十三姨 (通菜街)

營業中

休息中

黎一個餐前小食先熱茶+七彩蝦餅脆卜卜！🍛老闆娘鵝肝煎蛋撈飯三大塊鵝肝加自家製XO醬足夠大叫「老闆娘加飯。唔該！」SORRY!! 加飯要加錢架XD不過呢~呢個真係加多個飯都完全冇問題鵝肝好重油脂 好香加埋個XO醬 再加隻蛋........oh my god!!!!🍛大三元醃過既炙燒手撕雞絲 鹹鹹地配上大量蔥花+蔥油平時慣性「走青」既小編都出奇大讚好味🤤事關蔥油帶出粒粒米飯香再配上微辣既自家蘿蔔醬汁送飯一流！真係食到停唔到口

見今日平日放假，心絲絲想去旺角食十三姨，早前都係因為朋友IG見到個招牌鵝肝飯，挑起食鵝肝嘅癮於是，晏晝出左旺角，都係午飯時間但好開心唔需要排隊，加上一個人，直接入座！一坐低，店員就放低左d彩色蝦片，都幾惹味，脆卜卜，食唔停口，哈哈 同時，都有杯熱茶，未點野食已經好開心餐牌唔會太複雜，而且我一早已經決定好係要試招牌鵝肝飯！拍板！唔洗好耐，見到佢真身啦賣相唔錯鋪係面嘅有唔少得嘅煎鵝肝，但略嫌有塊薄左d 好似豬潤lol、太陽蛋、炸蒜定洋蔥、自家製xo醬同葱花。鵝肝味道唔算太濃，油份都ok﹐如果厚返少少會開心d﹐話晒佢都唔平。個人最想highlight嘅係靜靜地係側邊嘅Xo醬！本身我唔太食辣，其實佢真係幾辣，但我又覺得佢辣得好過癮！愛黎撈飯真係好開心！反而佢個XO醬好足料，見佢d瑤柱絲真係好多。今次真係比佢個小小配角surprise左！總結黎講，我下次會帶埋friend黎食，希望下次塊鵝肝唔會令我失望啦

早前喺Facebook呢間餐廳出post 已經好想黎試，見今日去開旺角就黎試下黎食lunch我同朋友叫左手撕雞飯+灸燒雞叉燒 同埋十三飛牛湯陽春麵，另外見糖心蛋好吸引所以跟餐加$6加左隻黎食。手撕雞飯個人認為不過不失，枱上可以加鼓油調味，但個人認為呢個飯太多炸蒜，雖然走左雞油但碗飯都仲系有d油，雞叉燒啖啖肉 成碗飯配埋糖心蛋食 味道吾錯！反而個十三飛配陽春麵口感吾錯 但個湯勁濃 太咸但配料好足 好多牛肉 如果個湯底無甘咸會更好。

上次食左十三么😛今次試埋個牛同埋啲飯款😋-上等牛肉陽春麵🐮同上次食到嘅一樣 啲牛依然有相當濃郁嘅牛味🤤每一塊都好有嫩滑 切得一啲都唔薄 好有口感💓仲要有好多塊😚好抵食！不過今次個湯底好似鹹過上次嗰個🙈-十三元🐣呢個飯豐富😋除咗有炙燒手撕雞伴雞油飯 另外仲會配埋炙燒雞叉燒同埋溏心蛋😍佢同十三么其實有啲似 只不過係將個麵底就變左做雞油飯🤣個雞油飯配左好多蔥花同埋炸蒜😚撈埋落個飯到一齊食好香🥰唔好以為雞油飯會好油～佢呢到個飯好濃嘅雞油香味💓不過食落一啲都唔油‼️-黯然銷魂飯🐣呢個飯嘅份量超級多🤣佢呢個雞叉燒嘅味同其他唔同🙈呢款個味道偏甜啲😛佢配左大量嘅木魚絲 蔥花仲有沙律醬🤩原本會以為個沙律醬撈飯會好唔夾🧐但係佢同個木魚絲同埋啲甜甜地嘅叉燒一齊食又幾好味🤤

