307
128
24
港鐵油麻地站 A2 出口, 步行約5分鐘 繼續閱讀
所有分店 (3)
電話號碼
28856728
開飯介紹
餐廳裝潢採用木系風格,配上線條簡單的中式畫作,營造出摩登的中式風格。主打Soto Ayam印尼湯麵,湯底加入大量材料熬制而成,純天然不加味精,味道濃郁。配以新派煮法處理,加入中、日的食材,如陽春麵、灸燒雞叉燒等。 繼續閱讀
營業時間
今日營業
12:00 - 16:45
18:00 - 22:45
星期一至日
12:00 - 16:45
18:00 - 22:45
付款方式
AlipayHK 支付寶 現金 八達通
其他資料
Wi-Fi
酒精飲品
外賣服務
加一服務費
當面支付
以上資料只供參考, 請與餐廳確認詳情
食評 (564)
見微知著🤌,由食材煮法到醬料都用心💖,味道超乎價值👍!・・・・・・・・・・・・・・・・・・・・🐔 炙燒手撕雞伴雞油飯 HK$64・味道:真係人手逐條撕唔係機出嘅手撕雞,每條都食到炙燒過嘅雞香味。雞油飯睇落係白飯但唔知點解食落係油飯,但唔係海南雞嗰種油飯,不過味道也不錯喔,見到個碗底有好小好小嘅油,估計係雞油來源XD 粒蛋正常,健康味道冇話好重蛋味。但加炸蒜同香蔥真係完美俘虜咗愛食口臭嘢嘅肚波心,害羞地點讚(❁´ω`❁)*✲゚*!不過加炸蒜同蔥係真係smart嘅,因為會再吊出個雞味,仲有枱面個配雞飯專用秘製豉油,味道係淡身非鹹非甜嘅豉油,爭鮮嘅好light版,加埋豉油食更正,唔該食呢碗嘅波友記得加!・口感:唔柴嘅手撕雞,一定唔會嫩滑㗎喇但未去到攝牙罅嘅🤭飯粒飽滿粒粒分明,食到底都唔會油,有啲料嚟!🍜 十三飛 HK$80> 安格斯牛肩胛、牛肋條、溏心蛋、粉絲配米粉・味道:牛肩胛同牛肋條都重牛肉味,啱啱好夠熟仲有少少粉紅色好靚仔👍。湯底鹹香十足加埋炸蒜香蔥,yum yum desu!・口感:粉絲配米粉似摻摻,有唔同口感。🐤 鹽燒雞軟骨 HK$42・味道:香口不過冇咩味~・口感:脆卜卜~🍄 雞髀菇+雞腿肉 HK$16/17・味道:雞髀菇juicy,有少少味粉吊味不錯的。不過雞腿肉懷疑畀錯,幾細粒嘅肉以為係雞軟骨~・口感:正常☕️ 凍蜂蜜蘋果烏龍茶 HK$22・味道:幾surprise有蜂蜜都係微甜,好順口。要攪勻XD,飲到最尾發現有好多甜甜的蘋果粒,喉嚨C伏!・口感:蘋果粒仲微爽口的,唔係淋pat pat,impressive ฅ●ω●ฅ・・・・・・・・・・・・・・・・・・・・🤰性價比:高~🤰9衝度:9衝~🤰結論:難怪長期人龍店,果然不錯,有下次!・・・・・・・・・・・・・・・・・・・・ 繼續閱讀
(以上食評乃用戶個人意見 , 並不代表OpenRice之觀點。)
等級2 2024-04-13
0 瀏覽
