十和田總本店

營業中

休息中

位於尖沙咀的 十和田總本店，是由擁有20多年經驗的日籍壽司師傅主理的餐廳。餐廳生意非常好，客似雲來，每次經過勻高朋滿座，超高人氣呢。最近雖然受疫情影響，但依然吸引不少客人，由此可見，香港人有多愛吃壽司吧!餐廳被譽為 香港的美登利，裝修走日式簡約風格，感覺舒適舒服。原本坐位跟坐位之間頗近，但最近配合政府政策經營，客人坐得疏離，壓逼感更低。採用電話掃Code下單，每種食品勻附實物圖，方便易用呢。海鮮丼 $198用料豐富的海鮮丼，令我感到非常開心呀! 海鮮丼有五種刺身: 深海池魚丶三文魚子丶海膽丶帆立貝丶蝦和玉子。深海池魚鮮香肥美，三文魚子鹹香甘甜，帆立貝厚肉大顆，赤醋飯粒粒圓潤彈牙，一人一碗大滿足。燒明太子雞翼 $46蟹膏沙律 $78模仿 美登利 名菜之一 的蟹膏沙律，份量多到嚇死人啦! 巨量的蟹膏和蟹肉，單看賣相就令人超興奮呢! 啖啖蟹肉，啖啖蟹膏，鮮甜不已，滿滿的蟹肉蟹膏同時入口，超超超滿足阿。穴子壽司 $38/件雖然價格不便宜，但這個長長長的穴子壽司，真的不能不試啊! 肉質幼嫩的燒穴子，邊位帶有點點焦香，濃郁醬汁裏滿魚肉，很好吃唷。玉子壽司 $12/件濕潤度高的玉子壽司，充滿湯汁，愛

近排受疫情影響，已經好耐無出街食飯，難得出去食，當然想食餐好啲，於是就揀咗呢間想試好耐嘅三式丼飯。入到去得好少客，網上落單後好快就送到，三色丼飯分別有吞拿魚蓉、海膽同埋蟹肉蟹膏。我最先食海膽，點知一見海膽嘅樣已經唔開胃，隻色好暗淡，好似放咗好耐咁，再食，發覺很多黏液，即刻問侍應點解會咁，侍應話正常，如果我唔鐘意，就換吞拿魚蓉，但我食三式丼就係想試三隻口味，依家變咗兩式丼？算，但就算係咁，另外兩款丼嘅味道亦唔見得好，唔新鮮，啲飯又硬。呢餐差唔多食咗$200，但換黎咁嘅質素，真心好嬲。

壽司度度都有, 好似呢間咁高質, 又唔係貴既, 真係未試過!先叫左一個超上壽司拼盤 $258所有魚生都新鮮到暈, 最正係個海膽, 完全無腥味, 係真正既鮮味~tuna簡直係神級, 肉質嫩滑, 鮮甜到 飯用左赤醋去撈, 比一般白醋既多層次!仲有超好味既蒸蛋同miso soup! 個湯一D渣都無, 唔似係粉開既~再叫左個三文魚三味壽司, 平時我唔係好食灸既三文魚, 覺得無左鮮味呢個就唔同, 一放入面, 魚既油脂味已經充滿口腔!

又黎到十和田食野喇！今次都係充滿住期待同信心，因為呢間算係我經常回頭食既日本菜呀😍店內既環境與裝潢，同日本既壽司店大同小異，用上米黃色作為主調，比人舒適用餐既感覺。😇坐底左，店員服務好好，叫我哋將隨身物品，放係椅子下面嘅箱到，好貼心呢。之後就可以用好方便既ipad點餐，所有菜式一目了然～☺️壽司方面：「超特選壽司拼盤$298」除左一共12件壽司，仲配埋湯、同埋茶碗蒸。先試海膽同魚籽，海膽好鮮甜；魚籽晶凝通透，肥美爆汁，有陣陣既海水味流出，味覺的享受🤪 鰻魚壽司，好大條，烤得好入味！其他刺身壽司都好新鮮，食出陣陣鮮甜味🥳「火焰魚生飯秋季限定$138」唔知點解夏天，都仲有秋季限定可以食；魚生好新鮮；半熟帶子大大粒又彈牙；塊三文魚燒過，咬落好滑有啲啲入口即融；海蝦同魷魚爽口唔硬，好耐無食過咁好食既魚生飯喇，連d飯都粒粒分明好好食😇「燒明太子雞翼$38」燒至金黃色又香噴噴既雞翼，入邊釀左明太子醬，甜味撞埋咸味，兩者配合得岩岩好😝十和田食物好有水準，拍得住日本食既感覺，係香港每人三百蚊到，食到呢個質素真係算幾抵！💓