呢間野啲麵好特別😍😍個底有粉絲拼米粉兩溝 仲有銀針粉 陽春麵比你揀🍜最特別係有四蔬🥗啱晒啲唔食澱粉質嘅食客👍🏻好貼心💓-一去到坐低就會即刻比好Colourful嘅炸蝦片你食🥰真係好正！我嗰日去咁啱炸起🤤所以熱辣辣 脆卜卜❣️-十三么🐣我嗌左十三么轉四蔬🥗佢有四款時令蔬菜 所以應該係成日轉～雖然轉左四蔬 但係佢都好得意會加幾粒腸粉仔落去🤣口感滑嘟嘟💓個湯底好清 好濃嘅雞味🤤飲落有啲似雞湯🙈手撕雞同埋雞叉燒都帶有少少煙熏味😍食落好香😚雞叉燒第一次見 好特別🤩啲肉好嫩滑 一啲都唔鞋💓隻溏心蛋好正❣️❣️-十三飛得朋友就嗌左十三飛🐮呢款麵個湯底就相對濃少少～個牛肩胛同埋牛肋骨個牛味相當之濃郁😍仲要一啲都唔肥！牛肋骨唔會太韌 好淋身 口感好正❣️佢個麵底係粉絲拼米粉 原本以為兩款麵撈埋會好唔夾🙈點知完全唔會格格不入 有啲軟有啲硬 口感好特別🤩好後悔冇嗌呢個😟

8點幾去到，排15分鐘唔算耐，入到去雖然要撘枱都唔算迫。店員即刻放低蝦片同茶。叫左個大三元同鵝肝飯大三元即係手撕雞飯加雞叉燒同一隻蛋，加埋佢啲秘製撈飯汁都幾香，個雞叉燒係用雞髀肉整，但就無咩味。鵝肝煎得幾香口，雖然無入口即溶，但100蚊泥講都算高質，不過個飯就有小小辣。整體泥講旺角有一百蚊落到樓既野都唔錯既。

旺角覓食 搵到十三姨其實女人街有好多小店而十三姨係其中一間 我個人推薦的每枱客人都會有一杯蝦片？脆卜卜的😆而佢哋嘅湯麵都有特別嘅名稱好似我咁就叫咗個13飛 ($72)呢一碗湯麵係用左牛湯 牛味十分濃郁而配料有安格斯牛肉 牛腩 溏心蛋同銀針粉銀針粉長短不一 口感特別 而且好滑溜成碗麵都好豐富同濃郁嘅牛湯好夾👍🏻而MY BOSS就叫左十三么配雞湯 ($66)除此之外佢嘅嘢飲都特別經典我地叫左杯金牛 ($26)入面有芒果雪糕以忌廉做底 再加上oreo粉及朱古力條好飲👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

係旺角要搵餐正常小小的飯食真係一的都唔容易.....因為又要係旺角搵食...所以就走左入女人街.....行過見到有一間食粉麵的鋪頭..平時真係一定唔會入去，但朋友話想試...好...就試一次.....坐低之後見佢餐牌幾得意喎，唔係平時一般中式或者譚仔個的類型....最後叫左一碗雞絲湯粉同兩串雞肉串燒!一拿上台，個樣都幾靚，有好大陣雞湯的味道，佢仲加附左一舊檸檬，平時一般一定唔會有。試左一啖湯，係甜既，而且甜味唔係由味精而來....飲完湯就再加檸檬落去，加完個湯又唔同左味，但係感覺清爽左好多~因為雞湯有時飲得多都會布小小膩，但加完個檸檬就真係岩岩好。個粉佢有同湯一齊煮過，所以湯的味道有入到粉個到，唔係求其煲返熱就算!串燒就一般般喇.......肉質係可以既，但冇咩味，完全係算個味粉去撐場面..同埋有小小唔夠熱..所以....總括黎講呢間係可以再去食....但只限係粉麵...下次去我會試下佢個牛肉湯，睇下係咪一樣都咁好食~

