北斗

營業中

休息中

太耐冇去旅行，好掛住日本！冇得去唯有食下日本嘢，仲要係日本師傅主理嘅廚師發板🤪 間鋪幾細，坐10個人到，咁師傅就可以照顧晒每一個客人！揀咗中間價錢嘅午餐set個前菜係蘿蔔漬同淮山，酸酸地，再加埋杯冰凍嘅啤酒非常開胃！另一個前菜係凍食好滑溜嘅海膽豆腐 花甲湯冇添加太多調味，飲到海鮮應有嘅鮮甜味，清清地幾好之後上咗幾款刺身都好新鮮，師傅都會提議加邊款調味一齊食會最好食😋 我就最鍾意火炙過兩款，好重魚油好香！跟住就係上天婦羅。頭兩串茄子同魚都係預期中嘅味道，新鮮熱辣炸起一定好食。之後兩村就好有驚喜，係冇試過用天婦羅方法整嘅鮑魚同鴨胸！兩款都非常香口juicy，好出色！再嚟一個煮物都係好驚喜，海膽連龍蝦一齊食就好似有塊芝士喺度咁，好香好creamy！龍蝦煮到啱啱好好，鮮甜爽口！食完濃味嘅天婦羅食飯清淡少少嘅澱粉質，明太子茶漬飯比雜菜烏冬特別，兩三啖就爬晒碗飯！最後食埋柚子雪芭，清清味蕾。今餐非常之滿足！

九龍城多隱世小店係好最以前已經知道,但以前因為交通唔算放便就較少特登黎到附近覓食.但宜家有左屯馬線後一切都變得方便,當然再無借口唔黎呢個美食天堂發掘美食.今次經過呢間外觀充滿日本風既廚師發辦串揚炸物店,入面簡單既一張吧枱,一位日籍主理師父築島先生已經感受到濃列既日本氣氛.午餐一共有三款料理套餐提供選擇,今次就揀左斗 TUSSLE 廚師發板套餐試一試.先付-日式漬物各種清新醒胃既日式漬物先激活一下味蕾,清新一下口腔去迎接之後既美食馬拉松.一共三款漬物有牛蒡,淮山及蘿蔔.三款口感同樣爽脆清爽.蘿蔔清甜,牛蒡爽身帶鹹香,而淮山帶微黐性,味道帶點日式芥末既刺激感.前菜-海膽白蝦豆腐底下既豆腐呈淡黃色,富豆香又帶點蛋香,味道濃濃溫和.配上新鮮既海膽及白蝦,令豆腐增添左一重鮮香.海膽creamy鮮甜又濃稠,再配上甘甜既白蝦令鮮味更昇華.湯-梅子湯清澈梅子湯下藏住一顆梅子,湯頭清香帶微微梅子酸香.飲一啖暖湯後相當舒服又開胃,相當不日本特色既一道湯.刺身-帆立貝/池魚/拖羅/炙燒池魚帆立貝加上少少柚子鹽令帆立貝自身甜味更突出,身澤光鮮,入口彈牙飽滿.池魚相當厚身,肉質鮮嫩肥美而且帶有細膩既魚油甘香.拖

It is not cheap but detail. I like the food. Hoping that we could go again with my friends soon. They have set lunch and dinner. The food is fresh and yummy.

難得中秋節有個長假，訓醒就嚟九龍城食過omakase lunch 先～店內嘅裝修風格係日本餐廳一貫嘅典雅骨子。當日雖然係平日，但lunch 時間都好多客人book 定位食。我哋揀咗個$680嘅set.冷盤 - 淮山漬，蘿蔔漬，酸酸地幾好味！前菜 - 豆腐海膽賣相成件蛋糕咁，豆腐有好濃嘅海膽味，好特別！湯 - 大蜆清湯果然好清澈，蜆肉都好大粒，入口清甜～刺身4款：北海道帶子刺身 - 同一般嘅帶子唔同，形狀比較不規則，師傅洒左啲柚子鹽調味，入口好清新～深海池魚 - 魚肉好剔透，夠新鮮！火炙魚 - 好香口，魚味濃！燒拖羅刺身 - 用紫菜包住油感嘅拖羅，一啖食落口超正！之後就嚟到以炸物嘅環節，亦係呢個omakase 嘅主題。有炸茄子，沙鮻魚，炸鮑魚同鴨胸肉，每樣炸物都食得出係高水準之作，啲炸粉好薄，入口香脆但又唔油，讚！熱盤 - 海膽火炙龍蝦，龍蝦肉好彈牙，加埋海膽嘅鮮味冇得彈～主食 - 野菜烏冬，夠大碗，唔使擔心唔夠飽。最後由甜品柚子雪芭作結～好滿足！

