十三姨 (通菜街)

營業中

休息中

成日都係ig佢賣廣告，又咁岩今日出去行旺角順便排下啦，點鋪唔係好大，出面都好多人排隊，見而排啲天氣都涼涼地排啦，不過排十幾分鐘就入得👍🏼👍🏼一坐底俾左杯蝦片我地，正常無特別叫左個花雕啫喱蕃茄，由於我唔食蕃茄既，但係我太太話好得意，啲酒味都幾勁，可能佢唔飲得啦😂😂黎到緊係要叫招牌菜鵝肝飯啦，108蚊有3舊鵝肝又係旺角，性價比算高，鵝肝亦都好香，無乜筋，好香，唔錯唔錯☺️再叫左一串雞軟骨，一串豬腩肉個調味幾野味👍🏼

我終於的起心肝去試吓 成日喺instagram見到賣廣告嘅十三姨 @lady13kitchen‼️叫咗十三么fusion粉麵試下😋 用手撕雞x雞叉燒x糖心蛋再配上粉絲拼米粉嘅組合 好似好特別喎🧐先飲咗一啖湯底試吓 有少少鹹 但加啲檸檬汁 令到湯底即刻有層次左🤣而粉絲同米粉都吸收到湯嘅精華 另外仲有幾舊仔腸粉👍🏻手撕雞唔夠嫩滑 但勝在雞叉燒有少少煙熏味😉整體來講 呢度環境比較狹窄 坐得唔係特別舒服🤧但食物嘅創意搭救返😚.Finally got to try @lady13kitchen after seeing so many ads on Instagram! very creative fusion style noodles 🍜- shredded chicken x Chicken Char Siu x Soft Boiled Egg x Rice noodles! the chicken flavoured broth was very unique, it had a little lemon flavor 🍋 the noodles clinged the the soup

行到mk唔知食咩，見到呢間個menu好好幾吸引就試下啦。一坐低就擺左杯蝦片同茶。蝦片幾香，食到淡淡既蒜頭味，食完又唔會口臭，幾正。另外佢杯茶係浸住茶包既鐵觀音，幾香唔gip。幾中意杯茶。我就叫左個雞叉燒粉絲，另外2個朋友叫左鵝肝飯。個雞叉燒粉絲個湯唔太濃味，清清地。粉絲份量好多，食極都有咁😂佢另外有豉油俾你加，粉面個隻似indome個包黑醬油咁，但加落湯都無乜味。但加落隻半熟蛋就好正 另外要改善既就係個雞叉燒好鞋，又係無咩味。朋友食既鵝肝飯，有三塊鵝肝，ok香啦，但未去到好甘香個種，但108蚊 有3舊都對得住個價既。飯既豉油係似食壽司個隻豉油，朋友表示好食。

讚1. 食物好有心機噃，湯麵既湯相當香，麵質滑，相當好2. 餐前小食出奇地有心思。估唔到竟然係蒜片，有趣3. 服務幾好，起碼果位應該係老闆娘既姐姐相當好笑容彈1. 環境實在要改善，地方細其實就預左，但擺張咁大既木檯係路中心，個個行過都要撞一撞，何苦呢

今日去完朗豪坊買少少野, 就去左之前朋友介紹既一間餐廳,叫<<十三姨>>一入到去,店員就先俾左一D🦐蝦片俾我地食, 但不夠鬆脆,,過一陣再食就淋晒食物種類唔多,, 我同朋友只叫左一個飯同麵我叫左””上等牛肉銀針粉”” (🐃安格斯牛肩胛+溏心蛋+銀針粉) 而所有麵底都可以轉嫁, 有米粉、粉絲、銀針粉、陽春麵可以選擇, 而蔬菜再加$10。湯底都OKAY, 而牛肉都嫰, 而銀針粉吸左湯都幾好味, 銀針粉份量都多朋友叫左個””大三元” (🐔灸燒手撕雞伴油雞飯+灸燒雞叉燒+ 溏心蛋)份量都大, 飯既雞油味唔太重, 而雞叉燒唔太特別, 係有少少炭燒味再加多杯 黑牛🐮即係朱古力雪糕加可樂，無乜特別個人覺得食物質素一般，不會再回頭

