北海丼 (已結業)

同朋友喺太古城行街，咁啱見到呢間專賣海鮮丼嘅北海丼好似幾特別，所以就入去試吓。難得約到fd食飯，梗係想食豪啲啦所以就order咗「庖丁解魚」tuna set呢個set真係每樣菜式實有吞拿魚，超豪華！頭盤：吞拿魚野菜沙拉沙拉入面起都有十粒吞拿魚，多菜有車厘茄韓風醬吞拿魚漬配韓式醬，加紫菜，特別爽口主菜：四色吞拿魚腩丼大塊魚腩，仲有吞拿肉碎，又有配菜，好豐富！吞拿魚味噌湯：味道都唔錯，魚肉冇少到最勁係呢個：燒吞拿魚鮫好大嚿鮫，啖啖肉出囇魚油味，一流！食完呢餐真係好滿足，價錢合理服務員都幾主動解釋菜式，態度良好有機會再試！🤤👍🏻

因為想同男朋友慶祝考試考得好，而我地兩個都係吞拿魚嘅fans，見到朋友食過呢間餐廳嘅藍鰭吞拿魚二人餐好似好吸引咁，所以揀咗去呢度黎個小慶祝😍跟著就睇下我地嘅套餐有咩食啦🤗呢個食法有新意，我鐘意😍因為平時好鐘意食生牛肉，呢個感覺有d似可惜紫菜有部分沾咗d醬，淋咗，如果唔係就更加好😂麵豉湯都有好多料架，最怕用粉沖嗰d，又唔湯唔水😒整體而言，味道好好，員工態度都好好，好勤力主動加茶（因為我飲好多茶，所以呢樣對我好重要，哈哈），價錢係$599加一，唔係話好平，不過都值嘅😛

Happy Friday放工後, 約咗朋友去太古城睇戲, 睇戲前梗係要搵地方醫肚, 路過被藍鰭吞魚盛宴餐牌吸引, 不用排隊就入座, 唔知是否因星期五晚關係, 當晚餐廳已坐滿九成客.套餐先嚟吞拿魚野菜沙律, 食出吞拿魚新鮮無腥味, 沙律用料亦Fresh, 另抵贊柚子醋醬汁分開, 隨自己個人口味添加韓風醬吞拿魚漬, 吞拿魚拌微辣韓式醬汁配有牛油果+鬆脆紫菜+青瓜絲, 這樣配搭非常惹味, 惟美中不足紫菜得5片吞拿魚味噌湯(2碗,)味道好處主菜出場四色吞拿魚腩丼(2碗),  每碗有3片不同部位吞拿魚腩刺身, 刺身肥美, 入口即溶, 加埋吞拿魚蓉香甜, 重有小魚乾拌飯食一流最後燒吞拿魚餃, 份量十足, 皮脆肉嫰, 食到飽又滿足.

假期梗要陪下阿媽扮乖女, 佢耍去太古城中心買衫WOR。約埋細妹及女女四人同行，行之前醫肚食個早LUNCH先。決定食餐好既，揀日本餐廳北海丼，BOOK 12:30，即時入座，不用排隊~ 正~因之前食了早餐，少少地兩人套餐感覺上比較抵食，故叫了二人前吞拿魚Set 還加點了蒲燒鰻魚丼FOR 小朋友。$588庖丁解魚二人份，包括: 吞拿魚野菜沙律日式沙律菜酸酸地都算醒胃，調味醬夠酸，令味道更為清新。韓風吞拿魚漬像韓國的生牛肉刺身，將雞蛋攪爛伴入吞拿魚後，魚質滑嫩，配紫菜及牛油果，帶點清新。燒吞拿魚鮫同吞拿魚味噌湯(2碗)湯內有豆腐、昆布等等的材料～ 味道適中，好味！魚鮫全日最愛，燒得剛好，皮脆肉嫩，油脂很多，有豐富的骨膠原，媽媽不停贊好！四色吞拿魚腩丼有藍鰭吞拿魚拖羅、赤身及魚蓉，每一款的刺身也切得滿厚身，亦算新鮮。丼中亦配魚乾及薑片等，可拌進白飯同食，飯量滿多～蒲燒鰻魚丼鰻魚真係好肥美 鰻魚汁味道剛剛好甜甜的, 小朋友竟可幾乎全部KO！整體食物唔錯，環境亦非常時尚簡約，自然，值得推介！

