「十三姨～～」 當你聽到十三姨呢個名，你會諗起咩？淫賤搞笑的毛舜筠還是氣質美女關之琳？我就會想起位於旺角的一間名為「十三姨」的食店。
此店主打濃雞湯手撕雞陽春麵，亦有手撕雞雞油飯，而且仲有串燒供應！裝修亦是古色古香，以木材為主調。
未叫餐前先有小食蝦片奉上，蝦片脆卜卜，可以一邊吃一邊等待。但我地只吃了幾片，食物已經送到。
大三元包括有炙燒手撕雞伴雞油飯，炙燒雞叉燒，溏心蛋。調味料亦有秘製飯豉油，先試一口未有加味道的原味，感覺淡了一點，於是再加秒製豉油，豉油比較淡色，亦不算濃味，配合雞油飯恰到好處！
老闆娘鵝肝煎蛋飯
鵝肝煎得金黃，但吃不慣有點辣的飯！
雖然食到好飽，但仍然可以食到一粒飯都無！呢間食店絕對可以encore!