今日又行旺角,同朋友見到呢間嘅餐牌好得意,「十三飛」、「大三元」、「十三幺」…突然激起我想打牌嘅興致🤣就有興趣試下呢啲菜式!我prefer食湯麵,就揀咗「十三幺」陽春麵!其實佢有其他面底揀,有米粉、銀針粉、粉絲、米粉拼粉絲等等,搞到我有選擇困難症!😂然後個餐送埋嘢飲,凍飲唔洗加錢!我就揀咗百香果烏龍茶,本身我都驚佢會太甜,糖漿個種死甜,點知出到黎好清新,微甜程度,啱嗮我!👍🏻而「十三幺」陽春麵就係手撕雞,雞叉燒同溏心蛋,湯底幾濃胡椒味,加少少炸蒜,好多麵!食到好滿足!仲有仲有,佢送嘅蝦片都好好食! 繼續閱讀
(以上食評乃用戶個人意見 , 並不代表OpenRice之觀點。)
等級2 2024-04-06
0 瀏覽
之前係通菜街搵野食,經過呢間好多人排隊就諗住試吓,攞咗飛都唔係等咗好耐就入得。入到去坐低都未打開餐牌侍應就送上茶同彩色蝦片好貼心。餐廳環境唔算好大座位有啲逼夾多數要搭枱坐。不過室內環境有中餐廳特色,有古色古香客棧嘅特色。🍲十三飛 $80湯麵入邊有安格斯牛肩胛,溏心蛋,仲有腸粉驚喜地幾夾碗湯麵。而牛肉係半生熟上入口即溶,口感好嫩份量亦好足。最開心係可以雙拼麵粉絲併米粉一次滿足兩個願望。個湯係唔錯,但越食越鹹。🍜炙燒雞叉燒湯翠玉瓜麵 $84呢碗個湯就同十三飛唔同,而湯麵入邊有雞叉燒,溏心蛋。。諗住試吓唔同麵,就揀咗加錢轉青瓜麵,點知真係無揀錯,翠玉瓜麵好驚喜,對於想減肥嘅人嚟講,我會超級推介,又飽肚又清爽,有好健康感覺好似食好多都得。另外佢個雞叉燒都好特別個樣好似日式叉燒,但係食落好嫩滑嘅雞肉。🐙椒鹽魷魚絲 $38魷魚份量唔算多,但味道唔錯炸得幾脆,當小食送麵食都幾好。整體嚟講兩碗湯麵都有驚喜同出色個湯係幾好飲,不過飲到最後係有啲鹹要不停飲水。絕對會再食個翠玉瓜麵真係唔錯。 繼續閱讀
(以上食評乃用戶個人意見 , 並不代表OpenRice之觀點。)
等級1 2024-04-03
118 瀏覽
一入到去已經好多蚊滋周圍飛 店員完全當冇事 可想而知衛生幾差 杯同筷子都係木製 摸落去未乾透濕濕地 感覺好唔衛生 見到送既蝦片係一個冇封口既包裝袋拎出尼 咁多蚊滋都唔封實好唔衛生送既蝦片食落口好硬應該係放左好耐 叫左一個鵝肝飯 份量好少 味道普通 百幾蚊尼講性價比好低 仲叫左個雞絲湯米粉 賣相味道都好一般 入面有幾舊腸粉 唔知放落去做乜 腸粉都唔索湯社交媒體網站見某位藝人吹奏到咁好食咁高質素 點知完全係貨不對辦 整體尼講食物 環境 衛生都差 絕對唔會再去 繼續閱讀
(以上食評乃用戶個人意見 , 並不代表OpenRice之觀點。)
等級2 2024-04-03
105 瀏覽
之前見好多foodie推薦呢間餐廳,雖然見到openrice都有d負評,但依然想自己試一次,點知體驗極差,被安排坐最入面既位置,衛生環境極度差劣,好多烏蠅同蚊圍住豉油樽同餐具,當食物來仲圍住食物飛,我同搭枱既人都狂拍,但員工好似視而不見。食物方面,每枱都附送既蝦片,味道油益,而且唔脆,不過唔駛加錢就算,正餐叫了一個鋪頭最出名既鵝肝飯,覺得鵝肝質素麻麻,份量極少,而個飯就好油膩,完全名過其實,還有員工係門口吸煙,煙味傳晒入店舖,真係冇下次 繼續閱讀
(以上食評乃用戶個人意見 , 並不代表OpenRice之觀點。)