星期五放工之後發現原來係要排隊架，不過排咗大約15分鐘就可以入去都算可以接受！
一入到去佢就會送一個蝦片同埋攞杯茶俾你，感覺唔錯，跟住先慢慢點菜！
大三元($68)
張生諗都唔使諗就叫咗個大三元，佢好鍾意個雞油飯底，非常之香，完全清晒成碗飯，但佢覺得啲雞扒肉就麻麻哋啦⋯⋯
雞絲湯粉麵($60)
隔左差唔多半年，寶仔又揀返呢一個麵食，都仲係覺得好難食，個湯咸到不得之了，係喊到食唔落嗰種，我諗我真係以後都陪唔到張生食嗰個飯啦，因為寶仔唔係太鍾意食飯㗎，而呢度嘅湯底做得真係比較咸，但見到隔離枱嘅人竟然喺度飲湯。。唔知係咪我哋兩個嘅問題呢，因為我哋都覺得個湯好鹹。。
