十兄弟車仔麵 (已結業)

行街行到肚餓，想食下麵，係春園街見到十兄弟車仔麵，好多人食，食物賣相亦好吸引，一於入去試吓呢碗唔嘢少$75蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳呢碗唔嘢少車仔麵🍜 真心係唔嘢少🥳，餸料唔嘢少，份量都唔嘢少呀😲有魚肚，又2件原隻鮑魚，又2件冬菇，又🦑魷魚，又🦀️蟹柳，係真🦀️蟹柳呢架！唔係凍肉的扮蟹柳香脆豬元帥$68泰式炸豬皮，香炸豬頸肉，台山豬腩肉，滷水豬大腸，福建豬肉丸香脆豬元帥簡直係全豬宴，豬腩肉和豬頸肉一絕😋小食拼盤 $38紅腸，墨魚丸，鮮蝦雲吞，墨魚腐皮卷，魚蓉燒賣我哋再加個小食拼盤，超香口！呢餐＂掂＂！

之前聽朋友推介話灣仔有間幾好食嘅車仔麵店，原來就係春園街嗰到，今日就拉埋阿妹陪我一齊嚟食嘢😍❤️食神嗱喳麵 $59❤️醬爆瀨尿牛丸粒粒彈牙又多汁，魚肚有豐富蛋白質，香辣豬紅超滑又惹味，蘿蔔清甜又入味，香辣玻璃魷魚嘅香辣味越食越過癮， 仲有魷魚煙韌口感，令人回味。麵底仲可以自己選擇，我就叫返最普通嘅油面，麵條粗身口感彈牙滑溜。❤️靚靚全素麵 $48❤️有時食得濃味野多都會想食下啲清清地嘅嘢，咁呢個靚靚全素麵啱晒啦！清甜蘿蔔入味冇渣，金菇同炸枝竹都係我平時打邊爐一定要食嘅，就算冇得打邊爐食車仔麵都一樣可以食到🤩自己覺得呢款雖然清淡但又唔錯😋健康推介👍🏻之後再叫多一罐可樂同王老吉，食食下太口渴啦🤣一邊飲一邊食慢慢嘆🤤

車仔麵最正的賣點就係夠多餸🥙，小朋友勁鐘意食，放左學同小朋友一齊去食，叫左最豪十兄弟車仔麵、柱候牛四寶麵和鮑汁魚肚。最豪十兄弟有紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷，全部都係小朋友最鍾意的餸，大人都鐘意😂一陣間就食曬成碗🍜。再黎就係柱候牛四寶麵，真係牛🐂味十足😂😋入面有五香金錢肚，牛骨濃汁牛丸，柱侯牛坑腩，勁腍的牛孖筯，至鍾意個牛孖筋，牛筋和牛腩經過慢煮非常軟滑，入口溶化，充滿膠原👍👍👍鮑汁魚肚係功夫菜黎架，＄28絕對值回票價。魚肚吸曬D鮑汁，入味！

今日晚餐，去灣仔十兄弟車仔麵食 香脆豬元帥$68，叫得豬元帥就緊係全豬🐖啦，餸有泰式炸豬皮，香炸豬頸肉，台山豬腩肉，滷水豬大腸，福建豬肉丸，今次叫左波菜麵，感覺清新D。最鐘意係佢每碗都加幾條菜，食多多肉🥩都唔怕！豬皮夠香口，半肥瘦豬腩肉合我口味😋，滷豬大腸洗得好亁淨冇臭味👍充滿滷水味，豬肉丸夠彈牙juicy，麵上面全部都係食餸，絶唔偷工減料，咁多餸咁大碗都只係＄68，成碗麵非常掂！係灣仔呢個地區仲食到呢個價錢既高質車仔面真係好開心滿足!!

平時我都好鐘意食車仔麵，咁岩見有foodies 介紹呢間十兄弟車仔麵超吸引我！即刻就bookmark 左要嚟試❤️見到meau全部都好吸引我，心大心細下我決定要食個最勁嘅最豪十兄弟🤤價錢就係$88！不過有成十個餸咁多，其實性價比都幾高👍🏻話到明係十兄弟代表有成十個餸咁多，入面有紅腸，魚片頭，魚皮餃，順德魚腐，炸雲吞，香炸豬頸肉，香炸魚蓉燒賣，芝士腸，蜜汁台灣腸，墨魚腐皮卷😍全部都好吸引我，十個餸食到我勁飽🤤自己就覺得啲餸都幾吸收啲湯汁嘅精華嘅，一咬啲香味同湯汁必哂出嚟，超正！