小友太古附近辦公 早對此餐廳蠢蠢欲試 擇日前往決心一試 毫無懸念點了庖丁解魚二人藍鰭吞拿魚套餐吞拿魚野菜沙律 x1韓風醬吞拿魚漬x1魚生飯x2味噌湯x2燒吞拿魚鮫x1整體味道很好 魚漬跟吞拿魚鮫乃初次品嚐 韓式肉膾換上吞拿魚肉拼牛油果再以紫菜裹好 食材層次分明各有特色 非常醒胃魚鮫份量足 鮫位肉質兩極 有肥嫩可口 有樸實肉身 熟吞拿魚肉偏硬和乾始終避免不了四色魚生飯尤其出色 魚生新鮮 連配菜送飯一流 飯溫適中 粒粒分明 分量較適合女性店面裝潢簡約光猛 富有空間感 員工態度亦無挑剔

假期咁快就去到最後一日，決定係放完假之前一晚食餐好既，見好耐無食日本菜，今晚就決定去食下。依間餐廳都幾多位，八點到都唔使等位就入得，唔錯。我地一人叫一個餐朋友叫左個 迷你蒲燒鰻魚丼 加豬骨湯烏冬餐依個餐都好豐富，前菜有三塊洋風三文魚薄切。主食有飯有烏冬，烏冬就普普通通，但吉列豬扒炸得唔錯。鰻魚飯值得一讚，蒲燒鰻魚燒得好味，有兩塊。我就叫左個北海丼價錢就貴小小，但都幾豐富，同埋都幾新鮮，魚生每樣都有兩塊，有三文魚、赤身吞拿魚、尤魚等等。塊單一人二百元左右 ，一餐滿足晚餐。

仲意食吞拿魚嘅朋友有福喇！ 北海丼開張以嚟都食過幾次，每一次都好滿足，特別仲意佢哋超新鮮嘅Toro，同埋燒吞拿魚鮫！今次睇到佢哋推出咗個藍鰭吞拿魚二人餐好似好抵食，就約咗閨密嚟試下 好喜歡呢度用藍色波浪花紋做主題。成間餐廳嘅感覺好舒服好和諧。第一道餸係吞拿魚野菜沙律配柚子酸醋汁。好清新嘅日式沙律。佢哋好貼心咁將醬汁另外上，好好！第二道餸係韓風醬吞拿魚漬。友人特別喜歡滑潺潺嘅食物，呢個佢超 Like！第三樣係每人一份嘅四色吞拿魚腩丼  份量好足、吞拿魚腩入口即溶、超美味！丼飯上面嘅啡色小魚仔係我食過最好食嘅，送飯一流！右上角個木蓋子嘅小碗係吞拿魚味噌湯。呢個有別一般味噌湯。因為飲得出佢係用魚骨去煲個湯底嘅，好鮮味！食到呢到經已好飽，最後仲有一道餸：係我最期待嘅燒吞拿魚鮫  二人餐嘅燒吞拿魚鮫比起 a-la-carte menu order 細一啲，但係我哋兩個女仔食覺得非常足夠，仲食唔哂添。魚鮫燒得剛好，皮脆肉嫩，感覺有好多魚油 Omega 3 haha呢餐食到非常飽、非常滿足！值得一讚係啲餸菜一道一道咁上，一啲都唔趕。有啲餐廳，尤其食set，多數會好快咁一次過出哂啲嘢，俾人感覺似整定哂

