十兄弟車仔麵 (已結業)

今次小篇👧🏻去試平民好西,心血來潮好想食車仔麵,又咁啱會去港島遊玩，就揀咗呢間《十兄弟車仔麵》，喺門口已經見到好多人喺度食,差唔多就嚟滿坐。入到店內環境乾淨企理，這店員很有禮貌比餐牌我地和叫我地可以用QR code 落單，方便快捷心。👅 𝓜𝓮𝓷𝓾𝓼🌟柱候牛四寶🐂+菠菜麵🍜見有菠菜麵食專程叫咗都幾特別,麵質幾滑身,仲有淡淡的菠菜味，入邊有齊4大長老：牛孖筋、牛骨濃汁牛丸、柱侯牛坑腩、五香金錢肚，牛係呢碗麵嘅主角。😋💕牛孖筋珍寶級大，分量好多，食落滿滿骨膠重充滿住口腔，好滿足。小篇👧🏻推介‼️💕秘製炆咗好耐的牛坑腩,食肉獸最愛,好入味。💕五香金錢肚,外型蜂巢狀,入味爽口。💕仲有最正的牛骨濃汁牛丸,牛味濃郁,小篇👧🏻推介‼️🌟浄餸菜底（生菜底🥬）+ 4個餸+腩汁💕朋友想健康啲就試下叫生菜底的車仔麵，值得稱讚湯和餸分開上，咁樣生菜就唔會浸得太耐。而且生菜🥬索哂啲腩汁好入味又唔會鹹剛剛好。🦑香辣玻璃魷魚,魷魚好爽口而且香辣惹味,鮮蝦水餃🥟就兩大嚿入邊啲餡料新鮮好食。勁腍豬軟骨炆得好腍而且充滿骨膠原。滷水雞中翼好夠入味，肉質亦唔會硬,另外小編👧🏻再加埋辣菜葡,好惹味😋。🅓🅡🅘🅝🅚🌟凍無糖豆漿 #cc_

車仔麵你諗起咩餸❔唔准諗 即刻答❕係咪諗起雞翼魚蛋蘿蔔豬紅呢 我就係諗到呢啲喇 原來今時今日嘅車仔麵已經升華到另一個層次係有鮑魚食😲😲😲 貧窮真係限制想像🤫只不過咁 呢排食大咗 我都冇叫鮑魚🤣我叫咗净餸菜底🥬菜底簡左生菜 有時食麵食得多轉菜底都係一個唔錯嘅選擇👍🏻雲雲云云。幾十款餸入邊揀咗勁腍牛孖筋&柱侯牛坑腩🐮聲稱係皇牌必食推介 喂唔好講笑 係真係好好食🤤冇拆自己招牌 重揀咗秘製香辣汁 將餸菜嘅味道提升到另一個層次🤩即係咁 平嘢有時都唔係冇好嘢嘅

好鍾意食豬大腸豬腩肉炸豬皮嘅我，今次去到十兄弟車仔麵就有口福🤤佢哋有一個車仔麵套餐係有晒全部我鍾意食嘅❤️我今次做特別加多個香辣玻璃魷魚🦑***香脆豬元帥$68佢依個套餐入邊五個餸我都好鍾意食，平時我必嗌嘅炸豬皮，香炸豬頸肉都有！而且佢仲有台山豬腩肉，滷水豬大腸，福建豬肉丸。佢嘅滷水豬大腸亦都非常好食，佢嘅滷水味非常香濃👍🏻非常推薦喜歡吃豬大腸和炸豬皮嘅朋友試吓！***香辣玻璃魷魚 $38向南玻璃魷魚我係見到佢寫住招牌菜，就想試吓。果然沒有失望，佢哋嘅辣椒油好香，而且玻璃魷魚嘅口感非常彈牙👍🏻👍🏻👍🏻