行開旺角想食麵，但又唔想食米線或者車仔麵，見十三姨依間鋪頭主打米粉拼粉絲幾特別就揀左佢黎做今日既晚餐七點幾食飯時段客人都算多，需要等一陣先有位，不過都真係一陣姐，店員好快就執空左張枱比我地坐雖然要搭枱但都唔算太逼，環境幾乾淨舒服，感覺唔錯服務方面，侍應好好禮貌而且好好笑容，點單同出菜都好快手，十分抵讚而且係一開始入坐時，店員送左兜類似蝦餅既小食比我地食，可以係點餐同等餐期間過下口癮，諗得幾周到食物方面，我點左十三么(雞肉粉絲拼米粉)，而我女友就點左牛肋骨銀針粉。兩個既料都好足，而且湯底各有特色雞肉湯就比較清甜，而牛肉湯就好濃郁！鐘意重口味d 既朋友可以揀牛肉湯試下我自己比較淡口味d 所以覺得雞湯十分之唔錯，飲埋d 湯都唔覺得口渴粉絲拼米粉口感都好特別，有軟有硬咁幾有趣，但又唔會格格不入好似食緊兩款麵咁，整體感覺好好最後埋單兩人加埋142蚊，價錢唔算太貴，湯底同配料都十分有水準，而且麵都幾有特色，個人認為值得一試

星期日想搵個地方食個好飯然後諗起呢間ig成日出晒post好似都幾吸引一於帶小黃子去食❤️拿...我本身對鵝肝就不存好感總覺得佢食完會有陣膻味係喉嚨有d仲會膻到打冷震🤢不過小黃子鐘意膻味小黃子坐底即刻點左鵝肝煎蛋飯😦好快就上枱啦店員姐姐教我地要加豉油先好食嘩嘩嘩嘩真係好好味呀！！！！！！即刻顛覆左我對鵝肝會膻到落喉嚨既感覺好正呀！係完全唔膻 仲有d甜而我就叫左個雞湯河粉雖然係普通野 但個雞湯真係好正好好飲［利申：我出街食湯麵唔會飲埋d湯］而呢個仲飲完唔口渴！！！唔記得左講返添一入座店員就上左一份蝦片連份蝦片都好好食呀！呢間一定要翻桌！！！

去左旺角食十三姨，我地等左好耐先等到，太多人啦。坐定定，叫左老板娘鵝肝煎蛋飯，手撕雞拌雞油飯，十三么雞湯粉絲拼米粉，豚肉燒，雞腿肉，雞翼，雞軟骨。十三姨的雞翼好吸引，好香，好入味，食過翻尋味。鵝肝煎蛋飯隻蛋流心，鵝肝都好爽口。雞湯粉絲拼米粉都食落暖笠笠。十三姨好食在好多香料，煮得好精緻。價錢就中上，不過都係食台灣菜一個唔錯的選擇。環境都幾靚，不過唔算好多位。

聽講呢間啲雞類餐點整得唔錯😂今日就嚟試一試佢個十三么🤣((打麻雀咁十三么 ($66)手撕雞本來比較乾，但浸泡過湯汁一起吃剛好。雞叉燒比較好吃，肉質較嫩滑😋炙燒過帶出雞油香氣。糖心蛋普因為生熟程度剛好🥚醬油味道不重。麵底是米粉和粉絲兩種混合，口感不錯，芽菜夠多增加爽脆口感。湯底不鹹不淡可以喝，也不油膩。好似好多人食個鵝肝煎蛋撈飯🤤好似好正咁$108有鵝肝係幾抵嘅，不過cwy係學生黨就算了🤧整體唔錯嘅睇得出有心機，不過呢個價錢，期待值會高啲，$66我會俾多少少去食拉麵🤭