今日小弟同女友人黎左九龍城食傲媽加些, 經朋友介紹下黎左呢間我之前食過既hamataki隔離既北斗日本餐廳. 佢內裝簡潔自然... 食物都幾尚盛！ 有精美前菜，海膽豆腐，大蜆湯，北海道帶子，納魚，紙菜包拖羅，天婦羅鴨胸，班塊，矮瓜，鮑魚, 熟食有半熟龍蝦伴海膽同明太子茶積飯.. 甜品就有好香口既柚子雪芭. . 佢呢個omakase既主題係天婦羅炸物, 所以試到好多罕有既炸物例如鴨胸，班塊同鮑魚.. 佢d炸物真係名不虛傳.. 所有天婦羅d粉都岩岩好唔厚同埋炸到金黃色好有水準. 味道方面我最深刻係佢個海膽豆腐, 佢係連個豆腐都入晒海膽黎做超creamy同greedy . 個柚子雪芭都好正. 但真係要襯凍食，因為佢就真係溶得好快, 而味道真係酸酸甜甜咁好正..

九龍城一向多好野食， 今日黎到九龍城既北斗食Omakase!非常興奮。餐廳由日本師傅打骰，而裝修骨骨子子，坐得幾舒服～叫左＄680中間價錢既午餐～有前菜，湯，炸物，主食，熱食，甜品等等～ 第一道～刺身蝦蛋豆腐果然十分驚喜，第一次食類似既前菜，刺身蝦味道濃郁配合蛋豆腐淡香， 豆腐既結實，口感卻軟軟，加上蝦香味，滿分創意及好吃的前菜！ 梅子湯～同樣比較罕見湯品，鹹湯配梅子卻又是大家意想不到，卻非常配搭及開胃的組合。 之後要吃刺身啦～八爪魚刺身～口感豐富淡香八爪魚 好煙韌 真鯛～刺身非常新鮮，魚味甜及濃味 炙燒拖羅～燒過既拖羅油香超濃，配紫菜吃入口即溶 生蠔～手掌般大的生蠔，鮮味及海水味都非常濃，一口吃下十分滿足！ 炸物方面， 先有炸茄子炸皮厚度十分平均而且薄， 吃起來外脆內軟， 小心燙到咀啊～ 炸螺頭～再次出現創意十足的組合，卻意想不到的好吃 炸希靈魚～脆皮肉軟多汁的炸魚，從來都是非常受歡迎的！ 熱食方面～大主角要來了海膽上湯龍蝦球！～海膽是非一般的size。入口即溶，甜品及鮮味久久未有揮發留在咀裏。龍蝦球彈牙肉爽，鮮味之王！ 甜品是時令柿子，配合中秋，氣氛一流～

近年發現九龍城多左好多出色嘅日本餐廳，呢間只係開左幾個月，但口碑已經好好，決定黎會一會佢～今次揀左680嘅中價位，一黎到已經有一位日本師傅招呼，會好細心事先同我地介紹唔同醬料嘅味道第一道菜已經令我驚豔，係刺身蝦豆腐，一入口濃烈GE蝦味已經衝擊住成個味蕾，佢個豆腐融入左蝦嘅精華，仲隱隱滲透柚子嘅清香，加上蝦刺身鮮嫩爽滑嘅口感，真係好掛住之後係一碗梅子清湯，飲落好清香，不太酸，正好清清味蕾迎接之後嘅四道刺身首先係北寄貝，好大塊，而且食落爽口鮮香，本身醃漬過，唔使點任何醬油都夠味之後係鯛魚，食落魚味香濃，質感唔鬆散，真係好回味跟住係拖羅！經過火炙油脂滿滿，更加能夠突出拖羅嘅馥郁，用紫菜包住增加到層次口感生蠔真係望落都知飽滿，個調味有花椒，滲出淡淡麻香，一啖吞哂落肚呢個omakase比起出面唔同嘅係佢有唔少炸物菜式，仲要用好多特別嘅食材首先係炸茄子，估唔到用炸嘅方式烹調咁夾，真係做到外脆內軟，好juicy跟住係海螺，炸漿夠薄，螺肉好爽口之後係魚肉，裡面仲保留到魚汁，點D檸檬椒鹽食更加鮮美呢道係鴨胸，第一次試呢種食法，勁厚肉！！而且仲有陣煙勳香氣差不多黎到尾聲，上左一道熱食，係龍蝦球加火炙海膽