香港有兩間十和田，其中總店就係尖沙咀金馬倫道地舖，地點都的確係幾方便。入去之前防疫嘅措施做到足，包括量度體溫， check吓有冇手帶等等，以確保食客同埋店員嘅安全！餐牌用咗電子模式，更加環保同埋減少不必要嘅接觸，非常支持，不過餐牌分類方面因為比較多，可能會有少少混亂！櫻蝦牛油果三文魚卷$ 78呢個配搭有齊晒我鍾意食嘅嘢，包括鹹香口感櫻蝦，健康蔬果牛油果同埋三文魚！而且裏面嘅飯都有調味，所以整體都幾好食，加上紫菜更帶出其他食材的鮮味。火炙壽司拼盤$ 108呢個壽司拼盤有五款不同的壽司，每款味道都特別香，仲有啲係入口即溶，所以都好推介呢間店嘅火炙壽司！廚師推介海膽魷魚$48呢個都好得意，海膽顏色嘅遊戲，有啲清清地嘅海膽味，而且口感比較彈牙又滑，加上一啲Wasabi實在好香，非常開胃！

好多人都話十和田啲嘢食好正，之前成日都有超級多人食，不過最近因為疫情所以少咗好多，就趁呢個機會去試吓！餐牌方面選擇都多，佢全部用咗電子餐牌，不過我就覺得佢個分類唔算話太方便需要出出入入，做多咗啲功夫。佢亦都有兩個特別嘅餐牌係比啲人揀，啲嘢食都係比較時令的～三色丼$ 178有三款唔同特色的迷你丼飯，佢哋啲飯粒亦都有調味，所以唔會話好dry～海膽嘅顏色就同我影自己有所不同，不過味道都算新鮮。特別最吸引嘅應該係蟹肉蟹膏，因為特別香濃，要來送飯一流，三文魚蓉就比較清淡，所以都要加啲豉油！以下兩款就係超新鮮嘅是日限定，無論係赤貝定係鮑魚都係生勾勾，夠晒新鮮。活赤貝壽司$68活鮑魚壽司$68口感都係特別爽口彈牙，當然可以點啲壽司豉油，令到個味道更加豐富，不過就咁直接食都好清新的！今次呢個壽司同埋丼飯嘅晚餐都好滿意，下次可以再嚟試吓其他新野！

伏！伏！伏！重要的事講三次⋯都唔夠！見到咁多好評，諗住實無死啦，點知原來係咁伏，唔知係因為疫症關係，食客減少而無入新鮮貨定我唔好彩喇真係！慶幸地無一次過點太多食物，唔係真係食唔落我地先叫左個特選壽司試試先，套埋味增湯同蒸蛋。個蒸蛋係ok既，多香夠滑，可惜！！！壽司出事呢！個海膽既顏色唔靚都算（影相我已經較左鮮艷模式，）食落口乜味都無，食緊咩野🤷‍♀️魚生不蛋評論，因為諗唔到讚既地方，而最令我覺得差異既係舊壽司飯！！顏色色落ok,食落好硬！好似隔夜飯咁，最慘係每一舊都係咁硬，完全失望！食左幾舊已經打算出去再食過

十和田總店係尖沙咀同新蒲崗都有分店，裝修走日式風格，感覺舒適，但座位之間比較近，檯相對較窄，放兩個lunch set就冇位放其他野食🙈午餐定食大約$78-$198左右，跟餐附上茶碗蒸和味噌湯，下單用qr code，都幾方便，好快就到餐👍🏻－－－－－－1. 刺身拼鰻魚飯 4.2/5鰻魚厚肉冇骨，灸燒後配上燒汁，醬汁濃郁，送飯一流，但我略嫌燒汁太多，飯食落有點咸，不過每款刺身都係厚切，魚肉鮮美😋真係幾抵食2. 甜蝦丼 4/5甜蝦大約有10隻左右，隻隻都手指咁長，好鮮甜🤤另外，茶碗蒸質感幾滑，熱辣辣好食