今次已經係第三次幫襯十三姨啦~因爲之前食嘅兩次，感覺都幾好😛又平又好味😋晚上嚟到嘅時候又係排滿哂人~等咗十分鐘左右就入得去lu~一入到去，店員就會送上一杯熱茶同一份蝦片😍蝦片脆卜卜，仲可以refill添🤩今次試咗新嘢...上等牛肉粉絲🐮份量十足🙌🏼有安格斯牛肩胛、溏心蛋同腸粉😙牛肉煮得啱啱好，上枱嘅時候唔會係全熟，如果想食全熟的話可以用湯嘅餘温整熟佢😛腸粉同溏心蛋都好嫩滑😍值得一讚嘅仲有個湯底~係每日用牛嘅唔同部位熬製而成，口感清甜香濃🤓呢到仲會提供港式特飲添！我哋今日就嗌咗黑牛😝可樂加雪糕🍦正！

「十三姨～～」 當你聽到十三姨呢個名，你會諗起咩？淫賤搞笑的毛舜筠還是氣質美女關之琳？我就會想起位於旺角的一間名為「十三姨」的食店。此店主打濃雞湯手撕雞陽春麵，亦有手撕雞雞油飯，而且仲有串燒供應！裝修亦是古色古香，以木材為主調。未叫餐前先有小食蝦片奉上，蝦片脆卜卜，可以一邊吃一邊等待。但我地只吃了幾片，食物已經送到。大三元包括有炙燒手撕雞伴雞油飯，炙燒雞叉燒，溏心蛋。調味料亦有秘製飯豉油，先試一口未有加味道的原味，感覺淡了一點，於是再加秒製豉油，豉油比較淡色，亦不算濃味，配合雞油飯恰到好處！老闆娘鵝肝煎蛋飯鵝肝煎得金黃，但吃不慣有點辣的飯！雖然食到好飽，但仍然可以食到一粒飯都無！呢間食店絕對可以encore!

炙燒雞叉燒陽春麵 $55 配飲品 (另加一)溏心蛋+$6講咗好耐黎試終於試到前菜係蝦片佢啲雞正常嘅 但偏乾少少 (朋友叫咗個蔥沖手撕雞飯覺得好dry😂 本身以為係撈麻油 但唔係 得啲蒜頭咁 雖然店員話可以撈啲豉油落去食 但本身如果配埋麻油好似會好啲。。。不過好彩我呢個浸住湯所以食落都冇咁dry)仲有本身以為佢嗰個係韓式/上海年糕 但原來係我諗多左 佢只係浸到好林嘅腸粉陽春面都有啲咬口 唔係浸林哂嗰種同埋佢熱騰騰咁上所以個温度keep得好好Overall 不過不失 唔使專登嚟試覺得係依間野marketing做得幾好所以好多人都有聽過

好多時行過十三姨都見到好多人，所以都無咩機會食，前幾日放假同男友行街，見到個日不算多人，所以便所以食到了，其實店內的裝潢不太差，但位置有點狹窄，到開始多人時，難免會覺得有點兒逼，所以早去係有着數。入坐點餐後，餐廳會奉上一個好靚的銀色器皿，入面放了一些色彩繽紛的炸蝦片，我本身就好鍾意食呢啲煎炸可口的食物，而且佢唔太油，同埋好似係自家炸，所以我覺得好正。主食方面，佢主食方面，有些湯麵叫十三么同十三飛，食返佢十三姨的玩味，好彩menu有寫佢其實係咩嘢，我叫左十三飛，其實就係牛肉湯粉加溏心蛋，不過味道都ok，幾好食，不過七十幾蚊唔叫太平。以下評分以5⭐️為滿分推介⭐️⭐️⭐️

一向都吾鐘意食鵝肝既我都要黎試下係旺角最出名既鵝肝飯🤤🤤就咁睇已經覺得好juicy，食落口好似入口即溶咁🤩加上流心既蛋黃同秘制醬汁撈飯簡直係一流👍🏻👍🏻食哂都吾會覺得好漏性價比高💯💯💯

張寶仔之前已經食過兩次啦，因為張生好鍾情於呢度嘅大三元飯，所以一於推介俾大家食啦！星期五放工之後發現原來係要排隊架，不過排咗大約15分鐘就可以入去都算可以接受！一入到去佢就會送一個蝦片同埋攞杯茶俾你，感覺唔錯，跟住先慢慢點菜！大三元($68)張生諗都唔使諗就叫咗個大三元，佢好鍾意個雞油飯底，非常之香，完全清晒成碗飯，但佢覺得啲雞扒肉就麻麻哋啦⋯⋯雞絲湯粉麵($60)隔左差唔多半年，寶仔又揀返呢一個麵食，都仲係覺得好難食，個湯咸到不得之了，係喊到食唔落嗰種，我諗我真係以後都陪唔到張生食嗰個飯啦，因為寶仔唔係太鍾意食飯㗎，而呢度嘅湯底做得真係比較咸，但見到隔離枱嘅人竟然喺度飲湯。。唔知係咪我哋兩個嘅問題呢，因為我哋都覺得個湯好鹹。。