今日同朋友去咗食"庖丁解魚藍鰭吞拿魚盛宴"兩人套餐嘅食物包括:吞拿魚野菜沙律韓風吞拿魚漬燒吞拿魚鮫同吞拿魚味噌湯四色吞拿魚腩丼雖然今次夾唔到時間睇"庖丁解魚"表演，但食物overall嘅質素係會令人回味嘅！首先四道小菜嚟講吞拿魚野菜沙律有新鮮嘅吞拿魚的沙律菜加上調味醬，食落口的確幾Fresh韓風吞拿魚漬最有驚喜，吞拿魚配上辣汁，加上紫菜湯牛油果，十分惹味燒吞拿魚鮫係四道小食中嘅最愛，燒過嘅吞拿魚鮫入口即溶，魚油嘅香味都好濃最後四色吞拿魚腩丼，有肥美嘅吞拿魚腩，魚蓉油漬魚背，味道同口感都好豐富，配合埋吞拿魚味噌湯味道適中，唔會太鹹總結整個set都不錯，份量足夠，亦帶有少驚喜，期待下次再去嘗試其他菜式。

好耐之前試過太古城呢間北海丼，招牌三文魚籽丼一試難忘，成日心郁郁想再幫襯，奈何太古始終唔就腳，不過最近睇Facebook 見到餐廳又有新攪作，推出吞拿魚二人套餐，價錢仲好抵添$588二人份，於是上星期收工後就拉埋同事去食，７點幾就坐滿晒要排隊，排左10分鐘左右。服務依舊非常親切友善，我哋一行三人叫咗一份二人吞拿魚套餐，當然唔少得我最愛的烏冬丼套餐啦！先講吞拿魚二人前，頭盤有吞拿魚沙律，非常大份，而且赤吞拿魚都多，無呃，野菜顏色鮮綠清鮮，帶一點甜酸沙律汁，好開胃。前菜繼續，有招牌菜韓風醬吞拿魚漬，平時單點要，特別之處在於吞拿魚漬混合芝麻後上面再搭隻鵪鶉蛋，將蛋及吞拿魚攪勻後用紫菜包埋牛油果同吃，牛油果配刺身一向都係絕配，而且牛油果亦熟得剛剛好。主角當然係兩碗丼飯啦！飯碗係用來做迷你丼的size ，配上四色吞拿魚：大吞拿魚腩、中吞拿魚腩、香蔥吞拿魚仲有赤身吞拿魚，新鮮度滿分！經理介紹後，原來餐廳採用原條養殖藍鰭吞拿魚，每隔幾天便購入一條，直接新鮮空運到港，而且每條起碼吞拿魚有60公斤以上，更會於晚市時段表演劏吞拿魚，好可惜當晚冇機會欣賞到，不過還好，下次又有一個理由俾自己去太古城食多次，哈

好朋友幫我補祝生日帶我去太古城中心的北海丼吃晚飯，我們都未去過，就試試吧。我們都點了套餐，感覺上比較抵食，有天婦羅蝦，溫泉蛋烏東，魚生飯，麵豉湯，份量都好多，吃得我們2個都十分飽。炸蝦，不油膩，而且鬆脆，2隻就剛剛好。我最愛溫泉蛋，用來配烏東滑滑的，很美味。一向我都十分愛吃魚生飯，吞拿魚蓉很新鮮。坐位隔得很開，不會跟旁邊的枱很接近，所以跟朋友談天都十分自在。服務也貼心，服務員都十分有禮。今次之後，決定要跟家人再來，讓他們都試試這裡的美味。

聽說太古城有間吃日本水產, 新鮮美味, 特意前來一試。星期一晚餐, 完全不會等位。鴛鴦丼烏冬套餐一個丼可試幾款不同的美食, 誠意推介! 右下的鰻魚天婦羅, 外面脆簿一層, 裏面的鰻魚入口即溶, 非常juicy, 加上濃的鰻魚味, 超正! 胡麻醬溫泉蛋撈鳥冬, 簡單來, 醬料和烏冬配合得很妙, 順滑地溜入口中, 一下子就吃完了! 魚生丼的魚生雖是切粒, 很也很鮮甜, 配合芝麻, 青瓜, 白飯, 鮮味很出。而海蜇沙律和面豉湯, 味道都不錯。感覺上, 這個餐是全店最抵食的! 份量也足够!北海道特選丼為海膽而選擇的。海膽很鮮....給海膽迷的我幸福的感覺! 但當中有一舊是苦的!三文魚籽, 我試過叫整個三文魚籽丼的話, 根本吃不消。如此鮮甜濃味的三文魚籽, 這個份量就够了!美中不足的是小帶子, 加了沙律醬, 令鮮味消失了, 只有沙律醬味, 可惜。北海道特選丼