幫襯過好幾次既小妹最近食開大魚大肉 有時都會想食下啲清淡少少既野去中和返自己嘅味蕾 於是諗起十三姨雞湯麵既清新感覺二話不說就搭車去咗旺角 一試再試十三姨獨有既風味一入門口 老闆娘已經熱情咁招呼我同朋友入去坐 絕對唔會因為人多而冷落左你一坐底既同時 店員亦都係幾乎同一時間將兩杯熱茶同一杯份量岩岩好既蝦片送到你面前(忍唔住已經偷食左幾塊 蝦片新鮮炸 略帶蒜香味 食客如果好鍾意食嘅話 店舖內收銀處上面仲有得比客人買翻屋企慢慢品嚐嗰日我同朋友一人嗌左一個主食 菜單入面嘅主食都不外乎係雞同埋牛 無話十分多選擇 但小妹覺得 菜單入面基本上都係十三姨入面既熱門菜式 小妹食極都唔厭既 有佢十三么（手撕雞、雞叉燒、糖心蛋、粉絲拼米粉@$66食嘅時候要小心唔好揩到個煲邊 因為 好 熱 而小妹亦都正正欣賞佢夠熱 對我黎講 一餐飯好唔好食 夠熱 係一個好大既關鍵 湯底瀰漫着一股燒雞時嘅煙熏味 其實比起雞叉燒 小妹更加鍾意食手撕雞 略嫌手撕雞份量有啲小 除咗粉絲同米粉 佢仲加左細細舊 滑脫脫嘅腸粉 食落去嘅口感層次更加可以得以提升 加埋配既檸檬角 增加鮮甜度 可以達致清新口感 簡直係冇得輸店員不時仲會建議食客可

這晚在女人街找食，又想食熱湯麪，看到這間人氣不錯，幸好等了沒多耐便有位了！招牌同內裡裝潢很有中國風～一坐下已來了一碟炸蝦片免費食！鐘意食牛的可看看這個：不吃牛的則可考慮這些我點了炙燒手撕雞湯粉絲，而老公點了十三么，兩者其實差不多，只是十三么是粉絲拼米粉及多了幾塊雞叉燒。熱乎乎的湯底覺實不錯，我挺喜歡雞叉燒，因為很特別，老公說粉絲拼米粉口感很好～提一提，喜歡食辣的記得加點辣椒調味👍另外，串燒有買四送一優惠，我們分點了雞軟骨、豬腩肉、雞腿肉及雞翼，串燒一點也不馬虎！難怪咁多人排隊食～

自從數年前因難覓對手，封刀歸隱，金盆洗手，不再於四方城中打拼，在雀林中馳騁之後，早已不曾吃糊，更遑論吃十三么了。不過這天卻是個異數，我竟然吃了「十三么」，而且還是在「十三姨」處吃「十三么」。當然，此「十三姨」非彼「十三姨」，並不是在電影中讓黃飛鴻百煉鋼也化作繞指柔的十三姨，我吃的「十三么」亦非四方城中的奇牌「十三么」，而是在「十三姨」中的一碗名字特別的招牌出品。這碗「十三么」雖沒有十三種材料之多，卻有手撕雞、雞叉燒和腸粉做主要材料，並配以粉絲拼米粉，成為一碗別處所無，只此一家的獨門出品。這店舖其中一句宣傳語句是「湯麵是主角，湯底是靈魂」，當然要先喝啖湯。這湯果然不俗，湯味鮮而帶點微辣，是好喝的湯。粉絲與米粉的配搭，一方面可帶來雙重的口感，另方面也具有極高的索湯能力，設計相當不錯。反而那大概有四至五片的雞叉燒和撕得幼細的手撕雞，味道就不太突出。我吃的因是套餐，不是散點，所以「十三么」內沒有溏心蛋付奉，不過這碗「十三么」的口感確有獨特之處，湯味也好，加上惠顧的客人有令人意想不到的脆卜卜「七彩炸蝦片」伴吃，還有「支裝可樂」可喝，才六十多元的價錢，都算合理呢！其實，這店子的其他出品，好像「老闆