尖沙咀的十和田總本店由有20年經驗既日籍壽司師傅主理，人氣超高。壽司店裝修簡約，感覺好舒適舒放鬆。餐廳用Pad落單，每款食物都有實物圖參考，最啱我呢啲三分兩意既人慢慢揀，亦都好適合旅客，好方便。我揀左我至愛既雜錦海鮮丼，成個海鮮丼超多魚生，食極都有，包括八爪魚、三文魚、吞拿魚、左口魚、玉子、鯛魚、三文魚子，啖啖新鮮魚生。而飯底係醬油飯，加埋魚生一齊食，好夾。食左成個飯，非常滿足。朋友叫左鰻魚飯，最適合係鰻魚控既朋友，鰻魚超口身，醬汁濃郁，食到舐舐脷。午餐Set 仲有蒸蛋同麵豉海帶湯，個蒸蛋好滑，食完同朋友都出現心心眼。好滿足呀，同朋友捧住個肚行出十和田。

十和田就聽得多 今次第一次去試下🤩🤩🤩大熱三色丼一定要叫一次過試哂3樣 3樣都好正🥳🤤海膽控最中意當然係海膽啦而我就中意個蟹膏蟹肉啦! 蟹膏撈飯真係勁邪惡 但真係好鬼正 仲有個tuna蓉都好正!!! 推薦大家可以叫碗大既!因為好快就食哂成碗飯🤪😂😝見到隔離台勁大份海膽壽司😍即刻都要點返份先得 $108一d都唔平咖😳不過原來追加就可以$88叫多份每份海膽壽司都勁多勁滿就黎傾瀉咁滯咁都算抵返既 我懷疑佢都排左半版海膽上去 🤪

《海膽相撲壽司🧡》 限定供應海膽份量令我驚嘆 軍艦咁先似樣咖嗎🛳一啖真係食唔哂 男朋友就得 佢勁享受露出兩條笑眼(´▽｀).《三色丼》香蔥吞拿魚腩蓉+海膽+松葉蟹肉蟹膏💗吞拿魚腩蓉充滿油甘 仲有大量香蔥 綿綿油脂中帶微微魚蓉彈性💛海膽同頭先相撲壽司用料唔同呢款味道偏鹹少少 適合撈飯🤎松葉蟹肉個味好出 啖啖都有蟹肉蟹膏就更加過足口癮.《火炙壽司拼盤》食親壽司都會叫火灸左口魚裙邊好中意好多魚油夠哂香今次叫呢個拼盤就可以試多d唔同既魚除左左口魚裙邊 仲有芝士蝦、三文魚、中吞拿魚腩、魷魚.《赤貝+鮑魚刺身》赤貝已經好爽口 鮑魚更加爽口 而且更鮮甜.《鰻魚壽司》鰻魚夠厚身 肉質有咬口 醬油味濃.十和田總本店 (尖沙咀)📍尖沙咀金馬倫道42號華懋金馬倫中心地下——————————————————————#尖沙咀 #尖沙咀美食# 尖東 #tst #tstfood #tsimshatsui #tsimshatsuifood #hongkongfood #hongkongfoodie #hkfoodieblogger #hkfoodie #hkiger #hkigfoodie #852food #852

日本野真係任何時候都想食，而且食極都唔厭～刺身沙律，以開胃嘅柚子醋撈勻唔同種類嘅刺身，好惹味，同埋真係好多刺身喺入面，值得一試！三色丼，好別緻，小小一碗令人食慾大增！飯同刺身份量各佔一半，好味～試左松葉蟹丼先，好大pat蟹膏，仲有啖啖蟹肉，好濃味～個海膽丼好新鮮，海膽好creamy同甘甜，入口即溶！而吞拿魚蓉丼係我最期待嘅，超多吞拿魚蓉！配大蔥好夾，入口軟綿綿，又帶少少油香，好好味！呢個超特選壽司拼盤好豐富～啲壽司飯係用赤醋整，好特別，味道好濃郁，比一般壽司飯更有層次感，而且壽司造型好工整，夾起唔會散開，但個飯入口又唔會太死實～個set 跟埋茶碗蒸同味噌湯，好滿足！燒穴子就最吸引，夠哂長，肉質軟而帶炭火香。而中拖羅入口好順滑，好肥美。仲有油甘魚，三文魚籽，牡丹蝦、海膽等等，最特別係個蟹腳，真係入口即溶！

