十兄弟車仔麵 (已結業)

有驚喜!其實對於我來講車仔麵最緊要係個湯底因為有時喺第二啲車仔麵檔佢哋將所有餸加埋再倒個湯落去硬係會覺得個湯一啲都唔清 有啲渾濁有時仲會太鹹 呢間車仔麵檔係呢方面就做得好好呢間有好多車仔麵餸選擇仲有幾款麵係餐廳一早預設左我就費時揀所以叫左佢地個食神嗱喳麵有齊哂我最鍾意食嘅嘢豬紅蘿蔔魷魚 仲有佢哋嘅醬爆牛丸同埋鮑汁魚肚最緊要係湯底夠味 辣度適中 記住加埋佢哋個辣菜脯!非常滿足😍$59有碗咁齊餸車仔麵 好抵食!

唔想成日同男朋友食連鎖集團食到悶，我哋就去咗附近呢間嘅十兄弟車仔麵到食嘢，估唔到車仔麵都咁有驚喜🤩呢排想減肥食清淡啲我就叫咗一個靚靚全素麵，全素面一共有四款嘢食:清甜蘿蔔，陡坡，金菇，炸枝竹。唔好以為佢咁清淡就一定唔好味，反而更加突出食材嘅鮮甜味道，蘿蔔煮至腍身，食落完全無苦澀味，入口清甜無渣。炸枝竹都好香口，超級入味😋男朋友就揀左個食神嗱喳麵，入面嘅醬爆瀨尿牛丸真係無得頂，牛丸好香牛肉味，而且食到入面仲會爆汁。跟住香辣玻璃魷魚都係我超鍾意食嘅，由於本身口感已經好彈牙，睇落晶凝通透好吸引，再加埋佢哋秘製嘅香辣醬料，越食越好味。另外都仲會有香辣豬紅，清甜蘿蔔同鮑汁魚肚。男朋友明知我減肥仲要叫多個小食拼盤，但因為實在太吸引我都忍唔住食😂小食拼盤都有幾多嘢食下，包括紅腸，墨魚丸，鮮蝦雲吞，墨魚腐皮卷，魚蓉燒賣。

同男朋友去灣仔春園街的十兄弟 當然要食 肉．肉 · 肉 同肉，實行多多肉少少脆🥸推薦的菜單有牛🐂、有豬🐷、有雞🐔，多加一點脆😍！柱侯牛四寶 $65五香金錢肚，牛骨濃汁牛丸，柱侯牛坑腩，勁腍牛孖筯。呢個麵果腩汁冇得輸，濃縮曬牛的精華係到，一向鐘意食牛筋的我，仲叫師傅多牛筋😋香脆豬元帥$68泰式炸豬皮，香炸豬頸肉，台山豬腩肉，滷水豬大腸，福建豬肉丸，男朋友最鐘意食豬腩肉，半肥瘦，齒夾流香😏滷水雞中翼夠曬入味，炸雲吞即炸香脆。

我不嬲都好少食呢啲麻甩野😂不過咁岩經過呢頭，就試吓呢一間馳名嘅車仔麵啦😗聽講佢哋用料豐富，唔同一般普通嘅車仔麵，一於試吓先🙀呢碗唔野少$75你又有冇諗過車仔麵都可以食得好奢華？😂有鮑魚食呢？係呢一度就可以滿足到呢一個願望😛呢款車仔麵用料豐富，有香辣玻璃魷魚丶蠔油冬菇丶鮑汁魚肚丶珍寶蟹柳丶 蠔皇紅燒鮑魚(兩隻）！雖然同一般車仔麵嘅價錢爭左一截，但係可以喺車仔麵度食到鮑魚呢啲真係好少見😙魷魚好有咬口，唔會太硬，亦都幾入味～魚肚都有兩大舊亦都鮮甜！最誇張嘅係竟然有兩粒鮑魚仔😆味道都相當唔錯🤟🏻而我呢碗麵揀咗粗麵同埋腩汁，味道都幾好，唔算太重口味，當然佢嘅湯底辣度可以自己調校，因應返你自己嘅個人口味☺️香脆豬元帥 $78呢一款聽到個名都知道係食啲咩啦😂當中有福建豬肉丸丶滷水豬大腸丶台式豬腩肉丶香炸豬頸肉丶泰式炸豬皮～一樣都係好多餸菜，呢一款個賣相比頭先嗰款更加澎湃🤣特別係嗰炸豬皮非常香脆可口！豬肉丸都幾好食，咬落去好多汁，呢一款咁多肉會啱晒食肉獸啊🤔雖然係車仔麵但係佢哋嘅選擇同口味都幾多，都玩一啲特色噱頭嘢，幾吸引人～咁多選擇我諗總有一款啱你食嘅😁

