北海丼 (已結業)

近排天氣又熱又焗，餐餐為咗食嘢而頭痛。咁啱老細今晚約咗朋友吃飯，剩返我同阿仔……一於去太古城揾食。經常聽到朋友提起“北海丼”呢間餐廳，今晚一於就試一試。我哋order咗一份“招牌北海丼”和一份“迷你吞拿魚丼”賣相相當唔錯。甜蝦、牡丹蝦都非常鮮甜、大隻。鮑魚爽脆，大大片三文魚入口即溶。三文魚子鹹味恰到好處，口感一流。海膽超級正（但如果份量可以再增加少少，就更加perfect啦！）值得一提的是一旁的わさび，食落口完全唔攻鼻，仲有山葵本身的香味，我諗應是新鮮磨的吧！另外一份“迷你吞拿魚丼”，原本以為無乜驚喜，點知……無論是未經調味的魚生切片、葱花吞拿魚茸，亦或是豉油味吞拿魚，三種不同層次的口感一次享受。 正啊！香港食丼飯的餐廳越來越多，但呢間餐廳將會作為我日本丼飯的首選！