今日出開尖沙咀，順便約埋朋友食個晏小聚傾幾句最近迷上日本野，成日都會想食日式餐廳十和田開左唔算好耐，但就一直都想試今日決定同朋友食個late lunch去到都差唔多兩點，過左午市時間餐廳走日系木式裝潢，店內明就寛敞坐得幾舒服，我地揀左角落位，可以靜靜地傾下計☺️坐低有抹茶粉俾我地沖黎飲🍵飲落微甘，幾香濃，唔洗好多抹茶粉已經夠味落單好先進用QR code，幾方便唔洗下下都叫服務員我地唔算好肚餓，叫左兩款丼飯，野食都好快到朋友叫左：三色丼賣相非常吸引，而且滿足晒三個願望🤣三色分別係：左 - 吞拿魚蓉，入口淡淡魚香，完全唔腥，食得出好新鮮，而且有吞拿魚蓉黏口既特色，配埋蔥絲更加香，記住落醬油可以令鮮味更加提升一層樓中 - 海膽，店家好重手，有成6-7舊海膽仲要舊舊都幾肥厚😍😍😍睇色水都知道新鮮！入口淡淡海膽香甜既味道，一啲都唔腥配埋紫蘇葉膽埋少少醬油，呢個配搭非常好👍🏻右 - 蟹膏蟹肉，日式蟹膏通常會混合味噌，呢到既蟹膏加左味噌提鮮同埋調味，但唔會搶左蟹既鮮味配埋鮮甜既蟹肉中和番蟹膏既膩，兩樣加埋一齊鮮味十足，蟹味濃厚，朋友好鐘意呢個🤣作為左口魚fans，我叫左 火炙左口魚丼黎到即刻心心眼😍😍

🍣Nomatter帶你坐直升機 之 伏伏伏伏伏🚁-呢間十和田其實都幾多人讚，我之前都係慕名而去，點知極度失望而回！真心唔明點解Openrice會咁高分🤷🏻‍♀️佢嘅賣相其實唔差，仲可以講唔錯咁，不過身為一個海膽愛好者，滿心期待咁入去，結果成口腥臭味咁離開個門口，過程仲食到我偏曬咀😞因為我好多樣嘢都有海膽，所以全部嘢都變到好臭😂只能說可能係我黑仔食中唔新鮮、唔靚嘅海膽啦！如果唔係呢間嘢點會咁多人讚？🤷🏻‍♀️當然大家都可以繼續去試吓啦，但我中過伏，唔想大家一齊中伏！🤢尤其係我果日係去食生日飯😞正日生日去食到啲咁難食嘅海膽，成口都好腥臭，你哋想唔想像到果種心情？😭佢嘅帆立貝都好霉㗎，三文魚都無乜味！果日最正常嘅就係個蟹膏飯😂一個字講曬：伏！一句講曬：伏伏伏伏伏🤢

是日來到這間位於尖沙咀金馬倫道的刺身壽司店，店外一如既往，總排着長長的人龍。等了大概30分鐘，店員終於安排我們入內就坐。看過餐單後，我們點選了帶子松葉蟹丼及雜錦魚生丼，作為吞拿魚腩控的我們，也額外多點了一份吞拿魚腩壽司。魚生及刺身均十分新鮮，入口鮮甜，質素上乘。刺身丼的份量也不少，價錢合理，值得一試。最值得一讚的是他家的海膽蒸蛋，海膽非常鮮甜，配上嫰滑的蒸蛋，真令人念念不忘呢！喜歡魚生刺身的朋友們，若有預算的話，不要錯過這間小店哦！