The restaurant is located on Chunyuan Street, Wanchai. It is very convenient to use the QR code to order food. You should be checking your weight after you eat hear. It's so good that you forgot how many bowls you have eaten. It is worth commending the staff for their carefulness and good attitude.

今日去咗灣仔接男朋友放工，跟住之後大家一齊就去咗呢間車仔麵到食晚飯❤️我哋分別一共叫咗兩碗麵同兩個小食。呢碗唔嘢少$75呢碗性價比真係好高，首先有個大大隻嘅鮑魚喺度夠晒養眼！而且口感軟熟彈牙！之後冬菇都有好香嘅蠔油香味！蟹柳都大大條🤤香辣玻璃魷魚都好正，口感滑溜又彈牙，香辣味道十足！ 最豪十兄弟 $88男朋友叫呢個仲豐富！因為有齊晒10樣唔同嘅嘢食，入面會有紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷。全部都有偷食幾啖，勁鍾意食佢哋個香炸豬頸肉，炸到好香口而且豬頸肉嘅口感煙煙韌韌！仲有個台灣腸都好特別啊，一啖咬落去啲汁爆曬出嚟好正！香辣玻璃魷魚 $38 因為我碗麵入面個香辣魷魚🦑實在太好味，男朋友偷食左勁多！所以我哋決定就要單點再叫多份嚟食😂滷水雞中翼 $28 食車仔麵冇得食雞中翼硬係爭咁啲，所以就單點叫咗個雞中翼嚟食，滷水味煮到勁入味！

今日突然間好想好想食十兄弟車仔麵的炸雲吞香脆可口，雲吞皮包著肉的口感，熱辣辣的汁液係口爆出來，回味無窮！所以午餐就決定去拜會一下十兄弟。淨食炸雲吞又點夠喉呀，一於加多個清新配搭，令呢餐更飽足更完美。所以今次叫左個炸雲吞，再加個靚靚全素麵 $48 補充一日所需的纖維，全素麵的餸有清甜蘿蔔，豆卜，金菇，炸枝竹，蘿蔔清甜無渣，豆卜和炸枝竹夠新鮮，碗裏滿滿的餸覆蓋著D麵，再配上菠菜麵底，滿滿的纖維，食多多炸雲吞都唔怕。雲吞新鮮即炸，香脆可口。食過番尋味！舖頭光猛，裏面牆身貼左好多相，第一次黎的朋友都唔冼驚，有相睇總知道點揀野食。今餐絕配👍

講起香港地道美食，唔知大家第一時間諗起啲咩❓而我就諗起港式車仔面🤣今次介紹嘅係位於灣仔既十兄弟車仔麵👍🏿環境：7/10地方唔算大，但勝在乾淨，麻雀雖小，五臟俱全食物：7.5/101️⃣最豪十兄弟 $88精選咗十樣餸🥰岩晒唔想煩嘅你又可以品嘗到店主拿手餸🤭大家仲大家睇相都睇得出店家對餸嘅要求一啲都唔馬虎，粉麵底方面超多選擇，想健康啲仲可以轉食菜底，湯底我就揀左秘製香辣汁🌶，超野味！而湯同辣汁係分開上勁貼心🥰2️⃣自選車仔麵 價錢不定自選餸方面店家提供約五十種餸比大家揀，大家一定揀到你想食嘅野🤩，今次揀左咖喱牛柏葉，滷水雞中翼，日本珍寶蝦柳，餸方面有別一般車仔麵店咁普通。湯底就揀咗清湯，試一試店家嘅功力😂湯嘅調味唔會太濃太鹹，幾適合大眾嘅味道。3️⃣香辣玻璃魷魚 $38對唔太食辣嘅朋友可能會有少少辣，但要讚嘅係魷魚整得爽口彈牙而唔係靭，用嚟配麵食其實一流👍🏿💰性價比：8/10 幾十蚊食到與眾不同嘅車仔麵，依家百物騰貴，但可以平平地食野嘅地方真係唔多😮