前排見到朋友個instagram post佐個好似幾正既鵝肝飯出黎。Ohh~原來係成日係IG賣廣告既十三姨！終於心癢癢去試😜/位於山東街，間間餐廳係晚飯時間都多人排隊，所以佢都唔例外。小妹當晚排佐一個鐘先有位入😅/香港吋金尺土，裡面環境都比較狹窄。勝在一坐底侍應就斟茶兼附送上炸蝦片小食。/十三么手撕雞、雞叉燒、溏心蛋三種配料加上粉絲拼米粉。Menu提及湯底係用200年家傳秘方去烹調。份量都幾大，手絲雞唔夠嫩，不過食落辣辣地。勝在粉絲索哂湯底既味道！/老闆娘鵝肝剪蛋撈飯賣相出色～每碗𥚃面有三塊鵝肝，足料！鵝肝煎得外脆內軟，油分多，但無乜味道⋯有點可惜。不過配上老闆娘秘制既醬油再撈上蔥花炸蒜與飯撈埋一齊食，都合格。/總括而言：若果要用一個鐘去排隊，性價比較普通，滿足下自己既好奇心都可以黎試下啦😏

平時食開十三姨通常都係嗌十三么，十三姨既賣點其一係佢既湯底！個湯既味係出面好似真係搵唔到🙈至少我依家都未食過一間湯麵係好似十三姨果個湯底既味！但今次我專登唔食十三么，而去嗌左個手撕雞伴雞油飯！老老實實，係有點兒失望，失望既原因唔係因為佢唔好食！而係我覺得咁既價錢份量應該可以多少少～雞絲真係太少了！飯都一樣！味道其實幾好味，但如果女仔食完都覺得唔飽既時候，男仔應該係覺得只係食左陣風落肚！明明湯麵大大碗，但飯就咁細碗😢

店舖位於旺角女人街極之方便，行街行到攰可以黎食呢間店絕對係誠意啲選~每碗湯底都係人手盅香料㷛湯，飲咗一啖之後簡直停吾到口金牌牛腩湯銀針粉同手撕雞湯粉絲如 如果本身係一個鍾意飲好熱嘅湯既人， 呢間店係絕對啱你嘅！店係直接用上枱嘅湯鍋煮麵，所以好新鮮滾熱辣，賣相好吸引每檯會現彩色印尼蝦片先講牛腩湯銀針粉，在攪湯底前先飲一啖湯會飲到好濃烈嘅牛骨湯底，可因自己喜好加青檸或其他調味每一口銀針粉配牛骨湯，銀針粉軟硬適中，吸左湯入面既精華，好入味糖心蛋好嫩滑~而 另一款手撕雞湯米粉 ,每一口都有濃濃嘅雞湯味，米粉有口感趁熱食會有輕輕嘅火味，手撕雞幾軟滑彈牙而最特別嘅係呢度可以飲到印尼嘅滴漏咖啡， 再配以上嘅湯麵會有另一番風味~

一直都好想試十三姨嘅鵝肝煎蛋撈飯，是晚終於有時間同男朋友嚟食。一入到去其實感覺麻麻地，因為被安排坐一個窄到不得之了嘅位，基本上佢張四人正方型枱係夾硬菱形咁擺，搭台不在講，我係要夾硬攝個身入去先坐得低，坐低之後勁大壓逼感，有無位擺袋，非常之逼，本身都有少少衝動想走，不過為咗碗鵝肝飯，我忍！餐前小食有蝦片，都算係有啲誠意嘅，每人都有提供一杯有獨立茶包嘅茶，都算係咁。炙燒雞叉燒湯米粉男朋友食呢個，味道一般般，冇乜特別，就係一碗好普通嘅雞肉米線。老闆娘鵝肝煎蛋撈飯期待已久嘅鵝肝飯！其實並無想像中咁好食，可能期待太大，鵝肝份量都算多，食完都滯滯地， 如果個汁可以好似西餐煎鵝肝嘅sauce咁甜甜酸酸，用生果同醋呢啲組合就會可以中和返鵝肝嘅肥膩就會好啲。🍹鮮奶溝忌廉🍹古早味牛奶紅茶逼到喊嘅位