十和田總本店

營業中

休息中

尖沙咀金馬倫道超多野食，今日行到接近街尾就見到呢間門口令人眼前一亮嘅十和田。今晚我就自己散叫壽司，總共點左11件，我呢個大食女仔都啱啱好架。牛油果（$15），本身餐牌就係切開一片片嘅，黎到邊左一舊過，稍微有啲失望。小柱（$25），係好似有好多粒迷你帶子咁整成嘅軍艦。鯛魚（$26），比較筋多，好有咬口。鰹魚（$20），帶有吞拿魚嘅鮮味，接近皮嘅位置比較硬身，幾特別。竹筴魚（$28），光身魚嘅代表，用薑蔥癖腥，味道都幾鮮。油甘魚（$26），平凡得黎又最滿足到我嘅一件，油脂含量較高，感覺較重魚味。赤蝦（$38），彈牙又大隻。玉子（$12），好大塊，大概係舊飯嘅四倍size！甜度唔算高。蟹膏蟹肉（$28），半件蟹膏半件蟹肉，互補不足。穴子（$38），係海鰻，同平時食開嘅河鰻有啲唔同，較為薄身，有我手掌咁長架。火炙三文魚（$15），本身厚切，火炙後魚油更出。呢度上菜都幾快，落單後5分鐘唔洗就到。呢度有吧枱又有正常枱，用手機落單，仲自動幫你加埋服務費添。

疫情開始明朗化,終於夠膽出街食lunch,唔係再帶飯盒,今日天氣好好,好猛太陽,個人都覺得好似輕鬆左天氣咁熱就想食返D冷盤,所以去左十和田食lunch 有壽司SET LUNCH同魚生飯坐位已經全部加左膠板隔開左,好放心set lunch 包面鼓湯魚生飯另外多一客蒸蛋TOTAL有11件,$98好低三文魚,左口魚,油甘魚,八瓜魚,墨魚,吞拿魚,三文魚粉,蟹糕,鰻魚X3左口魚好肥美,入口油脂餘香KEEP住唔散,油甘魚都好新鮮美味同事點左個魚生飯,超多魚生,同飯比例接近1:1有三文魚,吞拿魚,油甘魚,青瓜,蛋,咩都有D先係$118其實好抵食,又飽又多料,而家魚生都算靚同新鮮~

成日都聽朋友提起十和田，今日終於有機會黎試試坐抵後，店員會比QR code你掃，全程用手機落單好多壽司、小食、定飯、烏冬等等選擇明太子沙律🥗（$48）wasabi 好攻鼻，不過好好食🤣燒明太子雞翼（$46）一份兩件雞翼，烤得好香脆，起骨雞翼入面放咗明太子餡料，味道唔錯鰻魚卷（ $88 ）一份有六件，壽司卷上面放有鰻魚片，配上燒汁，好味～鰻魚壽司（ $28 ）蟹棒壽司（ $28 ）和火炙芝士蝦壽司（ $15 ）最後係豆腐雪糕（ $18 ）第一次食豆腐雪糕，幾好味，雪糕下面係透明椰果

今日去左尖沙咀食lunch, 朋友話想試下呢間日本菜午市套餐已經包括埋麵豉湯同茶碗蒸。茶碗蒸既蒸蛋非常嫩滑！角切魚生飯用料豐富，魚生既種類好多，除左基本會有既三文魚之外，仲有吞拿魚、油甘魚、螺片、蟹籽、青瓜等等。所以食魚生飯既時候，除左可以品嚐到魚生既鮮味之外，仲可以食到青瓜、蟹籽爽脆既口感，又有甜甜既玉子燒味道。鰻魚飯既鰻魚份量都一樣好多，飯底用上有味飯，食落唔會寡，鰻魚汁香濃，鰻魚塗滿左醬汁、有微微炭烤既味道，口感柔軟但肉質緊緻。

大拖羅冇拖羅味、蝦冇蝦味、蟹冇蟹味、魚冇魚味、蛋冇蛋味，得穴子有啲味，超級市場啲壽司隨時仲好食過佢。丼飯嘅飯又痴埋一嚿嚿。成餐飯近乎冇味，唔明點解咁多人話好食。

因為疫情關係，都𣎴太敢外出吃飯。見最近緩和返，所以就稍為解放一下。幸好，十和田沒令我失望來吃一個快午餐。手機點餐，自助綠茶🍵十多款Lunch set 選擇，價錢有較便宜和高位，任君選擇。友人點選了壽司套餐，$98，如圖中，一共有十一件壽司，整體質素不俗，魚質新鮮，飯團已沾滿醬油。鰻魚飯，推介之選！鰻魚入口即溶，零魚骨，配上鰻魚汁，絕配！鰻魚分量合理，不多不小。套餐還包蒸蛋，蒸蛋好滑，餡料也很多🤗