今日去會展就係喺灣仔行吓，見到有間車仔麵好似好吸引咁，上網見到人哋介紹佢嘅滷水好好食，所以就決定入去試吓！今次我就自己叫咗一個車仔麵再加滷水雞翼🥰🤤最豪十兄弟 $88由於我太肚餓，我見到依個十個餸嘅車仔麵之後就決定試吓，佢十個餸有紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷！咁啱每個餸我都係好鍾意食嘅，我自己覺得魚腐、扎住頸肉、墨魚腐皮卷、燒賣都非常好食😋其他嗰啲亦都好味再加上好入味！而且份量都好多，食完之後超級飽😍滷水雞中翼 $27滷水雞翼都冇令人失望😻個滷水汁好香，雞翼亦都好入味👍🏻佢一份有三隻，對於一個人來講份量都幾多！

喺灣仔做完嘢放lunch唔知食咩好，經過見到呢間車仔麵都幾多人去食嘢，諗諗下都好耐冇食車仔麵，所以決定排隊入去食嘢。望一望佢哋嘅餐牌啲名都幾盞鬼，香脆豬元帥、呢碗唔野少、食神嗱喳麵。食肉獸嘅我就決定要揀香脆豬元帥🐷，入面包左炸豬皮，香炸豬頸肉，台山豬腩肉，滷水豬大腸同埋福建豬肉丸。炸豬皮炸到好香脆！跟住香炸豬頸肉就外脆內軟！豬肉丸同埋豬腩肉都非常之入味！咁多配料再食埋個面實在太滿足啦😆不過我仲未夠喉再叫埋個鮑汁魚肚 ！只係$28，但份量都唔少啱啱好👍🏻有超濃郁嘅鮑汁味道滲透晒落魚肚入面🤩正～整體而言，呢間車仔麵嘅價錢唔貴，而且食物質素十分之高質，遲啲一定會再嚟過。

今次真係要寫下呢間食評，因為真係太正了🤩❤️食神嗱喳麵 $595樣餸大大碗。魚肚真係有鮑汁，係食得出有用鮑汁浸醃過，夠入味，而且淋滑。魷魚少少香辣，脆口，唔會有渣。油麵ok, 軟硬度剛好，浸埋湯汁食幾夾。🍜👌❤️柱侯牛四寶 $65中意食牛必選，有齊4樣牛餸。牛骨濃汁牛丸，真係有濃郁嘅牛骨湯味，同本身牛丸嘅牛味互相配合。牛坑腩啖啖肉夠大舊，而且經過醃製幾入味。試埋個牛孖筯真係好淋。金錢肚都有酒樓水準，而且冇咁鹹。🐂✔️王老吉$10值得一讚係呢度有王老吉，清熱岩哂啊👍👍

香港呢就有好多經典嘅電影，其中食神應該係膾炙人口嘅一大印象，淨係一碗麵都已經可以咁講究，唔係淨係電影㗎。😎其實喺現實生活中真係開始做到連車仔麵都變得更加高級變得更吸引，而且店舖仲越開越多，真係揀到有排揀，即使標榜有幾多花巧嘢都好，但最想食到嘅始終都係一啖經典嘅滋味，嚟到十兄弟呢一度就可以重拾一下往時嘅光輝😜鮮制油麵— 🍜車仔麵嘅面底絕對係最根本，油麵就肯定係車仔麵嘅始祖，同埋正宗嘅配搭，味道方面當然亦都係以蛋香為首，🍜整體食落去又爽又滑，一大啖喺個口裏面就形成大滿足嘅感覺🍜除咗面底之外湯底亦都係好緊要— 呢一度招牌嘅湯底絕對係自家辣汁，🌶️小中大勁辣任君選擇，香濃嘅湯底，絕對係為之後嘅食材帶嚟更好嘅根基🌶️勁腍牛孖根— 🐮呢一個係餐廳高度推介嘅，同時都係我覺得最抵食嘅一個配料，淨係睇過牛孖筋夠晒粗壯，就知道係落足料，🐮唔會切到一條一條就算，實行原條奉上，每一啖都係好有膠質，以為咁粗嘅牛筋，🐮可能要咬餐死，但係恰好相反，真係軟淋淋，熬製左相信都有一大段時間，所以先至會出現有彈性又充滿牛香，食過就知道有幾滋味🐮牛骨濃汁牛丸— 🐄而家嘅牛丸唔再普通，雖然冇食神裏面嘅瀨尿牛丸咁誇張，但係肉味濃汁味