公司位於九龍灣，最近先知九龍灣去九龍城只係十分鐘內咋！而九龍城餐廳林立，主要有泰國同日本餐廳。相反，九龍灣可謂遜色不少。最近我同一班同事都考完專業試，我地決定一齊食好野！今次揀左主打串揚omakase既北斗。比起一般omakse，北斗既omakase以串揚同刺身為主，午市omakase有三款，分別係北（$480)、斗（$680）、極（$980)。今次我地試左中等價格既「斗」！- 前菜前菜係蟹膏豆腐配蝦刺身，而蝦刺身上面有金箔作點綴。豆腐滲透出蟹膏嘅味道，口感依然香滑。- 湯入面有兩大粒蜆，湯唔係一般麵豉湯，味道清甜得多😚- 刺身刺身一共有四款，包括北海道帶子、深海池魚、火炙大拖羅同生蠔。其中北海道帶子同火炙大拖羅印象最深刻🤩北海道帶子每人有兩件，每一粒非常飽滿，配上柚子汁更突出帶子既鮮甜甘香，清新怡人。火灸大拖羅絕對係今餐既主角👍🏻，肥美程度非筆墨所形容。首先拖羅完全無筋，而且經火炙後魚油逼曬出嚟，入口嗰下拖羅已經係口中融化。柴菜包住拖羅増加香脆既口感，可謂錦上添花😍- 串揚串揚既炸粉輕盈薄身，隱約見到食材嘅顏色。串揚既食材包括千兩茄子 、希靈魚、沙椎魚同煙鴨胸😙。食材味道依然保持原汁

朋友介紹黎九龍城試omakese 十個位左右主要由日本師傅上菜同用介紹 揀左中間價既lunchset 首先上左醬汁同前菜 係蘿蔔漬同食落有少少山葵味山藥 仲有件好滑溜既海膽豆腐睇前排d食評個湯係梅子湯 幻想緊唔知會唔會唔岩口味 但打開個湯見係花甲湯即刻執到寶咁🤣 清清地既鮮味 輕鬆飲晒成碗唔會覺得咸刺身low fish 帶子 - 師傅話已經調左少少味 加左柚子碎 建議就咁食/加豉油wasabi 試左兩個食法都係比較鍾意後者 之後幾款師傅講左個英文名我無特別記低搵番個中文名喇 不過兩款火炙既魚都好香魚油 用紫菜包個款個味好夾 (本身我唔夾鍾意就咁用紫菜包海膽食 覺得搶味同乾 依個重味+油就好ok平衡到)串揚 fried skewers 師傅睇住我地食既速度逐串炸 每串都係炸起即刻擺上每人面前塊麵包吸吸油 炸漿好脆好薄 茄子天婦羅魚天婦羅鮑魚天婦羅鴨胸天婦羅合肴 small bowl 本身無特別期望個煮物係咩 諗住串揚已經係戲肉 點知有驚喜!!! 一黎賣相靚 二黎龍蝦好大舊 應該只係半熟 爽口彈牙 三黎連埋微微火炙過既海膽食就好似加左芝士咁 多左份creamy既口感 食事 meal二揀一既

對自己好一點系列慢慢omakase兩小時，食物讓我快樂！午市分別有三款，$480「北」，$680「斗」，$980「極」。下面介紹的是「斗」，八樣類別，共十四道食物。隨後有五款醬汁讓客人隨心意地配搭，有檸檬柚子芥末、芝麻醬、白豉油芥末、炸物汁、胡椒鹽。食完一道接一道，日本師傅築島介紹到聊天，記得食到刺身第二道時他問我 “you happy?” 我好肯定地回答 “yes”，然後忘記為口裡的深海池魚拍照……人均：$748.先付-淮山、蘿蔔蘿蔔開胃，淮山好特別，黏而口感帶爽，淡淡Wasabi令淮山容易入口。.前菜-海膽豆腐十分透心涼，質感滑而厚實，海膽好鮮。.湯-大蜆湯蜆肉肥大，加點蔥花，清甜順口。.刺身-柚子帶子、池魚、火炙魚、拖羅卷柚子令帶子鮮味再出，池魚入口鮮美，充滿口腔，後者兩款火炙方法令魚脂感更豐富，爆發在口腔。.串揚-茄子、沙錐魚、鴨胸、鮑魚食完一道即炸另一道，所以每口都熱辣辣，鴨胸串揚第一次食，好驚喜，給十分，而鮑魚，師傅說將熟成的調味，炸完不用醬汁都好好食，確實是，彈牙有飽魚味！.合肴-龍蝦海膽龍蝦半生熟配上海膽，層次豐富。.食事-烏冬/湯飯選擇了野菜烏冬，去到這裡，已經很滿足

第一次食OMAKASE, 食完先知這店是主打串揚.晚餐，三千六有點貴，同埋太飽，下次不叫「極」叫「斗」。海膽豆腐大蜆湯北寄貝池魚灸燒池魚腩拖羅卷生蠔櫻花蝦希靈魚串揚沙椎魚串揚炸螺炸慢煮鮑魚炸蝦串揚鴨胸串揚海膽龍蝦燒龍蝦(因召喚師不食牛)燒和牛茶漬飯時令柿子