是日同媽媽係尖沙咀行街，尖沙咀出左名多好野食，今次經過十和田見到有午市套餐，壽司套餐都係$98！CP值咁高一定要入去試試啦！餐廳座位寬敞，而且每個座位既凳底仲可以放袋，等顧客唔使攬住個袋黎食野，非常貼心開頭就係被壽司套餐吸引而入去，梗係要番一份先每份午市套餐都有味噌湯附送媽媽揀既套餐仲有茶碗蒸tim蛋非常滑，而且用料豐富，入面仲隱藏左蟹柳，令人驚喜叫人食指大動既壽司套餐，足足有成11件，真係勁抵食！最好食一定係饅魚卷三文魚、蝦同吞拿魚都食得出好新鮮，呢個套餐應該最場最多人點壽司飯都唔係普通白飯喲～點既穴子丼，數數都有五六塊穴子鋪係飯面；好多人分唔出穴子同饅魚既分別，其實穴子係海度生長，肉質非常軟腍同鮮味，比鰻魚細嫩肥美；而鰻魚就係淡水生長 

成日見到人介紹呢間 今次終於試到了環境好舒適 店員態度都十分好用QR code落單好方便 可以睇相慢慢揀啲午市套餐都好抵～仲有好多選擇有壽司套餐 鰻魚飯 豚肉飯 烏冬套餐包茶碗蒸 又有湯 茶碗蒸好滑 鐘意雜錦魚生丼 $108一上枱真係好吸睛勁多刺身粒 又多款 三文魚 油甘魚 魷魚 玉子 左口魚 蟹籽！ 絕對夠哂送飯！ 我食到底都仲有刺身！！壽司拼叉燒湯烏冬 $98叉燒又淋又滑溜烏冬又有咬口壽司有六件 帶子好鮮甜 吞拿魚無根唔腥 整體好鐘意呢間餐廳質素 會再嚟！

因為疫情關係，出街食晚飯的機會雖然少左，但朋友相約十和田食飯，有日本美食當然會出席啦。落單非常方便，係IPAD上點好之後，壽司好快就上檯。首先有麵豉湯以及蒸蛋，加入蟹柳，白果等配料，令本身入口絲滑的蒸蛋更添鮮味。最令人期待的當然係壽司拼盤，十多款的壽司當然由味道最淡先食起，吞拿魚入口魚油豐盈，厚身而白淨的帶子當然亦不可以錯過，而甜蝦蝦肉質感亦相當結實，質素上乘。而接續落嚟的吞拿魚蓉手卷，同埋鰻魚壽司亦無令我失望，而後者最得我歡心，加上蒲燒醬汁的鰻魚，更昇華了本身鮮味十足的鰻魚。

/十和田總本店🇭🇰/#sa尖沙咀篇 #sa午餐篇➖➖➖<充滿日本風嘅料理店✨> 忙完一陣食好西俾動力自己繼續走下去🔥之前睇到呢間店嘅三色丼好吸引 想試 而且裝潢特別係門口 都幾似日本建築風格～所以專程黎試下🙆🏻‍♀️ 但可惜嘅係嗰日無三色丼唯有食第二樣啦！最後都發現唔錯🙌🏻▪️▪️▪️1️⃣午市壽司套餐 $98/set 配麵豉湯⭐️⭐️⭐️⭐️性價比幾高 有11件壽司🍣最鍾意嘅係炙燒左口魚 入口即溶 有煙燻嘅香味三文魚都厚切肥美 不錯～蟹肉嗰件一定要連埋蟹膏食✨本身飯都已經加左豉油夠味 可以唔洗再加▪️▪️▪️2️⃣什錦魚生丼 $108/set 連湯、蛋⭐️⭐️⭐️估唔到lunch 都幾大份 兩人分唔係好食得曬魚生飯好足料 有兩至三款 魚生比例較多最鍾意嘅都係三文魚～飯本身都加左豉油 一樣唔洗再落▪️▪️▪️3️⃣蛋⭐️⭐️⭐️💫幾嫩滑 入面都有唔同嘅配料 冬菇、鳴門卷、海鮮 夠足料✨➖➖➖📍十和田總本店

今日去到尖沙咀呢間十和田日本料理到食晚飯， 喺呢段抗疫嘅期間， 好欣賞餐廳嘅防疫措施都做得好足夠， 枱與枱之間隔得好開， 亦都有酒精搓手液提供畀個客講返食物， 今次我哋首先叫咗一個火炙丼飯， 入面有火炙三文魚， 火炙吞拿魚， 燒鰻魚， 火炙左口魚邊等等， 好欣賞廚師好細心， 知道火炙嘅魚燒完之後會有比較多嘅魚油， 就特登拎咗幾塊紫菜喺魚同埋飯之間隔住， 紫菜又有魚油香， 啲飯又唔會顯得太油膩， 非常細心之後我哋追加咗幾件火炙蝦芝士壽司， 蝦幾新鮮， 擺上芝士然後用火槍燒一燒更加有風味， 我哋仲叫咗一件三文魚子壽司， 三文魚子都好有鮮味， 咬落去啲鮮味就隨住三文魚子破裂爆出嚟總括嚟講係一個唔錯嘅日本料理體驗！