同同事食午飯，叫左碗靚靚全素麵 $48 和 食神嗱喳麵 ＄59 加多個炸雲吞兩份share，加埋支豆漿，心滿意足的午餐！全素麵 有蘿蔔，豆卜，金菇，炸枝竹。餸的份量覆蓋住成個麵，唔驚唔夠食，全菇和炸枝炸係至愛。食神嗱喳麵 有醬爆瀨尿牛丸，香辣豬紅，清甜蘿蔔，鮑汁魚肚，玻璃魷魚。瀬尿牛丸彈牙又juicy，辣辣地的豬紅夠爽滑，蘿蔔清甜無渣，魚肚吸收曬鮑汁，咬落口鮑汁即刻爆出黎，美味無比。炸雲吞即叫即炸架，新鮮香脆可口。食完充滿能量再去開工。

沒有飲品可點，祇有現成的飲料如汽水等。難吃的豬皮十分硬好似無煮過。滷水雞翼發黑魚蛋祇有兩粒。三様餸盛惠六十七元。質素十分低。🤮🤮唔明點解啲人會讚好，真的很奇怪。

同朋友喺灣仔到中午lunch時間，就上OpenRice睇吓有咩麵食，咁啱見到呢間10兄弟一車仔麵就喺春園街附近，好近我哋就去咗呢間到食。小食拼盤就啱晒同朋友兩份食，因為乜都有幾件，紅腸，墨魚丸，鮮蝦雲吞，墨魚腐皮卷，魚蓉燒賣。咁多嘢食都係$38超級抵，點可以唔叫返份同朋友share。首先我就揀咗香脆豬元帥，本身都係食開豬肉，見佢有齊五款唔同嘅豬肉餸，好豐富。泰式炸豬皮，香炸豬頸肉，台山豬腩肉，滷水豬大腸，福建豬肉丸每樣都有齊，其實全部我都好鍾意食，不過如果一定要揀一樣嘅話，我就最鍾意佢嘅香炸豬頸肉，因為豬頸肉有嚼口又有炸過！真係好好食。之後朋友就叫咗食神嗱喳麵，呢個都好多餸，醬爆瀨尿牛丸，香辣豬紅，清甜蘿蔔，鮑汁魚肚，香辣玻璃魷魚都有齊。我哋一致認同爆瀨了牛丸好出色，平平無奇嘅牛丸咬一口已經有滿滿嘅醬汁！玻璃魷魚個香辣味道都好出色，呢間店嘅秘製辣醬都令好多人大讚！

又再幫襯呢間灣仔春園街嘅車仔麵店，因為實在太好食我已經做咗佢哋嘅長期顧客😂希望可以試齊晒佢哋咁多款唔同嘅招牌車仔麵。餐廳嘅環境好闊落，抗疫措施做得好做足！我就叫咗一個柱侯牛四寶，$65唔算貴，一共有齊四款牛嘅餸，五香金錢肚，牛骨濃汁牛丸，柱侯牛坑腩，勁腍牛孖筯。佢哋牛丸真係超級正，入口口感Q彈爆汁！跟住其他都煮得好入味。麵底仲可以自己揀，唔同款式嘅面都有糭有得揀菜底添！之前已食個佢哋嘅鮑汁，已經一試就愛上所以今次就再叫。魚肚炆得好入味，入口爽口彈牙！仲可以QR code落單，好快手就送到嚟，坐得都幾舒服，整體各方面都好滿意呢間車仔麵店。

去到灣仔唔知食咩好就去咗呢間10兄弟車仔麵店，位於灣仔春園街，地理位置都算好方便！入咗去即刻叫咗幾樣唔同嘅食物，因為實在太肚餓同埋睇落好吸引。⭐️呢碗唔嘢少⭐️超豐富呀呢個❗️蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳都有齊哂。豪王紅燒鮑魚彈牙入味，仲有兩個隻咁多，日本珍寶蟹柳都係大大條嫁，湯底係超香濃，真係超足料嘅一碗車仔麵🤩⭐️香辣玻璃魷魚⭐️晶凝通透的魷魚配上香辣醬料調製後，惹味無窮。⭐️炸雲吞⭐️雲吞炸到好香脆，食落內脆外軟，好出色！⭐️滷水雞中翼⭐️雞翼係我最鍾意食㗎，隻隻size都好均勻，而且好入味！