一個人去食晚餐，當然又去灣仔春園街十兄弟車仔麵用平民價食豪啲啦。叫左 ＂呢碗唔嘢少＂，麵如其名真係呢碗唔嘢少，菠菜麵底，餸2隻原隻鮑魚、2隻冬菇、魚肚、魷魚和真蟹柳呀🤩仲有菜，麵同餸的份量絕對唔hit，湯底亦好好味呀！呢碗唔少嘢 咁多餸都只係收$75，多餸得黎仲要係靚餸，完全係平民價格，富豪級享受😎呢間車仔麵店仲有好多嘢飲選擇，罐裝汽水、支裝豆漿、多款支裝茶和王老吉。我就揀左其他地方少有的王老吉涼茶，又可以清下熱氣。今餐真係唔少嘢！🤩下次再黎試吓其他野食😋

灣仔我成日去覓食，呢間十兄弟車仔麵係我認為係灣仔必食嘅美食之一！今次就想同大家推介以下呢兩樣美食🤤，分別係佢地嘅小食拼盤同食神嗱喳麵！❤️小食拼盤$38小食拼盤嘅紅腸煎到外皮香脆，內裏油香四溢。墨魚丸，鮮蝦雲吞，墨魚腐皮卷，魚蓉燒賣均炸到十分香脆。墨魚丸同墨魚腐皮卷墨魚味超香濃，裏面魚肉嫩滑。鮮蝦雲吞同魚蓉燒賣又係最經典必食嘅小食。❤️食神嗱喳麵 $59呢個車仔麵嘅組合都幾豐富，有牛丸、豬紅、蘿蔔、魚肚同玻璃魷魚。勁鐘意食佢地嘅豬紅同玻璃魷魚，因為呢2樣都係辣嘅，呢間車仔麵嘅辣味真係會令人食上癮！食完辣野再食蘿蔔就更清甜，呢個組合恰到好處🤤

灣仔巷仔呢間都唔少客仔堂食又外賣嘅麵店 好得意地有啲幾有噱頭嘅招牌麵 小食選擇亦唔少 食落有驚喜！辣度配料蔥量嗰啲手機落單可以自由選擇 小辣都不容睇少呢🥴。。。🦔👉食神嗱喳麵 $59實不相瞞🤭係為咗試佢嗰醬爆瀨尿牛丸先點呢個特式麵 雖然佢真係合乎係「食神」嘅形象咁爽彈爆汁 但入面嘅餡料有啲一言難盡🥴望落同質感都似平時嘅蟹籽蟹粉丸嘅內餡蘿蔔真係有嗰名咁清甜 算幾入味 質感偏腍鮑汁魚肚都幾長 入口又綿又juicy😚香辣玻璃魷魚又唔係真係想像中咁辣 係魷魚真係得嗰兩小條🤣揀咗個特別啲嘅菠菜麵底🍜麵質軟硬適中 外形質感略似拉麵咁 都隱約見到青絲混合係麵條中。。。🦔👉小食拼盤 $38幾多款都幾抵食！好滿意佢啲炸物幾有誠意 炸雲吞難得地唔係得層炸皮 咬開竟然見到唔少雲吞餡仲有隻蝦仔?!🤩開心又驚喜 炸得好但唔會好油 炸魚蓉燒賣幾大粒 炸墨丸、墨魚腐皮卷幾得意 紅腸就細細塊。。。🦔👉唐揚炸雞塊 $30 (跟餐$18/半份)聽人講又真係炸得唔錯！新鮮炸起熱辣辣 攤耐咗食咬開依然咁有溫度 味道肉質適中 不過層炸皮內層軟硬方面有點尷尬🤣。。。🦔👉郊外油菜- 菜心 $19有得揀跟蠔油/腩汁/腐乳/白灼 一碟