喺呢段抗疫期間， 要鼓起勇氣出街食飯都唔容易， 呢間十和田日本料理， 鋪面比較大， 枱與枱之間隔得好開， 食落都比較放心， 食物質素亦都幾好我哋首先叫咗一個吞拿魚三味拼盤， 入面有赤身壽司， 仲有 一件中吞拿魚腩壽司， 同一件大吞拿魚腩壽司， 餐廳所選用嘅吞拿魚都非常新鮮， 要欣賞餐廳嘅廚師非常慷慨， 三件壽司嘅魚生份量都非常厚， 食落口非常有口感， 吞拿魚腩嘅油脂更加喺咁厚嘅肉入面發揮得淋漓盡致， 食落口淡淡嘅魚油香真係一大享受跟住我哋仲叫咗三件牡丹蝦壽司， 呢度嘅牡丹蝦選材亦都好新鮮， 廚師擺盤亦都別有心思， 特登唔切個蝦頭， 將成隻蝦原汁原味咁樣奉上， 蝦肉亦都非常之爽口除此之外仲叫咗一個火炙丼飯， 同埋火炙左口魚邊壽司， 都幾飽肚㗎

環境：👍👍👍👍服務：⭐️⭐️⭐️⭐️⭐️味道：😍😍😍😍⭐️影相：📸📸📸📸📸Encore:98%📝進入前要度體溫➖➖➖➖➖➖➖➖➖➖➖➖➖➖➖黎到四月尾，工作嘅事暫時告一段落啦終於可以比自己放鬆一下～決定去「十和田」食到飽，獎勵下自己.🔸環境貫徹日式簡約風格，全店以木系裝修枱與枱之間嘅距離夠哂寬敞凳底下放置左個竹籃，可以放隨身物件入去～.🔸餐牌一直都好欣賞以QR code 形式嘅落單方式System即時update 成張單嘅銀碼又可以睇到食物嘅預覽圖方便又快捷.🔸三文魚三味壽司 呢一set 三文魚勁抵食平均每件都只係$13用左醬油漬做飯底醬油嘅鮮香更能帶出三文魚嘅鮮甜第一款係Wasabi 三文魚三文魚本身夠哂厚，鮮甜又肥美Wasabi 刺激到味蕾，每魚鮮更立體第二款係碎薑三文魚三文魚上加左碎薑做點綴入口即溶，口感軟滑又豐盈第三款係火炙三文魚即叫即燒，口感極佳咬落去火炙嘅香氣充滿成個口腔加上醬油漬飯著嘅微脆，真係超正.🔸蒸蛋 日式蒸蛋真係食柔軟帶彈性嘅蒸蛋蛋香十足，每啖都係暖笠笠最正嘅係，愈掘愈多配料如香菇，日式魚蛋等，充滿驚喜.🔸火炙芝士蝦 燒至半熔嘅芝士配上鮮甜嘅熟蝦肉，口感豐富.🔸吉列炸蝦卷 一

由於疫情嚴重，所有食肆都需要有1.5米嘅座位距離，我們支持這方式，所以在十和田晚飯令我們安心。入門已經要探熱及有消毒酒精，十分清潔。所有人員都帶上口𦋐及手套，令我們可以吃得安心又放心。三文魚刺身$48，味道香甜而肥美，沒有一點雪味，證明解凍程序做得很好。 三色丼$178，分別用三個小碗裝着，有吞拿魚蓉、海膽、蟹肉。吞拿魚蓉內藏着紫菜和黃糖粒，令到吞拿魚茸的味道層次簡單中帶點美味。海膽用上了加拿大海膽，味道鮮甜，配合赤醋飯，效果一流。蟹肉混合了蟹膏，味道甘香美味，是蟹控必點的一道菜色。

今日同女友人係疫情下既尖沙咀行下， 發現其實條街街都好多人.. 咁我地四圍行又擔心多人，最後就選擇去揾間餐廳坐下.. 我地今次選址呢間和食餐廳，我地揀佢因為覺得內在比較衛生同埋d坐位間得開d感覺比較安全.. 野食方面我地點左一個三色井， 一個廚師特選壽司 同埋一個刺身沙律。.. 我想講個三色井好特別，佢係將三重井飯以較為似小吃咁既份量呈上，咁就可以每樣都可以試d, 佢分別有蟹膏蟹肉味，海膽味同著吞拿魚拖邏既味3個都好獨特同少食多滋味..個廚師特選壽司都唔錯..份量好足同幾新鮮大件.仲有蒸蛋同麵屎湯跟埋，最後就係個刺身沙律, 好大碗滿滿的酸酸may may咁好開胃. 我發覺差唔多每次食日本野都會叫刺身沙律，實在太好味..