係呢間鋪開業既時候好鍾意來食，因為呢到既野非常新鮮，而且味道好好。今日來到真係唔多掂。丼飯其中重點一環我相信係飯。呢家啲飯唔係全部日本米，係溝米，變左食落有一種好‘韓’既感覺，然後又係太多水煮，一pat野咁。魚生方面除了每一樣都份量減小好多外，三文魚同白身魚更加係唔多新鮮。海膽則用上較低價既貨色！我相信我唔會再來幫親呢間店。雖然我明白佢價錢無變過，而成本加左既苦況，但我覺得維持質素更為重要，而且呢個價錢已經非常貴，呢個飯索價$298+10%

其實呢個餐都算幾抵食，588加一，兩個人食到好飽，好滿足。此終今日撞唔啱佢即日“刨丁解牛”係有啲遺憾，食落去有好輕微嘅魚腥味同雪氣味。但不影響肉質， 油份充足。 舊魚鮫啲膠質，直頭好似食緊舊超淋既牛筋咁。 雖然已經食到好飽，但梗係爭個甜品埋尾。 講多無謂， 有圖有真相。 個人覺得:魚分開食，啲汁都係留返黎撈菜。呢個韓風吞拿魚魚漬都幾好味，紫菜夠脆， 牛油果新鮮，青瓜絲切到好幼。主角出場喇!魚鮫超多魚油吞拿魚味噌湯

太太相約了一班舊同事於太古，小弟與小友不便敬陪末座，為了方便之後與太太會合，兩父子就乘便來到久違的太古走一走....來到太古城，到誠品逛一會。小友看似今天對書本提不起勁，說不如去吃飯吧....小弟當然亦依他了....今天小弟的選擇，是到這裡吃個海鮮丼....小友暫仍不能吃生的，所以一切甚麼魚生海鮮類別的Don他也沒份吃了。在這裡，除了魚生丼外還有好幾款熟食丼的。好像今日為小友點的這個滑蛋赤豚丼便是了....沒有為之拍照。試了一口炸赤豚，肉算嫩，外皮夠熱夠脆。始終即點即做，滋味自是不同而語的....相反，店自慢的北海三色丼，我個人認為就相當一般....三色丼內的主角固之然是舖了差不多有半碗那樣多的鮮拆松葉蟹肉。入口甜度倒是沒有小弟預計中的那般高，說實在是對之有點失望的；只有一小撮的海膽，幸好沒帶有苦味，不過份量也真的較少；甜蝦是較出色的，頭內仍藏有不少甘香的膏，肉身帶甜糯；飛魚籽相對起ikura始終是差了一班也不止，咬下去那卜卜脆及鮮度爆汁程度實在冇得比；附加的一小塊蛋，入口又冰又硬，吃後不禁要皺皺眉頭....飯本身有下醋，酸度有點太over，不是我那杯茶....有點出奇，這裡的熟食丼似

今日約了朋友去太古城看戲、求其間餐廳入去、趕時間同朋友入左呢度食飯、食物質素好一般、仲要食完個肚有點搞肚唔舒服、一路睇戲一路叫咕嚕咕嚕咁叫、應該係衛生情況有點欠佳、朋友點左呢個佢都話好一般、完全唔覺得新鮮應該係急凍嘅蟹腳拆肉囉⋯⋯仲要唔係啲好靚嘅嘢！我點左呢個餐、一樣有蟹肉一d鮮味都沒有、雞扒炸得ok,只能講正常、唔係外脆內或嗰隻囉一定、有啲乾、晚餐＄200有找唔算貴、但係我寧願食隔離嗰間泰國嘢都係差唔多錢、起碼好食啲、唔覺得好食、超級普通只係放得靚少少、講完最緊要係食完個肚唔舒服呢樣野係最差嘅、一路睇睇電影個肚一路叫一路搞肚！所以我會比差平