因為師傅切得好厚身，所以食得好滿足。另外每一舊飯都已經加左醬油，所以唔需要另外

今天在尖沙咀辦少少事順便吃個便飯， 本身只想快吃，於是朋友就選了一間丼飯。為個人衛生，餐廳門口和洗手間外都設有消毒搓手機供客人消毒，十分貼心！！手機點餐方便快捷食物都在預期中超快地送上，我點了魚生丼， 還有蒸蛋和 麵豉湯麵豉湯有幾塊麵筋， 味道剛好，又夠熱， 在寒冷的天氣裏為身體暖身茶碗蒸有幾塊魚蛋香菇和蟹柳， 有少少鮮甜味，蒸蛋都常算滑魚生丼… 一上枱的時候真的有視覺上的衝擊… 色彩繽紛而且最上面還有一大堆我最喜愛的蟹子！其實好大碗 魚生都非常新鮮而且每一粒也很厚肉， 又不會吃到魚生的筋。 初步估計大概有五至七款魚生，三文魚…吞拿魚…八爪魚…劍魚… 鯛魚等等。 魚生飯本身有醬汁調味因此不用加醬油都十分夠味道。吃到差不多只有三分之一，其實已經有少少飽…而且我發現魚生是多過飯的… 飯上面鋪了的至少兩至三層魚生。 只想說這個飯的魚生多得有點可怕… 是好吃的但都太多了吧…… 可能換男士來吃就會感覺非常滿足… 自問食量都不小的我最後只把魚生吃光，剩下三分之一的飯……朋友都說下次這個魚生飯我們可以share來吃

最近都應該有好多人會少咗出街但其實好多香港人都需要繼續返工所以咁岩同同事放工經過尖沙咀有間食店出面人排隊，咁當然過去八卦下啦...原來係間日本壽司店我同同事都未食飯又肚餓又有時間所以決定入去試吓😋呢間店舖好先進用QR code就可以落單非常方便👍我哋選擇咗一個超壽司特選拼盤：有蟹腳壽司，拖羅，海膽壽司，牡丹蝦，吞拿魚茸卷非常之豐富仲有麵豉湯同埋蒸水蛋👏🏻👏🏻當然唔夠啦所以再叫平成卷，飯卷上面有海膽再配搭吞拿魚茸嘗試新鮮好味😋我同我同事就叫咗每人一客三文魚三味壽司，三款唔同味道嘅三文魚壽司非常之開心，三文魚又新鮮好好味😋😋總括來講雖然座位唔算好闊落但呢度啲壽司水準非常之高價錢非常之合理，所以我同同事都覺得我哋係快閃食優質嘅壽司真係啱晒我哋香港人👏🏻👏🏻👏🏻

尖沙咀大大話話都有好多唔同級數唔同種類嘅日本餐廳☺️而呢一間日本餐廳就係加連威老道鬧市之中，成日行街都見到！所以一早已經想試！今次一早book定位，餐廳樓面都坐得多人！嚟到嘅時候已經滿晒座！呢間壽司好吸引，而最正係佢有幾種壽司拼盤，我哋叫咗超特選壽司拼盤：有蟹腳壽司，拖羅，海膽，牡丹蝦，吞拿魚茸卷！好正！紫菜好脆！而且仲附送麵豉湯同蒸蛋！熱辣辣！蛋好滑！而且仲叫咗平成卷，飯卷上面有海膽同吞拿魚茸，係我最愛嘅配搭！由於我同朋友都係三文魚fans所以再叫埋三文魚三味壽司!兩個食完已經夠飽啦價錢中位數!下次會再!

今晚行過附近，見到佢又令我掛住假期時在日本嘅感覺，於是當然入去食返個丼止一止旅行嘅欲望先，利用手機掃qr code 落去，方便之餘，又可以慢慢選擇，分類清晰，種類選擇超多，而這裡最多人點就係個三色丼，有三款口味一次過品嘗，但今次我就想食鰻魚飯，加多份炸雞件，同埋火炙牛肉赤蝦卷，最先上係份火炙牛肉赤蝦卷，在用壽司飯卷住嘅赤蝦卷上放了火炙後嘅牛肉，入口感受到香滑嘅牛肉，加埋軟熟嘅赤蝦，有著雙重口味！炸雞件炸得十分香脆，咬開裡面仍然十分熱盪，雞肉嫩滑軟熟，十分好味！重頭戲鰻魚飯，大大塊燒鰻魚放在軟熟嘅飯上，燒鰻魚十分肥美，配上燒鰻魚汁，入口頓時感覺到個陣美滿嘅感覺，十分滿足！食完個人暖粒粒，十分滿足！明天又要繼續努力工作！

今日黎到都和田食晚飯，8時去到，入面滿座，等了一陣便入座。十和田是用電話order，十分方便。首先點了吞拿魚三味壽司，有不同部位的吞拿魚，絕對好岩我呢d中意食吞拿的人。吞拿魚非常新鮮，大吞拿魚腩更是入口即溶。再來是松葉蟹三味壽司，有蟹膏壽司及蟹腳壽司，蟹膏味道濃郁，而蟹腳亦十分鮮甜。之後點了海膽壽司及帆立貝壽司，海膽味道不腥，口感不錯，而帆立貝也大大件。大件壽司總共300元，食材新鮮也抵食，而且好食。

