148
78
7
港鐵油麻地站 A2 出口, 步行約4分鐘 繼續閱讀
電話號碼
28856728
開飯介紹
餐廳裝潢採用木系風格,配上線條簡單的中式畫作,營造出摩登的中式風格。主打Soto Ayam印尼湯麵,湯底加入大量材料熬制而成,純天然不加味精,味道濃郁。配以新派煮法處理,加入中、日的食材,如陽春麵、灸燒雞叉燒等。 繼續閱讀
營業時間
今日營業
12:00 - 17:00
18:00 - 22:00
星期一至日
12:00 - 17:00
18:00 - 22:00
公眾假期
12:00 - 17:00
18:00 - 22:00
公眾假期前夕
12:00 - 17:00
18:00 - 22:00
付款方式
AlipayHK 現金 八達通
其他資料
加一服務費
食評 (281)
1️⃣ ⭐️老闆娘鵝肝煎蛋撈飯⭐️ $118 (7/10)呢個招牌鵝肝飯真係無得彈,性價比非常高👍🏻份量剛剛好,鵝肝煎得岩岩好,外脆內軟,入口即溶😋太陽蛋仲要流心🤤配菜有菜圃、葱頭、炸蒜頭,加埋秘製醬油撈飯食,超香口惹味🤤唯一要留意嘅係秘製醬油少少咁落,如果唔係太咸就晒咗🤭2️⃣ 迷你雞油撈飯 $20 (5.5/10)雖然話係迷你,但份量都有一小碗🤭雞油落得唔算多,啲飯都係偏乾,而且無咩雞油味,味道一般,似加咗少少油嘅白飯🙈不過飯面有少少炸蒜頭同葱可以吊下味,最終我地落咗鵝肝飯嘅秘製醬油食,味道又唔錯😛3️⃣ 十三么 $64 (7/10)上菜見到個煲都知份量十足🤭呢碗野入邊有雞叉燒、手撕雞、芽菜、椰菜,再配粉絲、米粉、腸粉🤤咁多種粉麵一齊食都係第一次,而且全部都係飽肚嘅嘢,食到一半都已經好飽🤭湯底係用雞湯煮,有蒜頭同胡椒味,所以會辣辣地。加埋檸檬,個湯底又有另一番風味👍🏻 雞叉燒同手撕雞肉質都好嫩,唔會乾🤤4️⃣ 炙燒手撕雞腸粉湯 $58 (7/10)呢碗同十三么最大嘅分別係無咗粉絲同米粉,淨用腸粉做底都幾特別,食落好似健康咗咁🤭腸粉每粒都切到細細粒,不過都幾易散🤨手撕雞條條都好幼細,份量仲唔少🤤同樣都有好香嘅炸蒜頭吊下味👍🏻Olaf覺得呢間啲麵煮得似印尼湯麵,唔知有無人認同呢?😛5️⃣ 串燒 每串$12 (6/10)串燒有好多款揀,我哋叫咗雞軟骨、翠玉瓜同雞髀菇,另外可以揀辣或者唔辣,而我哋就揀咗小辣😋但其實辣粉都幾多,不過整體燒得都唔乾👍🏻📌 一去到佢哋就送咗啲炸蝦片上嚟做前菜,好脆好似食薯片咁,當然嘢食都未嚟就已經食晒🤫📌每分餐都跟一杯嘢飲,凍飲仲唔使加兩蚊🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-26
0 瀏覽
十三姨良心小店,友人帶路,見到好多人食麵,我哋三個女人叫左飯🤣😂下次要試麵...一坐低店員遞上蝦片,好卜卜脆好食呀!勁想叫多「杯」。.黯然雞叉燒飯 😋😋😋份量好多,加上沙律醬幾好味!但叉燒過咸,真的有難度😭,友人食晒飯剩低餸🤣😂.蝦片 😋😋😋😋出色呀!好耐無食過,係新鮮炸起,充滿童年回憶。還要用高杯來裝,好正! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-26
0 瀏覽
呢間餐廳我已經encore過,上次無寫到食評,今次一於寫翻低。見有食評話要排好耐,好彩地第一次去唔使等,第二次去都只係等咗十分鐘。餐廳唔大但都算坐得ok舒服,感覺係有小小格調既茶餐廳。餐廳菜式都幾特別,食完下次又會想帶其他frds去。今次一共叫咗三款野食:炙燒手撕手撕雞拌雞油飯 ($48)呢個食入口都好香,手撕雞其實雞味就唔係好重,不過勝在雞油同炸蔥香,同埋加小小十三姨提供既鼓油,所以食落都幾惹味。老闆娘鵝肝煎蛋撈飯 ($118)呢個每次必叫,鵝肝煎得外脆內軟,好香鵝油香味,同埋份量都唔少。煎蛋都煎得剛剛好,連埋炸蔥同辣菜圃撈個飯真係無得頂。呢個飯建議同朋友一齊share,因為都幾漏。炙燒雞叉燒($24)呢個小食都唔錯,有d似平時食拉麵上面既叉燒。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-23
0 瀏覽
🥰今次已經係第三次黎幫襯呢間十三姨啦一開始係比佢個店名同埋鵝肝飯吸引咗去試點知食完之後就返唔到轉頭😂-老闆娘招牌鵝肝撈飯 賣相好吸引 份量都幾足鵝肝厚薄程度適中 外脆內軟煎得啱啱好微焦既外皮配上入口即落既鵝肝 真係好正🤣配菜有大量既炸蒜、蔥、XO醬同埋一隻煎蛋用秘製豉油加半熟蛋漿撈埋飯 成碗飯都冇得剩了😂-十三飛牛湯麵 我哋由粉絲加米粉轉左陽春面除咗牛腩之外仲有肥牛 加多隻溏心蛋整體食落都正正常常 冇鵝肝撈飯咁驚艷-炙燒雞叉燒比想像中細塊啲 食落好重花雕酒味唔係好感覺到炙燒既風味 似係普通嘅雞肉啦🤔-總結嚟講 如果係鍾意食開鵝肝 又想價錢平民啲絕對可以黎試吓 其他食物質素就不過不失入座送嘅蝦片小食好貼心 全部都好脆佢哋啲茶係用三角茶包沖既 都幾好飲 唔怕食到口乾😛好味評分😋:5 /5🌟🌟抵食指數🤑:4/5 🌟🌟餐廳環境 🤪:4/5🌟🌟價錢💰: 老闆娘鵝肝撈飯 $118 十三飛牛湯麵 $74 炙燒雞叉燒$28地址📍: 十三姨 旺角通菜街1M-1T號華發大廈地下C號舖 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-19
0 瀏覽
有日放工覺得口乾乾地想食番啲湯麵濕下個口,路過收藏已久既十三姨門口唔多人等位,即刻去拎番張飛,兩個人大概等左15-20分鐘。一入去坐低好大冷氣,就叫左碗熱辣辣既粉絲野食未到都可以食下蝦片~炙燒手撕雞湯粉絲 $60有半隻溏心蛋,可惜蛋醃得唔夠味,湯好夠味,較重胡椒味,手撕雞份量亦好足夠,口感唔會好「鞋」。粉絲就無咩特別,中規中矩,一個女仔叫左少面都食唔哂。總括嚟講,係好抵食既一餐,可以食到好飽,性價比唔錯~ 繼續閱讀
(以上食評乃用戶個人意見 , 並不代表OpenRice之觀點。)