淨餸菜底·滷水豬大腸·勁腍牛孖筋·咖哩牛柏葉豬大腸食落都乾淨·好肥既膏位都小～滷水味入哂😬咖哩味汁醬又係幾好味·牛柏葉仲幾大塊下😍牛孖筋不得了·腍到個口感係(起膠)·小編勁愛🤤🤤小食拼盤(紅腸·墨魚丸·雲吞·魚蓉燒賣·墨魚腐皮卷)墨魚丸好似香過腐皮卷😂😂btw兩樣都唔差既～炸雲吞同魚蓉燒賣直頭想再叫多碟🤣唯獨紅腸陣味怪怪的…🥲香辣玻璃魷魚個辣汁好得💯小編勁愛～辣度適合食小辣人士·依款係凍食～魷魚唔會好淋好淋·配個辣汁不得了👍鮑汁魚肚又係另一款凍食～不過魚肚凍食確實有小小唔慣·不過個鮑汁好好味·可以考慮鳳爪凍食🤡好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:會想再返黎試埋其他野食～咁多野食都無話有大問題～反而係幾好食tim😜

今日同朋友去完灣仔行街，夜晚決定去食十兄弟車仔麵，之前食過一次，就想繼續再食過，佢哋嘅湯底非常濃郁😻😻而且有好多唔同款嘅麵揀，真係好正！今次我哋就叫咗一個食神嗱喳麵，佢有5個餸，大部份都係佢哋好出名嘅餸，例如有香辣豬紅、香辣玻璃魷魚，清甜蘿蔔。食神嗱喳麵 $59呢碗車仔麵真係好豐富，佢嘅餸分別有醬爆瀨尿牛丸，香辣豬紅，清甜蘿蔔，鮑汁魚肚，香辣玻璃魷魚。我自己就好鍾意香辣玻璃魷魚同埋清甜蘿蔔❤️😻佢哋嘅辣味係非常惹味，加埋落個湯底度就非常正！下次嚟到會再去食車仔麵，佢哋嘅香辣汁真係令人好懷念！

之前朋友share咗個post俾我話灣仔有間車仔麵檔好似幾吸引，跟住大家就約咗上個星期六一齊去食😋我就決定叫食神嗱喳麵 $59，呢個價錢估唔到入面都幾多嘢食，入面有醬爆瀨尿牛丸，香辣豬紅，清甜蘿蔔，鮑汁魚肚同香辣玻璃魷魚。佢個爆漿瀨尿牛丸真係好正！牛丸一咬落去真係會爆曬啲汁出嚟🥹超級邪惡！之後鮑汁魚肚都煮到好入味，豬紅香辣入口滑嫩！因為朋友係食素嘅，佢叫咗個靚靚全素麵 $48！呢個價錢都幾抵食，同埋食個湯底好清，但係又唔會淡而無味，入面一共有四款食物，分別係蘿蔔，陡坡，金菇，炸枝竹！超級大讚佢哋嘅蘿蔔真係好清甜而且冇渣。食埋個面底就夠晒飽🥳最後仲叫咗香辣玻璃魷魚，魷魚爽口彈牙，食落就知超級新鮮！再加上舖頭嘅秘製香辣配方，配搭魷魚真係一流👍🏻

同朋友兩個食午餐又好肚餓，就諗起十兄弟車仔麵，因為佢哋嘅車仔麵碗碗都好豐富，又夠食得飽又食得滿足！我哋今次叫左最豪十兄弟同埋呢碗唔嘢少，再加個滷水雞中翼小食😻😻最豪十兄弟 $88顧名思義佢有十個餸，分別就有紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷！每款各有兩三份，份量十足！湯底有幾款可自選，好香濃而且麵亦都好掛汁🤤呢碗唔嘢少$75朋友點的就有5個餸，唔好睇佢得5個餸好似小一半，但每個餸都好好食！佢個磅就有蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳。大部分餸都吾係常見的車仔麵餸，由奇係有鮑魚冬菇。滷水雞中翼 $28真係太肚餓，就叫多個滷水雞中翼😍雞翼煮到好入味，肉質亦好諗！