咁啱今日去咗灣仔總公司開會，同事就提議放lunch去呢間車仔麵到食嘢，好少喺灣仔做嘢嘅我就一於聽佢介紹一齊嚟食。鍾意食牛肉嘅我就揀咗呢個柱侯牛四寶，四寶包括:五香金錢肚，牛骨濃汁牛丸，柱侯牛坑腩，勁腍牛孖筯。佢哋個柱侯牛坑腩之前已經聽朋友講話好好食 ，估唔到真係軟腍香濃，好濃郁❤️ 勁腍牛孖筯腍之餘仲有Q 彈膠質，總之呢個麵真係好鬼正🤤同事就叫咗食神嗱喳麵，呢款入面會有醬爆瀨尿牛丸，香辣豬紅，清甜蘿蔔，鮑汁魚肚 ，香辣玻璃魷魚。醬爆瀨尿牛丸，咬開有香滑油花，多汁好味！魚肚吸收哂鮑汁精華，超美味！蘿蔔軟腍又清甜！玻璃魷魚爽口鮮甜，帶點香辣更顯惹味。

同fd 去三重灣仔行街行到肚餓，見到十兄弟車仔麵。店舖入面好光猛，亦好乾淨，牆身貼左好多食物相，就算第一次去都好容易知道D野食大概係點，放心落單。我哋叫左個最豪十兄弟車仔麵和柱候牛四寶麵一齊分餸食，加＄10有罐裝野飲，我個fd飲可樂，我就王老吉。麵送到黎，我同fd 都定左定，碗麵同啲相一樣都係咁多餸咁大碗😳，好彩我哋都係餓底人士，呢兩碗麵難唔到我哋！十兄弟車仔麵配咖喱湯汁好惹味，柱候牛四寶麵的牛肚，牛腩和牛筋都炆到好諗，正呀！

呢日響灣仔買完野，忽然好想食車仔麵，醒起呢間bookmark咗好耐嘅車仔麵小店，終於有機會試吓。星期六嘅下午，餐廳都差唔多坐滿，我哋等咗五分鐘有位。餐牌選擇好多元化，有幾款招牌車仔麵，亦有自選餸嘅選擇。麵底嘅選擇尤其多，除咗傳統嘅油、幼、粗麵，仲有米粉、米缐、烏冬、菠菜麵、出前一丁同浄菜底。我哋揀咗兩款招牌菜，「柱侯牛四寶」（$65）同「招牌八寶麵」（$55）。柱侯牛四寶 - 四寶包括金錢肚、牛丸、牛坑腩同牛孖筋，幼麵，湯底要咗腩汁。首先要讚下啲餸，真係好好味，尤其牛丸好彈牙，牛坑腩同牛孖筋好淋好入味，配埋個腩汁真係冇得輸。招牌八寶麵 - 八款材料包括牛坑腩、滷水豬大腸、豬紅、雲耳、豬皮、蘿蔔、陳皮魚蛋同粟米，油麵，湯底都係要腩汁。油麵好新鮮，入口唔會太油膩。餸方面，全部都高質，特別係陳皮魚蛋好彈牙、豬大腸同豬皮爽口好乾淨。呢度嘅車仔麵可以揀多蔥，唔需要另外加錢，鍾意食蔥嘅朋友落單記得揀埋多蔥。除咗推介腩汁之外，見現場唔少人都揀秘製香辣汁，食得辣嘅朋友可以試吓，聽講好正。飲品方面，點咗大和黑豆漿（$13）同津路烏龍茶（$13）。小店嘅職員好殷勤有禮，用手機自助落單，上菜速度亦都算快。食

琴日屋企人唔得閒冇煮飯，自己一個人就去左呢間車仔麵食嘢，一睇個餐牌估唔到同平時食個啲車仔麵好唔同，勁吸引😍左揀萬揀我就叫左個呢碗唔嘢少😍，睇張相見到咁大隻飽魚就知有幾勁啦🤤，鮑魚肉質肥美，入口口感煙韌。跟住仲有個香辣玻璃魷魚都好正，魷魚超彈牙，辣味十足。佢地仲有個秘製香辣汁比客人點🥰，加左辣汁更加美味升級！另外，麵入面仲會有蠔油冬菇，鮑汁魚肚，日本珍寶蟹柳都好好食嫁，超級豐富呀☺️食物好食之餘店員嘅服務態度都好好，一於下次帶埋男朋友一齊再嚟食餐豪華版車仔麵先🤭