屋企附近嚟嚟去去都係得啲大集團，難得今日去開灣仔春園街見到有間車仔麵，望落好似好吸引，就決定同男朋友入嚟食嘢。呢間車仔麵同出面嗰啲都一樣有得自選想食咩餸就自己揀，但係見到佢哋有啲招牌嘅款式好吸引，個名都好特別，所以就揀咗一個佢哋嘅香脆豬元帥！原來呢個全部都係豬，有泰式炸豬皮，香炸豬頸肉，台山豬腩肉，滷水豬大腸，福建豬肉丸。之後仲叫咗一個好吸引嘅呢碗唔嘢少，我入面真係有好多好豐富嘅貴價餸，蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳！真係好鬼正，自己就覺得佢哋嘅冬菇大大粒，燒鮑魚有夠晒肥美入味，而且魷魚爽口彈牙又香辣。仲有個鮑汁魚肚都勁入味，一咬就爆哂汁😜

自己一個人係灣仔中午諗住食啲簡簡單單嘅嘢食，咁啱就發現咗呢間車仔麵檔，啲嘢食又幾吸引，諗都冇諗就入咗去啦。見到佢哋主打自家製湯底同秘製辣醬汁！見到選擇都有好多唔同嘅餸菜同配搭，費事諗食咩餸就叫咗佢哋招牌嘅香脆豬元帥，聽落個名好搞笑，送到上嚟都幾豐富下，同大家介紹吓入面有泰式炸豬皮，香炸豬頸肉，台山豬腩肉，滷水豬大腸，福建豬肉丸。自己就覺得炸豬皮同埋豬頸肉都炸到好香脆，即使放咗落個湯底面度都仍然好香口。另外，佢哋嘅豬腩肉同埋豬大腸都好入味。我就揀咗菠菜麵底，感覺上就更加健康。之後見到小食都好正，就叫咗個炸雲吞！即叫即炸好香脆而且熱辣辣，都係$38。

今晚屋企人冇煮飯，我就去咗灣仔呢間春園街嘅十兄弟車仔麵檔填飽個肚！車仔麵檔有好多新式嘅餸揀，我又心大心細唔知食咩好，就揀佢哋嘅招牌款式啦。柱侯牛四寶呢碗以牛做賣點，四寶都係牛嚟，有五香金錢肚，牛骨濃汁牛丸，柱侯牛坑腩，勁腍牛孖筯。牛丸大大粒彈牙好味，牛孖筯同牛坑腩煮到好到好入味又冧身，金錢肚爽口！再配上粗身嘅油麵麵底，食哂好飽肚，咁多嘢食都係$65咋，性價比好高呀❗️見到呢間車仔麵檔都好多人幫襯，但店員服務態度依然好好，效率好高，環境坐得都算舒服，之後會再嚟過。

第一次去呢間新式車仔麵店🤤成日聽人推介，上網睇親都一致好評，終於可以嚟朝聖😜見到Meau勁多款，有得自己揀又有得叫招牌配搭好哂啲餸！諗諗吓都係叫枝黑豆漿飲住先😂成日咩都想試下，就決定叫個小食拼盤，有齊紅腸，墨魚丸，鮮蝦雲吞，墨魚腐皮卷，魚蓉燒賣☺️超多款試！好食😋呢碗唔嘢少一送到嚟已經好震驚！因為的確係唔少嘢！又好多餸😍有蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳！個燒飽魚勁吸引眼球，因為好大隻！入口都好入味而且滑得嚟又有咬口😳跟著其他野食都好入味🥰

最近見好多同事都話呢間車仔麵好好食，一直都未有機會試，因為成日lunch time都見好多人排隊。咁岩男朋友前日接我收工，就一齊去左食🤤入到鋪頭已經係牆身見到show左有咩招牌款式，全部都好吸引！男朋友揀左個柱侯牛四寶，包左四款餸，就係五香金錢肚，牛骨濃汁牛丸，柱侯牛坑腩，勁腍牛孖筋。佢最鐘意牛孖筋炆到超濃味，我就鐘意牛丸食到爆哂汁。我就揀左香脆豬元帥，包左五款餸，就係泰式炸豬皮，香炸豬頸肉，台山豬腩肉，滷水豬大腸，福建豬肉丸。我最鐘意食香炸豬頸肉，炸完都仲keep到啲肉質唔鞋！又脆身！好味呀😋 豬肉丸都好juicy。