車仔麵其實真係港人日常飲食不可缺少的所以行幾條街就應該有一間平日可以滿足到我地呢班打工仔春園街唔淨些咖喱豬扒飯好食呢間黃色招牌夠搶眼所以就決定試一試紅燒鮑魚(兩隻) $𝟐𝟖 / 牛孖筋 $𝟏𝟓 / 香辣豬紅 $𝟏𝟎鮮製油麵 $𝟏𝟒 豆漿 +$𝟔加腩汁 總值$𝟕𝟑🥢好少可車仔麵有得揀鮑魚食而且仲要幾大隻同埋爽彈不韌唔會𡁻到牙軟牛孖筋真係好淋好入味豬紅唔算辣但有味，夠爽口小店招牌油麵真係好值得一試感覺係手工製麵所以好滑捋捋滷水豆腐 $𝟗 / 香炸魚蓉燒賣 $𝟏𝟎 / 鮮蝦水餃 $𝟏𝟑米線 $𝟏𝟒豆漿 +$𝟔加咖喱汁 總值$𝟓𝟐🥢雖然呢碗餸比較普通但勝在樣樣都好特別唔係到到車仔麵都有得揀豆腐唔易辣夠滷水味炸燒賣有3粒脆卜卜好岩我😋鮮蝦水餃有兩隻入面真係原隻蝦特別欣賞可以加咖喱汁唔會太辣好襯碗車仔麵仲可以揀份量唔洗加錢~~🥢追加左碟香炸墨魚丸(3粒) $𝟐𝟖貼心配上雞醬入面亦有墨魚粒非常彈牙香口每次必定追加呢款小食!見佢有啲$28下午茶日日唔同又俾個機會我再試下其他餸啦！

今日一家人去食車仔麵，十兄弟車仔麵店鋪光猛企理，同老人家🧓🏻👵🏻去食都好放心。叫左個柱侯牛四寶河，老人家冇咁多牙力咬呀，叫河粉滑嘟嘟就最好不過👌👍因為牛腩和牛筋真係好諗，老人家慢慢食都食到。可以食到牛腩佢哋都好開心架😭我私心咁叫左個 香辣玻璃魷魚 和炸雲吞 🤭辣辣地的魷魚夾脆彈牙，配上店舖自家秘製的香辣汁，叫人點停口呀😆，大大粒的炸雲吞，新鮮即叫即炸，香脆可口，惹味加可口的配搭，邪惡呀😜但係食得好滋味！

車仔麵我食唔少，但稱得上高質嘅車仔麵就真係冇幾多間，不過呢排係灣仔食lunch就比我發現左呢間十兄弟車仔麵真係好鬼正😍我叫左一個香脆豬元帥$68，連個名都霸氣有特色過人😎。講下入面有咩先，佢就會有泰式炸豬皮，香炸豬頸肉，台山豬腩肉，滷水豬大腸，福建豬肉丸，真係全部都係豬🐷自己超級鐘意食佢地個香炸豬頸肉同泰式炸豬皮，因為我最鍾意食啲香口脆卜卜嘅嘢😍，不過個個福建豬肉丸都好juicy!其實全部都好好食，因為咁大碗我都一個人食哂😂佢地仲有其他野食都好吸引，一個人試唔到咁多，唯有過幾日再嚟試下其他😳

今日自己一個食飯去咗食車仔麵，難得放假就對自己好啲，今次我就叫咗一碗超級豐富嘅車仔麵，平時喺其他車仔麵檔都好少見到會有紅燒鮑魚蠔油冬菇等等。呢次我叫嘅係呢碗唔嘢少$75，車仔麵嘅餸真係非常豐富，有曬蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳。而且佢嘅面底亦都非常多，面帶非常掛汁好入味🥰🥰鮑汁魚肚亦都好入味，咬落去非常Juicy！佢嘅紅燒鮑魚肉質亦都非常煙韌❤️而且仲試咗佢哋舖頭招牌香辣玻璃魷魚🦑第一啖食落去香辣好香，會令到人不斷想繼續食！滷水雞中翼 $28---另外仲叫咗一個小食，因為太耐都冇食滷水雞中翼，就諗住叫你過吓口隱，佢嘅份量對一個人來講都可以接受，而且佢會跟埋一兩條生菜😻