兩公婆好鍾意食日本菜，趁空檔去十和田總本店食餐有質素的晚飯。十和田可謂走在科技最前線，在點餐時我們便可以領會一番，全因為他們採用了QR Code上網點餐。網頁清晰分開類別及顯示其價格，選好食品後再三確認非常穩妥。由於希望回味到日本的風味，於是點了廚師特選壽司(配了味噌湯和蒸蛋)。廚師特選壽司一共有15件特選壽司款款都新鮮精美，外型大小與一般市面的壽司相約，當中大小比較突出有鰻魚壽司及蝦壽司。鰻魚壽司真的用心製作，他不像一般鰻魚壽司只有醬汁蓋過所有味道，十和田的醬汁薄薄一層，味道點到即止，因此仍能保持魚香。蝦壽司壽司就是令人感到食材的新鮮，鮮甜蝦肉富有質感十分彈牙。另外很想再回味的有海膽壽司和三文魚肝壽司，兩者都是留有餘香於口的作品。海膽壽司新鮮香甜的。三文魚肝壽司比較少見，味道就像鵝肝的香，但一件便很足夠，因為會容易感到膩。三文魚腩壽司非常高質，他可說是接近入口即融，魚油香且不油膩。蟹腳壽司造型出眾，他去除大部份殼只餘下最後一小節，從而引證他出自真正鮮蟹，味道清香又嫩滑。螺肉壽司味道清甜，螺肉彈牙，雖然壽司比較細小，但仍很出色。壽司整體非常高質，而且用上了有味飯，食用時可不用再點壽司豉

這一年生日晚飯，走到尖沙咀十和田總本店享用日式佳餚。餐廳在地舖，不難找。點餐過程已電子化，用智能手機掃QR code，即可看到圖文並茂餐牌，並可按個人口味走芥末等。座位下邊擺放置物籃，方便存放個人物品，是個很貼心的設計。吉列生蠔湯烏冬亦很到位，烏冬是有咬口的，正合我的口味，份量亦十足，而吉列生蠔外脆內軟，蠔的味道香濃，只是相對比較細隻，可能是一口一件的食法呢。海鹽雪糕味道非常獨特，反傳統地以鹹作主味，配合牛奶香氣，十分可口。

今天放工跟朋友來到位於銅鑼灣的十和田總本店晚餐，之前經過看到經常都滿座，壽司款式好多而且好吸引，一直都想試試。餐廳以木色為主題，寬敞而且座位好多。點餐只需要scan QR code就可，還有圖片可以看，很方便快捷呢。三文魚三味壽司 $38有火炙、wasabi及薑蓉三款，店內壽司飯採用赤醋飯，令到飯粒更香。吞拿魚三味壽司 $108三款不同口感的吞拿魚，有中拖羅及大拖羅，充滿油脂，入口即溶，非常高質。火炙帆立貝壽司 $28帆立貝好大粒而且鮮甜，口感不錯。燒明太子雞翼 $38雞翼內釀滿明太子，外層燒得很香脆，好惹味呢~平成卷 $138有海膽，拖羅蓉以及三文魚籽，材料好豐富。火炙左口魚邊丼 $138超豐富嘅丼飯，面頭鋪滿左口魚邊，火炙後油脂十分豐富，充滿魚油香，還有新鮮的海膽，吃得好滿足。

今日逛尖沙嘴，到了晚飯時間，到附近覓食，走到金馬倫道，見這間"十和田"日式餐廳門面十分搶眼，見入面已幾乎滿座，幸好還有位置不用等。坐低後店員提醒用手機掃QRCode即可點餐，環保又方便 十分欣賞。刺身沙律 $98刺身沙律份量足，只見堆成山的刺身粒，當中有油甘魚、吞拿魚、拖羅、三文魚、沙律菜和車厘茄等，上面更灑滿飛魚子，整體新鮮吸引，這道沙律好滿足。火炙壽司拼盤 $108再來一個火炙壽司拼盤，當中有火焰芝士蝦、火焰左口魚邊、火炙三文魚、火炙中吞拿魚腩和火炙魷魚，這數款壽司用火炙做法都十分吸引，左口魚邊油份豐富，魷魚口感更好，中吞拿魚腩質感軟腍。火炙牛肉湯烏冬 $88有两大片經火炙過的牛肉，大大塊十分吸引，湯底清甜，配菜有青菜和紫菜，烏冬特別爽彈。

一直都被大大個門面吸引到，今晚終於去食。餐廳地方其實好大，而且有得用手機掃QR落單好方便。直接已經睇到埋單價錢，唔駛左計右計。食物款式多，仲有拼盤款更加抵食。呢度既壽司賣點係用赤醋飯，本身已經有味，亦唔鬆散。火炙左口魚邊丼 $138火炙左口魚的魚油充滿整個丼，香味四溢。左口魚入口即溶，中間還有海膽，錦上添花。丼飯是滿滿的赤醋飯，比起一般吃的日本米更濃香，吃得更開胃。三文魚三味壽司 $38這個價錢吃到三款不同的三文魚壽司應該沒投訴。吞拿魚三味壽司 $108重味，富口感，豐富油脂三款吞拿魚的不同體驗，吞拿魚迷不容錯過。燒明太子雞翼 $38咬開雞翼，中間是滿滿明太子，十分惹味。平成卷 $138海膽同吞拿魚蓉的卷物，上有三文魚子，中間有青瓜，卷物外圍有芝麻，口感豐富。如果喜歡赤醋飯，這裡絕對滿足到你。

一行8人一齊去食✨訂左位就唔洗等咁耐了。不過只會留枱5-10分鐘架咋！間舖好好，留左張最入既大枱比我地，傾計都傾得輕鬆啲😂叫左明太子雞翼😋同埋明太子沙律！！如果鐘意食明太子一定會鐘意埋佢地💯另外叫左壽司拼盤，2百幾有15件壽司，價錢略貴但食得出食材新鮮✨抵返哂😂鰻魚壽司 強推！啖啖厚肉食落超juicy另外有鰻魚丼 想再滿足啲可以嗌埋佢仲有超抵食丼飯😂啲餸同飯既比例1:1咁濟好似無底深淵咁 叫一個都夠飽