店子不大，座位有限，但時令美食非常新鮮，由第一至最後的菜式，均是非常有水準，用心的烹調和詳盡的講解，滿足了味蕾的享受，和豐富了對食材的瞭解，總括而然，多謝築島先生和陳先生的款待。店内は小さく、席数も限られていますが、旬の食材はとても新鮮で、最初から最後まですべてが定番で、丁寧な調理と丁寧な説明が味覚を満足させ、食材の味わいを豊かにしてくれます。一言で言えば、つくばさんと陳さんのおもてなしに感謝します。

Omakase令人愛上既原因係因為有驚喜，今次專程黎到九龍城呢間小店原來小店係日本師傅主理，好期待呀北斗有 3款 Omakase供應，我就揀左中價果個包括左前菜、湯品、刺身及炸物各4款，熱食，主食同埋甜品前菜係海膽蟹羔豆腐，上面舖左海膽同刺身蝦肉個豆腐味道好濃郁又好滑，好驚喜既味道之後就會上個湯清一清口腔裡面濃濃既味道係梅子湯，咸咸酸酸既味道都幾特別之後就會上刺身，4款刺身分別係鮮北寄貝、拖羅、生蠔，另外一款我唔太肯定，但魚味好香4款刺身都好新鮮之後就到炸物，分別有炸希靈魚， 煙鴨胸，魚仔同蟹鉗我覺得炸希靈魚比較特別，而且佢地會配上特別既醬汁食用，味道豐富之後就會有一款熱食，係上湯龍蝦球，係真龍蝦肉黎好彈牙，配上呢款上湯食味道都唔錯最後就係主食，我就揀左 烏冬，最後會上埋甜品甜品係蜜瓜喔，個蜜瓜好甜，好完滿既一餐

最近九龍城開左間新日本餐廳，嗰日放假就約咗朋友去食lunch😋Lunch menu有三款，我就嗌左 $480 嘅「北」餐～ 枱面放左幾款唔同嘅醬料，可以根據自己嘅口味配搭返。蕃茄菠菜配芝麻醬 — 好似件藝術品咁，將菠菜壓成一柱，再將蕃茄切成一口size，點埋芝麻醬食就好開胃柚子味帶子 — 師傅將帶子𠝹開條紋，再掃上柚子汁，令整隻帶子都有柚子嘅香味。我自己就覺得唔洗再點側邊嘅豉油，唔係嘅話反而搶左佢嘅鮮味吞拿魚刺身 — 雖然呢舊刺身唔算好肥美，但其實幾啱我口味，少啲脂肪反而食得出魚嘅味，唔會食到成口油火炙深海池魚 — 呢舊係我咁多道菜中 最喜歡嘅一碟✨ 刺身輕輕一燒，帶出好香嘅魚油，上面再放左啲蟹子，食落口有爆汁嘅感覺炸魚春串 — 炸得香脆，而舊魚好有咬口，食落好彈牙，配埋沙律醬同木魚食，好有大阪風味🤣食到咁上下，最後以日本蜜瓜作結，超級香甜、軟熟同多汁🍈👍🏻👍🏻

呢間位於九龍城嘅小店主打串揚，午市嚟食Omakase，服務好而且好有日本感覺。全程由日本師傅主理☺️揀咗$680啲餐😍先付、前菜、湯、刺身、串揚、合肴、食事、甜品▶️海膽豆腐面上有海膽同魷魚，非常鮮味，豆腐充滿海膽味，賣相靚味道好！▶️梅子湯開頭睇落去好似一粒雲吞，但係其實係一粒梅子，味道酸酸甜甜，好開胃～▶️北寄貝刺身呢一隻北寄貝夠新鮮，爽口鮮甜▶️白身魚肉質爽爽地，幾厚身！▶️拖羅厚切，魚油夠多，好肥美！▶️生蠔🦪好肥美，夠creamy鮮甜帶有海水味▶️希靈魚串揚估唔到希靈魚串揚外皮脆，入邊希靈魚卜卜脆，口感幾得意~▶️鴨胸串揚鴨胸味好濃郁，夠林，炸咗幾好食！▶️沙鯪魚串揚魚肉肉質林滑，炸到成條都食得▶️海膽蟹鉗配上海膽好鮮味，蟹鉗肉幾鮮味，炸蟹鉗好好食！▶️龍蝦肉龍蝦半生熟，口感幾爽，面上有蔥花更香▶️野菜烏冬食完已經相當夠飽～▶️日本蜜瓜🍈好甜好好食～完滿嘅一餐