十兄弟車仔麵 (已結業)

灣仔我成日去覓食，呢間十兄弟車仔麵係我認為係灣仔必食嘅美食之一！今次就想同大家推介以下呢兩樣美食🤤，分別係佢地嘅小食拼盤同食神嗱喳麵！❤️小食拼盤$38小食拼盤嘅紅腸煎到外皮香脆，內裏油香四溢。墨魚丸，鮮蝦雲吞，墨魚腐皮卷，魚蓉燒賣均炸到十分香脆。墨魚丸同墨魚腐皮卷墨魚味超香濃，裏面魚肉嫩滑。鮮蝦雲吞同魚蓉燒賣又係最經典必食嘅小食。❤️食神嗱喳麵 $59呢個車仔麵嘅組合都幾豐富，有牛丸、豬紅、蘿蔔、魚肚同玻璃魷魚。勁鐘意食佢地嘅豬紅同玻璃魷魚，因為呢2樣都係辣嘅，呢間車仔麵嘅辣味真係會令人食上癮！食完辣野再食蘿蔔就更清甜，呢個組合恰到好處🤤